ياويش رجل عادته ينزل الضيق =هو حاكم ومحكوم في بعض الاحوال
وكم مرتن شفته تسبح من الريق=وياكم شفته في هاك البير ميال
امه تصد عن الرماه الدفافيق=وتصل الخبر قدام ماضين الافعال
ياكم جذبته في طوال المسابيق=وياكم أخذ باصحابه اقفاي وأقبال

اللغز مدفون الهدف بالطواريق = اللي سكن بالبير مطوية الجال
وردن عليه المحكمات المواثيق = إنه عيار الزيت للزيت مرسال

خالد اللهيبي حياك الله وهذي رمعة على عجل
يمكن تصيب ولا غير ذلك :


اللغز مدفون الهدف بالطواريق=للي سكن بالبير مطوية الجال


وردن عليه المحكمات المواثيق=إنه عيار الزيت للزيت مرسال

خطك وصلني زود القلب تشويق=من بعدها هذا جوابي وفالحال
الحل مايقبل على اللغز تطبيق= عيد النظر فالحل ياطيب الفال

يامرحبا ترحيبة تبعد الضيق = نلقابها لاحجّر الفكر مدخال
والمكحلة والميل عند الغرانيق = سودٍ محاجرهن بعد سوج الاميال

المشاركة الأصلية كتبت بواسطة نافع الحربي (المشاركة 525296) خالد اللهيبي حياك الله وهذي رمعة ثانية يمكن تصيب ولافيه رمعتين غيرها يامرحبا ترحيبة تبعد الضيق = نلقابها لاحجّر الفكر مدخال والمكحلة والميل عند الغرانيق = سودٍ محاجرهن بعد سوج الاميال

للمجتهد نطلب من الله توفيق=لابد ياتي للصعيبات حلال
والمكحله تزهى على العين وتليق=لكنها للغز ماجات في جال

ودي يطول الوقت والحل ماذيق = ناخذ ونعطي مع هل الطيب بمثال
أخذت أنا واللغز جلسة وتحقيق = يقول أنا عُودٍ بالاسنان يجتال