ملتقى قبيلة حرب الرسمي - محاوره من اقوى المحاورات بين الجبرتي وصياف رحمها الله

بــسـم اللــه الرحمــن الــرحيم

يــسعدني ان اقــدم بــين ايــديكم هــذه الــمحاوره بــين الــشاعرين الــعملاقيــن"
صــياف الــحربـي ((رحمه الله)) و الــجبرتــي ((رحمه الله))....

الجبرتي:
سلام امسى المسا والنوريظهر في محل النور**سلام الشاعر اللي يجلب الزينه ويعطيها
أناجيت الفرح والنار شـــبت والحطب مزبـــور**لكن النار تأكل فالحطب واللي تواليها

صياف:
هــلا يامرحبا ترحيبة رســى بها البابــور*قريبه يالجبرتي يسرح الطرقي ويمسيها
تشب النار وتدير الاراضي فوق راس الثور*وتال الليل يدفن ربك الحفره وراعيها

الجبرتي:
ياحرب الله يسقي داركم يوم الديار دهـــور*ليا شبت ديركم يشبع الطرقي ومافيها
ترى بابورك اللي تدبله جوف البحر مكسور*وهذي دبرة اللي يقتل الديره ويحييها

صياف:
ديـرنا لوتربع ماتجيها يــاأصفر الدنــقور*تلفت فالديار اللي بليس احرق مراعيها
من اول الجبرتي مستتر بالمنزل المستور*وذا الحينه كشفت لك القدور اللي تغطيها

الجبرتي:
انــا لولا الحيا لاضربك ضــربه مالها دكتــور*توديها المهندس والمهندس مايداويها
انا بقضي على الداب الحنش والحيه أم الغور*ليا لدت عيوني وان نشدت عيون ترعيها

صياف:
انا لولا الحيا لاعطيك بنت من بنات الـحور*دقيقه وحده وتشبل رجليك وتوطيها
انا بظغط على البنزين لين يبلشن الماطور*ومن ورد مواطير الهنود اهوهه يسويها

الجبرتي:
ليا زوجتني بنت الــعرب ياعمــنا مشــكور*انا واجب عليه بالوجوب ارضيك وارضيها
انا بعطيك شوري وانت لاتقبل علي الشور*تحب الطيبه والطيبه من حظ راعيها

صياف:
ليا جوزتك البنت الشريفه مابقا لك دور*عليك ام العيال تحط اصابعها بأذانيها
لقاك ام الهوايل لاتقطع ثوبك المــزرور*أنا لاشفت طالبة الذكاة اقوم اذكيها

الجبرتي:
لك الله ماتروح لين اكسر في ظهرك الكور*وهذي دار تصبحها وهذي دار تمسيها
ياصياف انت ياليتك تــدرج حظك المـــعثور* لكن انته يديك العوج مدري وين توزيها

صياف:
سبرتك يالجبرتي وان راسك فاسفل التنور*ومن طلع سلاحه يطرح الصيده ويشويها
يديني يالــجبرتي ماتداني لمسه العصفــور* ويمناك الكريمه بــحرجده مايوضيها

الجبرتي:
علامك منتفخ صورك مع اللي نافخين الصور*لكن استر ثيابك عن شنودك لاتوريها
ليا جاك الجبرتي قول انا تحت الطلب مـجبور*كمنك تاكل النعمه ولاتقدر تزكيها

صياف:
أنا قلبي ماهومغرور مثل الشايب المغرور*مايدري عن ديار سليم لين يسيل واديها
ليا قاموا جنود الترك خلك بايمن الــطابور*تعين فالسواه اللي عباد الله تسويها