واطرفي اللـي بعـد مالـد=وشاف الحسن كامل اوصافه
جـدد حنيـن الفـؤاد ورد=فيه الهـوى بعـد ماعافـه
والقلب لمـن حنينـه جـد=والود اصبح مـن اهدافـه
خايف عليه الآسـى يرتـد=ويشتد اكثر مـن اضعافـه

الطـرف لا تأمنـه يلهـد=ما يعرف الحق وانصافـه
يغريك لاشاف حسن القـد=يرمي على القلب إتلافـه
لكن تصبـر وكـف اليـد=ارجع إلى الحق واعرافـه
أخشى عليك الأسى و الحد=الحـد لـه رب ونخافـه

الكونغرس يعقد الجلسـات=منهـار سهمـه و دولاره
أثّر على باقي البورصـات=اللي تهاوت مـع أخبـاره
ذكرت فيصل و فيصل مات=قال النخل نحفـر أبيـاره
ولو شفت ذيك الليالي جات=الفقر نصبـر علـى نـاره

نار الفقر واكتفاء الـذات=في سوقنا أحسن تجـاره
تجارة العولمة هجمـات=لصالح الغرب و ديـاره
مساعي الكونغرس آفات=تخريب للشـرق وآثـاره
فيصل عطى للجميع إثبات=عن قوة الشرع وانـواره

ردوا ذراع الأســـــد لـــلـــدرب=فالـمـعـركـة مــــاش فــرّاعــه
لجـلـه مـعـي بالـشـهـور يـغــب=بــا نضبـطـه وزنـــة الـسـاعـه

آنــا مـعـك عـنـك مــا أجـنـّـب=لا جـــات هــوشــات ونــداعــه
دايــم نجـيـم الـسـمـاء يـغــرب=ويـعــود لا حــــان مـطـلاعــه

يابو شري عقرب الساعات = ما نبهتنا وردتنا
حتى الدقايق مع اللحظات = تمشي على حساب راحتنا

أدرى على أجمل الأوقات=ان كان تبغا مشورتنا
لو يدري الحاسد الشمات=يمشي على عكس شورتنا

أسألك لجلك عزيز الذات = ليــه المنــايــا تحدتــنا
ما تاخذ الا رجال ثقات = ومع باقي الناس خلتـــنا

إصبر على قسوة الشدّات=يا تاج راسي و قدوتنا
وابشر بامانك من النكبات=صبرك يحقق بشارتنا

ما سلتني عن ربيع العام = والديرة اللي وصلناها
ضلعانها تتعب الاقدام = والعين ما ينشرب ماها

خابرك ياصاحبي عزّام=تاخذ هوى العين ومناها
واليوم مدري عن الأعلام=اللي وقعتوا فبلواها

ديرة عليها العباد زحام = ما استقبلت كل من جاها
والبكرة اللي بدون خطام = مرسولنا عود بلاها

ابوظبي حطّم الأرقام=جلّل ذلوله و شفناها
واشوف سلطان بن وسّام=لرجال قحطان عبّاها

بعد السلامات كيف إنتم = بالله قلي وكيف الحال
زمان ياأصحاب مابنتم = ولا سألتوا علينا سأآل
نبغى خبر بس لاهنتم = عن باقي الود والآمال
لجل الذي خابره منكم = يارجال وقت الموافا رجال

يا مرحبا يا هلا دمتم=على المعزّه و طيب الفال
الحال من يوم فارقتم=من شانكم إنشغل و البال
فالقلب كنتم ولازلتم=ينصاكم الود و الإجلال
واليوم بالطايله فزتم=آنستم القلب بالميصال

عِّد المسافات والأميال=للي دعانا وجينالُه
سلام منا لكم فالحال=ينصّا المعزِّب وجيرانُه

هّل الفرح وإستراح البال=بوجودكم زان ميدانُه
يامرحبا ياأعّز رجال=من راعي النوب واخوانُه

عسى البقا ياجويد الخال=والطيب مازِّحزِح أركانُه
هيا أستمع موجز الأقوال=والفن بانسمع ألحانُه

إنتم هل القول والأفعال=يارِبعة الطيب وأفنانُه
هات الخبر ياحسيِن الفال=يعجبني الفن وأوزانُه

كان الصفا مِعتلي في جبال=عالي بصرحُه وبنيانُه
حياة صادِق وحي هلال=واليوم ماقّر ميزانُه

عيني بكت دمعها همّال=تذكّرت أول أزمانُه
مِن راح مايعود للمنزال=والله يبارِك في حيانُه

هزاع كّلِم لنا مرسال=وألآ أنت ريس وربانُه
ويش الذي غيّر الأحوال=وكُل شي طيّب في آوانُه

سد المخايل أشوف خيال=سحاب والخير في أمزانُه
واللي لفا للبلد نزّال=لُه حق ماينّكِر شانُه

بالأمس يا أمة الإيمان=الغرب احتل اخوتنا
بغداد والقدس والأفغان=ضاعت و سبوا عقيدتنا
حتى النبي سيّد الأكوان=سبوه باوصاف آذتنا
واليوم تدنيس للقرآن=وش العمل وش حيلتنا

يوم الأسد قاد للفرسان=(خالد) ويا(سعد) سيرتنا
(الفرس)مع جملة(الرومان)= وكل المخاليق هابتنا
مع دربهم ننصح الركبان=وبأفعالهم رفع هامتنا
الراس إليا إنحنى ينهان=ومنه البلا عم أمتنا

جيتك باغلاحروف الود=رافع شراع الموده فيه
سلام ما ينحصى ويعد=من عذب نبع الصفاصافيه

من أمس لليوم حتى الغد=صرح الصداقه لكم بانيه
في داخل القلب و مجوّد=يا مرحبا ودّكم باغيه

ممنون لك ياعريب الجد=وشاكرلك الطيب ياراعيه
لعل صرح الوفى ما يهد=يبقى وتبقى على عاليه

عسى البقا طيبك الأجود=من أصلك الطيب يا وافيه
طيب الوفا منك ماله حد=ياليتني ألحق آجاريه

جابت حروفك عبير الورد=وآنا تذوقـت مـا تعنيـه
فيه المعانى وذوق الـرد=توج حروف المثل قافيه

من شاطىءالود وظفافه=سلام عابرلـك الأميـال
ياصل جنابك حلو قافـه=من قلب محبوبك الرحال

شاجاني الحب والطافه=تقديركم غايـة الآمـال
ترحيب كالشهد اوصافه=ياامير ياحاكم الأقـوال

راع الوفى دوم ميقافـه=راقى وكله وفى واكمال
تسلم وتبقى علـى نيافـه=ياصرح لك بالوفى منزال

نهج الوفا إنت مِشرافه=كريم فالقول والافعـال
وميقافنا عندك اضعافه=ياوافي الطيب والاعمال

السيف فـذراع سيافـه=مثل الرسن فى يد الخيال
وانتم من اهله وعرافـه=كمله لكم طيب الأمثـال

في عالم اليوم واطرافـه=العولمه جات بالأهـوال
إعلام كافر في أهدافـه=عشقوه الأطفال و الجهّال

ذا واقع الوقت واصلافه=لايضيق صدرك ولاتنهال
كلاً يحالف مع احلافـه=هذ زمانك وذى الحـال

ألبـث اصبحـت آخـافـه=واصبحت خايف من الجوّال
و النّـت يامكثـر خلافـه=أثّر على حشمـة الأجيـال

كل الذى تشوف لتخافه=والقلب لاتشغله والبـال
ذاك الزمن راح باسلافه=اللى على الذاكره مازال

الله خلقـنـا بأكـفـافـه=لعمارة الأرض و الإجلال
القلـب لازاد إسـرافـه=ينسى صلاته وراس المال

هذاالـذى كلنـا نخافـه=سبحانه مبدل الأحـوال
وقلباً نسى فروضه نعافه=مهمااستمرالزمان وطال

عزيت قلبى على فرقاه=لاواعذابى وحرمانى
يوم الاسى مدلى يمناه=ماحى فالكون عزانى

ما باس يا برق في معناه = ما باس يا نور الاعياني
الحظ لا مال في ممشاه = لا بد ما يعتدل ثاني

سلام كله زهر وورود=مع باقة الفل شيدناه
مبني على ساس نبت العود=طعمه شهد حالي في مبداه

يا مرحبا يا فريد الجود=فافراحك الجود شاهدناه
تسلم على طيبك المعهود=كنز الصفا عندكم مثباه

تبقى ويبقى الوفا موجود=مابيننا والصفا محلاه
ومادام فرسم المعاني بنود=نبغى المثل يكتمل معناه

وفّيت يالشاعر المعدود=رسم المثل يكشف المجراه
هات المثل و اسمع المردود=من خاطري و الأمل فالله

هيا استمع شكوة الملهود=اللي سنينه مآسي وآه
يشكي مآسي الليالي السود=والآه زود عليه بلواه

ما باس يالصاحب المضهود=من نار الاحزان في شكواه
وضح أساس الأسى المقصود=لاوين صابر على المأساه

كيف الهنا والوصال يعود=وأفّرِح القلب في رجواه
وأنا على ضحكتي محسود=أضحك قهر والقهر ماأقواه

اسعى بالأقدام و المجهود=من هو سعى في أمر يلقاه
وانته كما الصارم المجرود=تقدر على كل ما تهواه

فالسعي ماني قصير زنود=واقف على فارعُه وأدناه
لا تطشني في فلك مسدود=يوم الأمل فيك أمّلناه

من قدّم الوافية موعود=يا حر نال الوفا واعطاه
للآن دون العلوم سدود=رسم المثل ماوضح مغزاه

رسمي على خارطه و قيود=مجوّدُه من أساس بناه
بس المآسي أُمم ووفود=وانا مع البُعد فملاواه

البعد ماله دوا منشود=ماظن إلا الوصال دواه
خلّى دموع الرجال تقود=مثل المطر لا تهامل ماه
حنين فقلوبهم و لهود=نيران جوف الحشا تصلاه
أطلب من الواحد المعبود=الخالق الحال ما يخفاه