|
ديوان الشاعر / خالد عبيد بن معتوق الاحمدي ( صقر المراقيب )
/
/ / / / / / / / / / / /
ياحافظ القرأن رتّل بيانه=امّا مقام الرّصد ولاّ حجازي اقراه وارقى فيه لعلا مكانه=جوّد ورتّل وانت لبليس خازي خلّ الذي يسمعك باله واذانه=تصغي على قوّة بعيد المغازي لوهو معه شيطان زاده شطانه=يعلن بها توبه ومن تاب فازي تنزيل ربٍ جلّ قدره وشانه=أيآت محفوظه وفيها احترازي مرسل بها جبريل وادا الامانه=للي مأديها من ارض الحجازي للهاشمي جاته بمنطق لسانه=حكي العرب ماهو بمنطوق نازي واللي تدبّرها بيمانه امانه=مايشوف ضيم ودايماً بعتزازي وياحضّ من له وردّ يسهر عشانه=يقرا مقام الرّصد ولاّ حجازي الشّاعر / خالد بن عبيد بن معتوق ألأحمدي |
ياحافظ القرأن رتّل بيانه=امّا مقام الرّصت ولاّ حجازي اقراه وارقى فيه لعلا مكانه=جوّد ورتّل وانت لبليس خازي خلّ الذي يسمعك باله واذانه=تصغـي على قوّة بعيد المغازي لوهو معه شيطان زاده شطانه=يعلن بها توبه ومن تاب فازي تنزيل ربٍ جلّ قدره وشانه=أيآت محفوظه وفيها احترازي مرسل بها جبريل وادّا الامانه=للي مأدّيها من ارض الحجازي للهاشمي جاته بمنطق لسانه=حكي العرب ماهو بمنطوق نازي واللي تدبّرها بيمانه امانه=مايشوف ضيم ودايماً باعتزازي وياحضّ من له وردّ يسهر عشانه=يقرا مقام الرّصت ولاّ حجازي الشّاعر / خالد بن عبيد بن معتوق ألأحمدي |
كثرة ذنوبي بحاضرنا وبالماضي=ياغافر الذّنب يااللي تقبل التّوبه الشّاعر/ خالد بن عبيد بن معتوق ألأحمديالامر بامرك وكلّ اللي تبي ماضي=يامجري الكون حسب اقدار مكتوبه يااللي لحقّه ماهو محتاج للقاضي=لاداء حقّه جميع الخلق مغصوبه ياجامع النّاس في يومٍ لتقتاضي=ولا ريب في ساعةٍ ماهي بمكذوبه والجنّ والانس ماخلقت على الفاضي=إلا لعباده تجي برغوب وارهوبه يامقسّم الرّزق للخسران عوّاضي=عدل القضا واللي تحاربك مغلوبه واللي لجا في حماك ايعيش به راضي=ونفسٍ عليها غضبك اتعيش منكوبه يارب خالد دعا والدّمع فيّاضي=مع ابتهاله دموعه جات مسكوبه ولك الثّنا بالدُّعا تصدقبه الفاضي=لاتخيّب اللي دعا واعطيه مطلوبه في رحمتك تجعله ياربّنا حاضي=تغفر ذنوبه ولا تجزاه بعقوبه مادام عبدك عن اهل الذّنب متغاضي=يعفي عن النّاس وانت اعفي عن اذنوبه صافي ضميره ماهو بنسان غلاّضي=مايحمل الغلّ لو يفرض له اوجوبه الا على اللي لدين الله عرّاضي=ويسبّ سيرة نبيّ الله ومحبوبه هذاك ماله سوى برّاق نوّاضي=الهندي المرهف اللي تقتل اضروبه ياربّ انا فالقوافي خاطري هاضي=استغفرك بالشّعر ويزيد بعذوبه وهذي قصيده وانا فبياتها ماضي=على اعترافي بذنبي معلن التّوبه |
(ياساتر الحال )
رحمتك ياربّنا ياواسع المغفره=ياعالمٍ بالخفى وانت الكريم الجليل كثّرت ذنّبي وانا عبدك وابا تغفره=محسن بك الضّن ياحسبي ونعم الوكيل ياساتر الحال عبدك يطلبك تستره=انا دخيلك وعنّك وين ادوّر دخيل حسن الختام اطلبه في موته ميسّره=ياللي امرت النّبي يعرض بصفحٍ جميل ولا تخزني يوم بعث الخلق فالاخره=في يوم مابه شفاعة لاقريب وخليل حرّم على النّار جلدي حرّها مقدره=لو كان تقصيري فطاعتك ماهو قليل اسكني فرحمتك يامالك المقدره=في جنةٍ كاسها ممزوجه بزنجبيل وجهي مع اوجيه ضاحكةٍ ومستبشره=وافرحني ابرؤيتك مامثل وجهك جميل وآردّ على حوض بعده ماالعطـش نذكـره=مع غرٍ محجّلين العلم هذا دليل هذا دّعا اللي يسبّح ربّه وكبره=وشخصٍ تعزّه محد يقدر يردّه ذليل الشّاعر / خالد بن عبيد بن معتوق ألأحمدي |
( ياسامعٍ كل نجوى )
لله شكواي ترفع=من بامره الشّر يدفع يغفر ذنوبي ويشفع=( ويلطف بحالي وياوي) ياسامعٍ كلّ نجوى=يامنتهى كلّ شكوى يافراجٍ كلّ بلوى=(ماتخيب فيك الرّجاوي) عبدك من ارض المدينه=يدعي ويرفع يدينه طالبك فضل وسكينه=(ونجّيه كلّ البلاوي) وانت العدل في قضائك=في ارضك وفي سمائك ياليت نكسب رضائك=(واللي رحمته غناوي) عبدك مقدرّ مصيره=وقسمتك للعبد خيره ولاتاخذه بالجريره=( وتعلم وش المرء ناوي) سبّوح قدّوس منّان=ياخالق الانس والجان لجل العباده يارحمان=(يامنزل الغيث راوي) ولحنا عبدناك ياالله=حقّ العبادات والله لاكنّ عفوك لشفناه=(نلقى به الخير ضاوي) افرج هموم الذي شاف=فالوقت ميلات واخلاف ولاجاته النّاس بانصاف=( عايش حياته خلاوي) لويشتكي من همومه= النّاس فيها تلومه ولحدٍ يعاقب ظلومه=(والميل حال الشّقاوي) والمرء وان قلّ ماله=حاله عليها مياله ومحد ايتلذّذ دلاله=(وتكثر عليه المساوي) ماتصدقّ النّاس قوله=ولا ودّها تشوف زوله لوهو زعيم الرّجوله=(منبوذ ماله مخاوي) والقاف جبته لغايه=فبدايته والنّهايه طالبك منك الهدايه=(تهدي بها كلّ غاوي) واطلبك ميتة شهاده=على ثبات وعباده ترضيك عنّي زياده=(وتغفر ذنوب الهواوي) ولاتخزنا يوم نحشر=في يومٍ اصعيب واقشر يظهر به الخير والشّر=(وفيه اقتصاص ودعاوي) وصلّي على اللي يحبّك=وانت اصطفيته بحبّك وايحب منهو محبّك=( ذكره دوى يالمداوي ) الشّاعر / خالد بن عبيد بن معتوق ألأحمدي |
( ياقاضي الحاجات )
حسن الختام وذكري بطيب نوماس=وعفوك وسترك مقصدي ياالاهي ياقاضـي الحاجات يامذهب الباس=امرت بالمعروف لذّنب ناهي ياغافر الزّلات مانعرف الياس=في رحمتك كان اغلبتنا المشاهي صرّفت مابالكون مايجيلك انعاس=وعمّا عملنا منت غافل ولاهي بصفاتك العليا وباسمائك النّاس=تدعيك يارحمان لك عرش باهي عبدك مقصّر مسرف بذنّب مايقاس=راجي بعفو ٍ منك ماله مضاهي وارزقه جنّه فاحة بطيب الانفاس=دار النّعيم وتزهي بكل زاهي وراجي جلالك مايعوّد بالافلاس=عبدك موحّد عن عبادتك ساهي الشّاعر / خالد بن عبيد بن معتوق ألأحمدي |
( ياالله تهديني )
اسرفت بذنوبي وعندي طماعه=في رحمة الغفّار بلقى خلاصي ستّار ياجاعل لدنياه ساعه=في يوم يذكر نسفعاً بالنّواصي عبدك كثر ذنّبه رفع لك ذراعه=يارب مالي عنك فيها مناصي ياالله تهديني صلاة الجماعه=خمس الفروض ولا وراها معاصي فالّصف الاوّل في خشوعي ضراعه=وقيام ليلي قربةٍ لك تواصي وزدني يتثّبيتك ليا زدت طاعه=واكتب لي بدنياي ماعيش عاصي واللي تبعنا سنّته له شـفاعـه=ياليت يشفع لي برجواك ناصي الشّاعر / خالد بن عبيد بن معتوق ألأحمدي |
( مزامير داؤود )
كبّ الطّرب ياسامعه وش تبيبه=مامن وراها لعبة ابليس مردود انكان قلت الضّيق هذي مصيبه=الضّيق ماينزال من نغمة العود الضّيق ماهو للرّجال اللبيبه=اللي بدبرة ربّها فكرها زود حذراك بالغفلات قلبك تذيبه=واللي يفوتك من لياليك مايعود احرص على الحسنات لوهي صعيبه=مادمت تدري عمر الانسان محدود واللي يعز الدّين دينه رقيبه=عند المقام اللي لمحمود موعود اقرا كتاب الله مومن بغيبه=تنجى من العثرات لاصرت محسود ياحض من ربّه جعل من نصيبه=حفظ الكتاب يرتّله وردّ مورود مثل المشايخ بارض مكه وطيبه=الله عـطاهـم من مزامير داوود الشاعر / خالد بن عبيد بن معتوق ألأحمدي |
(اللهم صلي على سيدنا محمد)
أضاءة الارض نوراً من رسالتهِ=والنّاس تبصر بأمرٍ فيهـا قـد آنـا احدث تغيّر بها منذ ولادتهِ=في هديه الفوز غفراناً ورضوانـا قد عزّ ديناّ عزيزاً بعد هجرتهِ=هاجر وناصر وكلّاً فيه اخوانا ونشهد الله أن اخلص لامّتهِ=أدّا الامانه وبالتّوحيد اوصانا ونال منّا عهوداً في محبتهِ=يجزاه عنّا عظيم الخير احسانا ونسأل الله يهدينا لسنّتهِ=نثبت عليها مادام الحيّ احيانا ندعوبها كل حيٍ عن ضلالتهِ=ونحن نصر لها حرزاً بإيمانا نذود عنها وقد نحمى لسيرتهِ=بصارمٍ باترٍ ذلّاً لعدوانا عليه منّا صلاة من معزّتهِ=اكثر من الخلق كائن والذي كانا وآله مثلها وايضاً لصحبتهٍ=قوماً كراماً براراً خير اقرانا الشّاعر / خالد بن عبيد بن معتوق ألأحمدي |
( أحلال السّلام )
مجلسّ الامن انكشف يرفض احلال السّلام=يدّعي بحيادته للحقيقه به جحود الشّاعر/ خالد بن عبيد بن معتوق ألأحمديينظر بعين المصالح مزيّف للكلام=مصلحة صهيون عنده ضمانه بالوجود لجل ذالك مانوى بالنّصيري بصتدام=دام نهج سياسته جات رغبه لليهود والنّصيري طاغيه لاسلم فيه العضام=وداعمينه جعلهم حال فرعون وثمود غوطة الشّام اشتكت من عناها ماتنام=الكيماوي بادها والجثث فيها شهود والحرار الباسله ثايره ضدّ النّظام=فاقدين احبابهم شرّدوا برّا الحدود البيوت العامره دمّرت صارت حطام=والبراميل اسقطتّ دمّرتها مع سكود والشّجر ليته سلم من فعل صاروخ سام=والمجاعه خلّته يصبح اطعام اوّقود ارضهم ماعاد تنبت لهلها من طعام=بعد مازال اللحم راحوا اعضام وجلود لاكن الشّعب الابي مايعرف الانهزام=رغم مايجري بهم شعبهم معلن صمود ومجلس الامن ايتفرّج ولا فيه اهتمام=ومايهدّي غيضنا لو يرسّل من وفود شامنا ياشامنا عزّك الله بالكرام=ينصرون امقاومه تهزم الخصـم اللدود والعذر مايوفي اللي مثبّت بالملام=بان تقصير العرب بعضهم فيهم ركود ويادولنا فالخليخ العروبه لاتضام=انصروا سنّة نبي حاربتها اقلوب سود زاد حقد الفرس مع بعض حقـد اعيال سام=احتموا لوطانكم من غدر حاسد حقود صفّوا بصفّ المليك المشيّم بالمقام=وارث الملك العدل من جدودٍ عن جدود حامي احدود الوطن ماسح ادموع اليتام=من سلايل قوم ماتنجب الشّخص الشّرود ناصر السّنه وله عندنا كل احترام=انصره ياربّنا واخزي النّذل الحسود ودام عزّ اللي نصر دين ربّه بالحسام=ودام عزّك ياوطن والعروبه لك جنود عندنا مسجد نبي عندنا البيت الحرام=يحفظ الله دولة المملكه وآل السّعود |
(ابدي ولائي )
مصدر قرارك فيه بعد النّظر بان=قرار يعكس نظرة انسان واعي يحسب حساب لواقع ومقبل ازمان=سدّد وقارب لين فيه استطاعي ترتيب سلّم حكم تقويم سيسان=والله يصونه مايجيه انقطاعي واعلن به الدّيوان مااحتاج تبيان=يظهر به التّوفيق حسب اطّلاعي يجمع دهاك بحكمه وطيب واحسان=وتبشر يابو متعب وحكمك مطاعي وامّبايعة مقرن ولياً لسلمان=واجب على شعبٍ لعزّه يراعي وآنا مبايعكم من اوّل وللان=واللي حذا حذوي ظفر بانتفاعي مايموت ميتة جاهليّه ولا ايهان=يكسب معزّه مايجيه الصّراعي يابو فهد وامّبايعه جاتك اعلان=وماجبتها قصدي نفاق اجتماعي لاوالله الا حقّ جبته على ارهان=صاين طباعي يوم اقول انطباعي وابدي ولائي دون لاشاور انسان=واعلن للأل سعود جلّ انصياعـي الشّاعر / خالد بن عبيد بن معتوق ألأحمدي |
( في تويتر غرّدوا )= الزّمن هذا عجب كل شيٍ به يصير=المبادي قومها كيف منها اتجرّدوا صار فيه العلم من دون جنحانٍ يطير=اسرع من صقور خلف الحباري طرّدوا وكل مايحدث حدث من كبير ومن صغير=غرّدوا يامغرّده في تويتر غرّدوا قالوا انّه لتّواصل ومايخفى خطير=افطنوا للغرب باللي عليكم ورّدوا من سلالة قوم ساخطهم الله المجير=النّفوس الفاجره خنزروا وتقرّدوا جولكم بالفيس بوك باب منّه تستثير=الشّعوب الامنه كم جماعه فرّدوا احتموا لوطانكم ياعرب جاكم نذير=الوطن مايحفظه قوم فيه اتمرّدوا واغلبوا واقعكم اللي عداكم به كثير=لا تهابوهم ولا تشردوا بل شرَّدوا ذي نصيحة شاعرٍ غاضه الوضع المرير=فالشّعوب المسلمه حال منه اتشرّدوا الثّقافه واسعه والعقل فكره كبير=مايطاوع قوم عكس الحقيقه سرّدوا الشّاعر / خالد بن عبيد بن معتوق ألأحمدي |
( امّة محمّد )
إذا اتجهنا بالدّعا مع صدقنا فالابتهال=لله حلاّل العقد ماخاب فالله الرّجا امّة محمد حالها في ميل ماهي فعتدال=واصل السّبب تقصيرنا والوضع جدّاً محرجا من بعد هيبة صفّها اليوم تحت الاحتلال=التّفرقه في صفّها خلّت عـداها تدرجا إلى متى نسكت على من يستهينون الرّجال=والنّصر ماهو يكتسـب على هروجٍ تهرجا لازم نوحّد صفّنا والتفّرقه فيها ضلال=واخيولنا لابدّها يمّ الاعادي تسرجا والازمه اللي برقها بين الجنوبي والشّمال=بعد اتّكال بربّنا بالعزم لازم تفرجا سترك ونصرك نطلبه يامرسل الرّيح بخيال=واجعـلّ لنا ياربّنا من كلّ ضيقٍ مخرجا الشّاعر / خالد بن عبيد بن معتوق ألأحمدي |
( امّة الاسلام )
امة الاسلام ناقوس الخطر=ينسمع واعداك ماهي لك تخيف عيدي الامجاد في غزوة بدر=اجتماع ايمان بالباس العنيف غفلة الحكّام مع قصر النّظر=خلّت العدوان من دونك لفيف ومن يجيب الجور في ربعه كفر=والنّذل معروف ما قلبه نظيف جرم من بشّار صعبٍ يغتفر=استباح الدّم والعرض الشّريف ليه نتفاوض معه بعد الغدر=التّفاوض جبن والغادر ضعيف وماتحلّ الوضع وسطات الغجر=ولايجيب النّصر مجمع في جنيف والصّبر طوّل ولا تغن النّذر=ومن تغاضا عنه يصبح له وليف والولايات العدوّه بالعذر=تدعي بالصّلح والواقع سخيف ترسل المندوب في نقل الخبر=يخفي الاحقاد بالهرج اللطيف امّة الاسلام نصحي بالحذر=لايزيد الجرح ويزيد النّزيف مشكلتك اخطارها عبر الاثر=حلّها موجود بالسّيف الرّهيف الشّاعر / خالد بن عبيد بن معتوق ألأحمدي |
( امّة الضّاد )
ليت الزمان يعود مع ذيك الامجاد=يوم العرب دكّت جيوش الفرنجه والدين نشره واصلٍ قاصي بلاد=واصل لشعب اسبانبا عبر طنجه واليوم اشوف الناس من أمّة الضّاد=تنعي حضارتها بلحن الكمنجه شبابها ماهو على نهج الاجداد=بالوقت هايب من مجوسه وزنجه والى بدا فيهم غيورٍ وهدّاد=الغرب يضرب له وريده ببنجه حتى بعضهم صار علّه للاكباد=عايش ترف واضح دلاله وغنجه كيف الفروسيه عقب طارق زياد=صارت على لنّكن ودبّاب ننجه الشاعر / خالد بن عبيد بن معتوق ألأحمدي |
( مجالسي )
( على طلب جمهور شجّع لشاعر )
على طلب جمهور شجّع لشاعر=ايسرهم في ترجمان المشاعر الشّاعر / خالد بن عبيد بن معتوق ألأحمديوالشّاعر المحبوب بالودّ شاعر=( يحفظ لهم تقديرهم طول الا زمان) ويقول هذا فضل من عند ربّي=اللي جعل من بعد الاعجاب حبَّي يسكن صدور اللي لحرفي تلبّي=( اشكرك في نعمتك يارب منَّان) ومن شاعرٍ مرباه بارض الحجازي=شعر المعاني عندنا له مفازي والّا الهزل مايجلب الاّ التّهازي=( حنّا نصون القاف معنا وبنيان) من بعدها نبدا بنظم المعاني=تصوير واقعنا من اللي نعاني اسوقها لنَّاس عنوه بعاني=(مصيوغةٍ بابداع غايه بالاتقان) نبدابها قول العباره صريحه=منضومةٍ ببيات صنع القريحه ومن ديننا الاسلام دين النّصيحه=( ايحثّنا للنّصح بآيات رأن ) وياقاري الابيات بعد السَّلامي=ابغاك تحفظها بفهم الكلامي هذي خلاصه من ثلاثين عامي=( من تجربه والتّجربه خير برهان ) ايقولها خالد بن عبيد واسمع=امثال مثل الماس مغري ويلمع ماجابها راجي من النّاس مطمع=( يرجو فضل مـن يامر النَّاس بحسان) البخل عمره ماجلب عزَّ وسرور=راعيه عنده مال ويعيش مقهور اليا لفاه الضّـيف تلقاه مذعور=( دايم وحاله عابس الوجه طفشان) والاجودي يوصف بوصف الرّجاله=تلفيه في داره وسمحٍ قباله يسخى لو انّه مايجمّله ماله=( واهل الكرم من رازق الخلق تنعان ) وما مثله اللي يتّصف بشجاعه=مكارم الاخلاق تلزم طباعه فيه العفو عنده قبول الشّـفاعه=(وطبع الشّجاع مسـدد بفعل رحمان) خلّيك مثله دوم يابعد حالي=درب الخطا لاتجيه مابه معالي وللحق كلمه قولها لاتبالي=(لاتفتكر فالنّاس لو مين ماكان) موتتك مرّه ماهي بعشر مرّات=جهّز لها طيب الذكر والصلاوات وان متّ لك جمعه مع اخيار الاموات=(والعمر ماينعاد لوبغلا الاثمان) عيش الحياه بحلوها واعتبرها=الفانيه لو انّنا نعتمرها والنّاس جاملها ولاتحتقرها=(نتيجة الحقران تحصل بحقران) اظهر لهم طيبك وكلّ احترامك=وفصناعة المعروف يعلى مقامك ولاتخاصم اللي راغبٍ في خصامك=(واحذر تهقوى وان تهقويت غلطان) والمنّ بالمعروف تفسيد معروف=وحلاوته لاصار ماهو بمكشوف ولو ينجحد لاتلحقه غيض وحسوف=( دام الجزا ياتيك من ربّ الاكوان) ليّن جنابك والتّواضع يامحلاه=هذي صفه فالعبد يرضي بها الله وصدر الحليم ايزيد فالوسع لاجاه=(واحد ضعيف الحال وافعقله اجنان) واغنم شبابك فالشَباب الفتوَه=وافشبّتك جيب الوفا والمروّه ولازم يجيك الضّعف من بعد قوّه=( قمّة كمال الشّي تخلف بنقصان) لاتنطق الا قول فيه اللطافه=واضحك ومازح بالادب والثَّقافه وايّاك والتَّجريح والاَّ اللقافه=(اثنينها للمرء تاتي بخسران) واجلس مع اللي ماينقص جليسه=في مجلسٍ فيه العلوم النّفيسه وخلّك ثقيل ان قلت قولٍ تقيسه=( والثّرثره ماهي لمن صان الاقنان) واعرف ترى الشّجعان تنصف بعضها=( تذكر مناقبها لو تكون عدوان) واليّا عشقت لزوم تصدق بعشقك=خلّ الذي حبّيت يوثق بصدقك حافظ عليه احفاظ جيبك لرزّقك=(وانهاك عن دربٍ به الحيف عنوان) وان شفت من حبّيت يبدي صدوده=لاتتبعه تجرحك قسوة ردوده والرجل تظهر هيبته في ركوده=(مايظهر اشواقه لو يكون شفقان) ومن لا يريدك نقص كانك تريده=يبغى يكيدك وانت ثقلك يكيده تراه لوّ عوّد يعوّد يعيده=(وايزيد تعذيبك الا صرت عشقان) واحذر تبدّل لامر دينك بدنياك=لو كان هذا الامر فالفتنه اغراك تراه مايغنيك لو يظهر اغناك=(وان طالت اعزوبيّتك عشت حزنان) والرّزق لاتسعى تجيبه محـرَّم=من شان ماتصبح بفعلك مغرَّم واللي محلَّ الرَّزق يبقى مكرَّم=( وحضّ القنوع بعزته رفعة الشّان) وايَّاك والشّينات لو عشت بالجوع=خلَّك نظامي هاجر لكلّ ممنوع وماتعمله فالنَّاس لابد مرجوع=(كلّ السّوايا دين والرّب ديّان) واحسب حساب لكل قولٍ تقوله=ولاتقول قولٍ بالفعل ماتطوله واللي يحب الله يتبع رسوله=(يعمل بهديَّه لاحضر كل ميدان ) والوقت لو هو فايرٍ منه دمّك=لاتحسب ان الله يكفيك همَّك إلا انكسبت ارضاه فآبوك وامَّك=(يضفي عليك الخير مع جلي الاحزان) ولمّ الشمل يحصل بوصل القرابه=في قربهم تصنع لنفسك مهابه ادمح خطاهم لاتجيب المعابه=(شقر العصى يفرح بها كلّ خوّان ) وان جاب بعض النّاس هرج النّميمه=ميّز كما ميز العقول الفهيمه واحذر وبعض الضّن يحسب جريمه=( كم عاقل ايغرّه مع النّاس شيطان) ولو يزرع الشّيطان بعض العداوات=بينك وبين اقآربك والصّداقات لجل اللعين ايحب هدم العلاقات=( لولاه ماينشاف فالارض حدمان) خلّك حريص برغبتك بالتّفاهم=قدّام يحصل بالمسائل تفاقم واجه به اخصومك وبالحلّ ساهم=( ومن ياخذ ويعطي مع النّاس كسبان ) وان طوّل الوسواس صلّ وتضرّع=واعمل بيدنك والعقل لاتسرّع والوقت بظهار الحقيقه تبرّع=( مهما يطول اغموضها لازم اتبان) وصلاة جوف الليل تعمر حياتك=وبتلاوة المصحف تزيد احسناتك ياالله عسى لاجات لحظة وفاتك=(نطق الشّهاده مايخيّب به لسان) اعرف ترى الصّدقه تتطوّل بعمره=وتنجيه ميتة سوء وتيسّر امره مـاتحتقر لو جابها بشـقّ تمره=( وللي عملها خير يرجح بالاوزان) وابعد عنه لوكان نفسك تراودك=يجبرك بالوحده عن النّاس يبعدك وماني على اللي فيه حسرات ميّدك=( لابد للمديون بالدّين ينهان) والجار له حرمه حرامٍ تجيها=لو بانت الفتنه من اللي يبيها مثل القرابه واجبٍ تحتميها=( ومن يحتمي جاره لقا خير وامان ) واستر عيوب النّاس لو تتضح لك=ولوتحسب اخطاها ماكبّرت عقلك لوكان فيها غيض تسعى لقتلك=( ربّك يفشّل كيدهم كلّ مابان) ولاتعلّق الخيبه على السّحر والعين=انته سبب خيبتك لو تفتكر زين ممكن مطاوع للهوى والهوى شين=( ولاّ ظليمة ناس في بعض الاحيان) انهض بعزمك خلّ عندك ايراده=وايّاك تيأس لو تشوف النّكاده والرجل في عزمه يحصّل مراده=( مايفوق عزمك عزم ياعزم الانسان) ولاشطّت احوالك وضيّق فمسعاك=وزادت بك اهمومك وكثروا لك اعداك صلّي فجوف الليل يسعدك مولاك=( ولاتروح للي يستعينون بالجان) ابعد عن اهل الشّرك ماينفعونك=مايفلحون بحلّ لو يوهمونك في شركهم عن ديننا يبعدونك=( والشّرك ظلم وقالها العبد لقمان ) واعرف ملوك الجنّ لوهي فضيعه=ماهي بكفو اهل القلوب الشّجيعه ايصيبها القلب الشَّجيع بفجيعه=(واللي قوي قلبه قويٍ بالايمان) وفنهاية الطّاروق تبقى رساله=يعمل بها مثلك رجال الشّكاله للدّار حق وتاخذه بالعداله=(وشّلون لو دولتك من عزّ الاوطان) دار السّعود الغاليه مملكتنا=فيّها تهنّينا وهي مالكتنا واملوكها في حكمها قدّرتنا=( نسعـى لوحدة صفّها شعبٍ اخوان) واعلنّ ولائك لاطّاوع لحسّاد=ترسلّ سموم الهرج من دافع احقاد اوغاد واللي طاوع لهرجة اوغاد=( اصبح مساويهم بالاوهام غرقان) يادارنا عيشي بخيـر وسلامه=واللي تعرّض لك مصيره ندامه ايموت مايلقى امكفّن عضامه=( عيشي بعزّك دونك الطّرف سهران ) هذا وصلّوا عد ماطار قرناس=واعداد ماخطّ القلم فوق قرطاس على البشير المصطفى منذر النّاس=( وياالله تفتح لي لجنّتك بيبان ) |
( مجالسي )
( جاب القصيده والجريدي مفوّه )
ساعة بديت القاف والقاف مليان=حبر القلم ترجمّ ويملي له لسان الشّاعر / خالد بن عبيد بن معتوق ألأحمديينبيك عن واقع فياكان ماكان=(والتّرجمه حاضر بحاضر وفالحال) يلقى بها القاري معاني توضّح=مثل المزاين بين شعلٍ ووضّح ممّا وجد فالصّدر فضفضّ وفضّح=(شاعر جميل اسلوب في حبك الامثال) جاب القصيده والجريدي مفوّه=رجّال فيه الخير فيه المروّه الله عطاه العرف والعرف قوّه=(واللي يعرفه يشهد بكلّ ماقال) رجّال وافي مايخون الرّفاقه=وايجود لضّيفان لو فيه فاقه ولدّار والحكّام عهد وصداقه=(ولايخونها لو كان يشكي من اللال) مذكور صدقه مامشى بالنّميمه=عزيز نفس وفيه طيبه وشيمه ولايغدر الانسان لوهو خصيمه=(مشهود له بين الرّجاجيل رجّال) والاحمدي خالد يقول الصّراحه=لو كان قوله يزعل اهل الوقاحه ماعاد عندي فالمجامل مساحه=(ونهجي على نهج الكريمين لازال) انا لقيت الظّلم ماله مبرّر=والله لابدّه بحقّي يقرّر وحسبي على اللي بالخلايق يغرّر=(وابليس له مثله من الانس دجّال) قامت عليّ اضروف الايّام تطغى=ونّيت منها واذنها لي مااصغى عيّت معي تمشي على كيف ماابغى=(وبالصّبر اجمّلها عسى الهمّ ينزال) وظلم البعيد اللي به الهمّ صالي=فاقه بجرمه جرم ظلم الموالي اللي بعد لنّه شرب من دلالي=(عقّب بوسط الصّدر بالغيض زلزال) وياكم صاحب كان عندي مقرّب=وانا له ابحزّات ضيقه مجرّب واثره على الغدرات جندي مدرّب=(روحه وجيّه كلّها كذب محتال) يبدي لي انّي صاحبه وابن عمّه=بسّ الحقيقه صحبتي ماتهمّه مغسول وجهه بالمرق دون ذمّه=(يبغى يساوّم في رفيقه على اريال) وياكم جار ايضيق من شوف جاره=لو كان ماضرّه يجيه ابعياره وقت المكاسب فيه تقلب خساره=(تنعاف ياوقتٍ للاعدال ميّال) وياحيف ياللي تخلفون النّوايا=ومن فوقكم واحد يشوف السّوايا سبحانه اللي عالمٍ بالخفايا=(والرّعد سبّح له بحمده والاجلال) الله ياطيب القلوب النّظيفه=تكبر سعادتها ولاهي كليفه ناسٍ عفيفه والنّوايا شريفه=(ولاّ القلوب السّود فصدور الانذال) والنّذل لو تعطيه سرّك يضرّك=خيرك معه يصبح على النّفس شرّك ومنه العواقب دايماً ماتسرّك=(بعدك عن ادروبه ثمنّ راحة البال) لاتصاحب الا حرّ فيه الفلاحه=وجهه سفير وفيه دين وسماحه يمكن صلاحك للتقي مع صلاحه=(تقوى علاقتكم وتظفر بالآمال) ولا تجاري اللي بالجهاله يجاهلك=اعفي عفو حكام وابدي تساهلك يمكن يموت بغيض سبّة تجاهلك=(والحلم فالاخلاق رتبة جنيرال) وابعد عن اللي لاعملته يشينك=يبقى فتاريخك معيّر سنينك ولطّيبات اعزم وربّك يعينك=(العزم فيه البخت والرّب حلّال) وياربّ ياعالي وداري بحالي=يامرسل الما بالسّحاب الثّقالي ارضا عليّ وخلّ جنّتك فالي=(وبارك لي بحالي وجاههي وبالمال) ياالواحد اللي ماخفى عنك خافي=نومن بعفوك من عذابك نخافي اجعلّ لي التّوفيق ستر وعوافي=(وطالبك حنّبني شماتات عذّال) وطالبك ورّدني على حوض مورود=حوض الذي له عندك امقام محمود واعداد مافالبلّ حاشي ومفرود=(صلّي على المصدوق يافرد متعال) |
( قامت هاجوسي )
( مجالسي ) على طلب الغالي/ ماجد مبارك اليوبي
قامت هاجوسي شافت الجوّ رايق=استاذنت منّي فبضع الدّقايق الشّاعر / خالد بن عبيد بن معتوق ألأحمديتبغى تجيب من الشّعر شي شايق=( واهيا عوايدها تجيب الجزل فيه) قالت هديّة معجباً في قصايدك=لحظة طلب مطنوخةٍ من جدايدك يستاهل الاهداء وانته عوايدك=(وعدٍ وعدته ياالسّنافي توفّيه) واتجمّلت من جاتني بالجزيله=وشكرتها والشّكر ردّ الجميله هذي هاجوس اللي يقدّر زميله=( تشريف والتكميل في قاف نبنيه) امجالسي منظوم لعيون ماجد=اللي غلاه بداخل القلب واجد وبيني وبينه دايم ابليس هاجد=( وابليس مايقدر على انسان يخزيه ) ياماجد انته من قبيله تشرّف=تاريخها بالعزّ ماله محرّف معروف ياماجد بليّا معرّف=( يوبي وفي حرب الابيّه عزاويه ) ومن بعد كيف الحال يابو مبارك=عذري على التّقصير يحفظ وقارك ياالله عسى صومك وعيدك مبارك=( وعمرك مدي سلم وسعاده تباريه) رجّال عاقل للحقايق تقصّى=فعلك وفكرك طوّع اللي تعصّى وانته وصي منته بحاجه توصّى=( لاكن نذكّر ربّما شي ناسيه) في طاعة الله لاتوانا ولاتملّ=ولاتبدّي الدّنيا على الدّين وتزلّ ولوالديك اخفظّ جناحك من الذّل=(مايردّك الله في دعا كنت داعيه) واختار فالاصحاب فرّاج ضيقك=ومحلاه لو يحسب صديقك رفيقك واحذر عدوّك لايحرّش صديقك=( لنّ العدو يبغى عميلٍ يقدّيه ) ومافات لاتندم عليه ابفواته=والليل بالحسرات حذرا تباته اللي نظر قدّام يغنم حياته=( واللي نظر للخلف خايب تهقويه) وإذا عزمت لشي صلّ استخاره=وشاور ومن شاورك عطه استشاره وبالمال لاتبذّر وصون ادّخاره=( المال للانسان يجلب تمنّيه ) يكرم به الضّيفان ويسدّ لازم=ويعين به وقت الكرب والمأآزم وصدقه على اللي وقتنا فيه حازم=(ايمدّ مدّه من مصيبه تنجّيه) الجود يابن الجود خصله شريفه=يلغي عيوب الشّخص لوهي كليفه راعيه ماينعاف نفسه ضريفه=( وان همّ له في علم ربّه يقوّيه) وامصاحب الاخيار منهاج خيره=وابعد عن الوسواس لاتجيك طيره والعفو ينبي عن نقاء السّريره=( واللي عفى باحسان ربّه يجازيه) وامصاحب الانذال يجلب ندامه=واهل النّمايم ماوراهم سلامه والحقّ قوّه والشّجاعه كرامه=(والغدر منهاج النّذل مايخلّيه) ومن يصغي اذنه يسمع لكل هرّاج=ايجرّ نفسه دون يدري للاحراج ويخسر اناس لقربهم كان محتاج=(ولاينفعه بالوضع عذرٍ يبدّيه) ومن خاف ربّه بالخدمّ والعماله=ويسعى على رزقه محلّل رياله ايشوف فضل الله يحفظ عياله=( واللي قرا في سورة الكهف تنبيه) وعامر بيوت الله مايعيش مخزي=والله للمحسن بالاحسان يجزي وبالكسب لابدك على الفعل تعزي=( اللي زرعته لازم بيوم تجنيه ) ومن فرّج الازمات للنّاس يفرح=وامحال بين اعداه يهزم ويطرح وان كان صابه قرح يسلم ويبرح=( ومن وين ماوجّه يواجه عوافيه ) والود بعض احيان يحسب معابه=وانشد عن اللي جرّبوا فالصّبابه لو تابوا اهله مابروا من صوابه=( ملعون فيه الذّل والجور يشنيه) وطاعة وليّ الامر فالشّرع واجب=ولاطّوع اللي للمعادي يواجب والله خلق عين البشر تحت حاجب=( ومليكنا تاجٍ على الرّاس نحميّه) واهل الشّرف بالعز تحفظ بلدها=وتحمى حدوده من حقودٍ حسدها وجنسيتك من ذمّها واضطهدها=( الطمّ على وجهه لين فعلك يربّيه ) وعلى النّبي المصطفى مكمل الدّين=صلّي وسلّم ياحفيد الميامين اعداد ماتسمع وماتشوف بالعين=(في صبح تصبح به وليلٍ تمسّيه ) |
( حلوه وطرانه )
الشاعر / نايف بن غانم الحبلاني= الله على اللي خصرها شبر واشوي=وماجاوره بالعكـس صعـب اصطدامـه بنتٍ صغيره ماقدر وصلها حي=ولا راجعت تشكي حسوس لسلامـه ماطبها المحجام والفكس والكي=من نسل خاشقجـي عليها علامه اسم امها سوزان واسم اختها مي=وحتى بجدتها تشوف الوسامه ماحوّمت بالحمض واغراب واعطـي=ولا قيّلت مع ربعها بالثمامه مصيافها مابين لبنان ودبي=ومابين قبرص وانقره والمنامه حليمه وهيفا معاها ولا شي=حلوه وبطرانه وهيبه وقامه ياصاحبي لاتقول لالا ماهي هي=هذا هوى بالي وغاية مرامه والا السعوديه لها بالدّجـى ضي=شمعه ومصدرها الوفا والكرامه هجوس سرّتني وانا بخاطري شي=وارجوك لاتلحق هجوسي ملامه الشّاعر / خالد بن عبيد بن معتوق ألأحمدي= الله على خطّك وصف زين بضبي=ياشاعرٍ يطلب نفسّر حلامه توصف لي المجمول في وصف بوسي=ولاّ تلمّح لي بفاتن حمامه خذها نصيحه من قبل تنطوي طي=الودّ لاتحرق ضميرك سهامه انت بدوي ضاري علـى الشّمس والفـي=وتسري على مقصدك وقت الجهامه دوّر مع البدوان عن زين مغري=اللي نظامك منطبق في نظامه واعرف ترى بالودّ شـيطان مغوي=وميلك على الحضران يحسب هيامه ملبوســك المعتاد ماهو لهم زي=تجبرك يانايف تطش العمامه وان ودّتك لبنان ودتك للغي=ماشـوفها ياخوك ديرة زعامه دار الزّعامه بالعرب ديرتي ذي=شعب وحكومه نشتهر بالصرامه وان كان هاجوسـك سـرت سبّـة اصبـي=عزّي لمثلك مبتلش في غرامه |
( رحم الله الوالد القائد/ الملك عبدالله بن عبدالعزيز آل سعود)
موتتك يابو متعبّ هزّة الكون كلّه=كنّه الكون موذنّ نفخة الصّور فيه علّةٍ صابتك منها مفارقك علّه=وابكت اطفال شعبك يالشّجاع النّزيه انت حاكم عظيم وعزّ شعبه بضلّه=وانت رمز العداله والخطا ماتبيه فيك نهج الصّراحه والنّقا ماتزلّه=قلبك ابيضّ وشعبك طيبتك تحتويه كامل اصفات ذاتك وهبة اللي تجلّه=ميّزك بالكرامه والخلق ياوجيه الشّجاعه جبلّه والتّواضع جبلّه=والحكم ورث جدّك منته ابمشتريه ناصر الملّه السمحه على كلّ ملّه=فيك دين وصلابه موقفك تحتميه من نوى فيك شرّه مالقى غير ذله=ومن حكى فيك شين ايذمّ فيما حكيه وكلّ قلبٍ فؤداك بالغلا يستحلّه=لاقي اهداية الله جلّ من يهتديه عشت سلطان الارض وكلّ مقصد تصلّه=وغبت سلطان غالي كلّنا من ذويه الله انّه يسكّنك القصور المطلّه=في جنانٍ بها تنعم بما تشتهيه ومن بكى يوم موتك دلّ دمعٍ يهلّه=عن غلاتك ودمعه كنّه يقول إيه موتتك يابو متعبّ هزّة الكون كلّه=كنّه الكون موذن نفخة الصّور فيه الشّاعر/ خالد بن عبيد بن معتوق ألأحمدي |
( ياجيشنا الباسل )
اسقيته العدوان سمّك فالقتال =ياجيشنا الباسل على حدّ الجنوب ورّيتهم قوّ العزيمه فالرّجال=ورّيتهم كيف الشّجاعه فالحروب دافعة عن دوله لها قدر وجلال=هي مركز الاسلام فالازم تنوب دولتك دولة عز تسقيك الزلال=تستاهل انك لجلها تاطا الكروب ومنها المدد ياصلك لاحمي النّزال=ايجيك من يفزع على خصمك غضوب انته تدافع عن عقيده والمنال=توحيد ربّ البيت هو نور القلوب اضرب على العايل وصيبه بالعضال=حتّى الذي وصّاه في فعله يتوب وطيّار يامغوار من فوق الجبال=ارمي حمم فوق العدو توقد شبوب رمي الأبابيل المسوّم يوم طال=روس العدا جاها الخطر ينزل صبوب واليا نهيت امهمّتك رح لشّمال=واهديلنا نصرك على النّذل الكذوب ياجيشنا ياعزّنا فيك الامال= ماخيّبة والنّصر هبّة له هبوب الشّعب يتضرّع لربّه ببتهال=يطلب لكم نصرٍ بلا غبن امحسوب انتم رجال العزّم متهاب الآجال=ياجندنا منكم نرى العزم الدّؤوب تحت لواء العدل رمز الاعتدال=ذروة سنام الدّين قمتوبه وجوب من مات منكم نال عزه والمئال=إلى حنان الخلد والدّار الرّحوب واللي يصاب امعوّض بحالٍ ومال=يبشر بلطف الله وتكفير الذّنوب هنّيت فيكم رمز محمود الخصال=وهنّيتكم باللي عن الشّين امحجوب مليكنا ياعزّنا للوقت مال=ياناصر المستضعفين امن الشّعوب الشّاعر/ خالد بن عبيد بن معتوق ألأحمدي |
(بمناسبة اجتماع الصخارنه من الاحامده في ثالث ايام عيد الفطر1436ه)
كلّ عام اتعاد عاده يوم عيد=وجمّل الله حال مين ايعيدها اجتماع النّاس فالعيد السّعيد=يبهج الارواح ليلة عيدها ليلةٍ مدّ الوفا فيها مديد=والصّفى والانس في تجسيدها كنّها بنتٍ حلاها في مزيد=عقدها من الماس زيّن جيدها عند شيخ امتاز بالنّهج الفريد=كاتب اكتابه ويدّه بيدها لادعا جينا نلبّي مايريد=واجب الاجواد توفي سيدها وياحضور اليوم عدتوا من جديد=ذكريات العام في تجديدها مرحبا ترحيب يسمع من بعيد=ياصل اهضاب الدّير مع بيدها وياهلا كلمه تذوب للجليد=وتسعد الحضّار في ترديدها بسم ابو فيصل على العلم الحميد=قلتها وآعيدها وآزيدها شيخنا للضّيف ناره تستقيد=في مليلتها على ترميدها ورّثه مطلق من السّاس الجويد=ورث يعطي سيرته تمجيدها الكرمّ واللين والعلم المفيد=حتّى لقا من عزوته تأييدها ومن ولد عثمان للعايل عنيد=نعم ذيك النّفس في تعنيدها ياالله انك تنزله منزل شهيد=وجنّة الفردوس له تخليدها ورّث محمّد من المجد التّليد=حكمة العقّال نال امفيدها مايجيك براي ماهو بالسّديد=عرفه اسلاحه عداه ايكيدها ومن رباح الفود منّه نستفيد=مشيخة جدّه جدير ايجيدها فيصل المحبوب ولمطلق حفيد=زاد دار المعرفه تشييدها همّ مشايخنا وعنهم مانحيد=ونطلب الوالي لها تسديدها والولا لحكامنا فيهم شديد=والعلاقه زايدٍ توطيدها تحرص بلمّ الشّمل ضدّ المريد=شعبنا واحد فذا تشديدها شعب سلمان الحزم عيشه رغيد=ومايهاب اعداه في تهديدها ياالله انك تنصره نصرٍ اكيد=واليمن ترجع على منريدها والوطن يبقى على العالم يسيد=وحرّر ارض القدس من تهويدها وصلّ ياربي على الهادي وزيد=وكثّروا ياصحابنا ترديدها الشّاعر/ خالد بن عبيد بن معتوق ألأحمدي |
( الوطن )
خالد بن عبيد بن معتوق ألأحمدي= النّصحه من رفضّها ذاك ماالله امهديه=واستمـع هـرجٍ يفيدك وافتهم لي ياحسن طيع نصحي يالحجيري ياعزيزٍ منتقيه=انهج النّهج السّليم وخلّ في ايديك الرّسن الوطن لنّك حميته تستحقّ العيش فيه=وكان منت بحاميٍ له شدّ دوّر لك وطـنّ لاتسمّع في هروج اللي يحرّضّ وازدريه=ماهو راعي طيب كانه قام يدّور للفتن لو صدق بالهرج معكم لايغرّك ما حكيه=كم كلمة صدق فاحة طيب باطنها عفن الوطن هذا وطنّا لازم انا نحتميه=مانشتّت شمل شعبه مانجرّه للمحن اكثر النّيات فيها خافيٍ محدنٍ بغيه=علمها يعلمه واحد بامره سرور وحزن القبايل كلّها متحالفه بيض الوجيه=لو رقص شيطانهـا مخزي ويبشرّ باللعن وانت يالقرم المحنّك لاتراعي للسّفيه=عادة الرّجل الموقرّ عنده لهرجه ثمن وكان شفت الميل ناره في ضميرك تكتويه=شوم واصبر صبرنا مـن دون لتّ ولاعجنّ الوطن والرّبع والجيران ياالرّجل النّزيه=انت لاتقسى عليها لو على شخصك قسن حسن بن علي البشري= يا حروفي سجّي احصان القريحه واِمتطيه=وجاوبي خالد عبيد بكل طاروق و لحن وعلميّه بكل صيغه يوجّـه الحرف أحتويه=لو يلغمّها ما نغديها عن الوجه الحسن النصيحه مثل صقر اللي جهل به يشتويه=ما رفضها الا سقيم العقل لو صحّ البدن خصّ لا جات النصيحه من نبيه إلى نبيه=ما تركناها ونجهر بامرها سرّ و علن الوطن ماهو بضاعه نبيع فيه و نشتريه=ولا هو مجرد ملاذ و سقف وأرضيّة سـكـن الوطن مثل الأبو مهما قسى نقبلّ يديه=الوطن صدر أم من ذا يعقّ صدرٍ له حضن الوطن ماهو نبي حلوه ومرّه ما نبيه=الوطن منّا و حنّا منه في حيل و وَهَن مثل ما يرجي صـناديده ترانا نرتجيه=ما نخيبّ له رِجى ، ولا عاش منهو له غبـن دون ذرّه من ترابه واشقا بسوء منتويه=منتوي شبرٍ من أرضه عدّه ف شبرْ اِندفن لو شكينا منه ضيم ، بضيم ما نرضى عليه=ما سمعنا فيه زيف ولا نصدقّ فيه ظن الوطن لو قلت بعيالي و مالي أفتديه=ما وفيته لو أقدمّ لجله الروح بكفن الله يديمه و يدحر كيد منهو يعتديه=وانتم و حنّا سيوف ، ف يد حكّامه سطن |
( آل النّحيت )
ضاقت سبل حضّ البناخي وقلنّا=يبقى الامل بالله ماهي صعيبه الشّاعر / خالد بن عبيد بن معتوق ألأحمديثمٍ يجي دور المشايخ واملنّا=بشيوخ حرب اهل الصّدور الرّحيبه آل النّحيت امنشّطين المطنّا=واللي نخاهم كفّ عنّه طليبه اسره تمثّل حرب فينا وعنّا=تاقف بوجه الكايده والغليبه وآخص منهم شيخ طيبه تبنّا=كلّ العلوم الغانمه والمثيبه عبدالله محمّد وصيته يرنّا=ولا قالوا العرّيف هذي غريبه اللي كسب له صيت شاع بوطنّا=الله عطاه الجاه واعطاه هيبه طرفه عن الطّالات مايرجهنّا=واليا بغاله علم حتماً يجيبه عبدالله انته بالمعزّه تغنّا= ونجمك تزعّم بالنّجوم الرقيبه وانته زبزن المرجله ماتثنّا=قدّام ميلادك وهي لك خطيبه وعند القياده قدركم ماتدنّى=تحضى بمنزل غيركم ماهنيبه يابن نحيت اليوم منك انتمنّى=فزعه تردّ البسط بعد المغيبه منها البناخي يسعد بحسن ضنّا=واللي نخاك امحال بيشقّ جيبه كلّية الضّباط فيها ايتهنّى=ويخدمك يادار السّعود الحبيبه ومشكور يااللي باللوازم تعنّا=نسل الرّجال اهل السّلوم العريبه نطلب لك اللي باسمه احنا استعنّا=يطول عمرك ماتجيك المصيبه وف يوم فيه الشّمس منّ تدنّا=تسلم وذاك اليوم تكفى لهيبه |
( الشيخ / عبدالله محمّد بن نحيت )
