ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى المقتطفات الشعريه الشعر الفصيح والزواميل واالقصائد المنقولة (http://www.m-harb.net/vb/forumdisplay.php?f=99)
-   -   ابيات مختاره للشاعر سعد المحمدي (http://www.m-harb.net/vb/showthread.php?t=155084)

سعد المحمدي 28-06-21 02:20 AM

‏لقيت في مركز كرونا يابو زيد
عمهوجتٍ تمشي على روس الاقدام

تقول فيها قيد لو مابها قيد
الردف نابي والحشاء تقل منظام

قالت تعاني من مرض غير كوفيد
قلت الله الله حب حلوات الاجسام

خشف البنات اللي بهن منك تحديد
مايحمل العاشق مناقيد وآثام

سعد المحمدي 03-07-21 08:46 AM

ابو العجوز اللي بفعله تباها
بعيد دور غير فعله لك افعول

عطيتك اللي لاتعقب وراها
الباب خله دونها عام مقفول

مفتاح سر لسالفه في حشاها
قيس المسافه وضرب العرض بالطول

واللي مايفهم كلمتي وامغزاها
لسالفه لايحط جنحان ورجول

فهد ابن غانم 03-07-21 11:10 AM


صح الله لسانك
ولاهنت
وسلم فكرك وبنانك
دمت برعاية الله وحفظة


سعد المحمدي 23-07-21 11:42 PM

امسي بري واصبح من الناس متهوم
في دم علياء بعد مامات ابو زيد

والمتهم يبقى بري شرع وسلوم
حتى تتم ادانته يالاجاويد

برطمك ياللي تنفخ الجمر مشروم
حاولت اخيطه وانشرم رابع العيد

خذ علم مابعده وماقبله علوم
عليه خذ مني وثيقه وتاكيد

الروم شرهتها على عاقل الروم
ماترمي الشرهه على عاكس السيد

سعد المحمدي 30-07-21 06:07 AM

الشاعر اللي بالقصيد ايتسول
امر وادها من تسول بالاسواق

اهم شي من الشحاده يضول
على حسابك يالكرامه والاخلاق

اغلب قصيده بالمحافل مقول
مايستحي كذبان من خلط الاوراق

بالناس والايام صاير تحول
صوب الخبول اشوف تنعاج الاعناق

سعد المحمدي 10-08-21 08:40 PM

السفرجي قام يكذب يوم جاله مجال
يكذب على ناس يوم الحرب ماهي معه

ايام حفر الخنادق في سفوح الجبال
خلف الخطوط الاماميه يصف اربعه

يالقهوجي منت معنا في نهار القتال
في عزبة القايد صحونك لها قرقعه

ياساتر الحال تستر لايطول الجدال
ماودي اكشف علوم ٍماضيه واقنعه

سعد المحمدي 30-08-21 04:40 AM

ياليت ما رب الخلايق كتبها
لقمه تحورها على الكبد علقم

تفلتها يوم المعزب حسبها
علي كبر النير واغلى من الدم

ياللحيه اللي عيبها من شنبها
لناس عادات وتقاليد وشيم

من لايميز راسها من ذنبها
بضاعته بالسوق ماقلت من كم

نفسي عيوف وكل جزله طلبها
عن الطفايس تكرم النفس واكرم

يالعالم اللي فاقده نص ادبها
ماهي كذا حمر النعم تارد الجم

سعد المحمدي 30-09-21 08:50 AM

ان جاك فاسق في خبر يابو وليد
رده على سنة محمد والكتاب

لاقام يضحك لك مثل ضحك البليد
ويحط وسط الورد من ريش الغراب

لاتعطي الكذاب يالراس العنيد
مجال يظهر ماخزن جوف العياب

عن يارباح مضير بيوت القصيد
قفلت عشر طياق مع عشرين باب

مجادل المسكين ماظنه يفيد
مهما يقول انه على حق وصواب

سفه السفيه علاج بالطب الجديد
ويكفيك من بعض التشره والعتاب

سعد المحمدي 08-10-21 07:12 AM

نصايحك فيها طال عمرك من التظليل
نصايح معمم بالنجف ينصح الشيعه
ورى محرف التورات ومحرف الانجيل
اشوفك تحث اخطاك ومجدد البيعه
ليا شفت فينا عيوب ياراعي التطبيل
تكلم بعال الصوت واشرف على ريعه
نجوم السماء من دونها يقصر الدربيل
سمعت الكلام الذرب يامطوع الضيعه

سعد المحمدي 14-10-21 03:16 AM

ياتبوك الورد حبك بعد حب الحجاز
عشقي الاول عساها مراويح المزون

ديرة ٍ فيها بنينا على الساس العزاز
البيوت الشامخه والمتارس والحصون

مانزلنا غرب يثرب بحيله وابتزاز
غير باللي تقطع الراس من حد المتون



الساعة الآن 03:23 AM

Powered by vBulletin® Copyright ©2000 - 2022, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi