|
ديوان الشاعر أحمد بن ناحل
السلام عليكم ورحمة الله وبركاته أسعد الله أوقاتكم جميعًا يشرفني الانضمام لهذا الصرح الشامخ وأشكر الأخ العزيز / سلطان الغيداني على دعوته المشرفة وأصــافحكم بهذه الأبيات لعلها تنال إعجابكم ,, تم نشرها بمجلة الوجد العدد قبل الأخير..وقاموا أصحاب المجلة وقناة رواسي بتصويرها وإخراجها بأداء المطرب (نواف منيف) الحبيب الأولي
لاجفاني في هوى برد الطويلين الذرى=مايدفيني لهب نارٍ بجوفي تصطلي وتقبلوا تحيات أخوكم /كلها سبة فراق اللي على فكري طرا =صاحبً مقفي وذكره دايم يعود علي والهجوس استوطنت فكري وأناأسمع وأرى =أحمضن في نظم قيفاني ووردن منهلي أمسي بقاعة كرا وأصبح على قمة كرا =من هجوسن تضرس اضراس المحالة بالدلي صاحبي مرتعك في قلبي قفر وأرضه مرى =مابه الدايج ولاالطاير ولامثله حلي محتميه لجيتك لوكل مدهر به درا=ولو سمحنا للعسوس إن كان مبطي ممتلي فيه من وسميتك عشبٍ عروقه بالثرى=واصفقه برد وهجير ويطمع بوصلك ولي كل مابرقك سرا يضوي معه ليلي سرا =يالله بريح الحيا والبرق ضوه ينتلي جاء مع القبلي خيالٍ للسقيا به حرى =وأجنبت به نكبةٍ خلته عنا ينجلي ولالقى هكالدفين اتبوع والعود انبرى= مثل شوقي للوصال المنقطع وأنته ملي اقرب اقرب شوف مرباعك من الحدب وورا =لايصير بخطو دام من الشقا ماهو خلي ياربيع القلب حنابالهوى صرنا اخشرا =مااعرف بالحب غير إني أنالك وأنت لي غير دارك لوضفا المخضار في كل القرا =مارغبته لوزبيديه كبر راس الطلي مايأثر بي كلام اللي على وضعي زرا =المحبة كلها بلوى وأنا بك مبتلي لكن ارفق بالجفون اللي محاربها الكرا =ماجداي الا القصايد بالطويل المعتلي صاحبي ياصاحبي اسمعني وركز ترا =بالمثل مالحب إلا للحبيب الأولي وأنته معرض هبوب شباط قلبٍ ماضرا =للجفا.. ولا أستفيد إن قلت ياربعي هلي ولايفيد الشعر لكنه يوضح ماجرا =أكتبه .. وأطرب لبدعه وانبهر بالأجزلي بالنبط يشدني شعر ابدويًا ماقرا=وبالفصيح الأصمعي.. صوت صفير البلبلي أحمد ابن نـاحــل |
السلام عليكم ورحمة الله وبركاته أسعــد الله أوقاتكم جميعًا يــا صــــاح
أبطى الحــمــام يــنــوح مافارق الدوح=قبل شـــروق الشـمـس والشوف منباح وأنا برجــاي وخـــايف لأعــلـــن البوح=متى على الله ضــيــقــة الـصــدر تنزاح دام الخــبر مـطــروح والــدرس مشروح=والمقـــطـع أبيض كيف ومنين أبرتاح صـفـر الــدلال الحـاضـيـة هـيـلـها يفوح=هي كيف مرسول ن لي أقسم بالانصاح قلت اهـتــد بــســبل الهدا وأبعد الشوح=البـــيـت لـه بــابــــه ولـلــبـــاب مفـتاح لا تعــتــزي قــبل آدم بــجـــدنــا نــوح=احـرص تـرى الواحـد وعـشـرين رجاح راع الوفـــاء والـطــيـب ماهو بمسنوح= ولا الــردي خـلـه عـن الــدرب مــسناح جــال الـصــريــة مــيـت(ن) فيه ذرنوح=وجال الـنــهر به عايش(ن) غصن تفاح ياوجـد حــالي وجــد من جـاذب النوح= أهــدف عـلــيـه الـمــوت نـزاع الأرواح في وسط طرشه طــاح بالغدر مطروح=بـيـن الـتـــراقـــي صــوبــه رمـح ذبـاح وصــيــته بـثــراه والـــدم مــســـفــوح=فيــهـا لـســانــه لا تـعــبـــَر و لاصـــاح تحـشـرجـت روح وطلع صوت مبحوح=واسـتـنـجــد بســبابـتـه وانـثـنـى وطاح له لابة(ن) تــشـدى لســالـم ومـسروح=ما ينـتــظـر واحــدهم صــيــاح ونـكـاح من شــبــة الـشـبــان لأفعـالـهم ضوح=يــضـوي ســناه اللـــيـل الأظــلـم ليا لاح وجدي علــى اللــي لـوتـعذر بمصلوح=دعيــت لـه فـي مـا نـــوى زود الأفــراح ياصاح بالجفوة ترى ماانت مسموح=جد لي بـنـصـف كـفـوف سالفـك ياصاح لولا الغــلا اللي شـيـد بجوفي صروح=واللــي خـلــقــنـي ما اتـرجــاك بإلحاح ياروح،روح الروح,ماترخص الروح=إلا لأغـلـى وأنـتـه أغـــلـــى بــمـسـراح عليك صـبـري ما سـتـر كل مفــضوح=لوقـلـت مـا هــو كـل الأحــــوال دمــاح تغـازلن لحــظة،،، وأنا دمعــتي بوح=البـــيـر قـال الـســر والـراعـــبـــي ناح وهليـــتها مـدري على ويــن أباروح=محـــاجـــري سبـًاح والشـــوف منـباح (تم نشرها بمجلة الوجد العدد الحالي) وتقبلوا تحيات أخوكم / أحـمـد بن نـاحـل |
السلام عليكم ورحمة الله وبركاته
أسعد الله أوقاتكم جميعًا أبيات متواضعة لعلها تنال إعجابكم.,,
أنا بالأرطاوية وجاي من هيت= أبغى القصيم وربك يكون بالعون رحال ماني مع قنوص وكواشيت= أتبع هوى وضح ن بها صرت مجنون كانك تبي تنشد عن الحال حييت = أنا بخير ولأهل الطيب ممنون ولامن جدايد غير قاف ن على (ايت) = ألفى علي وأنابيدي الدركسون وشغلت لي بمسجل الجيب كاسيت= غناء محمد عبده وفرقة فنون وكتبت لي بك يأتلع الجيد كم بيت= تعنيك يالمجمول معنى ومضمون البارحة في تالي الليل دقيت=على الحبايب مار عيوا يردون أزهم على الجوال وأزهم على البيت= حتى الخدم مايرفعون التليفون يانور عيني كان دوبك توريت=على فراقي لاتسارق على هون أنا ترى مااقبلت كان انت مااقفيت= مانيب من بعض المواضيع مغبون خذ الحقيقة كاش مادامك ابطيت= تراك معي من أول الوقت مديون أطلبك وتماطل بحقي ولا اوفيت= موعد على الراتب وموعد على الشون النفس طابت منك مره وأنا أجزيت= مقفي ترك مقفي ولا عاد يلفون أثًر خريفك في ربيعي وحتيت = خضر الورق وأيبست من فعلك غصون استوحشت منها الحمايم وغنيت= واستقبلت صوتي وغنت لي لحون ياذا الحمام اللي لأجل خاطري جيت= مااعذب هديلك لكن القلب مشحون ماعاد لي قدرة تحمل وسمًيت=أنويت واستهويت وأبحت مكنون وللصوت بأعلى نايف الرجم جريت= فرقًا عليها العلم وابليس ملعون النفس بتاعة وأنا ماتحريت = اجابة المقفين لوكان يوحون لاخاب ظني بأي صاحب تهقويت = أفارقه بالوجه الأبيض ولايهون طبعي كذا استغربت والا أقريت=ويبقى غلاه بداخل القلب مصيون وشلون أببعث حي والا اقتل الميت=أبترك الصفحة من حروفي بدون تاخذني العزة بإثمي وإذا جيت= قلت الغلا من الله وأنا مابيدي لون اديار أقدر ناسها من سبب بيت= وإنسان أجافي من سبايبه مليون وتقبلوا تحيات أخوكم / أحــمــد بن نــاحــل |
السلام عليكم ورحمة الله وبركاته
أسعد الله أوقاتكم جميعًا أبيات للتواصل لعلها تنال اعجابكم.., راعــيــة الــشــــاص
أشًرت للشاصي علشان راعيه=فقدت لي خلفة تحتها ولدها وأثر عليه اللي تزين مماشيه= تبرم دركسونه وتمشي وحدها سلام.. كيف الحال.. قالت يالبيه=قلت آه وااا لبيهها اللي قردها نفس ن يتلتلها الغرام لمضاميه= ومن العنا ومن الشقاوه جهدها قالت لي ليه وقلت ماعاد به ليه=لاوالله الا راح قلبي بيدها سرحت مالي بالمغازل مشاريه = أنا بدوي وأغلى نياقه فقدها ويوم اعترضتي قدمه بهالمهاميه= حاجة وجدها وحاجة ن ماوجدها لقى العوض في حزة غياب غاليه=هنوف بدو ن ربها اللي فردها رغم انها بوسط النفود وصحاريه= نعًوووومة ن لا قبلها ولا بعدها البر يعجب من يتوق لجوازيه =لوشافها راع الظبا قال صدها مثل الظبي ولوخاوته في مفاليه= اذا ماذيرها مهو منتقدها زين ن ورا البرقع شقيت بمواريه= والعالم الله ...يعني الخافي ادهى بالحب قلبي من قبل لا تلاقيه= صفًى الحقوق وكل عهده جردها حاجز على اقلاعه من ارض الهوى اوكيه= وصاحت على الكابتن وقالت اعدها على محطات ن بها أدل وأتيه= والناس يضحك من عرجها حردها فلي جديل الوصل يابنت فليه= على متون ن ضامها اللي صعدها وأرخي ثعول ن مدهر الجاش تحييه= ترحمه غيث وتحرمه من بردها ماعدت الوم اللي تحسس مخابيه= مادام في رقمه حراوي وعدها صرت اجلس بمجلس وفكري ماهو فيه= عيني على المنشأ تمارس نكدها واليا طرت بالبال لبيه قلت اييييه= راحت وراحت خلفتي مع ولدها واليا اقبلت على خفوقي طواريه =عوب ن تداحم ماضبطنا عددها اقول في صوت ن عن الناس مخفيه= قدها <<يابومتعب إلى (هناك) قدها وان ماعقلها الله (بذاك) وحراويه= لا والله الا صدق (رحنا بيدها) وتقبلوا تحيات أخوكم / أحــمــد بن نــاحــل |
قصائد جميله جدا ولاهي غريبه من ابن ناحل وشكرا لسلطان صاحب الجهود المبذوله
.................................... شكرا يانداء الغيداني على مرورك واطراؤك الجميل وماعليك زود أخوك / أحمد بن ناحل |
السلام عليكم ورحمة الله وبركاته
أسعد الله أوقاتكم جميعًا أبيات قديمة تفاجأت عندما بعثها أحد الأخوان بنشرها بمجلة الوجد الشعبية هذا العدد يــــافــــهــــد
يافهد سقمي من البارح تزايد=ليت ماحالك حوالي يابن عمي العصر كف المطر والجو هايد=والسماء فيها خيال ن مدلهمي ناصي ن لي ديرة بخط ن يحايد=وشفت لي عنقًَا تسوق الرجل يمي لاعباة ولا غطاة ولا قلايد=شوفها سبَب نشاطي قبل همي النحر سهلة تحدرها زوايد=هضبتين ن ظلهن بالقاع زمي وأقفت بجسم ن كشف فهم البلايد=كنها بحالة ركووع وماتتمي جيت أبوصفها وصار الوصف كايد=تشبه اللي قبل لاتاقع تسمي ردفها منبوز فوق وجسم شايد=مابها اهدافة ولحقتني بدمي ساعة ن قفى المعزي للمعايد=وقفت الكلمة وذابت وسط فمي مابقى بالقلب من صبري شرايد=ولابقى بالعين دمع يبل كمي كان حظي جابها صايد وفايد=لذة ن بالعمر لين ألبس معمي وان تخلاَ سابقات ن له عوايد=عادته ينبش جروح ن تستشمي والبلا كان الأجل مامن بعايد =كان شارة حبها لقبري تومَي عز فيني نفسك من أدنى البدايد=يجبر الله العزا لأبوي وأمي وتقبلوا تحيات أخوكم / أحــمــد بن نــاحــل |
الســلام عليكم ورحمة الله وبركــاته
أسعد الله أوقــاتكــم جميعًــــــا متواضعة جديدة من الوورد إلى هنـا
ياللي حضورك مختلف في مذهب الحب البرر=كم لي وأنا أنادي ونفسي عنك ماهي ساليه كنك هلال العيد أراقب لك وتحجبك الغرر= والا الوسم واحسب لحروتك النجوم العالية ترى غيابك عن مداهيلك يلحَقها ضرر = تقل ادوميَه نسأل الله السلامة جاليه جنتك جوفي واتكي على الأرائك والسرر=ماتضيق بك والغير للأعيان ماهي ماليه امن أول ن لامن فقدتك قمت أقصك بالجرر=وألقاك في محمية ن من غيرك أنتي خالية واليوم ما جاني خبر يامل قلب ن ما سرر=يرص نفسه في لجوف ظلوعي المتصاليه لازداد فيه النبض جض ومخطرن يقدح شرر=آخاف يعلق في هشيمات الظلوع البالية سبحت غبات الغرام وجبت منها أغلى الدرر=لكن حتما تأتي المره خلاف الحالية عودي وبيني ياصباح الخير يانور الغرر=ياأغلى الهدايا بالسنين الأولة والتالية خلي مواصلنا كماأول لاضرار ولاضرر =ويقر جفن ن لالتفت يمك لقاك موالية وتقبلوا تحيات أخوكم / أحــمــد بن نــاحــل |
يالـلـي كلامك للمشـاعـر مـــدرر =أبطيت بسباتك وأنا أندهك فق..يـا يامـالـك الأشــواق للـشـوق حـــرر =أفواج شوق الحـب ترغـب بلقيـا يانـاطـقٍ بالـرفـض مخـفـي المـبـرر =لاتتخذ صوتي عـن الصـد تقيـا أبطيـت أعـدي لـك وأمـشـي وأمــرر =إلين صبري مـا بقـا منـه بقيـا لا تكـثـر التسـويـف فـكـر وقـــرر =وقناعتـك إن المحبـيـن شقـيـا وجهـة نـظـر لـكـن بـهـا لاتــزرر =عندي لحل زرارهـا حلـول نقيـا حلـيـن.. مـانـي بإعتـقـادي مـغـرر =للحب وصل!! وللمسابيب رقيـا!! وإن مـا امتثلـت العـلـم مــا ينتـكـرر =ماعاد لي ظنـون بالوصـل هقيـا أببتـعـد مـادمـت مـنـك امـتـضـرر =عذري نشف ريقي وأنا أرجيك سقيا لـوكـان صـوتـك للمشـاعـر مــدرر =مافيه..!! حب.. يتم.. من غير لقيا |
الساعة الآن 01:59 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir