انشدك عن بنت ٍلها بطن رجال = معه بوسط النار وبوسط جنه
بأول نهار وباخر الكون منزال = هي والرجل موجودة ٍ دون منه

رجلين لهم الاسم واحد والافعال = كل ٍ حسب فعله الفعله انودية
واحد نحطه دوم في منزل ٍ عال = في موقع ٍ ما يرخصه دوم راعية
والثاني الي يعوق له بنت في حال = إنك اتحاول عوقها عن مساعيه

حيرتي بلّي اليا مر كــــــــــــــــل ٍ لد فيه = وفيه فئة مــــــــرها ماحد ٍ يسأل عنه
مصدره معروف واحيان يجهل لو تبيه = فوق الارض و بالسماء ماتحدد مسكنه

لقيت سلطان ٍ على كل سلطان = من سطوته تخضع ارقاب السلاطين
يكون في بنتين فعله اليابان = واليا بدا فعله يحوس الموازين
من خلقت الدنيا الى وقتنا الان = متواجدٍ في ساعة العسر واللين

بنت ٍ تعيش اتغير اوضاع لوضاع = تدخل مع ايا باب ٍ وبي ساعة
احد ٍ يطاوعها وينقاد منــــصاع = واحد ٍ رفضها بكل عزم وقناعه

شفت رجال ٍ يقدم وله صيت ومقام = قدم شخص ٍ قدمه قدم عينه وتبعه
في بلاده عاش غربه ولافيها ملام = وفي بلاد الغربة يعيش يتبع منبعه

اسالك عن رجل ٍ مع الناس موجود =تــرا اعتـبـاره لا لـفــاء مـــن مـقــره
ما يحسب احسابه من النقص والزود =إلا اثـنـيــن وكـاسـبــه لــــه مــســره
مــا يـاتـي إلا بـعـد نـاشــد ومـنـشـود =ولاكـل مـن هـو صــار ضــده يـضـره

رجال له فعل ٍ امحدد ومعــــــــــروف = على وجه بنت ٍ وسمها وسيمه
يجبر عليها جبر والعالم اتشــــــوف = من شان يعطيها مقام ٍ وقيـــمه
البنت من دونه لها احداث واظروف = بس الرجل له سيرة ٍ مستقيمة

ياويش رجال ٍ لـه اخـوان ٍ اثنيـن =مـعـه يـجـون وفعـلـهـم نـفــس فـعـلـه
يـبــدا الـعـمـل واثنيـنـهـم مستـكـنـيـن =وإن غـاب دايـم غيبتـه ماهـي سهـلـه
وعن غيبته من هو حضر منهم يعين =يقـض الـلـزوم ويحتـمـل كــل حمـلـه

رجل ٍ جميع الناس تحسـب احسابـه =تخضع له ارقاب ٍ وتفتـح لـه ابـواب
ومــن دون بـنـتـه مـاذكـرلـه مـهـابـه =ماحد ٍ بحاسب له اليا غابت احساب