|
يابحرنا يابحرنا فيك مـد وجـزرا=منت مثل العام هادي والصحيح أيقالي السفن وسطك تزاحم والاشاره حمرا=في بضايع تختلف بالحجم ولاشكالي المفتش ضاق باله يوم طول يقـرا=وقع التصريح لتاجر مـع الدلالـي لين صار اهل التجاره مطمعه للفقرا=اخر الايام نسمع تكثـر الاهوالـي من جهل لون المطيه للمطيه يبـرا=لايتقلدها تراهـا تبلـش الجهالـي مابلشنا غير بالي مايعرف المسـرا=لو تقول الدرب عانه ينحرف طوالي فيه مايفيد الكلام وما يفيد الصبـرا=ان لقاء فرصه بسيطه للعرب ختالي من يميز في مسيره له مكان وقدرا=لاسكت غالي علينا وان تكلم غالـي ياعصانا ياعصانا فيك صاير شقـرا=من يسوي شقرها ياطيبيـن الفالـي يكسب المعروف والحسنه تعد بعشرا=مانييها تسري الدعوى بدون اعقالـي |
المسجد الاقصـى علينـا ينـادي=ويقول صبري طـال يالمسلمينـا متى يجينا من طرفكـم جهـادي=مثل صلاح الدين ذيـك السنينـا صبري قضى وحصارهم لي زادي=سيسـان جدرانـي لهـا حافرينـا قلت استمع منـي كـلامٍ وكـادي=قضيتك فيهـا العـرب عاجزينـا اسباب ضعف الدين بين العبـادي=وحب الحياه وحب مـال وبنينـا الدين قـل وزاد فينـا الفسـادي=والنـص منـا للعـدا عامليـنـا مليارا لاكنا علـى غيـر قـادي=متخالفيـن الـراي متناحـريـن ماعندنـا ياكـود هـرج ودوادي=وفـلان فيـه وفيـه ومهمشينـا بالشرق لاتصدق كـلام الربـادي=كـذاب خلفـه زمـرةٍ كاذبيـنـا والغرب عنهم غاسليـن الايـادي=اوصيك لاتسمـع بهـا ناصحينـا لك يمزجون السم وسط الزبـادي=وعبـاس عيـا ماقفـه لايبيـنـا ان جاع جابوا له شـرابٍ وزادي=واذا طفـش راح يتمشـى بسينـا حطوه مثل البو فـوق الشـدادي=من ديس واحد كلهـم راضعينـا يذر وسط عيون شعبـه رمـادي=لامـا غـدو بـاراي متخالفينـا جاك الكلام اللي جرح لي فـوادي=وان قلت غيره شي تبـت يدينـا |
فهمت يالنشـاد علـمِ بغيتـه=يالسيف يالي بالعوافـي محنـا لصارمنصفنـا كتـابِ قريتـه=تعال ونشد وادي الحمض عنا الوادي اللي باالخطر مارعيته=واليا رعيت ادناه نحماك حنـا يوم المغازي والطمع ما مشيته=انشد كبـار السـن لاتمتحنـا حموه ربعي بالخطر ماحميتـه=اربع قبايل منه مـا زعزعنـا ان كان ماهرجي صحيحِ لقيته=لاتمد لي يمنـاك فنجـال بنـا انشدك بالله ويـن دارِغزيتـه=على السبايا كاظمـات اللعنـا وين الدخيل اللي بسيفك حميته=لاصاح صياح الضحى ووجهنا في داركم ماجاك غازي وجيته=حمـام دار بوسطنـا مستكنـا لولا رجال العرف عودك لحيته=قصرتها ياهن من شـان هنـا |
000000000000000000000000
|
اااااااااااااpoem]
|
قصيده وجهتها لشاعر مصلح المحمدي
بلشت بالي بالبلد لابـس لنـا عشريـن ثـوب=ثـوبٍ نعرفـه فيـه وناديـه باسمـه بالبلـد واليا لبس غيره يجينا ياعرب من كل صـوب=لا قلت يفلان الفلانـي قـال مخطـي ياسعـد اليا صدق بالثوب الاول لالبس غيره كـذوب=مايدري ان عارفين الضبـع ونعـرف الفهـد الشمس تطلع والجليد اللي على القمه يـذوب= ترى الحقايق لو حجبها عيد مايرضى حمد ياناس يابدو وحضر لاترجع الدعوى سحـوب=ياشين من بعد البنـي يافاهـم القصـد الهـدد ماتنجحد حاجه عليها اشهود من بيض القلوب=كل العرب فيها مثل عينين فـي راس وجسـد والي يبي ينصب بها سميته الرجل النصـوب=عطيت كرت انذار واللي يزرع الزرع ايحصد ماني ضعيف اعزوم لاهبت على راسي هبوب=ارد على عد الروى يـوم المـراوي مـاورد يامصلح البراك لاصـارت لدعوانـا جنـوب=تعال نبغى نذر بعض عيـون نايشهـا رمـد امـا كـذا والا كـذا والله يغفـر لـذنـوب=البيت يابو زيـد مايبنـا بـلا طنـب وعمـد عطيتك العلم الصحيح اللي على الشارب يذوب=السبت بعده ياوسيـع العـرف ياتيـك الاحـد انا ادري انك لاوقفـت اماقفـي عنـي تنـوب=راعي مواقـف ياولـد بـراك يانعـم الولـد تم الكلام وسر دعوانا عن البعـض محجـوب=سر المطيه بين امان وخوف ياشبـل الاسد رد الشاعر مصلح المحمدي
يامرحبابالشاعراللـي بالشمـال... وبالجـنـوب= =وكلت ابوتركـي عليـه ومثـل ابوتركـي يسـد شاعرولدشاعـر نعـده للـسـلام وللـحـروب= =نعمـا" فبـان دومـان عبـدالله و نعـم بماولـد حنشل بلدنـا قامـت تسوقـه مخاريـم الـدروب= =حنشل على سكن البلدوالنـاس تحسبهـم سنـد!! مثل الحبينة (1)يقتلب لكن عن الـلازم هـروب= =والدين والتقـوى علـى ماقيـل ماحولـك أحـد والا الحقيقة زي وجه الليـل والصبـح امهيـوب= =واشرقبهاراع الذلول اللي علـى خصمـه جـرد مايبلش العاقـل مثـل مايبلشـه صنـاع طـوب= =لاواجهه بالحـق الابلـج فـوق خيلـه ماصمـد وشمس الضحى ماتنحجب في كلمة الرجل الزروب= =لكـن البلانورالقلـوب اللـي مغطيهـا الحسـد قل يالغصون اللي تصافـق راع الغلـب مغلـوب= =ياكـم فاسا"حدهـا الحطـاب واعيـاه الجـهـد اول يجيهافي ظلام الليـل مـن عقـب الغيـوب= =واليوم من تحت الغصون المايلـة خـش ولبـد اوصيكم الحطـاب قطـاع المحـارم والخـروب= =مالـه أمـان أول ولاهالوقـت هــذا ولابـعـد صارويابوتركي مثل مـن طـش رمحـه باللهوب= =النارشبـت واجمـرت والصيدفـي بـره شـرد والناس عن نقل الصميل اليـوم مكفيهاالحلـوب= =مـن زود نعمتهاتطايرمـن براشمـهـا الـزبـد ادخل على الله كن عاقلهم مـن الجـن امعـروب= =لكـن نبـي نقـرأ عليهـم قـل هـوالله أحــد |
احب نجد العذيه وعشق احجـازي=عندي سوات العيون بكل الاحوالي الناس عندي سوا وحشام وعـزازي=علمٍ نقولـه عليـه احـط معدالـي ماني مع افلان والا افلان منحـازي=واضح طريقي وعالي دوم منزالـي واحب من بالشجاعه والكرم فـازي=صادق نوايا مكـال بكـم مكيالـي ماحبلـي واحـدٍ همـاز لـمـازي=ماهمه الا النفاق وجمـع الاموالـي بالطيبه من حياتـه مابعـد فـازي=عقرب ثرى من رباب القيل والقالي من حاول يروزنا دخان مايـرازي=ضلع ٍ عليه الدول في حرب وشكالي عندي شهاده بها تقديـر ممتـازي=بالحلم والعلم والصفعه لمن عالـي رجال عند الخطاء بالمثل مايجازي=عدوه من كيفنـا ياحـرب فنجـالي لاصار يشبه لصوره وسط بروازي=حرام يلبس شماغ ويلبـس اعقالـي ماهمـه الا السـرا قـدام تمـازي=واكيد عند التميـز يكـون فوالـي اليا شبع لو نهيتـه يقعـد اينـازي=وعند الشدايد يصيبه خوف وهبالـي قصيدتي مابهـا ترميـز والغـازي=من واقع ايامنـا سجلـت الامثالـي |
طرقت باب الخطاء والعين صوب الصحيح=والنـاس قامـت تلفـت فـي وتذمـنـي كلن يقول الخطاء حنيـت كـف الجريـح=سيـل السوالـف بعـد معشوقتـي دمنـي ترى السواليـف حـول وسرهـا مايبيـح=يـم النجـوم اللوامـع قامـت اتزمـنـي مدام بالدار ياهـل الـدار ماجـود شيـح=ابـا اقطفـه لـو يبعثرنـي والايلمـنـي به من يكيل الزرى به من يكيـل المديـح=وانـا علـى يمتـي والهـرج ماهمـنـي يابنت نجد العذيـه مـع طـرق ٍ فسيـح=جيناك وشوف بعض اصحابـك ايشمنـي ارضي بنا يامليحه كـان هرجـي مليـح=وان ماعطينـاك حقـك شملـي يمـنـي اليا رمينا الهـدف يابنـت دايـم يطيـح=ياصعب راسي على من حـاول ايخمنـي |
