نارد ولا همنا حوض المنياتي
 

-
-
يالله عـسالي مع اهل الدين وقفاتي
فــي مـوقـفٍ كــل خـلق الله يـشوفونه

انـا مـن اهـل الـوفاء واهـل المرواتي
الــديــن بـقـلـوبـهم والــمـجـد يـبـنـونه

حـب الـوطن مـا يـقارن بـالجنيهاتي
نـحمى الـوطن عـن مـشدقتن يسبونه

نـــارد ولا هـمـنـا حـــوض الـمـنـياتي
الــيـا نـدبـنا صــدا صــوتٍ تـعـرفونه

حـب الـوطن ساريٍ من منبع الذاتي
وردة عــمـر والـمـعالق طـيـحت دونــه

لــجـل الــوطـن كـلـنـا نـاتـيه قـواتـي
الـيا حـصل شـي مـثل الي تخبرونه

عـدونـا لــو يـبـى يـاتـي فــلا يـاتـي
مـا تـشيله عـظام قـولوله عـلى هـونه

ومـلـيكنا الــي بـنى حـلو الـعلاقاتي
مـن سـلسلة عـود مـتثبت على ركونه

حـكـامنا الـي لـها بـالخير صـولاتي
وشــرٍ عـلى الـي يـريد الـشر يـفنونه

يـا خـادم الـبيت بالاحوال لا تحاتي
انـا احـمد الـي جميع الخلق يرجونه

والامـن مـن فضل ربي كل الاوقاتي
والـبـيـت بـابـه رجـالـه مــا يـصـكونه

يالله جـزاك الـشكر والـحمد ومـناتي
انـك تـعز الـوطن والـشعب ما يخونه

يالله يـالـي تـبـيت الـخلق مـا تـباتي
يـالي عـبيده لـفاها الـرزق مـن عونه

عـجـل بـنـصرٍ يـهـز الـشـرك بـذاتـي
وعـلى يـهودٍ مـن اهـل الـدين مـلعونه

ويـعـيش كــل مـسلم بـعز ومـسراتي
والـكـافر تـعـاقبه مــا تـبـصر عـيـونه

انــــا مــسـيـر بـدعـوايـه ووجـهـاتـي
ولانــي مـغـير قــراح الـمي عـن لـونه

الــحـر لـــه مــوقـفٍ يـاتـي وهـداتـي
ومن طبع الاحرار ما كل شي ياتونه

اهــل الـحـركات تـعميها الـحراكاتي
واهــل الـدعايات كـل شـيٍ يـضفونه

يالله بـــغــرا تــعــلاهـا الــسـمـواتـي
مـنـشـيةٍ مــن رضــا ربــي ومـامـونه

عـلى الـوطن ضـافيه كـل اتجاهاتي
وتـــرش قــاعٍ لـهـا عـامـين مـحـزونه

وسـمـيـةٍ بـرقـهـا مــاهـي بـنـجـداتي
وتــربـع ارضٍ حــلال الـنـاس يـرعـونه

واخــر كـلامـي سـلام الله وتـحياتي
عــلـى رجـــالٍ تـعـز الـديـن وتـصـونه

صحت ابدانكم
وشكرا لكم

صح السانك وبيض الله وجهك
مافيك
حيلة

صح بدنك لاهنت ومن لايحب وطنه وش يحب
ومن لايبي وطنه وش يبي

عفوا صح لسانك تحمست مع الوطنيه واخطات

صحت ابدان الجميع
اخوي صلاح مقدرين شعورك الطيب تجاه الوطن
وشكرا على مروركم الطيب