الله وأكبر يازمان الصـواديـف
 

السلام عليكم ورحمة الله وبركاته

هذي مجاراة للشاعر خالد السحيمي في قصيدة له ، يقول في مطلعها
اللي عزمك وحطك بمنزلة ضيف
ياكبـر ذنبـه في نهـار القيامـة

جاريته بالأبيات التالية

الله وأكبر يازمان الصوادريف
يا كبرها كبراه مـوت الكرامه

هذي نهاية من عزم له مخافيف
لابـد مـايجني بعـدها النـدامــه

حرام في مثلك تسوى معاريف
هذا جزاء المعروف يابو دلامه

ياليت بوجيه الخبول الملاقيف
من الـولاده حـط ربـي علامـه

يعرف بها الملقوف ماينعزم ضيف
حتى تميـز من يقـل أحترامـه

لا بارك الله في صحون مذاريف
يكرم بها ضيف الزرا والندامـه

لحق المعزب من وراكم تحاسيف
قيمة عشاء شرواك تحسب غرامه

ياطـرش هيا للبحر بالمجاديف
كل على ماقيل يعـرف مقامـه

جعلك مهف اللي بعد راح ماشيف
لا لاحقك شرهـه ولا من ملامـه

صح السانك يالبيرق

مجاره رائعه يالقرم

لك خالص شكري وتقديري

للضيف حقوق في الاسلام وعند العرب
اللقاء الجميل بالترحيب وطلاقة الوجه والاكرام بالمستطاع
وعليه واجبات احترام مكان المضيف وعدم مد عينيه في زوايا البيت
ويمينا ويسارا وكتم ماسمع من احاديث والتغاضي عن بعض التقصير
والثناء على المضيف عند الناس وعدم التنقص مما قدم له من طعام وشراب
وكلا من الضيف والمضيف يجب ان تحفظ كرامته
اتحفظ على ( طرش البحر )
القصيدة يستحقها من لايلتزم بآداب الضيافة المتعارف عليها
عند الناس
البيرق
غفرالله لي ولك وسددنا في الاقوال والافعال

صح بدنك اخوي أحمد
ماعليك زود
الله يعطيك العافية
تحياتي

صح بدنك يابن غانم
والله يسلمك ياغالي
الله يعطيك العافية
تحياتي

صح بدنك ملايين
الله يعافيك ووجهك أبيض
تحياتي

توجيه وإرشاد ، وتحفظ وتأييد ودعاء طيب من رجل طيب كل ذلك في قالب من النقد البناء
اللهم آمين وإياك أخوي حسين غفر الله لنا ولكم
الله يعطيك العافيه
تحياتي

صح السانك قصيده من عيون الشعر
يعطيك العافيه تحياتي وتقديري لك