حرب وبخيتان =
الاوله نبدا بذكر منزل الكوثر وعما =
وذكر النبي المصطفى وبعده سلام الله يعما =
على الرجال اللي اعتلت بفعولها في كل قما =
واللي ماشاف فعولها ماكن في راسه عيون =
آه الهوى جرعة تداوي منه والاخرى تسما =
وانا نصيبي من هوايه زوّد همومي بهما =
ويقول مع جرحى الغرام اللي شكو لازم تظما =
منته لحالك تشتكي كم فالهوى من يشتكون =
الرد من ابو طلق =
نبدا معاكم بالذكر والكل باسم الله سما =
وعلى النبي افضل صلاة ومرحبا ياعيال عما =
ياللي لكم فالطيب صيت وعزم فالماقف وهِما =
واللي ماسمعوا صيتكم ماهم من اللي يسمعون =
هذا الهوى سم وعسل ومعقب دموعٍ ودما =
واللي يبون العلم لازم يحفظون الدرس صما =
منهو يضمك للشقا لا تاخذه بالحضن ضما =
ابعد عن انشاب الهوى تسلم مع اللي يسلمون =