قصيده موجه للشاعر:خالد الحصني
ذكرتنـي ياسـيـد الطيبيـنـي=ياسيفي اللي يقطع الراس حـده رد الشاعر الكبير خالد الحصني خليت تبكي تالي الليـل عينـي=ماهو غلا دنيـا والاهـو مـوده تبكي على ربع ٍ لنـا راحلينـي=لو مالحيا ثوبـي عليهـم لاقـده ياخالد الحصني على الاولينـي=صاحبك دمعه منتثر فوق خـده لاجيت اقارنهم مع الحاضرينـي=الفرق واضح دون ضمه وشـده سبيل من مثله مـن العايشينـي=قليل منـا مـن يسـد ام سـده علي لو يزعل حـدا الوالدينـي=هذا الصحيح اللي لـزوم ٍ نعـده وهواش في قالات ربعه يبينـي=شوحه بعيد ومـا يعـرط ابـده مايقبل العوجا علـي الاقربينـي=وان شاف منهم عوج تكفيه صده يبغى تموت بغيضها الحاقدينـي=سيفه ماعمـره بالمواليـن رده والياضرب ضربه يقص الوتيني=لاقص عظم ٍ فيـه كنـه يحـده من العداء حصل تله شاهدينـي=رغم العداوه له قبـول ومـوده هذا نمـوذج ساحـة الطيبينـي=يوم ان للمعنى طـراوه وجـده ادناهم اللي في كلامـه رزينـي=راجح عقل ماكـل قالـه تهـده واليوم عكس الامس يالعارفينـي=كل عطا مـع سهلـةٍ مجرهـده ياذا الزمن كثرو بك الخارجيني=مصنفين مـن المسـام الاشـده كلن على الشاشه يحاول يبينـي=حتى على الادنـا لسانـه يمـده يفكر انه جـاب راس الخمينـي=احلوم م ليل ً فوق فرش ومخـده درب السنع ياجاهلينـه يمينـي=واللي بناله صرح وشبـه يهـده عبر الصحافه للمشاكل عوينـي=على طريقـه شالـه كـم قـده الواجب انه بالمواقـف ذهينـي=لاجاه علم ٍ غيـر لايـق يلـده بعيد والا مـن قريـب ٍ دوينـي=جسر المشاكل مايحـاول يمـده عندي إحساس وفي بعض اليقيني=انه يجـي للعلـم رجـال قـده لاكبـرة القـالات دايـم يبينـي=وقت الرخى والا بالايـام شـده رجال به نخوه وشيمـه ودينـي=ابوه كد وصـاه بالطيـب جـده الباب خليته على المصرعينـي=قدام لايصل المرض كـل غـده
يا مرحبا في طرق قـاف ثمينـي=قاف بديت امرحبـا فـي مـرده من شاعر ما يذبـح الا سمينـي=يعد ني سيـف وانـا درع اعـده من جوهر المنطوق صلب ومتيني=ضد الدروع اليا تصـدى يصـده ما تنتفطن يا سعـد يـا فطينـي=لا شك علـم خايـف منـه بـده ما لوم عينك لـو بكـت ميتينـي=من شوف ناس بناسهـا مستبـده تبكـي ثنيـن وغابنينـك ثنينـي=والفرق مثل طويق عن سيف جده جبت الجدي وسهيـل وتويبعينـي=والعود الازرق مـا يقـارا بنـده حزنتني في ذا المثـال الحزينـي=حيرتني مابيـن مزحـه وجـده وضرب المثال احيان يحتاج سيني=حتى توافق سيرتـه مـع مشـده ساعة لقيته غيـر عـاده بدينـي=لقيت مفتـاح النبـا مـع معـده ذكرة نهـج السلافنـا السابقينـي=وادركة فرق الند عن طبـع نـده سميت خوف اصحـي النايمينـي=وتنجح عيال ابليس فيمـا تـوده ما غاضنـي يومنهـم جاهلينـي=نوب الجهل في صالحك لا تضده يعمي عيـون مشفـح المنتدينـي=ولوا الهدف قـدام ماهـي بقـده عطرتني فـي سيـرة السالفينـي=والفرق بين الامس واليـوم مـده على الوفـا والعـز متضامنينـي=ويوقفـون المنتحـي عنـد حـده لحقـوا وحنـا بعدهـم لاحقينـي=ومن عاش با الدنيا تقفـاه شـده امين با الجنـه مـع الخالدينـي=في جاه من با الوحي ربه يمـده اما المعـان الـي لقالـه معينـي=ما يحتمـل ياقـاوع العلـم لـده والي بجـور الذنـب متعادلينـي=كل على الثاني نضخ مـا بعـده احسن نواكب موكب المستحينـي=من قبل يغرق باني السـد سـده والخير واجـد لكـن الغانمينـي=ماهم لحـب اخشومهـم مستعـده طرقة باب قلـت ابيـه يهدينـي=ولقيت خلف الباب سايـق معـده قلت الوشاح وقال طالـع يدينـي=يا حيـت رقطـا تطـوى بيـده الحل يـاراع المقـام الحسينـي=ان كان ما عشية ابو زيـد غـده ثم ذكره في ماضيـات السنينـي=وان كانه غضبان با الحال هـده وتقيا المفـوه حكمـة التابعينـي=والطيب ما يستاهلـه مـن يـرده |
العسكري راتبه مايصـرف اعيالـه=ديانته عنـد بابـه كـل عصريـه بجازة الصيف دايم حالتـه حالـه=على معاشه لزوم ايشوف جمعيـه تلقاه بعد الاجـازه من شغـل بالـه=يمكن تصيبه مـع الايـام نفسيـه ياناس بعد التقاعد ويش يصفالـه=شهرين وتحصلونه عنـد خيريـه متى هل الشان وهل الجود تصحاله=اهل الكرم والعطا درع السعوديـة الدار ماحـرره لاعـب بسلسالـه=وماحرره من دوامه نـص يوميـه على شماغه يميل دايـم عقالـه=عنده عماره وخمس بيوت شعبيـه الجيش من حرره جعل النصر فاله=لبا ندا المستغيث مـن الجنوبيـه كلام شاعر عرف وشلون مدخالـه=جندي مقاتل تكلـم فـي شفافيـه يوم الجنوب استحلو عالي جبالـه=مع اول الجيش فـي قـوه مظليـه على حدود اليمـن لا جـر موالـه=يمكن صدى الصوت ياصل للشمالية |
قصيده بالشيخ منور بن غلاب ابن طعيسه شيخ الحصنا ن من مزينه
يامنـور الغـلاب ياطيـب الفـال=يالشيـخ فيـك النـادره تستويلـي تـواردٍ فكـري دقيقـات وجــلال=ورد القطى لاطـار بعـد المقيلـي اخترت لك مالاق يامعـرب الخـال=مـن مـاردٍ مـادم جمـه نثيـلـي قلنا بكم يالشيخ من ضمن من قـال=ماني وحيـد ومـن فردبـك بقيلـي هرجٍ بلا معنـا سماجـه وغربـال=يصير بين النـاس مالـه حصيلـي انا مدحـة الشيـخ شيـال الاثقـال=حيثـه يحـب الطيبـه والجميلـي دايـم محلـه لرجاجيـل مـدهـال=مابينهـم حاسـد وراعـي نقيـلـي على وجار النـار مصفوفـه ادلال=قذوعهٍ مـن زيـن تمـر النخيلـي فنجالـهٍ يـاوي يــاوي فنـجـال=يبري فـواد اللـي فـواده عليلـي ماصك منور بـاب بيتـه بالاقفـال=راعي كرم شهم وشجـاع ونبيلـي للضيف مايذبـح رديـات وهـزال=مع النبا الطيب لـه اتجـاب حيلـي فوق الكرم والعرف عنده سعت بال=والجار يسمـح زلتـه لـو يعيلـي مقدام للحصنـان ماضيـن الافعـال=حـرز الذليـل مزبنيـن الدخيلـي نعمٍ بهـم رجـال رجـال رجـال=نقولـهـا والله عليـنـا وكيـلـي المـدح لاجالـه مجـالٍ للابطـال=ميغط نور النـاس غيـر الهبيلـي افعالهم تضرب بها عصـم الامثـال=لاخير في هـرجٍ ضعيـف الدليلـي غير المشيـد يـوم للخيـل خيـال=ياما خذوها فـوق جيـشٍ وخيلـي ومنهم سبيل اللي خصم عايلٍ عـال=بعد السطـر خـلاه يرجـع ذليلـي الله يبيحه يـوم نجـزى بلاعمـال=يوم الحساب ويوم كشف الحصيلـي ماهمتـه نفسـه ولاهمـه اعيـال=والكل يدري مـن هـذاك القبيلـي خال العيال اللي لهم مجـد مـازال=حقايـقٍ ماهـي هرابـيـد ليـلـي من دون حرب ارخص حياته ومانال=مواقفـه جيـلٍ حكـاهـا لجيـلـي عسى الخيال اللي به البرق شعـال=يسقيك ياقبـرٍ سكـن بـه سبيلـي ستين ليلـه فوقـه المـزن همـال=لاما النفل من فـوق قبـره يميلـي ماقلتهـا نبغـى مدايـح والا مـال=مالي هـدف يذكـر كثيـر وقليلـي حربي وحر الراي في كل الاحـوال=ماني بمدح اهل الشجاعـه بخيلـي |
ياروح روحي كـل ماجيـت يمـك=حالو مقاريد العرب بيـن الاحبـاب اولهم امك حسبي يالله علـى امـك=دايم تقل حارس على سـدة البـاب ابوك مات وصـار واليـك عمـك=لاشافني بالحـي كشـر بالانيـاب ياحض منهو تالـي الليـل ضمـك=في اليلةٍ فيها هـل الحسـد غيـاب ليـن ايتمـازج ريـق فمـه بفمـك=يروي عطش قلبٍ من الحب منصاب اليا فهـق ليلـك وحطـك وزمـك=ين العيون وبين غض النهد غـاب ياورد بعثـرك الزمـن ثـم لمـك=بحضان من قاسيه مـن حبكـم ذاب بوارجـه قامـت تزاحـم بيـمـك=عسى لهن مرسى بزينات الاهـداب |
يامرحبا يامرحبا فيك ياعضيـب=عداد ماهبـت هبـوب الشمالـي ترحيب مابه شك مني والا ريب=مثل الذهب غالـي يقـدم لغالـي بالورد والريحان والمسك والطيب=امغلفه لعضيـب زيـن القبالـي راع الوفاء حلوا النبا والاساليـب=دايـم محلـه مدهـلٍ لرجـالـي في مجلسه تلقى جماعه وجانيـب=كريم مايحسب حسـاب الريالـي دايم دلاله فوق نـاره محاضيـب=ونجراً على صوته تجيه العيالـي من شبته حتى غطاء راسه الشيب=لطيبـه يسعـى كريـم السبالـي مواقفه ماهي سوالـف وكاذيـب=كم عايلٍ خـلاه يمشـي عدالـي دون القبيله ماسهـج للمواجيـب=روس الافاعي داسهـا بالنعالـي مجراه من الشاعر الكبير نافع الحربي في نفس المناسبه
يامرحبا ياعضيب يامركز الطيـب= =كلمت وفاء والحـق لازم يقالـي انشهد انك ياحصـان الاطاليـب= =في حرب من خيرة زحول الرجالي يماوقفت لموقـف العـز لاهيـب= =ونصبت سيفك للسهوم المدالـي دون القبيلـة لاتبيّنـت ماتغيـب= =ماكنـك الا نايفـات الجبـالـي قولٍ على فعلٍ عظيـم الهناديـب= =وشعرٍ بعالي يااهل العرف عالـي يامرحبابك في لقاء حرب يالذيب= =الموقع اللي حافـظٍ كـل غالـي قاله سعـد سباقنـا للمواجيـب= =وحنا على دربه نسوق الرحالـي |
بديـت باسـم الله ونـعـمٍ بالله=مفضل المسلم علـى النصرانـي سبحانه اللـي مالغيـره نسجـد=فرداَ صمد مالـه شريـكٍ ثانـي منجي سفينة نوح واللـي فيهـا=وبامره تطيع الجـن لسليمانـي من بعد ذكـره ياقلمنـا سجـل=لاصار صعب القاف مايعصاني سجل وعجل من نوادر شعـري=بالابه اللـي يحتمـون العانـي حرز الذليل مزبنيـن الخايـف=حصنان نعم بلابـة الحصنانـي اهل الشجاعه والكرم والجيـره=عسل صديق وللعـداء عدوانـي صباحهم وقتٍ مضـى يدعابـه=الياغـزو يخلـون بالمرحانـي فوق المهار وفوق جيشٍ ضمـر=ياما خذوها مـن بعيـد ودانـي كم فارسِ مـن ظربهـم ماثنـا=على مطيحه يعـوي السرحانـي مقدامهـم منـور ونعـم بمنـور=ابن طعيسـه مزبـن الزملانـي حفيد شيخٍ جـاب بيـت مشيـد=علمٍ عليه من العـرب برهانـي بالغصب ماجابه بحب خشومـي=جابـه بكـر وفـر بالميدانـي ماقول هـرجٍ ماعليـه اثباتـي=على الحقايق شايبـي وصانـي هذا الصحيح اللي لـزوم اعـده=غصبٍ على الحساد والزعلانـي ذكر الحيـاء والطيبيـن ايبينـي=ومايجحد المعروف رجل احساني ابيوتهـم مثـل الجبـال وملفـى=تشوفهـا مـن بعـد بالاعيانـي فيها لمـرار الطريـق وغيـره=فنجال شف معومسٍ ضرمانـي مع النباء الطيب وحيـل اتقـدم=على الصياني لضيوف اسمانـي وسوالفٍ يطـرب لهـا سامعهـا=تنصة لهـا الشيبـان والشبانـي عاده عساهـا ماتـزول العـاده=متوارثينه مـن علـى الجدانـي مدحي لهم ماهو عشان اهدونـي=مشلح وبنـدق غاليـات اثمانـي هم يفعلون الطيب وانا استاهـل= ابوي عبـدالله ولـد دومانـي محمدي مـن ساكنيـن الـوادي=للعرف رمز وللوفـاء عنوانـي |
كان تبغون الحقايـق يامـدورة الحقايـق=والله انا مانحب التفرقـه بيـن الجماعـه ماسعينا يالبيب القلب فـي كـل الطرايـق=في امور تسبب الفتنه والا فيهـا طماعـه كان مانسوي قضايا القوم ما نصير العوايق=ماندور لطفايس والعـدو نلـوي ذراعـه لي ثلاث اشهور مدري فوقها والبال ضايق=من رقيق ٍ لاوصفته يشبه لوصف الاشاعه ماعرفناله مسار وماعرفنـا لـه طرايـق=يوم في ثوب الغناه ويوم في ثوب المجاعه يزعله عد الصحيح ويعجبـه ذم الخلايـق=وان قصيته بالعلوم الثانيه قلبـه رعاعـه علمه يازارع اللغام فـي وسـط الحدايـق=قبل اذيع الاسم كامل في محطات الاذاعـه يارسوله بالخزاء سايق عليـك الله سايـق=علمه بالعلـم كلـه ياخشيـره ياكراعـه العنوا شيطانكـم قـدام اخليهـا حرايـق= ياشويرين الحريـم وياكثيريـن المياعـه |
ياعود غـادي بالسواليـف غـادي=الله على قلـب الحقايـق يجازيـك الظلم ماهو مـن سمـات العبـادي=انشدك ويش اللي عن الحق معميك عينت ذوداً مارجـع يـوم قـادي=ذوداً عليه اتصيح وتفـرك ايديـك جابوه ربعـي مبعديـن المعـادي=انشد عنه يالعود صـادق بنيخيـك ماذمكم جيتـوا سـوات الجـرادي=فوق الركايب بالرصاص المشاويك ومن دونها حلنا نهـار الطـرادي=منكم ذبحنـا اثنيـن بدنـا مفاليـك لسـاع فيهـم ماطرالـك سـدادي=ياعود ماتقـل السواليـف تعنيـك جاك الوكاد ان كان تبغى الوكـادي=ترى العرب تدرك ماضينا وماضيك |
ااااااااااااااااااااااااااااااااااااااااا
|
في حفل ربعي كاسبين الجزيـلات=يامرحبـا عـداد همـال الامطـار ترحيب نبدابـه بـارق العبـارات=بالحاضرين بحفلنـا سـر وجهـار مثل الذهب صافي ولافيـه هفـوات=مانقصره عن كـل مدعـي وزوار يشدي زهور الورد في وسط باقات= واحلا من الحالي حلا عدة امـرار عادات ربعـي بالليـال العسيـرات= ذبح الغنم وملاطف الضيف والجار بيوتنـا مـن يـوم كنـا ذريـات= فيهـا الهتـاش الخـلا زاد وبهـار يامن بنا الجالـي ليالـي طويـلات=هرجن بلا معنى على قايلـه عـار اهل كرم واهل مواقـف وعـادات=حقايـقٍ ماهـي سواليـف ثرثـار خوينـا يـوم الليـال المخيـفـات=يرقد طويل الليل مايخـاف غـدار ياناشـدٍ عنـا ثـوانـي قلـيـلات=واعطيك يالنشاد تفصيـل الاخبـار حنـا محاميـدٍ لنـا سلـم مامـات=سوالمٍ من حـرب وافيـن الاشبـار منا هل الـردات يـوم الصعيبـات=خيالـة الهدلـى بعيديـن الانظـار ان قيل يارجال السعاديـن هيهـات=ركبو هل الهدلى على قحص الامهار ومنا السواعد والتمم وقت الازمـات=يردون حوض الموت بالماقف الحار واهل المليحـا ملحقيـن المخـلات=ياما اذبحوا من دونهـا كـم سبـار مبشريـن حوارهـا بالسـلامـات=ماهو كلام اللي عطا يمين ويسـار والنعـم بالوفيـان زمـل الثقيـلات=اهل الكرم صلبين الارياء والاشوار حقوقنـا ماتنـوخـذ بالسـهـالات=يدرى غضبنا كل فـارس وجبـار لنا بواد الحمض صولـه وجـولات=فوق المهار وفوق زينات الاكـوار يامـا غزينـا بالسنيـن القديمـات=نمسي بدار ونصبح الصبح فـي دار فوق الركايب والامهار الاصيـلات=متقلديـن الـلـي يفـجـن الازوار نجيبهـا دايـم بحـد الرهيـفـات=اليا غطى روس الرمك ملح وغبار ونفكهـا لاصبحـت فايـتٍ فـات=من دونها نذبح من القـوم الاخيـار كون المصيقر فـي للـواو بالـذات=ابيات نسمعها مع كبـار وصغـار شاعر جهينه يـوم غنـا بالابيـات=ماقـال شـيٍ يالمناعيـر ماصـار ويوم الغرابه بيـن ذيـك المنيفـات=ياما نذبح من نقـوة القـوم مغـوار وعلى النصيع بصادقـات الروايـات=طاح العقيد اللي غزى وقت الاسحار رموه ربعـي للسبـاع المجيعـات=واللي سلم عطا عن الذود الادبـار جونا مع الاخوان غرب وقرابـات=الله يايـومٍ لهـم صـار مـاصـار وعلى الفقير يـوم جنـا مغيـرات=الزلـم ذقناهـم قراطيـع الامـرار وجمع الشريف مكبدينـه خسـارات=يوم التقينـا راحـو القـوم عبـار والترك جونا بالجمـوع الغفيـرات=يبغون غصب اخضاعنا دون تعبار على جنايزهـم طيـورٍ محيمـات=من طاح مات ومن سلم راح منهار لاخير في هرجٍ بلاشهـود واثبـات=مثل الذي يبغى الصبخ ينبت ازهار علـي مابـه يالعـوارف ملامـات=اليا ذكرت فعول ربعي هـل الكـار الصدق مايودي طريـق المتاهـات=وانا كلام الصدق دايم لـي اشعـار مبغى علي يصير لنـاس شرهـات=وسوالفٍ عوج وطويلات وقصـار كلٍ ورى حقـه حبالـه طويـلات=الطيب ماهو ملك عامـر وعمـار الطيب مرقـابٍ مراقيـه صعبـات=عليـه مايقـدر مـراوي وهــذار يقدر عليه اللـي يحـب الجمـالات=قرمٍ اليا منـه بـرك للحمـل ثـار وختامهـا منـي سـلام وتحيـات=عداد ماهز الهوا غصـن الاشجـار |
من فوق جيبٍ معتنـي بـه خبيـره=متعـدي الإلفيـن باربـع موديـلات ناقيـه مـن جملـة جيوبـاً كثيـره=وسجلت شيكه بعد شفت الضمانـات أوراق فحصه وقعـت مـن مديـره=فاحص عليه مهندسـه بالجهـازات اجتاز كل الفحـص قبـل الظهيـره=ومن المـرور مخلصينـه بلحظـات ارسلت من يقطـع عليـه المسيـره=مايمل لو طالـت عليـه المسافـات لاقلـت تكفـى ماتعـقـد نظـيـره=ضاري على مشي الدروب البعيدات قدام نـور الصبـح يطلـع نذيـره=مشي عسى ممشـاه كلـه سهـالات غير الكتـاب وسايقـه مـع سبيـره=عليـه ماحطـت حمـولاً ثقـيـلات ياسايقـه لاجيـت ذيـك العشـيـره=عيـال وايـل كاسبيـن الجمـالات ستر العذاري فـي نهـار المغيـره=لا سيقت العطفه ولجـوا بالاصـوات فوق المهـار وبالسيـوف الشطيـره=ياما خذوها غصب ماهـي حيـالات يجذبك يـم معشـي الضيـف نيـره=الخمعلي ريف الركـاب الهزيـلات عليـه سلـم لـي مدلـه قصـيـره=وعطه الكتاب اللي معانيـه جـزلات خلف زبون اللي ظروفـه عسيـره=ان حدتـه سـود الليـال المخيفـات يا لخمعلي جاني على الشعر غيـره=كثـرت قنواتـه ونشـر المجـلات كلاً علـى الساحـه يدرهـم بعيـره=اهم شي ايشـاف باحـدى القنـوات نشوف ياريـف الخـوي يامجيـره=اللي على الشاشات يظهر على الشات لاقلت ماهذا الشعـر صـرة عيـره=وقالوا زمان اللي تبي ياسعـد فـات حاسـوا وداسـو يالثبيتـي مريـره=اجسام دون عقول فـوق المنصـات وامثالكـم شعـار شبـه الجـزيـره=اللي لهـم علـى معانيـه بصمـات محاربيـن مـن الوجيـه الشريـره=والعذر عصـر العولمـه والحدثـات اعـذار يامشكـى عمـي البصيـره=معادلـيـن الطيـبـه بالـرديـات قلتـه وانـا يالقـرم مانـي سفيـره=ولاقول فيه ارقبت روس الطويـلات ياناضـمـه يانـاقـده ياخـبـيـره=وجهة نظردونتهـا وسـط الابيـات رايك عسى رايك لنـا فيـه خيـره=حيثه يجي صايب والافيـه هفـوات حنـا نجيـب الاولـه والاخـيـره=ولاالسكوت اخير في بعض الاوقـات والعـذر منكـم يالوجيـه النويـره=اليا حصل تقصيـر منـا وغلطـات |
السلام عليكم ورحمة الله وبركاته السهم الحربي طرح قصيده ووضع عنوانها غزليه ممنوع دخول الشيبان
وقال الشاعر الكبير مضحي بن جمران الابيات التاليه ممازح السهم الحربي وبعد ماقريت الابيات جاريت الشاعر مضحي وبعده رد علينا السهم الحربي بقصيده انا والشاعر مضحي ورديت انا على السهم الحربي نترككم مع القصائد عسى تحوز على رظاكم الشاعر مضحي ابن جمران
الهواء والعشق مايبقى وسيلـه= مجاراتي لشاعر مضحي =كل شيٍ زاد عن حـده سماجـه مع مدلهة الخوي مخلي سبيلـه= =يالسهم معادلي بالعشق حاجـه دام عندي بنت ناسٍ لي حليلـه= =كيف اهاوي غيرها مثل الخواجه
السهم عداء على راس الطويلـه= =لرماه اصبح على العالي مواجـه ان سمع صوت الرمي يرفع شليله= =لو نبي نرميه يعمينـا عجاجـه صابه اللي يفلج المخطي دليلـه= =مضحي الجمران عكر له مزاجـه مايوصل راعي الطرقـه صميلـه= =دام جلده يشبه لجلـد الدجاجـه بازناد ان شب في راس الفتيلـه= =كل جرحٍ عندنـا يوجـد علاجـه رد السهم الحربي علينا
الهواء والعشق مانتم ضمن جيله= ردي على السهم الحربي=دامكم شيبـان خلـوه بحراجـه ودورو سوق المساويك الجليلـه= =كل واحد مطلبه حسب أحتياجـه مضحي الجمران داله مع عميله= =ولايغير قايـد الريـم أنتهاجـه حسب قوله مكتفي بأحسن بديله= =له مسـار ولايفكـر بأزدواجـه عارف أن السيل لاعـدا مسيلـه= =يغرق الشاوي ويسحب من نعاجه والمجاري يطمر براس النثيلـه= =وأن غشاه الليل ماولع سراجـه يرهبـه سرحـان لازاد بعويلـه= =ولاوطاه الخوف مايعرف خراجه= إن غزوه القوم ماينطـح قبيلـه= =و لاسمع صوت التفق لاذ بزراجه المشوك ياسعـد حـذرا تشيلـه= =لو تشيله ماج قلبـك بأرتجاجـه وأعرف أن الدم يعرف بالفصيله= =والقلوب أما حجر وإلا زجاجـه والسهم خلوه يطرب مع خليلـه= =كلها شهريـن ويحـدد زواجـه
ياقلمـنـا وف لـطـلاب كـيـلـه=من بـلاد الهنـد والا مـن سفاجـه ادري انـه يرقـب الضلـع ويميلـه=لـه علـى عاليـه وقفـه ودراجـه ميـر حنـا نشفـي الكبـد العليلـه=نعرف النادر من فـروخ الزراجـه ماحدونـا مـن لهـم وطيـه ثقيلـه=عارفين البير عذبـه مـن هماجـه شاعـراً ماسـار مـع دربٍ بديلـه=اسمه الاصلي علـى عالـي نتاجـه يوم شاف العـام بالاوضـاع ميلـه=مارضي ركب المسامـه والحداجـه يالسهـم راع العواجـه ماحبيـلـه=ظربتي يالقرم مع مقـرن حجاجـه وانت ماحصلتلـك بالـدرب زيلـه=مـع عـدال الـدرب والا بنعواجـه لو صغيـر السـن بالطرقـه دليلـه=دق سلف الجيب من داخـل كراجـه ونحـره نجـد العذيـه قبـل ليلـه=مايلفلـف بالحـواري مـع زناجـه وصاب راس الذيب في عيطاء طويله=ماخلط سهم العـرب مسكـه بداجـه صح من قال الفتى من طبـع جيلـه=بالرجولـه والهقـاوي والغنـاجـه قاله اللي يعـرف العيـص ونخيلـه=مايدس الراس فـي يـوم المواجـه ومن يدسـه مالنـا بالامـر حيلـه=والسكوت اخير مـن كثـر الجاجـه |
السلام عليكم ورحمة الله وبركاته يشرفني في مجارات الشاعر الكبير السهم الحربي
عسى تحوز على رضاه ولاضاكم ونترككم مع قصيدة الشاعر الكبير السهم الحربي ومجاراتي له
الناس كلٍ حسب عرفه وتفكيـره=والي يميز عقول الناس مبداهـا أحدن يحدك على شكره وتقديـره=وافي و دايم علوم الطيب يهواها وأحدن يحدك على شطفه وتحقيره=سامج و دايم علوم العز يشناهـا وطيب البشر صعبه تحدد معاييره=كلٍ يمينه حسب طيبـه سواياهـا وإلا الردى بيّن ومعروف تقصيره=راعيه نفسه على الأصحاب بدّاها ولو قال ما قال ماتمشي دهاويره=تعرف علومه من أولها إلى أتلاها الأدمي يعرف من أخلال تعبيـره=ويبين غيب القلوب بواقع أحكاها والعاقل الي كلام الناس مايثيـره=وإن جاتله ساقطه ماكنه أوحاهـا يسكت وياخذ عن السفّاه تشطيره=والعالم الحاقده يصحـى لبلواهـا مجاراتي >>
تعيش ياشاعـراً جزلـه تعابيـره=الطيبـه والثميـنـه ماتعـداهـا ماهد ماهد في صلف الهواء طيره=راعي جزاله ماداوى عين وعماها ياصاحبي وقتنا كثـرة خوابيـره=والناس كثر الحسد والخبث عداها به من خلط هيله الاصلي بشعيره=اليا كتبها بلـش وشلـون يقراهـا يفرفرالحصان اليا اندهـن سيـره=المخطيه من ردات الحظ ينصاها مافيه شيمه ولا حكمـه ولاجيـره=عند المصالح حياض الناس يجفاها ما ناخذ الشور من مثله ولا نشيره=نفسه زعلها يساوي عندي ارضاها وبه مثلكم يالسليمي طيب السيـره=نفسه على الطيبـه والعزممشاهـا مايغيره كثر يالصاحـب دنانيـره=لو يملك سويسرا ويحـل بحماهـا على الرفاقه ماينفخ يافهد كيـره=ومن قـدم الطيبـه لابـد يلقاهـا |
----------------------------------------------------------
|
على شعلة الدافور وقع اعصير اغراب= يحاول يطير وكسر الوقت منقاره تلوى عصب رجليه من وقته الغطاب= فقد بالزمان الملتوي غالي انصاره انااللي معي سيف الزناتي وشلفا ذياب= أقابل وجيه القوم لاصبحة غاره طمعنا كبار الروس مانطمع الاذناب= اجنب عن الشاوي مع الدرب بحماره احب البيان وماتلوي مع السرداب= الايالسمك لولاك مافيه سناره ملكنا سلاحٍ يحرق المخ والاعصاب= يهز الجبال ويقتل الظب في غاره عطيناك كرت انذار ياراعي المشعاب= قبل فيه لانضربك ياعمدة الحاره |
بسم الله الرحمن الرحيم
قصيده في حفل عبد الله سعيد الحارثي في منطقة تبوك الموافق 23\12\1431ه عسى ان اكون فيها مثلت ربعي حرب خير تمثيل في محفل تواجد فيه عدد من الشعراء البارزين من بالحارث والقبائل الاخرى وترككم مع المشاركه في الحفل عسى تحوز على رضاكم
سـلام ياغـالـي دعـانـا وجيـنـاه=من روس بالحارث عريبيـن الانسـاب عبـدالله اللـي يرفـع الـراس طريـاه=مع القرايـب فيـه نسمـع والأجنـاب أبـو سعيـد معشـي الضيـف لاجـاه=راعي كرم للمـال مايحسـب أحسـاب قلـت عيوبـه يـوم كـثـرة مـزيـاه=رجـال عـرف وللجمـالات كـسـاب تحيتـه لأقبلـت تكفـي عـن أقــراه=بالعود للخطـار واقـف علـى البـاب أنـا شهـد انـه تفعـل الطيـب يمنـاه=للضيف يذبح حيل مـع حلـوا ترحـاب أبوه من صغره علـى الطيـب وصـاه=ماخاب من وصـاه بالطيـب ماخـاب يالله عسـى الجنـة مـقـره ومــاواه=في يوم مابـه لاوسائـط وألا أصحـاب معـربٍ مـن روس قــومٍ مسـمـاه=قـومٍ تحـل لكايـده عنـد الانـشـاب أهل كرم وأهل شجاعـه وآهـل جـاه=بالحارث اللي تـارد المـوت ماتهـاب لاسيقـت لعطفـه نـهـار المـثـاراه=وحمي الوطيس وصار للخيـل ركـاب عدوهـم كنـه علـى الجمـر ماطـاه=لاشافهـم كنـه وطــاء بالـقـدم داب على ظهـور الخيـل فرسـان ورمـاه=عوق العديم أليـا فتـل روس الاشنـاب كـلام حربـي فاهـم أقصـاه ودنــاه=أليا حضر عن حرب في محفـلٍ نـاب حربـي وربعـي خضمهـا ماترضـاه=يـوم القبائـل بيـن غالـب وغـلاب من عال عـن دربـه بالأقـدام ناطـاه=يوم أنهـا بالسيـف ودقـاق الارقـاب منـا نويشـي بالخـوي كلـن اوحـاه=شطر إل سبيل وعدت شطره من إعجاب عنـد الخـوي ستـه قتلهـم بشلـفـاه=ويميـن خالـه قصهـا تقـل قصـاب علـى البسيطـه مـن يسـوي سوايـاه=ماينجبـن مثلـه جميـلات الأهــداب ومنـا البلالـي فـي قصيـره سمعنـاه=فداء قصيره فـي حياتـه ومـا جـاب نجأ القصير وغاض فـي موتـه أعـداه=حقايـقٍ ماهـي خـرفـات وكــذاب أم المطيـري فـوق عاميـن تنـعـاه=تقول في روحه فـداء سيـد الأحبـاب قصيدهـا كلـن سمـع بــه وغـنـاه=ماحرفوه اهـل اللرشـاوي والأحـزاب وبـاق القبائـل طيبـهـا ماجحـدنـاه=كلـن ورى حقـه رهـاوي وطــلاب |
تهيض ولد وسام يـوم العبـاد انيـام=عسى الله يجيره من زمانـه وسياتـه مروض شواردها وعنده ذكاء والمـام=على النادره مامور من طيب رمياتـه نتابع جديد الهاجري ماضـي الايـام=على النت والتلفاز وايضـا مجلاتـه اوقع لأبن وسـام بالشعـر بالابهـام=ولكن مانعفيه مـن بعـض غلطاتـه ترى غلطة العاقل يمن يالفطين وشام=تسجل على طول الزمن في سجلاتـه يقولون مايـلام وأقـول انـا ينـلام=مدح بالشعر حيين واثناءعلى امواتـه وترك من قبيله حرب شاعر له الحكام=شهودٍ وكل النـاس تشهـد بقدراتـه ياصياف صدقانك بعد مارحلت اخصام=تجاهلك ابن وسام في مجمـل ابياتـه معه من معه عبر اللقـاءات والاقـلام=ماعم الجميع وكل رجال مـن ذاتـه بعد جيلكم شفت المطيه بدون اخطـام=هزيله عليها الوقت قشرى بصاماتـه قبل مانقوله قالو النـاس فيهـا اهيـام=بعـد شافهـا مستـور قفـل ملفاتـه على ماجرى حطيت خطين وأستفهام=تحت قول شاعر يوصل العلم منهاتـه |
قصيده لشاعر نايف الحبلاني وردي عليه
سلامـي يابـو تركـي تحيـه لهـا مفعـول=تزيـد الغـلا وقلـوب الاصحـاب تفرحهـا من القلب تاصل حضرتك وانت ! ويش اقـول=!من ارجال خبـره نرتـوي مـن نصايحهـا اسلّـم ولـي موضـوع قايـم علـى مدلـول=قضيـه ! وعنـدك مفـرداتـه توضحـهـا انـا لـي (حبيبـه) خـط جوالهـا مفصـول=غريبـه ! فواتيـره تعـرقـل مصالحـهـا وهي بنت تأجر تقضي الصيف (باسطنبـول)=ما اخذها على (ابهـا) بعـد طلبـه يفسحهـا ما عندي ما يثبت غيـر جوالهـا المحمـول=خطايه ! ما اخـذت ارقـام باقـي شرايحهـا عريبه وبنت ارجال مصـدر وفـا ووصـول=ويشهـد علـى عـرق الاصالـه ملامحهـا غلاها ! غلا استولى على القلب عرض وطول=وعلـى جملـة ارقـام الحبايـب مرشحهـا زرعت الغلا فيها وعينـي علـى المحصـول=امسّـي عليهـا كــل ليـلـه واصبحـهـا ولكـن خانـت بالعهـد والسبـب مجـهـول=ما غير اجمع افكاري من الضيق واطرحهـا تـدور الليـال ولا شفـا قلـبـي المعـلـول=متى يشفي ! وروحـي مـن الهـم اريحهـا؟ بقي فصل من عامي وراحت ثـلاث فصـول=تصافحنـي ايديـن المواجـع واصافحـهـا بعد حـب ومحاكـا وبحـثً عـن المأمـول=تنحّـت علـى غفلـه عسـى الله يسامحهـا مفـارق ! وعذالـي علـي سيفهـا مسلـول=وعلـى طـاري الفرقـا تولّـع مصابحـهـا وانا ما تحمّـل مـن زمانـي علـي احمـول=تقاسيـم وجهـي تختصـر لـك وتشرحهـا ولا ادري يابو تركي ورأ (الفصل) فيه حلـول=تعيـد الامــل لمكالمتـهـا واصارحـهـا؟ ردي على الشاعر نايف الحبلاني
هلا مرحبا يشدا لعقـد الذهـب والـول=على عنق فاتن شافت اللـي يمازحهـا على البست لاقامت تهزع بدون نعـول=تهز القلـوب القاسيـه مـن تطرحهـا برساله لها مغزى ومعنى واقول كمـول=رساله على وجهيـن يـوم اتصفحهـا بها يشتكي نايف راع المبسم المعسـول=شرايين قلبـه مـن افراقـه مجرحهـا على حد قوله طرفها الناعس المكحـول=يطش الطيور من السماء يوم تسنحهـا من افراقها لاشاف حليـاه ماشـي زول=نهـاره كئيـب وليلـتـه مايمرحـهـا رجع للورى حولين مدري زياده حـول=على ذكريات الوقت والبعـد ماسحهـا يجوز السبب عنكم لقت في ديار الغـول=صديق ٍ يداوي جرحها يـوم يجرحهـا تغير عليها اللبس والشـرب والماكـول=لقت غيركم وسط الملاهـي يمرجحهـا ونست من يعشيها كنافه وتبسـي فـول=لاقامت تزيـن لـه بالاقـدام يرمحهـا أبعطيك رايي كـان يقنعكـم المعقـول=عن المقفيـه نفسـك تريـح وريحهـا ورى المقفيه مايمشي الا رجل مهبـول=ادموعه مـن الفرقـاء مايقدرايمسحهـا عن النصح والارشاد دايم عيونه حـول=تجيـه النصيحـه يارفيقـي ويشقحهـا يقولون حب اليوم خلـوه ودق ا طبـول=على النت يمكن لاصبح الصبح يفضحها على عكس حب ٍ فات عن الرجال اتقول=على اوصول لاعاف الهواء مايشرشحها عسى ردنا يرضيك ياسيفي المصقـول=على شانكم كـل المحيطـات سابحهـا |
سلام تسليم الوفاء نبدا به=بحفل العروم اهل المقام العالي الذ واحلا من مذاق السكر=ويفرق حلا عن كل شي ٍ حالي كلا ً يخصه يالنشاما باسمه=مانقصره عن طيبين الفالي جينا نهني بالسلامه جينا=قرما ً لصعبات العقد حلالي شفاك ياغازي نعده مكسب=سر الجميع اقصى العرب وموالي اكبر دليل إن العرب فرحانه=الجمع هذا ياعريب الخالي يانسل عودا ً له مقام وقيمه=شيخ ٍ يعدل حملها لامالي محمد اللي في فعوله نسمع=الطيب نهجه من قديم وتالي راعي قديمه من قديما ً يعرف=ماجابها بالواسطه والمالي ورثا ً لبوه وقبل ابوه لجده=ماهي جديده بالزمان الحالي مقدام قوما ً بالنهار الاقشر= دون المشاير بالقاء ماتبالي حوامضه يوم الخطر ماتهابه = ياما ذبحو بالكون من خيالي لاسيقت العطفه نهار العطفه= للخصم سم والصديق اظلالي للجار دايم لينين الجانب=مهما زمانه طال يبقى غالي إن غاب عن عاره مايوجس خيفه=كلن يقول الجارمثل عيالي وحق الخوي مابين عين وحاحب=يامن بهم باقصى خلاه الخالي لضيف والجيران والمراره=بيوتهم دايم وهي مدهالي مع النبا الطيب وعود الجاوي= سمن وسمين والم الفنجالي لو جيت أعدد طيبهم ماحصيته=جف القلم والشرح جدا ً طالي وقبل الختام أقول يالله بيض= وجيه العروم مزينين الجالي بيضاء لهم ترفع عيال الشايب=من فوق ياأهل الشان راس العالي لولا وفاهم والوفاء متبادل= ماشفت سمحين القبال أقبالي ناساً لهم قدر ومقام وقيمه=والطيب كايد والصحيح يقالي |
قصيده موجهه لي من الشاعر فايز المحيسن وردي عليه
مايشيل حمّل شعيل عشرين مفـرود = =من وقتنا الحاظر وعصـرً قديمـي مال الحمول الكايده غيـر صمهـود = =اللي يشيل الحمّل صبـره عظيمـي ياهاجسي انقاء المزاين مـن الـذود = =خبري بذودك مثـل ذود الطهيمـي اليا عرضت جوف المزاين لها زود = =فالمركـز الاول بـهـا تستقيـمـي محميـةً عـن كـل ناقـد ومنقـود= =مادام حرف الجزل وسمت وسيمـي عدّ الوفا لهـل الوفـا دوم مـورود = =منهم سعـد يالسعـد فالـه حشيمـي شاعـر مفـوه فالمياديـن مشهـود = =له حرف عاشق للجزالـه حكيمـي نعمين ياسيفً على الحـق مجـرود = =سيفً مضاريبـه بحكـم الزعيمـي وسلام يالشاعر ترى اليوم مقصـود = =مثلك يعرف القصد ماهـو غشيمـي حرً ولك منزال فـي عالـي النـود = =واليوم في منزلك وضعـك سليمـي باسالكم عن علّم حاظـر وموجـود = =ونبغا الإفـاده يالخـوي فالصميمـي مثل( السحاب اللي معه برق ورعود) = =يسقي وحيـي كـل عـودً هشيمـي كان البخت والحظ عيا بهـا يجـود = =لآ شفت نوض البرق قلنـا كريمـي ولامن تبين بيـت مبنـي ومهـدود = =امهندسه مخطـي وجابـه حطيمـي انعاتـب المخطـي ونرميـه فقيـود = =والآ نسيبـه فـي بلدنـا مقيـمـي ردي على الشاعر فايز المحيسن
يامرحبـا عـداد ماهبـت النـود= =والذ من تمر الحسـا والقصيمـي ببيات شاعر بين الاجواد محمـود= =راجح عقل شهم وشجاع وحليمي بقسم القوافي له بصامات وجهـود= =مشرف مثالي كل نهجـه قويمـي ربعه هل الردات لاثـار بـارود= =ياما وياما نزحـو مـن غريمـي لهم مواثيـق وقوانيـن وعهـود= =في رايهم مايشاركون الحريمـي يافايز الدعوى بها نزول وصعود= =لقيت من ضمن السيوف القديمـي شوفي بعيني ياسند كل مضهـود= =ياكبرها مابين ضيـف ومقيمـي من جابها عساه مايكسـب الفـود= =ماسدت الرقعـه فتـوق اليديمـي عساك تفهم كل غايـه ومقصـود= =مبغاك تحت السين تبحر بجيمـي خل الطريق اللي مشيناه مسـدود= =عن شرهة العاقـل وذم اللئيمـي وعن ماذكرته عالج الوضع بركود= =عشان ماتبلـش بواحـد سقيمـي تبلش يافايز فيه بالسـوق والقـود= =غشيم في شعب المشاكل يهيمـي ماتنعدل ياصاحبي عوجة العـود= =صياف قبلـي قالهـا للعصيمـي خل التعامل يالمحيسن له احـدود= =قبلك تعب دكتورهـا والعميمـي |
قصيده من الشاعر خالد مبيريك العمري وردي عليها
ياهاجسي عطني جزيلات الابيات= ردي على الشاعر خالد مبيريك العمري=عطنـي مــن الـلـي فالـهـا القابلـيـه ماكنهـا الا مـن هذيـك المغيضـات= =يازينـهـا فــي كــل روحــه وجـيـه منـهـا أتنـقـى فالمزايـيـن بـالــذات= =ولا الــرديـــه مــانـــدور رديـــــه اليـوم انـا بنصـى رفيـع المقـامـات= =بنصـى سعـد راع العـزوم القـويـه الطيب اللي له مع الطيـب عـادات= =عــز الـخـوي ولا يـخـلـي خـويــه محـمـدي واقــول والنـعـم مـــرات= =والنعـم فـي ربعـي رجـال الحمـيـه اهل المواقـف يـوم للوقـت ويـلات= =واهـل الكـرم والكـيـف والشاذلـيـه ابي معه مـن طيـب القـول كلمـات= =مصافـحـا لاهــل الـوجـيـه النـقـيـه مـادام لمتـنـا صـواديـف الاوقــات= =فـي مجلـسـن للطـيـب والسامـريـه مافـيـه عـلـمـن جـــد ولا مـلـمـات= =ياغيـر أوافــي صاحـبـي بالتحـيـه عربـون مقـداره وفعـل الكـرامـات= =ماينقـطـع بـيـن الـرجــال الـوفـيـه هــذا سـلامـي ياسـعـد والتـحـيـات= =عسـاك سالـم مـن صـدوف المنيـه
جتني بيوتاً من زميلـي جزيـلات= =من خالـد مبيريـك راع الحميـه من الشوائـب يـوم جنـا نقيـات= =مثل الذهب والـورد بالمزهريـه بشموخهن يشدن جبال السـروات= =وأثقل من جبال الهدا مـع طميـه في حال والا حال عندي خفيفـات= =أشـد للمعنـي بطـان المطـيـه ياخالد مبيريـك زبـن الونيـات= =يالقـرم يـاراع اليديـن السخيـه عرفك شرف ماهي علوم وخرافات= =من مد لـي يمنـاه جاتـه مليـه من نايـد الاجنـاب والا قرابـات= =والله ماجزاء راعي الطيـب سيـه واليـا رجعنـا للعلـوم القديمـات= =أنتم هل الردات فـي كـل هيـه بني عمر لا حولـوا بالصقيـلات= =عاداتهـم ذبحـت عقيـد السريـه يوم انها مابين جولـه وصـولات= =افعالهـم ماهـي علينـا خفـيـه أهل الوفاء وأهل الصحون الثقيلات= =يشهد علـى ماقـول رب البريـه قومٍ لهم بالطيب جلسـه وقومـات= =عز الرفيـق وللعـدا سـم حيـه اختامها وردٍ على شكـل باقـات= =لخالـد مبيريـك منـي هـديـه |
لاثارت البندق عليه مـن أيـدي= =ويش السواه ويش نوع العلاجـي أبغى بها من عاقل الربـع مفتـي= =حيث أنها بالراس فوق الحجاجـي منها أستوى جسمي وإنا داخل الفي= = ومنها تعكر يالنشاما مزاجي فكرت فيها من جميـع النواحـي= =ولقيتها مثـل الشـراب الهماجـي يبلابها عاقل نتيجـة خطـا سـي= =أما خبـل وإلا نوايـاه صاجـي لولا الحيا وأخاف شرهة بنيخـي= =ومبغى سوالفنا لجاجـة حراجـي لاقول علمٍ فيـه يالربـع يبطـي= =مافسـره راع البقـر والنعاجـي اليا كوينا طبعنـا ننجـض الكـي= =لكن مبغى بالعـروش ارتجاجـي ماقل دل ويذكـر الشـي بالشـي= =والحر ماينظر لفرخ الدجاجـي مجارة خالد الحصني
بندق رمت بيديك ياخـي ياخـي= =عليك يابعض السلاح حتجاجـي الاوله هي هي والا ماهـي هـي= =والثانيه ماشفت وجـه المناجـي فتوى المشايخ في مثل بندقك ذي= =تضيع باالعجه قنوص العجاجـي تبي تعرف علوم سراحـه الغـي= =عد بخزاز تشوف حدرك سواجي لو كل ما شفنـاه بعيونـا رمـي= =مافيه من رمي البواريـد ناجـي لكن عن حدود الحمـا قلهـم دي= =ماني لعوجـان النوايـا مراجـي شفنا حواتم غير حاتم ولد طـي= =وشفنا يمثل عنتر الخيـل لاجـي وسوالف الصبيان في شارع الحي= =مازعلت راع الحجاج الهجاجـي ان جت من الاقصين والا الموالي= =طريق مسراها طريق ازدواجـي ردي على مجارات الشاعر خالد الحصني
عن ماخرصته في يابعـد وقعي= =ياعاكسين أسلاك بعـض البواجـي طبعي ماأحب الدرب لاصار ملـوي= =ومضرب بسيفي ياابيض الوجه تاجي مابيـع دم القلـب يالقـرم بألمـي= =ومالبس أثياب الشريـف العواجـي ماحط راسـي بالشـرك يالبناخـي= =والعود الأزرق مامزجتـه بداجـي تدري وأنا ادري وأشكل الناس تدري= =أنـي ماولـع بالقوايـل سـراجـي لاشفت من يطبخ وينفـخ ويشـوي= =بعلـوم فيهـا للعـوارف إحراجـي جنبت ياعـزي وتاجـي وعضـدي= =ماحب أفتش بالصـرر والملاجـي عسى صدا صوتي يصل كل معنـي= = وخلافها بالسوق عارف خراجي |
يسقيك ياقبرٍ سكن فيك والدي=مزنأ من المنشى تسوقه هبايبه يمطر على قبره عسى الخلد منزله= تعل قبره كل ليله سحايبه ينبت على قبره من العشب طيبه= حتى يتثنى فوق عالي نصايبه مرحوم يلي يكرم الضيف لأخطر=يضحك حجاجه حيث تلفي ركايبه وللجار غيث ولايقصر بواجبه= من نايد الأجناب وإلا قرايبه مرحوم يلي خوته يقتدا بها= من كان عنده شك ينشد صحايبه مرحوم يامقدام بالعرف ربعنا= له كلمةٍ عند الرجاجيل صايبه لاكبرت القاله تقدم وحلها= كم اجتمع شمل العرب من سبايبه يذكر على اللي قاصرات محايله= من بعد في دعواه ضاعة طبايبه دايم على ربعه كبيره أحموته= وعليه خصمه مايمشي لعايبه ودايم بعيده مع هل العرف نظرته=ادنات كلمه ماتقرب حظايبه ماهو فقيد اثنين وأربع وكثرهم= فقيد لابه للخطر غير هايبه يوم انها بالسيف والرمح والقنا= كم شيخ خلو يفقدونه حبايبه وقبل الختام ودمعة العين ذارفه=يالله تكفينا الزمان ومصايبه |
يامسكرين الباب بالشمع الاحمر=وش عاد لو خلي على المصرعيني ماهمني لو كل لحظه يدمر=عليه ماني فارك الراحتيني لاصار حراسه تماثيل وأصور= تراي ماني مثلهم يالخميني انا سلالة حر يالورع الازعر=وراك ماطبل مع الفارغيني دون القبيله عادتي ماتعذر= تنبيك عنا ناسك المنتديني بالطيبه والثانيه ماتوأخر= دستور شيبانأ لنا راحليني والا انت مالك دور ياهن يذكر= يامسكر المجلس عن الغانميني وردت وضحي عدكم يالمدجر=ابيض من الصابون يالذاهبيني عور العيون اللي للأوهام مصدر = عن حل بعض ارموزها عاجزيني قامت لها عمي البصاير تفسر= وتقلدوها وأصبحوا نادميني فقدتها والمتهم قر وانكر = ورسلت له في حينها مرتيني لوعالج الموضوع قدام يكبر= اْخير من تهميشة الطيبيني |
اااااااااااااااااااا
|
ياللي تـروج سلعـةٍ مغشوشـه= =حليت ياوجه الفلـس شفرتهـا تبغي تمشيهـا بوسـط الدوشـه= =وعرفتها ياهـن مـن جرتهـا نزلت وادي ماتعرف أوحوشـه= =وعديت نفسك يااجودي قدرتهـا عصاك لاتومي بهـا بالهوشـه= =علي مايصعب تـرى كسرتهـا شيطان نفسك لايحشد أجيوشـه= =ترى حضوضا فاتحه حفرتهـا ياصعب راسي كان تبغي اتنوشه= =عليك موجات العـرب فرتهـا ايديك من حنا اليمـن منقوشـه= =والنار ماتقدر علـى جمرتهـا ارتاح قبل تضيع وسط الطوشه= =والعين تذرف يالشقي عبرتهـا عتبك قالـوا شوشتـه منفوشـه= =ياعالـم الافـلاك مـع ذرتهـا ياورع مدري شايبات أرموشـه= =الناس سوء اضنونهـا عثرتهـا |
طاح القناع وبان يالاجواد وجه السارقه = ماقول علمٍ ماعليه أثبات من زيد وعمر متسميه في بنت فارس قام يوضي بارقه = تبغى بها ماطا قدم مابين بدوان وحضر الوسم واضح والعلامه ياجوديه فارقه = ياأهل مصر لاتشجعون السارقه يا أهل مصر العام جابت ذاهبه من دار شرق الشارقه = خفر السواحل زاح برقعها على ضابط خفر لو مازعلتني بابها يالربع ماني طارقه = بكره تاخذنا بالسرا ياصحابنا نفر نفر ونصير حنا السارقين اسباب وحده مارقه = تبغى تسوي من بنات الناس بالقمه قصر اخاف بيدين العداء تصبح زجاجه حارقه=حطيت تحت السالفه خطين للفاهم حمر مجاراه الشاعر فهد مطلق السليمي
شمس الحقايق ياسعد فوق الحقايق شارقـــه = ماتحجب بغـــربالــــها لوحـــاولــــو بعض البشر علمك وكاد ويندرج ضمن العلوم الخارقـــــه = عن الذي صلا صلاة الصبــــــح بالرحله قصــر متذرعٍ له حكم والحكـــــــم الملايم طارقــــه = يقصر فروضه كلها لاصار في عرض السفــــر العام ينقل سرقته يوم السفينــــــــه غــارقـــــه = وخفر السواحل حرر القصه على شاطي بحـــر وسجل عليه مخالفه بأسباب شـــــــــيٍ دارقـــه = وعاود على نفس الغلط من بعد ماكمل شهـــــــر ولو كان له وجه يعرق ضمن الوجيه العـــارقه = ماقام يكتب له سطر ثم ً يجنب له سطــــــــــــر البيض يفرق زينهن وأوصافهن متفــارقــــــــه = وراع العباه يشوفهن في ناظــــــــــره لعبـــة بزر ليته يعدل سيرتـــــــــه وإلآ القصيد يفارقـــــه = لاصار مايقدر يقدم للقصيد أغلــى مهـــــــــــــــر |
أهل النخيل أهل بيارق وأهل خيل=صالوا وجالوا يوم وقت المغازي وقت اللقاء تنطح وجيه المقابيل=يوم أنت بالحره عن الناس وازي راعي حمار وعنز جيل ٍبثر جيل=مالك نفوذ بنجد ويضى الحجازي واليوم لك شيمه وقيمه وتطبيل=طاب الجرب ياجارنا والنحازي ثمن كلامك وانتبه ياشهب الذيل=قدام اولعها بليفه وقازي لاتقول مايعنيك يافلان ماقيل=غلطان ياوجه الفلس والمخازي ما استاهل الفنجال بين الرجاجيل=ان كان مزعل عند ربعٍ عزازي قومٍ عليهم ماتحصل مداخيل= وان رزتهم ورقان صعب المرازي اعطيك كرت انذار ياحاطب الليل= حاسب قبل مايصير حبك نقازي |
قصيده لشاعر فواز الزويهري وردي عليه
سلام الله على اللي له مكان وقدر لو ينسام=جبال ن من ذهب ما توفي لو عشر ن في مقداره ردي على الشاعر فواز الزويهري على صقرن عريب الساس نسل امحمد ابن كرام=سعد .. سِعد الخوي والجار شيخ ن موضيه ناره أنا ببعثلك المرسول فيه الخط روس أقلام=أبا الحكمة سوات الصبح ومثلك يطرح الشاره بعد هِد الجبل كيف العرب ترقا مع الأيام=يجيها السيل من غادي يشيل الجار مع جاره تعاف الناس واقعها وتتحكم بها الأقزام=وقايع حلوها الحنظل عليل الوقت بامراره أنا ما همنيِ أشخاص أنا همي حما الإسلام =أشوف أخوان تتقاتل وكل ن يبرز إشعاره بعد كنا جسد واحد تحولنا قطع وأقسام=ونادينا الطبيب اللي بمكره يحقن أشراره تناسينا ونِسينا فعوله قبل عشر أعوام=طبيب الموت أنا اسميه وشره للذي اختاره يقولون الجمل لا طاح كثروا فوقه الأخصام=وكل ن يقطع لنفسه بسكينه في معباره ألا من حال صرنا فيه محكومين لا حكام =بعد كنا علو الظلع صرنا فأسفل أجحاره ألا كيف البصيره والعزيمة وأبري الأسقام =كتابي جاك وأنت الطب عندك وأنت بيطاره
هلا يامرحبا عداد من صلى وحج وصام = بخط الشاعر اللي من زمانه ثاير غباره من حدود اليمن يشكي على واحد بحد الشام = تقول الدار مخلي من بلد مكه اليا أستاره يافواز المشاكل من بحر جده الى الدمام = عجز في حلها قبلي وقبلك عمدة الحاره رسمها الغرب يوم الناس عنها بالحجير أنيام = قبل مية سنه واليوم يقطف ناتج ابذاره بدات من تونس الخضراء ومرت ديرة الاهرام = سحابه وبلها ماينفع البستان وازهاره عساها ياعساها ماتمر الدار يالمقدام = عشان يموت راع الشر يافواز بشراره بعد هد الجبل يمكن تحقق باقي الاحلام = لزمره شيخهم لشر قام يدق مزماره ترى الحل للجهاد وطيت الاقزام بالاقدام = خلافه لاتدور حل والايام دواره وانا عندي سؤال ان كان عندك يالزميل اللمام = عن اللي يقتل المسلم ويبكي عند قباره بعد طاح القناع وبان جيب الثوب والاكمام= وقع في جرم واضح والعرب تدري عن اسراره طلع في علم مايدخل عقول الناس ياظرغام = له تصفق خبولٍ من زمان العام منهاره فطين الناس عنده حط له خطين واستفهام= وغشيم الناس خله في عمى قلبه مع ابصاره |
لشاعر ابن زويبن وجاراتي له
يـا مـل قلـبٍ هواجيسـه يسجنـه= مجاراتي لشاعر عبد الله بن زويبن=سج النضا بالمطـارق والمشاعيبـي هن ودهن كل روضٍ زيـن يرعنـه= =وهم ودهم بالمسا عنـد المعازيبـي يوم انتهى كل ما بالخـرج والشنـه= =تواعـدوا بيـت نطـاح المواجيبـي شيخٍ صدى صوت نجره كل ما دنـه= =يقنب بروس النوازي قنبـة الذيبـي يرخص خروفه ولا يبخل علـى بنـه= =ويشكر ويذكر ليا عدوا هل الطيبـي تريحـن وأمرحـن يومنهـن جنـه= =وأنا الهواجيس تسرح بي وتسري بي راحن بقلبي ولا أدري ويـن ودنـه= =أخذت في جوهـن غفـوة وتغييبـي سجيت معهن علـى فلـمٍ يعرضنـه= =عن غيب بعض القرايب والأصاحيبي ابليس لـولاه كـل النـاس بالجنـة= =لاكــن يلعبـنـا راع التلاعيـبـي يا شين بعض الأوادم لو ضحك سنه= =يضحك بوجهي ويشذب في عراقيبي واللي ليا غبت غوجه للطـرد عنـه= =وجّرد سيوفه عطيبـات المضاريبـي هجرت كـل الـدروب اللـي يمرنـه= =أخير لي من مجيه ، عنـه تجنيبـي ولو ما أقتدي في كتاب الله والسنـه= =خليت كلٍ علـى دينـه يصلـي بـي
يأمـل قلـبٍ هواجيـسـه يفـرنـه = =فـرة سيـور المكينـة والدواليـبـي ياكثـر ماروحـن بـه ثـم جابـنـه= =مع وقفة الظل فـي حـام الواهيبـي لو ماضلوعي مـن الصدمـات ياقنـه= =أومأ كما أوماي شـاوي بالمشاهيبـي أسباب ناسٍ على المقفـي لهـا زنـه= =سـود النوايـا مغثربـت المشاريبـي وقت الرخى كل مرهف حـده أتسنـه = =وعنـد الشدايـد يمرونـك محاديبـي قبلي جزيل الشعرغصـبٍ بـلا منـه = =عنهم عطا الناس درس أمفيد ومصيبي يابن زويبن نشاهد نـاس مـن جنـه = =تبغـى تنـول المراجـل بالاكاذيبـي قلوبهم من حسدهـم سـود ومصنـه = =لو تنغسل بالفـرات العـذب ماطيبـي الطيـب مرقـاب يـالاجـواد لكـنـه = =مال الردي فيه مجـلاس ومقاضيبـي أقــدام راع الـرديـه ماتعـلـنـه = =من شبته لين بـان براسـه الشيبـي يرقب على قمتـه مـن نجـره أيدنـه = =دايم دلالـه علـى نـاره محاضيبـي عـوص النجايـب لامـرن ماتعدنـه = =يكفي عن أقـراه بالـه والتراحيبـي يقولـه اللـي يعـرف المـد والغنـه = =أخـذ نصيبـه مـع كبـار الواعيبـي |
مذمتي من ناقص العقل والدين=تزيد من غيضه وترفع بشأني أعنيك يلي تمزج الزين بالشين=وتقدر على الثنتين يالمغلطاني ثلاث من حشمة رجالٍ حشيمين=من وقتهن خليتهن في مكاني والرابعة يمكن تثور البراكين= وصم الحجر منها يذوب بثواني لأباح سد أهل الوفى والحكيمين=للمعركه شد الحقب والبطاني وتشوفني ياهن بمجرد العين=نزهمك باسمك ياطويل الاذاني مادس راسي بين الإقدام بالطين=مثل النعامه يافلان الفلاني من بطشنا دايم تفوق المجانين= ونخلي العاصي يجي مطوعاني عوجاك خذها كلمةِ بين قوسين=علي ماتمشي عيانٍ بياني ياراعي العوجاعطيتك عناوين= أشتالها بين اللحم والحواني |
قصيده لشاعر خالد السلمي
ســـلام يـــا حـــرب الــــدول والـبـطــولات= =منـي وانـا خـالـد عطـيـب المضـاريـب وانـتــم رجـــال الـحــق واهـــل الـمــروات= =واللـي يـجـب الطـيـب نـجـزاه بالطـيـب لــــي ذاهــبــة بـديـاركــم مـابــعــد جـــــات= =ردوا عــــلــــي الـــذاهـــبـــة بـالـمـطــالــيــب عـنـدي عـلـى قـولـي دلـيـل وشـهــادات= =بالـصـوت والـصـورة وخــط المكـاتـيـب وانكـان مالـي حــق يـاهـل الطـويـلات= =والله مــاعــدي فــــوق روس الـمـراقـيـب ولا جلس مع الشيبان قوم الجمالات= =الـــلــــي مـجـالـســهــم تـــــــذم الاكـــاذيــــب وانــكــان ســلـــم اربـوعــنــا والـوجــاهــات= =ما جابت العازب نجيـب المشاعيـب جـانـي خـبـر حـكـمِ صـــدر بالـقـنـاوات= =تقـطـع يـديــن الـلــي ســـرق والعـراقـيـب وخـتـامـهـا صــلـــوا كـثــيــر الــصـــلاوات= =علـى رسـول اللـي علـى خلقـه رقـيـب ردي على الشاعر خالد السلمي
خـالـد عـلـى روس الجـبـال المنيـفـات= =يـجــر صـوتــه لـلـعــرب كــنــه الــذيــب عـــدى عـلــى قـمــة جـبــال الــســروات= =وبالهرج يخطي ياهل الشان ويصيب لاتلـحـق الشـرهـه يـابـو زيــد غلـطـات= =وتـحـط راســك تـحـت حــد المـحـاديـب ان جيت في دعوى لها عندك أثبـات= =بـيـبـان حـــرب مـشـرعــه يالاصاحيب لـلـحـق لاتـاخــذ عـلــى الـعـلــم لــفــات= =جـسـاس يـــدرك مايـفـكـر بـــه أكـلـيـب تسري بدون اعقـال فـي كـل الاوقـات= =أنـشـد فهـيـمٍ لاح فــي راســه الـشـيـب عـلـى الجـريـمـه لالـقـيـت البـصـامـات= =أزهـم بعـال الصـوت وتحصـل أمجيـب الــحــر مـايـمـشـي طــريــق الـمـتـهــات= =والشمـس تطلـع كـل الاوقـات وتغيـب جـاك المفيـد ان كـان عنـدك قناعـات= =مــن راس شـاعـر رتــب الـــرد تـرتـيـب |
الساعة الآن 01:49 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir