يا كم كسرة صداها آه = صابت مواجع من المضنى
واحد يغني على ليلاه = و آخر زنيفه على معنى

يا ليل كم طال بي مسراك = حتى بلغ مطلع الفجري
يا ليل طول السهر واياك = كله رجا ليلة القدري

لا و الله الا غدينا أغراب = من يوم ما لاح فينا الشيب
أنكر علينا هوى ثلاب = كن الموده علينا عيب

يا رب تعلم سبب شكواي = من دون ما اقول كيت و كيت
الهم أضعف شديد قواي = ما حيلتي غير ليت و ليت

من كثر ما قالوا الشعار = بي خوف تكرير ما قالوا
و لا ينقبل مني المعذار = و احرج ليا منهم سالوا

الحب هملي و لا له ضد = و اهل الهوى ماشيه طوعه
ما منهم اللي جعل له حد = و يجزاه في الهجر و اللوعه

ما دامه الحب متواجد = في ساحة أهل الهوى نزّال
ما في المحبين متقاعد = كل ٍ على شقوته ما زال

اللي تميز به الكسرات=عما سواها من المنظوم
أغصانها شبه توقيعات=حاكم يوجه بها محكوم

مسكين يفخر بلبس الكاب=ويفرح ليا قلتله كابتن
مسوي هيامة على الشياب=شكله خواجة ولا يرطن

سؤال ترجى إجاباته=من واسع المعرفة هودار
الود هو الهوى ذاته=و الا الهوى يختلف في الكار