مرحوم ياشيخاً فقدته قبيله = دايم لوقفاته تذكر وتحتاج
الم جميع افراد ربعه رحيله = لكن هي الدنيا وطن هم وازعاج
دايم مشاكلها عريضه طويله = ياليتها ما تقفي الا بهلباج
والا ابو خالد وين يقلى مثيله = تتعب مداويره مع الناس ماداج
مثل الجمل قدم الحمول الثقيله = ما تزمله لوهي كبر كير وسواج
الحمل عن ربعه يقوم ويشيله = وعنده قضاياهم لها طب وعلاج
الحلها يسعى بحيل (ن) وحيله = ويورد الضامي على جم هداج
اقولها والقول يعرف دليله = والهرج له مليون قافي وهراج
بندر ولد تركي علومه جزيله = له مع رجال العرف مدخل ومخراج
ياما من اجهوداً بذلها جليله = ما تنتج الا الطيب يانعم الانتاج
مواقف ابا الشوخ ماهي قليه = كثر النجوم اللي توهج توهاج
كم من قضيه عند صاحب فضيله = لولا ابو خالد وضعها كان من عاج
حاما وراها والمعرفه وسيله = لين انبلج حقن كما الصبح فلاج
يا الله تجزاه الجنان الضليله = وترحم فقيدة حرب ياوال الافراج

المشاركة الأصلية كتبت بواسطة سند العريمه (المشاركة 1386711) الشاعرعامرالشدادي صح السانك على هالمرثيه الجزله والله يرحم الشيخ بندر وجميع موتى المسلمين....

المشاركة الأصلية كتبت بواسطة ابوهليل (المشاركة 1386715) وترحم فقيدة حرب ياوال الافراج امين وصح لسانك

المشاركة الأصلية كتبت بواسطة فايزموسى البشري (المشاركة 1386716) صح لسانك ونسال الله ان يرحمه ويسكنه الجنه

المشاركة الأصلية كتبت بواسطة الحب الباقي (المشاركة 1386723) تسجيل تواجد في منبر الجزاله صح لساانكـ بيض الله وجهك

صح السانك وبيض الله وجهك
على ابداعك يعطيك العافية