الشّيخ عبدالله محمّد بن نحيت=كسّاب قولة نعم رمز المرجله اللي دفاعه دون ربعه مستميت=هو راعي الوقفات محدٍ يجهله ياللي نخيت ابشر وصلت لطيب صيت=الشّيخ عبدالله يحلّ المعضله لاقام لك حيّاك وتقلّه بقيت=وفمدّة الفنجال علمك تنقله مايقدّم المعذار مايقلّك عييت=ايبشّرك بالخير واجب يكمله وايريّحك من همّك اللي به شقيت=اللي مسبّب شيب راسك تزهله قدّ صار لي ميقاف قبلك مانسيت=تثمين جهد اللي لزومه يعمله يالشّيخ عبدالله على العليا رقيت=الله عطاك البخت بعلى منزله كمّ من ضعيف تعين كمّ اللي تقيت=امن الخطر والضّيم باصعب مرحله وفغيرها يابو محمّد ماعنيت=الطّيبه فالماضيه والمقبله يابن نحيت العرف في راسك يبيت=ان غاب عن روس العرب ماتهمله قريت فالتّاريخ فسطوره لقيت=شهادة التّاريخ فيه امسجّله يادار ساسك عزّ بالعزّه بنيت=ماينهدم مبناك لو بالزّلزله وآقول هذا العلم وآنا به رضيت=والجزل قدره عند رجلٍ يجزله الشّيخ عبدالله محمّد بن نحيت=كسّاب قولة نعم رمز المرجله الشّاعر / خالد بن عبيد بن معتوق ألأحمدي |
( عاصفة حزمنا )
ماأمنت العقوبه واسأت الأدب=ترتجي مبتغى بالوهم زمت فيه مادريت انها بين عين وهدب=دولةٍ عزّها شعبها يحتميه جيشها جاك من كل صوب وحدب=مايعوّد إذا ماهزم من يبيه عاصفة حزمنا خلّت ارضك جدب=وانهدم مجدك اللي بها تدّعيه وبعد خوفك من الحرب فالقلب دب=عفت حلفٍ عملته بسود الوجيه صرت نادم وترجف وترسل ندب=تطلب الصّلح ماهو ضميرك نزيه وكل مخرج فعينك معوّد ردب=جاحد الطّيب يستاهل اللي يجيه الشّاعر/ خالد بن عبيد بن معتوق ألأحمدي |
هذه القصيده بمناسبة ترشّح
الاستاذ/ محمّد بن داخل ألأحمدي في الانتخابات البلديّه
لبّيت دعوه جاتني قبل ساعات=من شخص يغليني وانا مثله اغليه راعي وفا ومجرّبه فالصّعيبات=واجب عليّ ارضي جنابه ووافيه وفلازمه ماني بجيب اعتذارات=اليوم جيته في لزومه وبرضيه وانضمّ ياجاهي مع اهل الوجاهات=واللي يدوّر فزعتك لاتخلّيه الزوم ربعي قدمه فالمهمات=وحضرت محافلهم سرورٍ لي ابديه وفي محفلٍ يحضى بطيب العلاقات=جيته رضا منّي وانا مقتنع فيه داعيه عزم الفوز فالانتخابات=يوم ان كلاً يجتهد في تحدّيه ولمحمّد التّصويت يطغى بالاصوات=حتّى يفوز ويهتني في تمنّيه وليه العجب فالامر ليش المخافات=مادام ابوه امسانده ويش يعييه ابوه داخل شهم جزل العطيّات=اللي لدرب الطّيب منشيه مهديه دعمه سخي طبعه حليف النّجاحات=الله رفع قدره ولحدٍ موطّيه ويابو محمّد لاتجي فيك ريبات=ابنك حضوض الفوز قامت تباريه فالك وفاله دايماً بالبطولات=واعطيه صوتي والله انّه يهنّيه الشّاعر / خالد بن عبيد بن معتوق ألأحمدي |
هذه القصيده بمناسبة فوز
الاستاذ / محمّد بن داخل ألأحمدي في الانتخابات البلديّه
عند الرّجال الطّيبه قدري رفيع=وحبل الوفا بيناتنا ماهو قصير الشّاعر/ خالد بن عبيد بن معتوق ألأحمديلامن دعوني جيت فالوقت السريع=يصعب على رجلي توانا فالمسير وقت اللزوم آقوم قومات الشّجيع=وآسرّهم في طيب معدوم النّظير واليا دعا داخل يوافيه المطيع=يامر عليّ امره على اخوه الصّغير واجب عليّ آطيع فالامر النّفيع=دعوة كبير الجاه للسّيف الشّطير رجّال يجمعنا على طيب الصّنيع=في فرحته بالفوز لاّ لبن الكبير اللي وقف وياه بالصّيت المشيع=وصخّر معاه الجاه والمال الوفير حتّى ظفر في سطوة السّيف البتيع=ساعة وصل للمنصب اللي به جدير وامن اجتهد فالوقت جهده مايضيع=وهذا بدون اقصور فالجمع الغفير كلاً بذل فالواجب اللي يستطيع=اشيوخنا والجبر ماقفهم شهير اللي جهدهم بان كالسّد المنيع=وهذا الامر ينبيك ياالرّجل البصير الفوز لمحمّد يسجّل للجميع=حنّا يداً وحده على العلم المنير وذي دبرة الله خالق الكون الوسيع=والفضل يرجع له فالاوّل والاخير |
( النّفس )
عند الله النّفس بيّن لك مراتبها=فكتابه آيات فسّرنا تلاوتها امّاره بسوّ.لوّامه لصاحبها=والثّالثه مطمئنّه في نهايتها خلّك مع الثّالثه واغنم مكاسبها=وان قلت لي كيف امشّيها بسكّتها اقول ذا دور صاحبها بواجبها=يجعلّ لها الدّين دستور فربايتها اجلسّ مع النّفس حاسبها وأنّبها=افرح لحسناتها وازعلّ لسيّتها وحارب هواها ليا تبغى تهذّبها=ترى هوى النّفس هوّ اسباب علّتها وانأى بها عن مواقيفٍ تعيّبها=والنّفس من عزّها نزّه ملذّتها واصنع لها هيبه من الله تهيّبها=لايجرح النّاس كبرتها وزلّتها وقلّ الموافا مع الاجواد ذاربها=وطيب الوفا ماهو منقّص مكانتها وقرابتك لو تضرّك لاتحاربها=ادمح لزلّاتها تكسب مودّتها لاتغرّك القوّه ان كبرت مضاربها=مردّها النّقص في قمّة كمالتها دنياك فحوالها مكثر تقلّبها=لوانّها سرّتك ماادّوم فرحتها الجاهل اللي ورى دنياه خايبها=والعاقل اللي كسب للنّفس عزّتها يجلس معاها يحاسبها وينّبها=يفرح لحسناتها يزعل لسيّتها الشّاعر / خالد بن عبيد بن معتوق ألأحمدي |
( رحمة الله واسعه )
لاتهدّك ضيقتك لو تحدّتك الضّغوط=تنفرج لك كربتك كلّ مازادت حرج رحمة الله واسعه ماتبي شخصٍ قنوط=والعسر فيه اليسر والصّبر بعده فرج ولا تطاوع للهوى ماعلى وقتك شروط=الهوى مثل اللحد من دخل به ماخرج ومن تغرّه بنيته صار آيل لسّقوط=نكسته يدرابها لوّ ماعنها هرج ومن تواضع يرتفع مايجي فيه الهبوط=رافقه في دنيته صيت مع بخت انمرج والحكي يظهر لكم بالرّجل ماذا ينوط=ومن تسفّل بالحكي منزله منه انكرج والعلوم الغانمه في مكرّمها تحوط=من تعوّد فعلها عن طريقه ماانعرج والفتنّ واهل الفتن تنتهيبك لشّطوط=لاعتلّى خيلها لوّ بالزّين انسرج والزّمن هذا يده مثل يدّ الاخطبوط=من يضمّه في يده في ضحاياه اندرج ولا تهدّك ضيقته لو تحدّتك الضغوط=تنفرج لك كربتك كل مازادت حرج النّصيحه جبتها شعر بالجزل امخلوط=من تبع مضمونها حضّه بوقته برج الشّاعر / خالد بن عبيد بن معتوق ألأحمدي |
( حبيبتي )
حبيبتي بالزّين عجبه بالكمال=ومضرب مثل للنّاس باللبس الانيق الشّاعر / خالد بن عبيد بن معتوق ألأحمدييامشيها بالهون تنبي بالدّلال=وياهرجها محسوب ليّه فكّ ريق وامن المحال اتحال نظره عن جمال=ومن المحال القلب من شوفه يضيق وكان العرب بالزّين توصف بالغزال=امّ العيون السّهد والجسم الرّشيق قدرها اسمى منه في ضرب المثال=امّ العيون النّاعسه ذات البريق من شعرها الجذّاب لامالت ومال=ينثر عبير الوردّ ويعطّر فريق ولها الخدود امورّده بنت الرّجال=ياقف عليها النّحل يبحث عن رحيق الله عطاها زين مع طيب الخصال=وتمتاز بالعفّه ومنسبها عريق واستغفر الله كان ماهو بالحلال=الكلام اللي لقوله مانطيق قرّرت في قوله ولو يحصل جدال=حرّية التّعبير للشّاعر تليق من فتنة المجمول ماعندي مجال=اصمت عن التّعبير فالعلم الوثيق الصّمت عنها يعتبر صعب المنال=ذي فرصة الشّاعر يعبّر للعشيق قايد هواها جيش يطغى بالنّضال=طغوة نعومتها على الجسم الرقيق لو تعترض للمهتدي صابه ضلال=يفرح عليه ابليس فهيامه غريق وهذا قليل بحقّها لا واحتمال=لو تمرّه ميت من موته يفيق وياويل عاشقها ليا مات الوصال=يمسي مريض افراق في قلبه حريق واللي يلومك يالمتيّم شين فال=عدّه عديم احساس ماقلبه شفيق واختام قولي مختصر فيه المقال=ينبي به المضمون بالوصف الدّقيق خلّيتني في حال نسيانك محال=عذبتني وارتحت يالطّير الطّليق |
( قصّه جرت لي حزينه ) .... مساجله
بدع الشّاعر/ خالد بن عبيد ألأحمدي= الصّاحب اللي بالوفا خابرينه=رجلٍ على الفرعات يكرب حزامه واحنا لكربات الزّمن ذاخرينه=هذاك ابو سامي رفيعٍ مقـامـه سلام ياراع العلوم السّمينه=ياللي بفعل الطّيب كسب احترامه في كسب عرفك لي مكاسب ثمينه=عساك دايم في طريق السلامه هيّا استمع قصه جرت لي حزينه=قلبي ثمان اسنين يشكي هيامه وآقلبي اللي مااهتنى مع ضنينه=خلٍ صفـى ماطـاع هرج النّمامه هذاك خلٍ صادقٍ في حنينه=ماكان ضنّي بشتكي من عدامه وحلّ الفراق اللي علينا غبينه=ومشكاي لله من حياة النّدامه جاب الخبر زعلان يندى جبينه=من صدمته مسكين بردة عضامه ولحظة وداعه في مطار المدينه=والله ماانساها ليوم القيامه اشّر بكفه والمدامع بعينه=تجرح فؤاد المبتلي فـي غرامه ولحظـة صعود الطّايره مع ونينه=قالت عيونه دون لسمع كلامه مات الامل في رجعتي للمدينه=وفراقنا باقي ليوم القيامه ردّ الشّاعر / ندا الغيداني= الصّاحب اللي كلنا خابرينه=شاعر وشعره يستحق العلامه جزيل في شعره جزيل بيمينه=لاقلت خالد ماعليه ملامه يامرحبا برسالةٍ من يدينه=تحمل تحياته وتحمل سلامه عسى المعرفه والعلاقه متينه=بيني وبين اهل الوفا والكرامه هذا وانا قرّيت سيرة سنينه=منذو ثمان سنين قصة غرامه مرت ثمان سنين ياعاذلينه=راحت على خالد ماحقق مرامه مع واحدٍ وش صار بينه وبينه=من فيهم اللي ماوفا بالتزامه وحان الفراق وباح خافي كنينه=وغيّر قراراته ولخبط نظامه واصبح لصكّات الليالي رهينه=والله ماادري ياعرب وش علامه وامسى حزين ارجو عسى الله يعينه=ويغيّر دموع الشقا بابتسامه ويصبر على الايام شينه وزينه=والليل لوّ اظلم ماطوّل ظلامه وحمامةٍ طارت بوسط المدينه=غير الحمامه فيه ميّة حمامه |
( رحم الله الشّهيد/ صدّام حسين )
قـرّرت ماتابعك يابث الاعلام=ولاعاد بقرا خط كاتب وناشـر الشّاعر / خالد بن عبيد بن معتوق ألأحمديمادامها بثت لنا موت صدّام=حرّمت تشغيل الجزيره مباشـر الله يهدي من فرح له بالاعدام=في نظرتي يحسب للاعدا مخاشر والحكم نفذ يوم غالي بالايّام=من شان يفرح كل هامل وداشر لكن من حضّه كسب حسن الاختام =اللي مع اخصام العروبه مقاشر في وقت حكمه صرم صامد وضرغام=كم باشر العدوان سيل المحاشر مرحـوم ياصـدام ياشهـم مقـدام=طاريك يبقـى للشّجاعه معاشر
بدع الشّاعر/ خالد عبيد ألأحمدي= يدور الوقت يافوّاز والعالم معاه ادّور=قليل اللي يحسب احساب للايّام ويداري عن ابلادك بعد ماغبت ياصدّام غاب النّور=وهذا اللي بغاه الغرب فالبصره والانباري دعيت الواحد القهّار عليم اللي بنا مستور=بلطفه يبعد العدوان ماتقرب من ادياري اشوف اعداك تتحالف على السّنه تحيك شرور=وبعض النّاس مايدري لوانّه دارس وقاري ترى للمالكي مطمع لجل بشّار يلعب دور=ولايبيضّ وجه اللي سويد الطّبع غداري يبا يرجع عليه الظّلم واللي جار يلقى جور=ولايقدر على مقتل مثنّى حارث الضّاري وشاف النّاس تسكت له ولا تردّه عن المحظور=عطوه بنفسـه اغروره وصار ايهيط ويزاري وهذا يغيض كل رجل ٍ على السّنه حمي واغيور=لاصارت للعرب حكّام مـاتنهاه وتثاري عليهم واجب انساني تجاه الشّام وارض الطّور=قبل تتفاقم الاوضاع والظّلمه لها ساري ولا منّا مكنّا الوضع هنّينا فرح وسرور=نرجّع قدسنا حرّه وتفرح كل الاحراري ردّ الشّاعر / فواز محسن الزّويهري= أنا اقول الفلك دوّار وما للظالمين اقرور=يزول الظلم واهل الظلم سنّة ربك الباري وانا عندي في هذا الامر نظره والفكر محبور=ابا اعطيك الخطوط اللي عليها اتسير لا تماري ترا صدام قام وزام وضام وحام كالدبور=لعب لعبه على شعبه على جاره سراضاري دعا باسم العروبه دعوةٍ فيها الغشش مصرور=مهي لله لوكانت لرّب البيت ماجاري وتاب فأآخر المدّه بعد دمه غدا مهدور=عسا الله يقبل التّوبه كريم الرّب غفاري وربّك ناصر الملّه ماهو ناصر ولا منصور=لو اذناب العجم تهتز ماتطفي لنا انواري تقول المالكي والمالكي دميه ولاله شور=يحركه المجوسي وأغلب أوقاته بدولاري مثيله مثل بشار الذي حكمه تحول بور=على شعبه غضب صبّه ونفسه لردا اختاري تراهم عملةٍ وحده وحاكمهم بغاهم عور=يغررهم على كيفه وفيهم بايع وشاري ترا ما تصلح الاحوال حتى نخلّي الدّسـتور=كتاب الله وحكام الجزيرة فوق الامهاري
بدع الشّاعر/ خالد بن عبيد ألأحمدي= ان قلت لي صدّام مافاد الاسلام=هذي تراها فعتقادي خطيّه الم يكن للحزب في حكم صدّام=موقف مشرّف من هذيك القضيّه في صدّ زحف الفرس تحطيم الاحلام=يوم الخميني بيّت الخبث نيّه يبغى بلاد العرب له فيهم امرام=لاكن صمد له يعربيّ الهويّه ساهر ايضدّ اعن الحمى كل حوّام=بمساعدة منهم لهم مقدريّه علمٍ موثّق بالصّور عبر الاعلام=شارك على الجبهه بواسل وفيّه ولاني ماوفق فعله ابكل الايّام=بالعكسّ اللوّم والملامه قويّه كم من تصرف جابه وحقّ ينلام=ولاني من اللي يقبلون الاسيّه ضربة حلبّجه بالصّواريخ الاسمام=وغزو الكويت فليلة ٍ سرمديّه وآشدّ منها جرم مامثله اجرام=اتعرّضه دار السّعود الابيّه لاكن علينا بكلمة الحقّ الاسهام =وانشيد له بفعال فيها حميّه مستوطنة صهيون اسهرهم ارغام=سبّة صواريخه عليهم صريّه وتحالفوا بالفرس عبّاد الاصنام=واعلن عليه الحرب والحرب سيّه خطّط على موته لجل خصمه اينام=بيّا طريق ايورده للمنيّه ومبنى تحدّا فيه صدّام الاخصام=اعدمّ به الصّمصوم فالاعضميّه واليوم في بغداد ياكثر الايتام=والفارسي يمشي مع النّاس حيّه كم ينتهك عرض ٍ وكم ذلّة اكرام= وبعض العرب لدّة بعين امعميّه وانشدك لوهو بالعماله له ارقام=لجل ايش يعدم في نهار الضّحيّه الم يكن هذا من الخالق اكرام=المطّلع بالظّاهره والخفيّه عيد الضّحيّه يوم نجّي ولد سام=ابن ابراهيم وجدّ سيد البريّه رّد الشّاعر/ فواز محسن الزويهري= المسأله تحتاج لعقول فُهّام=اللي تميّز بين هذي وذيّه وانته من اهل العقل لك مصدر الهام=وتعرف محلك بين شمسٍ وفيّه واعطيك من بحثي عناوين الاقلام=وعلمك يسدّك عن شروح البقيّه حزب البعث سم الافاعي فالاجسام=ماله مع اهل الدّين ايت عنيّه باسم العروبه بيننا رام بزيام=والنّاس في تصنيف عال ودنيّه ان كنت بعثي فانت من روس الاقرام=عندك بطاقة رقم ضمن الخليّه ورفيق قبل الاسم تنده ولا تضام=وتعيش يالبعثي حياةٍ هنيّه وان كنت ماانته معهم تشوف الاسقام=تشرب شراب المر صبح وعشيّه تنام وجروحك لها نزف وآلام=وتقوم من نارٍ توقّد صليّه واخرج لنا صدام من رعب الافلام=فلمٍ يوثقله وتحسب رديّه والله نصرنا لنّنا بدينه اقيام =ودارة عليه الدايرة بالزريّه وماني بقايل شهم صنديد ضرغام =لنّه على اسرائيل ارسل بليّه اوكان فوق الفرس بالوسم وسّام =مجرم تجبر فوق مجرم بكيّه وترى السّياسه اسياد تامر لخدّام=وخُدّام تخدمهم لنفسٍ وهيّه وليا عصا خادم يصدّر له اعدام=وتحرق سجلاته بايدي قسيّه ماقدمه يلقاه لو طالت اعوام=سنّة اله الكون في ذالدنيّه دام الامر ماهو لجرّاي الانسام=ماتسرّك افعال الرّجال الشقيّه لكن منهو تاب من فعل الاثام=وصحح طريقه قبل قطع الوفيّه ندعيله الرحمن يدخله فرحام=ويسكنه جنات عدن البهيّه جاك الكلام اللي حروفه كالاختام=من قاضي الاشعار حاكم قِفِيّه |
هذه القصيده.
تشرفت بإلقائها في حفل رفاف المهندس/ محمّد بن عبدالعزيز بن سليمان ألأحمدي يوم الخميس 1437/4/4ه
ليلةٍ فيها قناديل الشّموع=تضوي ابنور المباهجّ والسّرور ليلة الجمعه بعد يوم الرّبوع=زانة الفرحه وشبّينا البخور يومها مبروك فاله مايروع=الخميس اللي بالافراح امخبور ليلةٍ تجمع عزيزين الرّبوع=واصدقا وانساب مافيهم قصور والعريس ابها بنورٍ له سطوع=شعّ من وجهه وغطّا كلّ نور في زفافه ليل مايعرف هجوع=بالطّرب والشّعر والسّعد امعمور وباسمه من اللي سكنّ خلف الضّلوع=وافي التّرحيب منّي بالحضور الدّلال اتساق مع طيب القدوع=والصّحون تسرّ وتفوح القدور في زواج محمّد الحرّ البتوع=من يغيب اليوم ماهو بمعذور وبالوفا جينا وحنّا لك دروع=يالبناخي يوم خالك بك فخور ياشبيه آبوك في كلّ الطّبوع=الوفا مبداك والعزم الجسور طيّب الميقاف منته بالقطوع=وراقي الاخلاق مافيك الغرور من ذوي حمّاد جزلين النّفوع=السّطر والعز بالمجد امخشور واختيارك ذوق يالشّهم الجزوع=للعيال اخوال من نسل الصّقور يرزقون البرّ فيهم لك خضوع=وطيّب الانساب معدن مايبور وفقك ربّي ومجدك في طلوع=وفالك التّوفيق في كلّ الامور وامتداد الخير يالقلب النّصوع=موعدٍ نحريه من عدّة شهور ليلته فيها قناديل الشّموع=تضوي ابنور المباهجّ والسّرور الشّاعر / خالد بن عبيد بن معتوق ألأحمدي |
( رحم الله والدي الشّيخ/ عبيد بن معتوق ألأحمدي )
ذكرى حزينه في شهر ذاالقعده=تتجدّد الاحزان في ذكراها في 11/19 ذا موعدها=لحظة وداع ابوي مابنساها ياليتني ميّت في ذيك الليله=ولا عشت لحظة حزن مابقواها فرقا عزيزٍ عزّني واغليته=نفسي بظلّه بالحنان اثراها اللي على عرش الفؤاد اتربّع=تغليه نفسٍ صانها واغلاها غالي دفنته في بقيع الغرقد=عليه عيني مايكفّ ابكاها ابوي تاج الرّاس ماانسى فضله=لو تنكر اهل الارض فضل اباها له سيرة الاخيار وتنومسني=واليا طريت اسمه بديت اتباها اللي علوم الطّيب منه ادّرس=ومنّه ورثناها ودرّسناها والله لولا الموت شي امقدّر=ماكان نفسه حاصلٍ فرقاها يحماه بعد السّيف رمي البندق=وتعيش نفسه والكدر ماجاها لكن مالي بامر ربّي حيله=وامر انكتب لنفوسنا مااخطاها والله يجزا خير من عزّاني=واهل الوفا ماانسالها مسعاها وراجيك يالرحمن واستودعتك=روح الفقيد اطلبك عطها ارضاها واليا جمعت النّاس يوم المحشر=ظلّه بظلّك رحمتك يهناها واسقيه من حوض الشّفيع محمّد=شربه ولاتضميه لذّة ماها الشّاعر/ خالد بن عبيد بن معتوق ألأحمدي |
( الفنّانه / نوال الكويتيه )
خاطري يرتاح لاغنّت نوال=تثّر ابمهجه طويل اعزوفها حسّها يجبرك تبحر فالخيال=وفنّها يسحرك في معزوفها ماتغنّي نصّ مابه وصف حال=واللحن يحلا بعبق احروفها كنّها الكاتب للابيات الجزال=للمعاني تتصف بشغوفها وترتقي بالاغنيه حدّ الكمال=وتدخلك في جوّها واضروفها في عذوبة صوتها رونق جمال=همس دافي لالذان اشنوفها عن سواها زود شمعة كرنفال=الهنوف اللي حسان اوصوفها العيون السّود مع كحلّ الدّلال=وزين قامتها ورسم اكفوفها والسّماحه سرّ في ذاك القبال=تسعد الجمهور يوم ايشوفها لحضرة في حفل هيّ الاحتفال=من حضر يهتف فرح لوقوفها تربط الحاضر بماضي لاتزال=ذكرياته شمس صعب اكسوفها كوكباً فالشّرق والمجد المنال=وعندليب الفنّ ضمن اصفوفها نهجها من نهجهم دون انتحال=فنّها مرموق محد ايعوفها لجل هذا شفت شعبيّة نوال=كلّ يوم ايزيد رقم اولوفها الشّاعر / خالد بن عبيد بن معتوق ألأحمدي |
( اللي طلاسمهم على خالد اثقال )
سبّحت لك واشكرك يافرد متعال=واثني عليك الخير ياللي عـطاني وابقى مقصّر ماوفيتك بالاعمال=لونه بعزّ النّوم سبّح لساني ياحي ياقيوم حلاّل الاشكال=انت الصّمد وانت الاحد دون ثاني عدل القضا منته بظالم وميّال=راضي بحكمك لو حرمت الاماني ياللي قسمت الرّزق من طعم واموال=حامدك لوني في زماني معاني كم من تحدّى قدرتك جاه زلزال=وانت الذي تبقى وهالكون فاني ياواحدٍ لاراد من حكمته قال=حرفين تعني كنّ لشّي كاني انا دخيلك من بلا كل محتال=واللي دخل بحماك ماهو مهاني الطف بحالي يوم ضاقت بي الحال=واصرف شرور المغربي والعماني اللي طلاسمهم على خالد اثقال=لو ملتجا بحماك راح بثواني اصبر على كبر المكايد والاهوال=وادفع بلا سياتهم بالحساني ولاني بهايبهم رديين الافعال=انا لمن يطلب صراعي لقاني لكنهم بالفعل ماجوني اقبال=ترســم خططهم بالقفا وتخفاني ومنك الفرج ياربنا مهدي الضّال=طالبك من شرّ النّفوس اتحماني شكوى لغيرك جالبه نقص واذلال=واختم واصلي عد ماالصبح باني على الذي يرتاح لام اذّن بلال=وامبشّر العشره بذيك الجناني الشاعر / خالد بن عبيد بن معتوق ألأحمدي |
( مجنـــون حــــبّــــــــك )
من فرحتي في شوف وجهك تبسّمت=حيث ان شوفك من دواعي سروري الشّاعر / خالد بن عبيد بن معتوق ألأحمديموفيك حقّك بالغلا لو تكلّمت=يعجز لساني كيف يوصـف شعـوري لاشفت زولك مقبلٍ لي تلعّثـمت=وافز مثل اللي سمع صوت بوري انت الوحيد اللي بعيني تعظّمت=ويكفيني انّك في هوانا فخوري لو غبت عنّي ربع ساعه توثمّت=ماني على نار الفراق بصبوري مجنون حبّك في غرامك تغرّمت=وارضي غرورك دام ترضي غروري متبادلين الودّ سلّمت واسلمت=يااللي خدودك كنها وردّ جوري هرجك ثمين ولاقدر يغلب الصّمت=مثل الذّهب مخزون داخل تجوري ويرسل هدبّ عين المها لاتلثّمت=سهمٍ صويبه بالهيام امخطوري وانا صويب العشق في ودّكم همت=العشق عذري والصّويب امعذوري وراع الهوى مغبون جرّبت واقسمـت=ذي حالة اهله من قديم العصوري |
( الـــــــــــحـــــــــــــــــــــــــب )
الحبّ موجه تستهيض المشاعر=من نظرةٍ تسري من العين للقلب لوهي تمرّ العقل يمكن تغادر=ماتكمن فقلب العنا تقلبه قلب والحبّ بين النّاس بالقرب قادر=يجذب فؤاد اللي على رغبته صلب وشلون لويسطي على قلب شاعر=اللي رهيف احساس يسهل به الجلب الشّاعر / خالد بن عبيد بن معتوق ألأحمدي |
( فالغياب وفالحضور )
مرحبا ترحيبةٍ كلّها ورد وزهور=في حضور اللي رجع بعد طالت غيبته روحته فيها حزن رجعته فيها سرور=وفالغياب وفالحضور ماتنقّص هيبته غالي وزود الغلا مازرع فيه الغرور=زاد حسنه بالثّقل محد ايحس بريبته ينحسد من يعرفه من نساء ومن ذكور=الصّفات العاليه تنحصر في طيبته بيني وبينه غلا يتّضح فيه الشّعور=جعله بعمرٍ مدي مايبيّن شيبته الشّاعر/ خالد بن عبيد بن معتوق ألأحمدي |
الساعة الآن 10:00 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir