ابو عيد=
يابو علي كيف وين القاه = الجادل اللي شغل بالي
غايب ولي السبب مابداه = ووجد روحي على حالي

الحجيري=
حيث ابتنى الود ساس بناه=لا صار قلبه مهو خالي
تلقاه . وألا نصيحه اسلاه=فالمنشغل عنك لا تبالي

فاللي ندورّ معه مكسب=نبغى نتخارج براس المال
حيث اِتضحلي من الأكسب=ما أخسر جنيهين سدّ ريال

الحجوري=
لاّ تخسر جنيه لو يغضب = مادام ميعادل المثقال
خلك مع المكسب الانسب = ونكس بكسب الجنيه عقال

الرحال=
غير الذهب فيه لاتتعب=خذ من مجرب سنين طوال
اللى يخسر عنه جنب=هذى نصيحه من الرحال

رطين الحرف=
خسارة المال ما تحسب = اذا سلم بالحياة رجال
المال يرجع كما يذهب = اما العوض فالعزيز محال

الحجيري=
سلام فوق العلم ناره=للمنتدى وكل شاعر فيه
خصوصاً الشاعر جباره=اللي فالأمثال نستقديه
ودي بعد شيّد عماره=للود في قلب من يغليه
فجأه قطع عننا أخباره=روحّ و عين الشقي تبكيه
ومن يومها . قلبي شعاره=( هنا الأسى بحره وشاطيه )
يا مثمن الحرف في عباره=كيف أعزل القلب عن ماضيه
جباره العروي=
ياعد محفوظ مقداره=ياتاج راسى لجيت اطريه
ترحيب راقى بمسعاره=منى ومن منتدى ناصيه
فكرت فالقيل واسراره=عن ودك اللى لنا تشكيه
ودا تطورت باطواره=ودايم على خاطرك طاريه
شوف اللذى غيّب انظاره=عن صرح للود ومعليّه
اذا تناحت به اقداره=لك حق هذا الأسى تشكيه
وان كان بعده عن دياره=من دون سابق عذر يعفيه
اعطيه من نفس معياره=ان كان مالك امل ترجيه

نصيحتي لك لا تخسرني=خسارتي مالها تعويض
اِسمع كلامي لا تجبرني=أخلطلك السود جوف البيض

كلاّتها تنجني فالقيض=ويابو علي ليت تخبرني
بانّشدك وآقول تمر البيض=يمكن يقارن مع البرني

/
/
/
/
سويتّ لك رد تفرحبه=فيه الوفا عنك ما كُنّه
/
/
/
/

حسيبك الله .. يالك هيض=يا صقر بلحيل يبهرني
البرني كله دوا كالبِيِض=وإن رحت للعيص تذكرني

مغبون منهم وهو غابن=والمعركه صعب يكسبها
وليّات تتوقعه زابن =في سرت ولاّ على سبها

جارح . به جروح ما طابن=وقومه كذا الحال معجبها
ظنوني إن كان ما خابن=في مسقطه سرت . أقربها

محمد سعد اليوبي=
من نخب هذا الصفاء إشرب=وإعزِف على الرصد لحن الآه
عزفٌ ندي منفرد يطرب=قلبٍ عليَّه الأنـــا قسَّاه

الحجيري=
ذا نخب فيه المثل يُضرب=إنتَ وأنا نرتوي من ماه
آهين من قلب مستطرب=طربان للناي رغم بِكاه

محمد سعد اليوبي=
اللي منه يا حسن أغضب=ومل الصبر من كثر بلواه
كيف ألتقي لي عنه مجنب=وآنا دوايه في داخل داه

الحجيري=
لا تطلب المستحيل . اطلب=المستطاع الذي تقواه
مادام لك فيه جرح و طب=اصبر على الجرح لجل دواه

الحجيري=
سلام كنّه نسيم عصير=لا هبّ من شام غريافه
على أخضر الغصن شدو الطير=ذكرّني التاليَ أوصافه
طرفه كما البرق ساع ينير=لو لدّ فيه العمى شافه
زهم فؤادي وجاه مْغير=فراشه الود ولحافه
وعهدي بقلبي هنا يا أمير=يوم أشهر السيف سيّافه
وقالولي أهل المثايل شير=ناصر ويفتيك في قافه

الحجوري=
اجمل من الورد والنوير = ترحيب عاطر من اريافه
معه العصافير فالخٌضير= كل ولف يشدو لميلافه
الود لنه نواك بخير = يبعدك عن كل ماتخافه
لكن ترى لاّ نواك بغير = يعمي عيونك بكشافه
وين مايقودك وراه تسير = وتفضل تحت رحمة اسعافه
الود يامستشير زهير = من جربه قبلنا عافه

من الحجيري على الحضار=سلام فأول ليال العيد
عموم لأهل المثل والكار=ويخص ناصر على التحديد

الحجوري=
يابو على ياسراج الدار = ياسلالة أهل الحبال الجِيد
يامرحبا فمرحبا تكرار = اقول يامرحبا واعيد

الحجوري=
ياناس لاّ تسألوني ليه = ما اسن سكين كسراتي
الحقد والحسد مالي فيه = الطيب والصفح عاداتي

الحجيري=
من غير ما نسألك يا بيه=في خُلقكم تعجز أبياتي
وألا الحسد ما فلح راعيه=طرفه من الغيض ما يباتي

الحجوري=
لسان الحسد ياحسن توحيه = والناس توحيه ليلاتي
انسان كُثر الحسد معميه = بغضة عيونه مسراتي

الحجيري=
عساه يقطع من آخر فيه=لسان راع الذميماتي
هذا هو المجد يا بانيه=يجعل عوازلك فشتاتي