ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   ملتقى دواوين شعراء الالغاز (http://www.m-harb.net/vb/forumdisplay.php?f=167)
-   -   ديوان الغاز نافع الحربي (http://www.m-harb.net/vb/showthread.php?t=116997)

نافع الحربي 31-03-12 09:21 PM

ديوان الغاز نافع الحربي
 


أشندك عن بنتٍ لها دورٍ بتطوير البلد = لكن إنها ما تنجب إلا من غنادير البنات
تضرب بها الأمثال للكثرة وتزويد العدد = الله ذكرها بالأدلة والحروف المحكمات

الحل : الحبة التي انبتت سبع سنابل في كل سنبلة 100حبة : محلول من الشاعر \
عبدالله عبد الرحمن الفريدي :

نافع الحربي

نافع الحربي 31-03-12 09:39 PM



ياويوش عذراء فوقها الوسم ماجود = حيٍّ وسمها بالشباب ألظريفي
في موقعٍ مكشوف للشمس والنود = في قلب غيدا بالذواري تهيفي
عليها من قول الخلاوي ترى شهود = في حب رعبوب الغرام ألوليفي


محلول من الشاعر : علي بن زيد الفريدي

التمرة اللي طاق الطير راسها
نافع الحربي

نافع الحربي 31-03-12 09:42 PM




ياويش عذراء غلاها في قلوب العرب = هي شمعة الدار وهي دلّوعة خوانها
بنتٍ لقومٍ يفكون النشب بالنشب = بوجيههم تسلم القلعة وسكانها
على طريق الهنوف أم الحسب والنسب = في عهد شيخٍ رفع بالحسن ميزانها

الحل : ليلة 15 من الشهر عند مايصبح القمر بدر
محلول : من الشاعرة بنت المعلا

نافع الحربي

نافع الحربي 31-03-12 09:47 PM



ياويش رجل صاحب له شيخ وصبح علم = رجل نعده من رجال الوفا الطيبين
أصبح بتهمة قتيل الحي مطلوب دم = والمتّهم في أحكام الشرع يبقى سجين
تجاهلوا قصته ما احد بوضعه حكم = دخيل وجيه البيوت اللي بعرض البطين

الحل : نجم الجدي

محلول : من الشاعر عبدالله عبد الرحمان الفريدي


نافع الحربي

نافع الحربي 31-03-12 09:52 PM



أنشدك وشن بناتٍ بالوصايف كلبوهن جميع = تدوّرن وستدارن حول رجلٍ ما برح منزله
رجلٍ وقف دونه الاخوين وقفت صرميٍّ شجيع = من يسأل الرجل عن قصة بنات العود من يسأله



الحل : النجوم النعايم أو السبّع
محلول من الشاعر مضحي ابن جمران


نافع الحربي

نافع الحربي 31-03-12 09:56 PM




ياويش عذراء في جديد أللبوسي = عذراء عشاها بالدجى نصف رجال
تقودها من بيت أبوها عروسي = ويسوقها شيخٍ به الحسن يختال


الحل : ليلة 15 من الشهر
محلول من الشاعر عبدالله عبد الرحمان الفريدي

نافع الحربي 31-03-12 09:59 PM




ياويش عذراء حرّقوا جوفها حرق = بثلاث ما بين الغضب والعنادي
عذراء طرقها حزنها بالحشاء طرق = حتى طواها الموت علمٍ وكادي
حرّق بها اللي ضامره يسرقه سرق = غيضٍ تمركز في صميم ألفؤادي

الحل : خلوج ابن رومي
محلول من الشاعر الشاكر ابو سامي
نافع الحربي

نافع الحربي 31-03-12 10:02 PM



ياويش مهرة ماسرجوها هل الخيل = ولاناش منقوش الدويرع نحرها
ماهي خزيزة للرجال المشاكيل = ولا علقوا يوم المحافل صورها
خيالها صنديد مايمرح الليل = ولا شيف يومٍ راكبٍ في ظهرها




الحل : فرس الداب
محلول من الشاعر علي ابن زيد الفريدي


نافع الحربي

نافع الحربي 31-03-12 10:06 PM

ياويش قصرٍ في بعيد الفلا شيد = قصرٍ عليه من اللواهيب صالي
يمااسهجنّه من بعيد المواريد = في مهملٍ قفرٍ من الناس خالي
بناه من يطلب ثلاث الأماجيد = اللي بقاهن بالبشر مستحالي






الحل : اقصير بلال
محلول من الشاعر عبدالله عتيق الحنيني

نافع الحربي

نافع الحربي 31-03-12 10:12 PM



أبنشد اللي يحل مشربكات العقد = عن خفرةٍ بيتها عن بيت أهلها بعيد
أعشقت لها في روابي نجد حرٍّ ولد = واللي جذبها جماله باللباس الجديد
سميها بنت شيخٍ في قديم العهد = كفّيت ووفّيت ولاّ ياجماعة نزيد

الحل : هضبة طميّة
محلول من الشاعر نداء الغيداني

نافع الحربي



الساعة الآن 11:47 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi