|
ياهاجسي لومي من الشعر واطيك(رباح بن طعيميس)
بسم الله الرحمن الرحيم
ياهاجسي لومي من الشعر واطيك=كم لي وانا ادايرك ببن مريخان
هو البلا فيه والا البلا فيك=والا القريحه وقعت في حصى بان من عقب ماتنشي على المتر وستيك=باسلوب راقي لك مهارات واتقان تخضع لك الشرد خضوع المماليك=تختار في جزل القوافي والاوزان لاتقول بالممدوح ما شي يرضيك=الوضع فوق الشعر يابن مغيران وش حاجتك فيه وش حاجتي فيك=ان كان ماتنهي القضيه من الان قدمك ولد شيخٍ فعوله تنشميك=من وين مادرته لقيته كحيلان رباح مهما قلت بالفعل غاطيك=خصايله تحتاج عشرين ديوان راعي محلٍ به رجالٍ تحييك=لاصرت لوجيه المشاكيل خرمان مافيه ليل ٍ مالمجالس مضاكيك=لاروحوا ضيفان حيو بضيفان على الصياني برك الحشو تبريك=ياكثر مايفني من الابل والضان وركن القبيله باحتكام الشرابيك=حلال قالات ٍ عراقيلها امتان تلقاه في ذيه وتلقاه في ذيك=ومواعدٍ عشره على باب سلمان سمح المحيى لاتجديت يجديك=ماينشد الحربي من ايات الاخوان بالجاه والا باحمر المال والشيك=دفاع حرب وكنز ماثوق والسان يملك دها شيخه فراسه وتحنيك=وايضا جراءه لاوصل لصاحب الشان رباح طيبك وارثه من مجانيك=ابوك مدفع حرب زيزوم وحصان سمعٍ وطاعه ياطعيميس تكفيك=شيخ ٍ واقرو له هاك اليوم شيخان والله يديمك ثم يمهل لياليك=ياشيخ شيال الثقايل كحيلان ياقل مثلك يازبون المداريك=زبن المدان الي من الحكم زملان ماختص طيبك في قرايب عوانيك=ماتحط ذاك فلان من دونه فلان تبا الحقيقه تنشكر في مساعيك=كاسب بها طوله وكاسب بها احسان وان جيت للابه عن اللابه انبيك=اهل الخيول الشهب في كل ميدان ثنتين مايحلق بهن اي تشكيك=موثقاتٍ للدواوين عنوان واقعت بقيعا فكك الضد تفكيك=اولاد على اللي شانهم بالقى شان افتكوا الحله بروس المشاويك=ثم عاد طامعهم من الغزو خسران وان جيت للفريس مانع يكفيك=لو باقيٍ غيره دهايا وفرسان نعم(ٍباخو فزه ونعم بهاليك=راسك مسند والسعد فيك كدبان يحق لي يوم افتخر بك واحييك=واصل لغايت علم في قدر الامكان موعد تجينيبه مثل ماني اجيك=تراك موعدني وانا جيت ديان واقبل تحيات الوفا من محاكيك=وانهايتي صلو على نسل عدنان وان شاء الله مايقصر ابو عبدالله يبي يعطيني موعد |
|
صح لسانك مليون وبيض الله وجهك
شاعر علم ياغازي من كبار شعراء قبيلة حرب الله يطول عمرك ويلبسك ثياب الصحه والعافيه تقبل تحياتي واحترامي |
الشاعر الكبير غازي الزغيبي صح لسانك وبيض الله وجهك على القصيده الجزله من شاعر جزل وفي شيخ جزل من شيوخ حرب البارزين الذي خدمو القبيله في قظايا كثيره والحقيقه الشيخ رباح بن طعيميس
له وزنه عند القبيله والقبائل الاخرى وعند الدوله لايسعني الا اقول بيض الله وجهك يابو طلال على الشامخه بشموخ شاعرها |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك ياغازي مغيران قصيده جزله من شاعر جزل بشيخ جزل
( رباح يستاهل المدح ومن غير رباح اللي يستاهله ) شيخ يبين وقت مداحم الركب شيخ شامخ بالمحافل ويرفع الراس شيخ نفخر به ونحسد عليه تقبل التحيه والتقدير يالعملاق |
صح لسانك شاعر جزل ولا تجيب الا الجزل ويستاهل الشيخ رباح كل علم غانم |
شاعرنا الجزل غازي الزغيبي صح لسانك وبيض الله وجهك ورباح ابن طعيميس يستاهل كل علم غانم لاهنت شكرا لك ياغازي |
صح السانك ياغازي الزغيبي
قصيده جزله من شاعر مايجيب إلا جزل ورباح بن طعيميس يستاهل المدح وخصايله تحتاج أكثر من عشرين ديوان وإن شاء الله أنه يسدد الدين ويزوركـ والله يديم المحبه بينكم دمت بخير |
وش تبي هاجسك يقدم لك اكثر من هذه العصماء التي تليق بممدوحك ويليق بها
صح لسانك جزاله غير مستغربه |
الساعة الآن 08:03 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
