|
كسرات أبو حامد
بعد التحية و التقدير
سيتم نقل كافة كسراتي لهذا الموقع و أشكر و أخص بالشكر بعد شكر الله سبحانه و تعالى الآخوة القائمين على هذا الملتقى الراقي و الرائع و سنوافيكم ..... |
خذ راحتك و أعطني نبضي = ياللي غرامك فرضته فرض اللي حصل منك ما يرضي = كنّه حياتي مجرد عرض تستجدي خِلك وتسترضي = والود يقرض فؤادك قرْض عرض المحبّه ترى مُرضي = لكل المحبّين فوق الأرض لـــو إنـــه الـــود منـخـفـضـي = رض الهوى و المشاعر رض حاشـاي مـا أجـيـه معتـرضـي = لو يذرع الكون طول و عرض صــد الـهـوى لـلألـم يفـضـي = يزرع جروحه بطول وعرض والجـرح مـن لاوعـه يقضـي = يطلب شفا وما تشيلـه أرض طرفي عن ملاوعه يغضـي = ولا هل طرفي فؤادي غض وش ياخذ الكل من بعضـي = بعضي هجر و الأسية بعض سـيــر الـقـواعـد تـــرى يـعـضـي = والعمر يمضي في نَصْب وخفض لا جـــاك فـعــل الأمـــر تـمـضـي = مـا للهوى فــي المحـاكـم نـقـض |
أبغى معك فالمثل مخراج = يا للي لكم فالمثل منهج كسيته الخز و الديبـاج = يالله يجمل و لا يحـرج باعداد ما فالبحر أمواج=ترحيب والليل لك يسرج راع الوفا ما عليه إحراج =دامه على صفحته يدرج صكوا على القلب بالمزلاج = و اللـي بـذكـره أنــا ألـهـج قانع و هاني و مـا يحتـاج = لــو البـخـت يمـنـا يـعــرج يبـقـى لتصـويـرك الإخــراج = من شان نحكم على المُخرَج قــــــدام لا تُــقْــفَــل الأدراج = نسـعـى مـعـك علَّـهـا تُـفـرج اللـي حصـل سبّـب الإزعـاج = و ما هو كمالـي لكـم أزعـج يضوي عليـه الفشـك وهـاج = و ثـوّر كمـا قفـنـد اتـدحـرج |
قلبي سبب كل بلوايه=دايم فالاخطار يرميني [/QUOTE]من يدرس الوضع بعناية=للمشكلة حل يعطيني يا مرحبا يا هلا بداية = منزالك القلب و العيني ما للهوى طب و نهاية = و إن خانني الفهم أفتيني |
سلام واهديك اوركيدا=باقه جميله من الأزهار عشان تمشي معي سيدا=وتقول من صاحبي البحار لاهي قشيطا ولا حريدا=ولاهي سيجانه وماهي بهار وراعي البعارين مايفيدا=لوجبتله ورد بالقنطار شوف حالته راحت زهيدا=مع قرص مله وشبة نار من عندنـا جـاك تنديـدا = مرفق معه شجب واستنكار ماخبر عطايـاك تحريـدا= تجلب لنا الورد بالشنكـار عيد النظر يابحـر عيـدا = لاتتبـع الثعلـب المكـار بكره الزمن يجلب العيـدا = ويعود راع الابـل للكـار سمـعـت لـحـنـك بتـغـريـدا = يا بو فرح و العلـوم غـزار صارت خواضتك ما تفيـدا = و قشيطكـم غالـي الأسعـار بـحـارنـا أهـــداك تـحـديـدا = و إنـت مثيلـه عطـه تذكـار أعطيـه كـرنـاف و جـريـدا = و رومة طويلة و كم شوار ويش جاب لكزس لكورسيدا = يابوفـرح طيـع لا تحتـار خلـك معـه إيـدك بأيـدا = ولتكون قاسي عليه جبـار شوف ابوحامد طـوا قيـدا = يعزف على الناي والقيثار هيا احفظ الدرس وتجويـدا = وابعد عن الزير والمزمـار يلـزم دعاويـك تفنـيـدا = حتى اتحقق مـن الاخبـار واجيب انا العلـم تاكيـدا = ان كنت ناوي على المسيار يلـزم اقامتـك تجـديـدا = ويسير اسمك حماده نـزار مايسير حامـد واوركيـدا = وبـال هـذا وذا طـيـار بحار لوكنـت مـن صيـدا = اشقر ملامح عيـون كبـار يفضحـك ريـح البواريـدا = لاقربوا منـك راس بهـار لازم ولابــد ونـعـيـدا = القـول للـي زمـانـه دار يلـزم مكينـتـك تبـريـدا = قدام لااعرف وش اللي صار |
أبغى خبر من رجال ثقات=حتى أتبين في إشكالـه بيان دايم عن الـوردات=قوله و فكـره و أمثالـه نبغى إفـاده عـن الحـالات=ولـيــه لــلــورد إجــلالــه لابد موقف حصل ساعات=فيـه الصفـا خيـم إضلالـه ترحيب عطره صدى مافات=مـن أحمـر الـورد واشكـالـه نبغى لحن ينعش الكسـرات=وكـــــلاً يـغــنــي بــمــوالــه ابومحمد بعـد مامـات=رزقه فقبـره تهيالـه خلوه يفرح معه ساعات=قدام لاتنطـوي حبالـه يعني سويكت معاد يبـات=و الا رومنسـي فأقوالـه من خوف ما يطلع الطلعات=و لا يرد علينـا فجوالـه العيـن تنظـر بنـور الـذات=تقصـر بـه البعـد واميالـه والورد لو ما لفت نظرات=اختم علـى القلـب باقفالـه للورد لحظة من اللحظات=في حينها الحسن يبهالـه ومن بعدها تكثر الحسرات=ذبـلان والقلـب يرثالـه ماني مثل عابـر الوقفـات=تقصر على الظاهر آماله الورد لو غاب له زهرات=في داخل القلب تزهى لـه متغيـر الـود فالباقـات=والورد متغيـر اكلالـه كيف العمل فالذي قد مات=اتبدلـه بآخـر امثالـه للروح ياصاحبي سكرات=لااصبح الوضع يرثالـه واللي تقوله عليك اثبات=انك تأزمـت فالحالـه مايموت وردي وعليه اثبات=وذكـراه نبعـه وهمـالـه مبداه ثابت مـع الغايـات=مع منبتـه يمطـر خيالـه القلب مايضمن الغدرات=والشوك عند اللقـى نالـه القلب متقلـب الصفحـات=في صفحته ادموع سياله يابو فرح راجع الصفحات = واللي من الساس يبنى له اللي فراسك مـن الدخـلات = بـاحـلام واوهــام تهـيـالـه وردي له النـور بالآيـات = وما كل مـن يطّللـع نالـه والكل يرسم على الجنّات = ويفوز من صـدًّق افعالـه الــورد لــه طَـيِّـب النفـحـات = ويخـاطـب الـقـلـب إرسـالــه يمسـح همومـه مـع العبـرات = يبقـيـه دايــم عـلـى وصـالـه واللـي جَمَالـه عليـهـم فــات = دايــم مـــع الـهــم واغـلالــه ومن غاب قلبه عن الدعوات = يصبـح ويمسـي عـلـى فـالـه خلك من القيـل والقـالات = والورد معـروف منزالـه لاتلبس ثيـاب مخروقـات = وترقص مع ابليس وعياله عوّد على النار والخلفـات = فصل لهـن درع وشمالـه وبدال ما تنشق زهـورات = انهـج ببرسيـم ونخالـه انا نصحتك قبـل لاتبـات = وتصبح على امواج محتاله وان ماتقنعـت بالطيبـات = ابوفـرح جـاك بعقـالـه الورد أصدق من الأصوات = ما يغير الوقـت فاقوالـه يظهر بيانه على الميقات = يابو فرح وقـع إيصالـه ياسامعين الخبر بسكات = اسعاف هاتوا ونقالـه بيان روح مع الاموات = الله عسى يلطف بحاله فيما مضى لك من الأبيات = توضيح لو كنت تعنى له بيان ثابـث برسميـات = ماهو كما مليـم حبالـه |
سـلام بعـداد مـا يـروى = دوح(ن) من غيوم و مزوني أحلى من الشهد و الحلـوى= و أغلى من الدمع فالنونـي لي قلب و الله مـا يقـوى = جرحه على جرح مطعونـي كيف العمل و الدوا و الـدا = من طيف ما فارق عيونـي سلام يا مضيـع الهقـوى = باللي سكن وسط الإجفوني هذا بـلاه الـذي يهـوى = شخص ٍ و لو كان مزيوني الحل عنـدي لهالشكـوى = موجود بالخير مخزونـي قم اجتهد وارفع الدعـوى = الخالق يزيـل الإحزونـي يامرحبـا عـد مـا يُـروى = فيض(ن) من الشعر موزوني وأغلى من الفانية وأصفـى = من صافـي الـدر مكنونـي من حكَّم القلب مـا ينسـى = جروح وطعـون وغبونـي سبحان من يعلـم النجـوى = اللي لـه العمـر مرهونـي ترحيب.. شادي.. لكم سلـوى = عن جـرح غايـر ومكنونـي الطيـب.. لابدلـه ..جـدوى = فالناس.. واسمـع لمضمونـي الجرح لابطى.. تـرا يكـوى = والكي ..بعـد العنـا ايهونـي داري على الوصل ...لو تشوى = ولو مت ..بالروح.. ممنونـي ترحيـب ياراعـي التـقـوى = يمشي على كـل مضمونـي مثل الذهـب بالغـلا يسـوى = في ايديـن تجـار موزونـي تشكي وياليت مـن جـدوى = في طب يسري على هوني لاهوجس القلـب بالنجـوى = طبيـبـه يـقـول تعـفـونـي!! يامرحـبـا وجيـتـك مـنـوى = جية على كيـف مضنونـي احـلا مـن المـن والسـلـوى = واجمل من اورود يجنوني القلب ياهـل الهـوى يهـوى = لاشك لـو شـاف مزيونـي والبعض ياصاحبي بلـوى = مسكيـن لا صـار مفتونـي إِعدادْ مِن الرشَا مَايطْوى = في جَمْة(ن) تَنْبَع عيوني يَامرحبـــا تَرحِيبه تَسْوى = يَامرحبــا عِدْ الـمـلـيـونـي إرْقــى على نـَايفَه علْوى = ثمْ هيجنْ عليهـا لـحـونـي خذها نصيحة وخذْ فتوى = منْ ضحيه صـارْ مجنوني بعطيك انا ابيات والهقوى = تلقى بها الحل مضمونى ان كان طيفه هو البلوى = وزود على جرحك طعونى اما يجى كيف ماتهـوى = وتصير فى عيونه النونى ولا اتركه واطلب السلوى = ممن فرج هم ذا النونـى ترحيب منشور مايطـوى = زايد عن الألـف مليونـي نفتيـك ياراعـي الشكـوى = ونفـيـد لاقـلـت فـيـدونـي قلبك معلّق علـى رجـوى = في علمها غيب وظنوني لاتزيد بلوى علـى بلـوى = خلـك نظـامـي وقانـونـي |
سلام وحرف العتب مخطوط=والكامن الله خفـاه إحكـام ماكل حرف(ن) ترى منقوط=ياناكث أرضه غشاك اعتام يامكثرالخبط والمخبوط=وان كان ماسد بالصدام الله ياكم رفعلي ضغوط=أمدح ويطلع مطب وعام جاني من المتهم مخطوط=يطلبـنـي الــرد بـالإلـزام فواز ما هو معه مزبـوط=و اللي يبا المقصلة قـدام ترحيب منا الوصل مربوط=إعداد ماخطـت الاقـلام شكوك مثل الذهب قيروط=ابديتهـا للرجـال إختـام انكان فيها الحكم مشروط=يالله عسى مايجينا اعدام العلم فيه القضاه أقلـوط=االلي لها فالمعاني ازمـام والحق ثابي على المغلوط=يلزمك ياحامد الضرغـام أبو روان أشتراله سـوط=والضرب جانا وحنا نيـام حتى العقارب علينا اقطوط=وهذي علينا تراها اجـرام ترى العلم عندكم