|
يامدور الأبطال حسين موجود
الموقف النبيل للشيخ حسين مريع العبيدي لتنازله في حادث وفاة ابنه موقف نقدره وليس غريبا على الشيخ حسين العبيدي ,حيث سبق وأن عمل نفس الموقف .
نتمنى من الله العلي القدير أنه يعوضه خيرا وأن تحتسب هذي المواقف في موازين حسناته ((انا لله وانا اليه راجعون)) ونهديه هذي القصيده المتواضعه: ((يامدور الأبطال حسين موجود))
سلام مني كل مانسنس النـــــود = ينصى حسين الشيخ رجل المواجيب ((محمد بنيه الحربي ماجد عبدالله العيساوي))شيخ وميقافه على الـــطيب معـهود = شيخ منزه عن هل النقص والعيــب ماهو غريب الجود من راعي الجود=أنت الشجيع اللـــي لك العز والطيب يامدور الابطال وحســين موجود = بطــــولتــه مادونــــــــوها الكتاتيـــب شهم شجيع مثبت القول بشهود = تصغر بعينه معضلات المصاعيـب نفداك يابيت على العز مشدود = حســـــــــين ذيب وجابه مريع الذيب راسي وثابت كنه طويق ويزود = صقــــــرالعمــــوروماقعه في المراقيب كفه نديه بالكرم مالها حــــــدود = انصا حســين ولا يــــــــــرد المطاليــب نقولها وان صكت العــــود بالعود = حنا يمــينك بــــرد ولا مـــــــــلاهيــــب يالله ياللي عندك الخير معبود = يامطلــــــع ياكاشـف الســـــر والغــيب أنت الذي منك العوض حبل ممدود= عـــــــوض عليه وصبره دون تحسيب |
ماجد العيساوي اهلا وسهلا بك في ملتقى الطيب والترحيب صح لسانك عساك غانم وسالم تحيتي |
اقتباس:
الاخ ماجد عبدالله العيساوي الاخ محمد بنيه الجرارى اشكركم جزيل الشكر على قصيدتكم الموجهة الي وشعوركم نحوي واليكم هذا الرد المتواضع ارجو قبوله مع المعذرة
اعداد نبت العشب في اجبال وانفود = واعداد وبل الغيث مني تراحيب ترحيب صافي جاك يالصقر من زود = تقديرنا للي يعرف المذاهيب اليوم جاني خط والخط محدود = بنيه على الطيب ولابه عذاريب امفقده راعيه من كل منقود = موزون ومقفى وحلو المشاريب جاني وانافكري مشتت وملهود= واستر بالي يوم شفت المكاتيب لعلني ماعدمك ياسلالة احمود = ولااعدمك يامحمد طويل المخاليب وانا ترى وقت الطلب عد مورود= مع الاقاصي قبلكم يالاقاريب مالي مطاليب (ن) ولا لي مقصود = الا لمن يسمع دعا العبد ويجيب الرجل يبذل للوفا كل مجهود=ويسعى على نيله بكل الا ساليب ويصبر على الشدات والصبر محمود=وتر جزا الصابر علو المناصيب وامر الله ليا حل ماعنه مردود=عمر الفتى محدود والصايب يصيب |
كفو والله يالعيسآوي ويآ محمد ..
مآقصرتم ومآقصر الذيب.. عسآكم على الطيب تبقون لاعدمنآكم.. صح لسآنك يالعيسآوي.. وصح لسآنك يآخآل.. لاعدمنآكم على العز والطيب.. ودي وتقديري.. علي العبيدي.. |
انا لله وانا اليه راجعون
اسأل الله ان يعوضك خيرا مما اخذ منك اخي حسين وهذا الموقف الذي لايستطيعة الا النادر من الرجال والكرم والعفو من شيم الرجال امثالك الرجل يبـذل للوفـا كـل مجهـود ويسعى على نيله بكـل الا ساليـب ويصبر على الشدات والصبر محمود وتر جزا الصابر علـو المناصيـب وامر الله ليا حـل ماعنـه مـردود عمر الفتى محدود والصايب يصيب وعزالله انك كفو قول وفعل بيض الله وجهك |
اخي العزيز الفاضل عبدالله الفريدي
لايسعني الا ان اقدم لك الشكر كل الشكر على هذا الشعور النبيل الذي ان دل على شي فانما يدل على رجولتكم وصفاءمعدنكم و نقاء قلوبكم حفظكم الله من كل مكروه وتقبلوا خالص التحية والاحترام |
عظم الله اخوي حسين اجركـ ،
واحسن عزاكـ نسأل المولى عزوجل أن يغفر لفقيدكم ما تقدم من ذنبه.. وان يسكنه نعيم جناته نعم المولى ونعم النصير .. اللهم امين .. |
صح لسانك يالعيساوي وصح لسانك يابن مريع
7 7 واول مانقول الله يعوضك خير ياحسين بن مريع 7 7 وبيض الله وجهك بياضاا يشيع مع كل ريع والله انه هذا فعل الرجال الصناديد الشجعان وتستحق عليه الشكر والتقدير وابشر بخير من الله والله لايضيع اجر من احسن عملا0 اخي يبقى الرجال الاوفياء اوفياء والكرماء كرماء طال الزمان اوقصر وعندما ترى مثل هذه التصرفات الرجوليه الشجاعه مثل فعل الاخ حسين يبقى عندك الامل فالخير الباقي في الناس 0 جزاك الله خير وعز الله ياحسين انك تستحق كل خير0"" |
سلام مني عـد مـا هبـت النـود=ينصى حسين الشيخ رجل المواجيب ((محمد بنيه الحربي ماجد عبدالله العيساوي)) شيخ وميقافه على الطيـب معهـود=شيخ منزه عن هل النقص والعيـب ماهو غريب الجود من راعي الجود=أنت الشجيع اللي لك العز والطيـب يامدور الابطال وحسيـن موجـود=بطولتـه مادونـوهـا الكتاتـيـب شهم شجيع مثبـت القـول بشهـود=تصغر بعينه معضلات المصاعيـب نفداك يابيت علـى العـز مشـدود=حسين ذيب وجابه مريـع الذيـب راسي وثابت كنه طويـق ويـزود=صقرالعموروماقعه فـي المراقيـب كفه نديـه بالكـرم مالهـا حـدود=انصا حسين ولا يـرد المطاليـب نقولها وان صكت العـود بالعـود=حنـا يمينـك بـرد ولا ملاهيـب يالله ياللي عنـدك الخيـر منشـود=يامطلع ياكاشـف السـر والغيـب أنت الذي منك العوض حبل ممدود=عوض عليه وصبره دون تحسيـب الاخ ماجد عبدالله العيساوي الاخ محمد بنيه الجرارى اشكركم جزيل الشكر على قصيدتكم الموجهة الي وشعوركم نحوي واليكم هذا الرد المتواضع ارجو قبوله مع المعذرة
اعداد نبت العشب في اجبال وانفود=واعداد وبل الغيث منـي تراحيـب صح لسانك ياماجد العيساوي وصح لسان الشيخ الشاعر الجزل حسين بن مريع العبيدي والله يخلف عليه ويعوضه ترحيب صافي جاك يالصقر من زود=تقديرنـا للـي يعـرف المذاهيـب اليوم جاني خـط والخـط محـدود=بنيه على الطيب ولابـه عذاريـب امفقده راعيـه مـن كـل منقـود=موزون ومقفى وحلـو المشاريـب جاني وانافكري مشتـت وملهـود=واستر بالي يوم شفـت المكاتيـب لعلني ماعدمـك ياسلالـة احمـود=ولااعدمك يامحمد طويل المخاليـب وانا ترى وقت الطلب عـد مـورود=مـع الاقاصـي قبلكـم يالاقاريـب مالي مطاليب (ن) ولا لي مقصـود=الا لمن يسمع دعا العبـد ويجيـب الرجل يبـذل للوفـا كـل مجهـود=ويسعى على نيله بكـل الا ساليـب ويصبر على الشدات والصبر محمود=وتر جزا الصابر علـو المناصيـب وامر الله ليا حـل ماعنـه مـردود=عمر الفتى محدود والصايب يصيب ويلهمه الصبر والسلوان ولله ماخذ ومااعطى وهذا الفعل ماهو غريب على ابو مريع وهذا هو ديدن الخيرين والكرماء امثاله جزاه الله خير الجزاء وجعله في ميزان حسناته وبيض الله وجهه يوم تبيض الوجيه |
صحت السنتكم
وعظم الله لك الاجر اخوي حسين مريع والله يصبرك وهاذ الابداع ليس غريب عليك شاعر جزل مافيك حيله تقبل مروري تحياتي لك |
الساعة الآن 08:03 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir