سر يانديبي ورد مني سلاما=لناصر اللي حبل وده بريمي
ثم أسأله عن قلب فالود صاما=حتى متى صومه وإلاما مقيمي
ياهل ترى صومه كتاب ولزاما= أو ندب في شرع الموده عظيمي
أمسيت ذيب الليل والطرف شاما=ياشام ياللي فيك مربى لريمي
جرح الحشا حرم عليه المناما=وأنا بعيد الدار والبعد ضيمي
صادقت نجم سهيل نجم الهياما=ياكم عاشق تحت ضوه سقيمي
وأنا ترجى عام من بعد عاما=طفل المها يمسي ويصبح نديمي
القلب للأريام فيفى الخزاما =والطرف ياناصر سحاب (ن) كريمي
سر ياديبي ورد مني سلاما=لناصر اللي حبل وده بريمي

حي القصيد وحي جزل الكلاما=وحييت ياللي فالمثايل غريمي
حييت يافواز نس لالكراما=من بحر جده لين شاطي البريمي
ومن ضلع حايل لين قمة تهاما=ترحيب (ن) أ.كى من هبوب النسيمي
خطك وصلني يارفيع المقاما=وهيض جروح (ن) فالحشا والصميمي
كانك شكيت الود ياما وياما=قبلك من العشاق راحوا حطيمي
مير اعتصم بالله وشد الحزاما=رب (ن) على كل الخلايق رحيمي
شامت خطانا عن دروب الغراما =وبجاه من يحيي العظام الرميمي
وباللي بسط سبع (ن) وسبع (ن) تماما=إن الهوى ياصاح ليل (ن) عتيمي