مشـروط=يبدي الدعاوي اثنين قيـام نبغى الدفاتر بدون صفوط=ويحكم عليهـا قطـع ابهـام الحر ما هو كما الشبوط = و اثنينهم فالجبال قيام حكم النويمي وصل أسيوط = و من اليمن و يتعدى الشام و احذر ترى العقرب المسخوط = مرسول في طية الأكمام و اعلم بأن الهوى مفروط = و إن خصك بيوم عم أيام ياحسين حامد تحته اخطوط = وده بـكـرسـي لـنــا ضـيّــام ودي قضـاة العـدل فالشـوط = حتـى ايتبيـن لـنـا مــا غــام حسيـن جيبـه بـدون جنـوط = و اللـي بـلا جيـب مـا ينـلام تبغى تصالـح بـدون شـروط = و الا بتعميـد مـشـرف عــام مازال جلدك ماهو مقروط = ماهـمـك الـلــي بـــه الآلام جانا الشراب الذي مخلوط = من بعده عاثت بي الأسقام دام البحر منحصر بشطوط = مـن جـاوزه يقبـل الأحـكـام والقول جملـة مهـو مفـروط = هـات الموكـل معـك بنظـام مادام دعوى بدون اضبوط = ما تصدرالمحكمـة الاحكـام هـاتـوا معاديلـكـم مـربــوط = وإلا المحامـي كفيـل إلــزام فواز اخـاف الخبـر مغلـوط = خصمـك هـذاك الـذي بلثـام العنكبوت اللي بنت بخيـوط =وفي بيتها طاحوا الاخصام معدال وافي لكم محطوط = امكمله بالنقـا ياكـرام وللعلم حايط وله محيوط = وماكل سلعه ترا تنسـام معدال وافي شحـم مغبـوط = يشيل حمله جمل مايضـام والمدعي يوفي المشـروط = اشهود من اهل العقول افهام بيان وسالم على المبسوط = أثنينهم من ذوو الأحـلام ارجال مافيهم المسقـوط = والبينة للرجـال إعـلام شهودك عليهم وسام ونـوط = دعــوى لـهـم طـالـعـه قـــدام نبـغـا اثـنـيـن علـيـنـا قـلــوط = ماهم شراكا في دعوى العام نعيم عابد أبد مايهـوط = والمقرحي للبيان احسام والشر ياصاحبي مخروط = بالبينة فاليمن والشـام طالت صارت ماهي شوط = كثروا نـاسٍ يبـون اعـدام جيبـي معيـه قـدم خطـوط = بدعس بدهس ارضٍ خام ياكرسي العدل يا مأطوط = من كثر مافوقك الأخصام الحق شفته ضحى مزروط = فحلوق بيهاتنـا الظـلام نبغى الحكم بالمجال يحوط = كيـف العوانـي تـرود قـيـام الا بحرف"ن" لهم منقـوط = أفتـوا لنـا يــاذوي الأفـهـام بعض المعاني تحتها خطوط = خطوط تحت المراه والفـام هرج العواني كثير اخبـوط = مادام ينقص صلاة وصيـام ومن جاب دعوى عليه اشروط = يكمـل الشـرط وإلا يـلام اما شهودن عليـه اضبـوط = وإلا اعترافن عليـه اختـام |
ســـلام مـنــا لـكــم يـاقـضـاه = الــلــي الـعـدالــة تقـاضـيـكـم مظلـوم وافصـح لكـم شكـواه = خــاب الأمــل فــي معالـيـكـم يستـاهـل الـبـرد مــن يـلـقـاه = و إنتو على الناس وش فيكم محاميكم اللي سحـب دعـواه = يومنـه شــاف الـدجـل فيـكـم |
عين المها صاوبت قلبي = و أصبح هواها حديث الروح ما غيرها أشوف في دربي = وعما سواها الفؤاد يشوح ما دام سهم الهوى حربي = وما له فضيمك أبد مصلوح لا يكون خطك معه سلبـي = وركِّز على خطه المسموح |
الساعة الآن 10:26 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir