يادحيم جهز لي من البن فنجال= شوفه وحوفه ثم ذوقه وسوقه
ابيك ذيب لالفوا عندي ارجال= ولمقابل اهل الطيب نفسك شفوقه
بعطيك نبذه درس في خاطري جال=دامك صغير اول نهارك شروقه
حنا بعصرفيه صادق ودجال=وقت بنا قامت توسع ا طروقه
فيه النفوس اللي تبجل تبجال=يشوف نفسه فوق والناس فوقه
يادحيم مايحقرالرياجيل رجال=الاضعيف نقص عرفه يعوقه
اللي على هرج القفى يهجل اهجال=بعروض خلق الله يلوي اشدوقه
عرض المجالس يرتجلها ترجال= بالهرج والاقاصرات اسبوقه
يبي على طولت لسانه تمرجال=ولاينخدع بالسوق دلال سوقه
واحلم على الجاهل ولاتصيرعجال=ترى العجل طبع العقول الطفوقه
والسمعه اشعارك تسجل تسجال=لاتنخدش تظهر بثوبك اشقوقه
ويادحيم دينك كل نفس لها اّجال=اغنم شبابك قبل تيبس اعذوقه

الاخ الشاعر عيسى العوفي

بيض الله وجهك

وصح الله لسانك على هذه الرائعه

قصيده معبره وحكيمه مرصعه بالدرر

لله درك

الله يعطيك العافيه

تقبل تحياتي وتقديري

ودمت بالف الف خير