قافٍ سمعته للزبيدي على اوج = ياحلو سبك الشعر ياطيب قافه
مثل الحليب اللي به الشهد ممزوج = صاغ المثايل ماحسب للكلافه
يقول من بعض البشر صار محروج = سوالفٍ فيها العجب والطرافه
بعض الاوادم كنه الصوف منسوج = لا ابتل بالماء صار صعب التفافه
واليا ركبت احصان ماهوب مسروج = لا تامن انه يجدعك من خلافه
وكل البشر لا جاتك اجموع وافجوج = اللي كتب للعبد بالعين شافه
وان جاتك العوجاء من اضعوف واعلوج = ترى الضعيف اضعيف ما احدن يخافه
حنا نعرفك ما انت محتاج للحوج = اسمك برز يالشيخ عبر الصحافه