جت القوافي سارية تالي الليل=على ثرى القرطاس بانت خطاها
ومن خلفها حبر القلم كنه السيل=يخلّد الذكرى لمن هو قراها
تحكي عن اللي شاف هم وغرابيل=من عقب فرقا اللي حياته فداها
نكّل بحالي قبل ليروح تنكيل=وكل الجروح اللي تركها نساها
ياهيه عودي صدق ماعاد بي حيل=انتي علاج الروح وانتي دواها
الحظ مايل والزمن زاد به ميل=مدري خطا حظي ولا خطاها
وعبرت له تعبير ماهو بتمثيل=من قلب عاشقها ويبغي رضاها

أبدعت يالقصير بزين التماثيل= أبيات شعرك تعجب اللي قراها
يسلم لسانك ماتشوف الغرابيل=كن القوافي تشكرك واتباها
إقبل مروري لك معزه وتبجيل=ياشاعرٍ صاغ البيوت وبناها