ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى صياف و مبروك ابوناب ورجا الله و معيض العجــي وعبدالكريم المزروعي (http://www.m-harb.net/vb/forumdisplay.php?f=86)
-   -   محاورة الشاعر عمر الخالدي والشاعر صياف الحربي (http://www.m-harb.net/vb/showthread.php?t=157816)

الحب الباقي 04-02-22 11:51 PM

محاورة الشاعر عمر الخالدي والشاعر صياف الحربي
 
عمر :

الأوله بسم الله الرحمن وأحسن مانقول
والثانيه سلام ياقوم المدن وأهل القرى

صياف بن عواد لايطرد ورى راع الذلول
راع الذلول اللي موثق كورها باع وشرى

صياف :

الأوله يازينها لاجات لأصحاب العقول
والثانيه يامرحبا لو إن ساريها سرى

الخالدي ماهو صحابي ينقل أقوال الرسول
شاوي يحوش العنز من نعمان يطلعها كرى

عمر :


أنا مع العراف أثمن كلمتي ماني عجول
واللي سرت مع دربها ماقلت رجعها ورى

إن كان ياصياف تبغاها تسير بلى حلول
روح إقرب العطار يملى يدك مسك وعنبرى



صياف :

إن كان رجلك فـ الطلوع أخير منها فـ النزول
تقدر تشب النار فـ الأول والآخر مادرى

البرق يبرق فوق الوديان ماجابت سيول
إلا سحابة واحده طاحت على راس القرى

عمر :

رجلي على العليا تعلّت والسوالف بالأصول
والدرب بمشي يأيمنه مبغى الطريق الأيسرى

أنا ضحكت لصاحبي ليله وفرقنا العذول
اللي يحط الملح فـ الشاهي وطش السكرى


صياف :

إليا سلمت من العبيد اللي يطقون الطبول
ماتسلم من العبد أبو دبسا وسيف وخنجرى

إليا بغيت الصدق وين اللي يشيلون الحمول
ياكثر من يقرى ولا يكتب ومن يكتب قرى

حسيـن 20-09-22 09:41 PM

سلمت يمينك وبيض الله وجهك



الساعة الآن 08:04 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi