ملتقى قبيلة حرب الرسمي - ان كان سدي يالسبيعي لكم باح؟؟؟

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ان كان سدي يالسبيعي لكم باح؟؟؟ (http://www.m-harb.net/vb/showthread.php?t=5330)

ان كان سدي يالسبيعي لكم باح؟؟؟

قصيدة قلتها منذ سنه تقريبا مخاطبا فيها احد الزملا ء الافاضل وهو محمد السبيعي
وذلك عندما كنا سويا في مهمة عمل ليلا في عيد الاضحى
-------------------

ان كان سدي يالسبيعي لكم باح=ذكرالحيا يعجب وقلبي طموحي
البرق يجذبني مع الليل لا لاح =ورى المزون الغر دوبه يلوحي
برق سرى وانا مع البرق سراح=وتسترسل الابيات وابيح بوحي
كنه لنظم الشعريالقرم مفتاح=يسج فكري مع جديد القروحي
مدري ولع مدري شقى مدري افراح=مدري على شوفه تجددجروحي
مثلي ومثلك مبعد الدارمنزاح=يشوحه الهاجوس مع كل شوحي
لوقلت انا خابرك بالهرج مزاح=وتخفي خفايا عارفك ماتبوحي
قلبك لرنيه راح من عرض من راح=وانته نويت ولاسمحوا لك تروحي
تبي هنوف نهدها تقل تفاح=والعطرمن ناعم جسدها يفوحي
وعيون سود للعشاشيق ذباح=ودك بها ميرانت عنها نزوحي
عسا الحيا بديار هاف الحشا طاح=تروى من الماطرعدود شحوحي
من مدلهم في فضى الجوسباح=رشه حقاق لوابل النو توحي

الشاعر الكبير

عيسى الرشودي العوفي

صح لسانك على هذه القصيدة

و بيض الله وجهك

الأخ الشاعر عيسى العوفي

لله درك

وبيض الله وجهك

وصح الله لسانك

ويعطيك العافيه

تقبل تحياتي

ودمت بخير

الاخ فارس عوف
الاخ بن خيرالله
اشكركما على مروركما المشرف
والذي اعتبره وسام للقصيده

ياسلام على الابداع

صح السانك ياشاعر الملتقى

بيض الله وجهك

الاخ الفاضل مشعان الحربي
اشكرك على روعة مرورك العذب
لك صادق تحياتي


	شكر جميع الاخوان الذينا اتحفوني بردودهم والذي اعتبره وسام للقصيده وضيا للصفحه

صح لسانك وعلي شانك

قصيدة رائعه كروعة حضورك

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري