|
ديوان الشاعر بدر منور الحداري
بــديــت بـمـنــزل تــبــارك و الأحــــزاب
مـــنـــزلً ســـبــــع الـمــثــانــى سـكــيــنــه يــاالله يالـلـي مــن تـرجـاك مـــا خـــاب تـفـرج هـمـوم أهــل القـلـوب الحزيـنـه أنـــت الـولــي يـــاالله يـــارب الأربـــاب تـطـمـن بـذكــرك نـفـســي المستـكـيـنـه و صلاة ربي ما سطع نجمً و غـاب عــلـــى الـنــبــى الـهـاشـمــي تـابـعـيـنــه من هاجـسً لشعـر يطـرب أليـا جـاب أبـــيـــات شـــعــــراً لا كــتــبـــه رزيـــنــــه الله مــــن جــــرحً تــزايـــد و لا طـــــاب مـــن سـبــة الـلــي بـالـهـوى متعـبـيـنـه تفرقـوا عـنـه الجمـاعـه و الأصـحـاب حـسـبـي علـيـهـم بـالـهـوى حـاسـديـنـه العشق شيب و الشعر تو مـا شـاب حـســرا عــلــى الــلــي قـبـلـنـا ذايـقـيـنـه مــره يـخـيـب و مـــرةً سهـمـنـا صـــاب لـــــو حــلـــولا مـسـكـتــه فــــــي يــديــنــه ياقلبي اللـي مـا شكـى غيـر الأتعـاب ويـلــه عـلــى هـمــه و عـيـنــه تـديـنــه قـال المثـل ياصاحـبـي الـحـب جــلاب للهم و الــحـــســـرات يــــــــا قـايــلــيــنــه و يامتعب ركابه على شان الأهداب ذكـرتـلـك فـــي مـــا مـضــى عاشقـيـنـه و ختامهـا صلـوا علـى سيـد الألبـاب نـبــيــنــا عـــلــــى الــــهــــدى تـابـعــيــنــه |
قلبً ملكته يا ريش العين بيديك
أبغاك ترحم لوعته و أشتياقه يشكي لكم حاله و بالروح يفديك و بالصد و الهجران زدتوا أفراقه دام الوفا طبعه و بوصله يجازيك خـــل لـجـفـا لعاذلك و أحـــتـراقــه و أعرف من اللي بالغلا دوم يشريك يشري غلاك و مهجتك و الـطـفـاقـه أرخصتلك نفسـي و أحسبه يـكـفـيـك أثرك على ما قيل تـبـغــى أغــــراقــه مـا ينفعك يـا شوق قـلـبـي تـغـلـيـك كـــثر الـتـغـلـي مــا يــفـيــد الـعـلاقــه أبغى الـوصـل مـنـك و تـبـدي تماديك و مــنــك الـتـمـادي بـاديً فــي سـيـاقـه و يـاكـذبـك اللــي صايرً من مـبـاديـك متسلحً بــه و الـــكـــلام الـــرقــــاقـــه تـلـعـب على قلبي و أنا طايرً فــيــــك مــا تـــدري أن الـــحـب مرً مــــذاقـــه لا قلت أنا أحبك و قــلـبـي يـنـــاديــك صــدق و مـال الـقـلـب صـبرً و طـــاقـــه هـذي الصراحه قلتها كـان يـرضـيك حــبــك بــقـلبــي زايــــدً فــي أشــراقـــه |
قالت أبا أزعل قلت وش عاد يا بنت
تراي أنا يا بنت ما شلت همك لا تذكرين اللي على القلب أو كـنـت هذا ترى الماضي على زود ذمك والأ عـلـى دمعتك يـا بنت مـا لأنــت هذا ترى يا بنت من كأس سمك يما تجرعته من الحب و أذعــنــت أثرك تحط الحب في وسط كــمــك و أنا أحسب أنك بالمحبه لي أعلنت و أنت الخيانه من طبوعك تخمك يـاجاهلً بـالحب مـا ظـنـك أحسـنـت غــير الندامه بينت زود غـــمــك و ملامحك ما تغيره لــو تــزيــنـت مهما تغير بالطبايـــع تــضـمــك الجرح جـرح القلب ياللي تـــفنـنـت و أنته على مـا قيل سيحت دمـــــك وش عاد أبا أحكي يوم عندي تبينت عايشت لي كذبـه و هـــذا مــتـــمــك لو تزعلين اليوم وش عاد يا بنت تراي أنا يا بنت ما شـــلــت هـــمــك |
الجرح جرح القلب لا صار مجروح
ياللـي جرحتـه كيـف ترجـي رجوعـه ماقلت لك من دورة الوقت مسموح ما أسامحك لو قلت فالوقت طوعه يابـنـت خليـنـي عـلـى قـمـة الـسـوح أنــاجــي هــمــومً بـقـلـبــي جــزوعـــه أجـاوب الورقـى علـى نـايـح الــدوح وأشيـل معهـا البيـت مـع كـل لوعـه يابنت لو تدريـن عـن كـل مصلـوح ماتنشديـن الوقـت عـن كـل صوعـه لــو تعرفـيـن بـداخـلـي كـــل مـكـبـوح كان المسابـق مـن دموعـك فزوعـه يابنـت مـا بيـح و لا خـاطـري بــوح و لا يبيـح المكنـون لأذنً سمـوعـه الـحـمـدلله صـــدري الـيــوم مـشــروح لـو ضـاقـت الدنـيـا عليـنـا وسـوعـه والحـمـد لـلـي عـالــمً خـافــي الـلــوح عطاه مـن جـوده و لا هـي منوعـه الأدمـي لـو يبنـي بيـوت و صــروح مـا غيـر رزقــه يـأخـذه فــي وقـوعـه |
قامت توراد لي بها سيوف و رماح = و جتني بها ضربه و ضربه و ضربه
يما أمتلى قلبي من الهم و أجـــراح = تنزف جــروحي كنها حـــــد حــــــربــه من لا تعذب من هوا الحب ما صـاح = و لا ذاق بلسانه من الحــب شــربـــــه و لا يـــدري أن الــدمع بـالعين فضاح = يفضح مريض القلب لا حس غـــربـــه و راع الولع و العشق ماظن يــرتـاح = لا ضــاق بــالــه شــدته شـــد كـــربـــه دام الـهـوى مـا يسكن القلب بـســلاح = مـا يسكـنـه يا كـود مـن ضـم قـــربــــه يفتح لـه أبـواب الـغـلا كـلـهـا أفـــراح = و يستقبلـه بالـشـوق فــي حـــل دربــــه طيفـه و هــو طيفـه ليا مــر لـه بــاح = يــبــيــح لــه بـالـلــي بــقــلـبـه آســربــه |
من بنات الفكر جردت القصيد
و أبتدا مشوار حبي و الغرام و الغلا في خافقي دايم يزيد من هواه يزود شوقي و الهيام لا بدعت القاف يخضع لي العنيد المعاني يصخره جزل الكلام بالسلاسه و الحباكه و الجديد التميز ما يعديك الملام حكمةً بالرأس و الرأي السديد تلهم الشاعر على كسب الوسام |
قصيده قراته بأحد المنتديات فشدني موضوعها و حبيت ارد على كتبها بنفس الوزن و القافيه .......
ولم أتعرف على قائلها ....... يقول هو ....... خذ بدلتي وبريهتـي والبساطيـر سلـم عليهـم قلهـم يفصلونـي ما قصدي أتركهم دشاره وتقصير لكن نسيم الليـل هيـظ شجونـي حب القنص والبر وملاعب الطير جلست نشامـا بالوفـا يعرفونـي وبلغ لي القايـد تحيـه وتقديـر على طابور الصبح لا يحترونـي رزقي على الله مارجينا ترى الغير والراجحـي سـدد ولا يطلبونـي تعبت من كثر الاوامر وتحضيـر والنوم عيت تهتني بـه عيونـي ومن قبل لا تزعل علي المناعير هذا وصاتـي علهـم يعذرونـي وان كان خشم العان يذكرني بخير بذكر قروم المرجلـه لاذكرونـي و ردي عليه أقول ......... ياللي تسلم بدلتك و البساطير و برهيتك تأمر لهم يرجعوني هذي شرف لاهل الوفا والمناعير ما هي بمثل اللي يعزف اللحوني مصنعً رجالً ينطحون المغاوير في ساعة منها العداء يرجفوني يرفع بها راسه بعيد المشاوير البدله اللي لعزها يفـعـلـــونــــي و أنت تبي الراحه به تتبع الطير و تبغى تنام الليل بحــضـــنً ليـوني حتى سلامك للقياده تــــعـــابــيـر و لا أنته برايح يم دحـم الـمـتـونــي خذها نصيحه يا بعيد الــتــصاويــر أرجع قبل بفعلكم تــــنــــدمــــــونـــي بدعتها و بديت قافي عــــن الـــغــير حربي و رد القاف لأهل اللـــــحــــونــي |
هيض هواجيسي كلامً سمعته
من ناس ما تسوى بها حد مطاه ياللي تقول الهرج ياللي جمعته يـجـيـك ردي مثقلً فــيــه معنـــاه ربعي هل الوقفات ياللي طـمعتـه حربً هل اللقوات فـي عـــد مبداه أهل الثلاث اللي بعلمك فـــرعـتـه ياللي تريد العلم من عز مـــرقــاه أنويشي اللي اللي بالمكاسب رفعـته كد رفعه بين العرب فعل يــمــناه و الأ البلالي بالــفـدا مــا ردعـــتـــه و لا عرفت أن الوفا طبع مـجـنـاه و الأ الكرم و الطيب عـنا زرعــتـــه هذي لأبن ناجل على الطيب ســـراه أسـمــع كلامً مــن بــيــوتً بـــدعـتـه كـف الـحــداري ســطـرت عز لأتـلاه |
هــذي قبيـلـة حــرب ياجـاهـلً حــرب أهـل السـيـوف المرهـفـات الصقيـلـه
يـالــلــي تـــــدور دايـــــمً يــمــنــا درب خلـك علـى دربـك و تلـقـى حصيـلـه يومنـهـا بالسـيـف يـــا وارد الـشــرب كــلً عـلـى مـــا قـيــل يـأخــذ جـزيـلـه أهل الثلاث اللـي لـه أمثالـه ضـرب أجيبـهـا هـالـك بالمـثـل مـــع دلـيـلـه يوم الوفا موجود بالشرق و الغرب أنويـشـي الـلـي سـطـره عــن دخيـلـه سته ذبحهم ما حسب نظـرة القـرب غـيـر اليمـيـن الـلــي لـخـالـه بـديـلـه وهــذا البـلالـي بـالـفـدا شـدهـالـكـرب فــدا الفـتـى بـالــروح مـالــه وسـيـلـه والأ الكـرم والطيـب مـا عنـه الــذرب هــذي لأبــن نـاحـل زبــون الجزيـلـه أنيابة عـن حـرب أبديـت فـي حـرب بـــدر الـحــداري عـدهــا عـــن قبـيـلـه |
ما أني بمستغرب عن اللي يقولون
ما فيه حاجه في زماني غريبه ياناس قولوا لي وش اللي تشوفون ودي عن الصوره يوضح مشيبه الوضع متشربك و عــنــه تــصــدون ياناس قولو لي عن اللــي يـعيبه عن واجب الدنيا وش اللي تــســوون ما دام كــلــن عـايـشً في نصيبه قـالـوا عـجـايـب يـالحـداري لـهـا دون مــن يــسمـعـه يـالقرم أكبر مصيبه مــن دون سمعك تثبتها شوفت عيون مــا دام ربـــك عـــالـمً سر غـيـبـه نسردلك الـمـوضـوع و الـلـي يـريـدون و أنت على ما صار تـقـدر تــجيبه يالـيــتــنــي أســمـع وش الـلـي تــحبون و أرتــب الــمــوضــوع يأهل الـطليـبـه نبغى عن اللي باع وش عاد يـشرون وش عاد يشري لو خــلا مــال جـيبـه توصف لنا الواقع عن اللي يــمــيــلـون و تــبــيـنه و تــوضــحـه دون ريـــبــــه و نبغى الحقوق اللي لها الناس يوفــون تــــبـــيـــنـــه لـــلـــي لــهــم حــق صـيـبـه هذا ترى الـمـجـمـل عـلـى مــا أتـــمـنــون و الــبــاقــي الــلــي تــفــهــمـه مـن صـعـيـبـه الأولـــه بـأيــمــانــهــم مــا يـــمــــدون أهـــــل الــــبـــخـــل بــأيــمــانـــهـــم ذي كـريـبـه لأمــــوالــــهــم و حــقــوقــهــا مـا يــزكـون مــا يـــدري أنــه وســـط جـــــوفــه لهــيــبـــه و الــثــانــيــه الــلــي عــن الحـــق يــنــحـون يــبـغـى بــأســم الــدين يــصـــبــح نــجــيــبــه يــمـــيــل عــن دينً عـــلـــى الـــحق مـسـنـون مــا يـــدري بـيــمـــيــله وفـــاتــه قــــريـــبـــه و الــثــالـثـه مــن حـقـنـا لــخــالــق الــكــون أعـــبـــادتـــه فـــي كـــل وقـــتً نـــهــيــبــه و الـــوالــديـن بــحــــقــــهــم شــي مــرهـــون بـعــبـــادة الله قـــارنـــه لاســــريــــبــــه و الــجـار حـقـه ثــابــتً لــه تــــزورون وصــابــهــا ســيــد الــبــشــر لـلــــعــريــــبــــه غــير الـسـلام الـلــي أمــربـه تـفـأشــــون و غــير الــكــلام الــلــين فــيـهـا تـحـكـيبه و غير الــحــقــــوق الــلــي عــلــيــنا تــعـــدون لأســلامنا مـــن قـــدمـــه لــه ضــــريــــبــــه نــبغــى عـــلـــى دين المــحــبــه يــبــأهــــون بأســــلامــنــــا نــبــأهــي و لا هــــي غــــلــيـــبـــه الــحـــمـــد لــلــــي عــالـــمً مـــا يــخــبـــون الــــواحــــد الــلـــي عـــالــــمً فـــي مــغـــيــبـــه |
أرسلت لك أجابتي بالعناوين
مضمونها يجيك وسط الرساله أن كان تبغاها على الراس و العين كلمة وفا ما تنثني عن مقاله بدر الحداري عارف(ن) بالقوانين قانون شعره حابكه بالجزاله ما يلتفت لطايحه يسار و يمين يطالع العليا بدربه عناله الفعل واضح ما يبيله براهين بين العرب معروف راع الشكاله أنشد عن أهل العرف وأنشد هل الدين أبحمد ربي كاسب(ن) للجماله من لأبت(ن) ليا غدا الليل ليلين تسبقلهم أفعالهم بالدلاله حروب لا ذكروا على العسر و اللين أهل الوفا و الطيب و أهل الأصاله وأنا وهبي و فخر بربع(ن) مسامين بني وهب تفخر بمجد تناله كد سطروه مرجحين الموازين أخوان دلها سطروا ما بداله شيوخنا اللي بالمواقف ميامين عندي على سالف كلامي دلاله تم الجواب و ما لفا بالعناوين بدر الحداري هيضه ما طراله |
ياليت جـرح القلب ييعرف محبيه ~ و يميز اللي فالمحبه صفاله
لو كان عشقه بالمناوي يطريه ~ ما تأتي المنوه على ما بداله ما يدري أن الحب بالهم يبديه ~ و يقدمه للي رمى من حباله يا هاجسي وينك عن اللي يعنيه ~ بدربه اللي ماشي(ن) بعتداله مضيع الخطوه و ضيع هـــقــاويـه ~ لو كان بالكلمه يزين مـقــاله ما دام في فكري تجمع مـــعـانـيـه ~ و يبين المعنى على ما حداله يحلالي المعنى و تحلا مـــبـــانـــيـه ~ لا صــار بالمعنى قوى الجزاله يبدع بها قافي و تبدع مــــعـــالـيـه ~ لأجل العيون الناعسات بـجـمــالـه لأجيت أبا أوصفها عن الحال يكفيه ~ من نظرته يا ويل حالي و حاله معذبك يا معاندي جاب مـــخــفـــيــه ~ من شفتها و الوجه فالوجه جاله فديتها بالعمر قدام يـــــمــــــديــــــــه ~ يا حلوها في غنجها مع دلالــــه و الا بعد لا قلت يا روح مـــغــلــيـه ~ تصدق بها زين الحكي في قـبـالـه |
لا عاد تطريني على لسانـك اليوم ~ آنتي كتبتي نهاية البيت بالبيت
ماينفعك كثر التوجد ولا الـلوم~ولا ينفعك ترديد ياليت ياليــت من يوم رحتي ترمي القلب بسهوم~ هذا جزآيـه بالغدر يوم وفـيـٌـت لا واحسايف قلتها اليوم ملزوم~ وش لي بحب(ن)َ قلتها لاتمركيـت لا تطري الرجعـه ترى الصدر به حوم~ حوم الهموم اللي بسببكـم تغنيـت دام الخيانه ضيقت بآل مهموم~من ضيقت العبره على الخـد هليـت آو دمعت المخنوق لا صار مضيوم ~ يشكي من الغربه وللحال عزيـت |
هذي رديه بيني و بين الشاعر خلف المهيلان ........
قصيدة الشاعر خلف المهيلان ..... سعيدان ياعليان عن عصرناأميال ...........................حتى المديح الي نظم ماعرف له يجمع من المستهلك الطين ونهال ...........................لبن مشاكيل وحلاحيل رفله مدهال شال الحمل هويقصداثقال ...........................اوعصرنالشعيل سدو(ن)ندفله من يعرب الالفاظ لنطق وتقال ...........................اوهي ضروسه ولا نابن اردفله ياصاحبي ماتشوف ملق التفتال ...........................ومثقفين الاستياء وسط حفله ياصبرالارض وصبردومين الارسال ...........................الي يطقطق ترب لامن نسف له مقدار شيول طعس وإن قام ينثال ...........................ذيل بها أسمه بالرباعي يصف له قوله جزل وادلال حثل التكتال ...........................وإنه شعر جواهره تنصرفله وإنه يرجح بالثقل كل مكيال ...........................وإن النهر لويبتسم له زلف له وهي كلها غثرب ورصفة تنتال ...........................وفانوس بيتـ(ن)طين بصناق قفله او بلبصت قطبة أخياش وتنصال ...........................محرث ركيبـ(ن)فيه خرث وجدفله تنفث مجاديفه رمل واضبح ثعال ...........................مادل كيف إن الذهن ينعصف له ويقول نبع زلال والشعرشلال ...........................وماب الرسوس من الشعر نصف رفله يدور بنظمه لا متدح شاعر ابطال ...........................وهوطاسته معد(ن)قديم يغرف له بحبال فكر(ن)فيه بهت وبه أسمال ...........................يتجاوز المعنى لاما ينعطف له بلمة ماقيل وكررو جمعه أقوال ...........................والمدح كتفـ(ن)لتسلق وكفله لاعجزت الاحساس والنظم ماطال ...........................غصن العنب عنه التملاق تفله ليته من الرالي وتفحيطة الرال ......................والا الشعرماطال ومضه ونفله ردي علي القصيده ............. لا يا خلف قلي عن اللي بها جال لمزه من الشعر و خصمه حذف له الملعبه مـا بين نـاقــض و فــتـــال أن كنت تبغى للمعاني كتف له و الأ الجزايل عندنا تبني جــبـــال و الله ثم و الله نرمي هدف له أعبره في وصفها كـل الأحـــــوال ما دامها سوق المعاني عسف له لو كانت تماري لك اليوم تـــخـتــال يا صاحبي ما تمتلك قلب طفـله لمن لفتك بغنجها سمح الأقـــــبــــال لا تعتذر لا رحت في حين غفله هذا تراه الشعر في وزن الأمـــثــال عقداً من الياقوت فكره رصف له يبدي له المعنى على عز و جــــــلال و يخضع له الهاجوس ما قال شف له أنشهد أن الحق في عـز مـن قـــــــال من قال كلمة حق يكسب شرف له دام المثايل وردهــا مــن هــوا الـبــال يورده من بنكها لا صرف له مــن المناشـي سـبلـت فـيـض شــلال مسيلها بالأرض بين حرف له يسقى خضار غصونها هـل الــخــيــال وبل الخيال من المخايل خزف له تفجرت فـي داخــلـه صــم الأهــــــوال من فيحها تفجرت ما عطف له |
لوح مغيب الشمس بيديه يمي
كنه يوادعني بالاشراق باكر سمي اليا قلته عن الناس سمي لا اجيك من شوقي وانا اقول حاظـر مادام دمك مندمج وسط دمـي يسري بشرياني من الدم وافر ما عندي الأ كلمتينً تهـمـي لأجل العيون اللي دعتني تناظر الأوله حبك من الـقـلـب زمـي زم الغلا والشوق والعشق ضامر و الثانيه ما قيس الحب كــمـي ما دام قلبي من محبتك عـامــر أنشهد أنه خافقي اليوم ضـمـي ضم الغرام اللي به الشوق عابر |
ابرق يمينك يابن الاجواد و يسارك
و اعرف ترا الطيبه عنوان صاحبها من لا يعرفك يقل اليوم مقدارك من لا عرف قدرها ما ظن يحسبها يا ناعس القد الا وين معذارك تجهل سلوم الهوى قدام تعربها ما تدري ان الغلا مسكانه بدارك يسكن جميع الغلا في قلب معجبها يا وردة الحب منها ينظم شعارك يا اغـلا ورود الهوى من طيب مشربها يقصد بها خاطري منطوق تعبارك و الا كلام الغلا و الحب يطربها عندي و عندك خبر ما بيح اسرارك لو عادتي بالهوى ما كان هذبها يا ورد يا ريحان يا زينها اخبارك لو كان قلبي على الجفوه يعاتبها مادام حكم الهوى في طوعت اشوارك انشهد ان الغلا لعيون صاحبها |
عاد عيدك يا وطنا
بالفرح خيرك يزيد المعاني به تغنى كل ما قلنا جديد احتمى الشعر و تمنى و انتقى فيه الفريد الفرح عم و تهنى و البشائر به تزيد كل عام أبها يهنى عيد يا عله سعيد القوافي به تعنى تلتوى حبل القصيد من هجوساً به يغنى وردةً في كل عيد فرحةً بالعيد منى ما حواها اي قيد ما وصفه الشعر عنى يبتديه اللي يريد عاد عيدك يا وطنا بالفرح خيرك يزيد |
ما دام غزه تشكي الهم و الويل
وش عاد باقي ياعرب ما نقوله قطاع غزه من مهاجم اسرئيل تشكى العنا و الضيم للي يطوله حرفاً تجدد و ارتوته التماثيل إسلامنا يامر لنا أفزع وله أطفالهم تقتل بفعل الجواهيل و لا فيكم اللي انبرا و اعرضوله مشاهداً يندالها القلب بالحيل و لا يوصفه بالحرف منهو يقوله شيً يهول العقل و البال تهويل و اسكوتنا عنهم يسمى قبوله نشاهد اللي صار في كل تفصيل و الا الحقيقه واضحه في فصوله تبين اللي صار لأهل الدواليل اللي يحاول حجبها عن ميوله و الحق واضح ما يبيله تعاديل كلن على ما قال بانت فعوله يالله يا علام غيب المقابيل تفرج لهم يالله بنصراً يهوله تذل به راع الطغى كل تذليل و لا توصله يالله غاية ينوله و الا لأهلها تفرج الهم و تحيل و تبدله يالله نصر و بطوله و القدس شكواها من الجيل للجيل وش عاد باقي يا عرب ما نقوله |
الله يسمح دربك اللي مشيتيه
و أنا بعد الله يسمح دروبي ماهمني في خاطرك ما نويتيه مادام تطرينه على كل صوبي دام الوداع يحل و انتي بديتيه كلً تحمل لا صلته اللهوبي أصعب جروح الحب اللي عنيتيه و أصعب جروح الحب قول مغصوبي و أسهل كلام الحب أنك رميتيه و أسهل كلام الحب أنه يتوبي |
ادري وش اللي حد قلبك على أقصاه
و خلا ضميرك يشتعل من كلامي انته حديت القلب تبغى تولاه يا جاهلً ابلشتني بالملامي عهد على اللي قال ما ظن ترضاه احداً يخون الود بين الكرامي يا اللي دعيت الحب ماظن تنساه ما دمت تنسى غادرين الحشامي ما انته وفي يا قاطف الورد و مناه و لاانته على صدق المعاني تحامي من باعنا يا زين بالمثل بعناه ما همنا لو كان قدر و مقامي ما نتبع المقفى و لو كان شفناه ماهو على اللزمات ضك الحزامي حرفً يبين و باقي الحرف صغناه ينقش على صم الصخر و السلامي |
في شطر بيتً ولع القلب توليع
العيد و الله شوفت الشام حره من دونها عامين و يلحق توابيع والناس فيها زايد الحرب ضره يا وينكم عن نصرها يالبواتيع وانتم تشوفون الطغى زاد شره الطاغيه يقتل بــهــم كـل ترويع و الشام فيها شاهده كل ذره الاسلاحه يستخدمه كل تنويع غير المجازر و القتل صار جره لعبً على المكشوف ياشام للبيع ظلم القريب و ظلم غربً تفره القتل فيهم صايراً دون تشريع حسبي على اللي زايد الكبد حره يالله عليه و كل واحد له ايطيع و يا ربنا تجعله للغير عــبره و الشام تنصرها بنصر الطواليع من غيرك اللي ينصره من مضره في شطر بيتً ولع القلب توليع العيد و الله شوفت الشام حره |
ما أني لقنص الطير يا ناس دوار
لكن أبين طيبها من رداها الـحـر باين مـاكـره بين الأحـرار ويصنف طيور السعد من لقاها لــو هنى قلبي لـطــير إلـى طــار وقت الهدد يعجبك يومه رمـاها الخرب لا شافه تـوارى بالانظار بين الشجر مـخـفـين فـي فــلاها و الحر حدة نظرته بـعـد الأبصار و جالك عليها منحدر من سماها ما تسمع الا ضربته وسط الأغبار و الخرب جاها في عجاجه بــلاهـا و الكل يفخـر فعلها يـمـهـا شــار مـن قيمته يــرفـع بها مـســتـواهــا ما قلتها بالطير من غير ما دار فـيـهـا يبين قـدمـهـا مـــن وراهــا ياللي تبي من جزلها نظم الأشعار خذلك من جزاله بعيداً مــداهـا ما أني مقربها على كل ما صار و لا أني مقدمها على ما بداها من جابها يعرف وش اللي بها سار و يعرف يفرق صحها من خطاها الناس لو عمدوا بها جمع الأخبار يكـثر بها مــن باعها مــن شراها و الأ بعضهم يعتمد كشف الأسرار هــذي طبيعة فــي بعضهم خـذاها أرفع مقامك مـع طويلين الأشبار عــز الجناب و محتمي في حماها أهل الكرم و الطيب لضيف و الجار عـادات تغرس فـي ثوابت بناها نـبراس عــزاً لـلـفـخـر دايـمً بـار مكسابهم منها ينسى عـنـاهـا يقوله اللي ماشيً درب الأخطار و الطايـلـه يتعبها مــا تـنـاهـا بدر الحداري بثها عبر الأقمار رسالةً يفهم لها من قراها |
هذا الزمان اللي تركني على ماش
يا صاحبي ما عاد باقي صداقه احداً يصدق بگ كلامً من اللاش و احداً نسى المعروف بين الرفاقه ماني بمتحسف على كل من طاش و الا يروح و لا يأثر فراقه أخذت لي كلمة على كل من هاش من لا يقدم طيب يا كيف باقه الوضع عادي مايجئ وسطها ارباش مير الرفيق اللي وجعني اطراقه بعد الوفا والطيب يجيگ مهتاش ما كنه اللي مخطئً في سياقه ما يدري أني حاسبه ضمن الأوباش في صفحة الهامش طوينا رواقه عبرت في ردي على كل بكاش و اللي يحاول لعبته في نفاقه ما كل من يكتب على الضلع نقاش و لا كل من هرجه يسمي لاباقه |
وين الشباب اللي على العز مطلوب
وين الشباب اللي للأعراض حامي وين الشباب اللي على الطيب محسوب وين الشباب اللي رقى كل سامي ما هي كذا ياصاحبي بنيت الطوب و لا هي كذا افعالكم يالكرامي اعراضكم اعراضكم يأهل النوب اعراضكم ياهل الوفا و المقامي إسلامنا ما حثنا نكسب ذنوب و لا حثنا نكسب كثير الملامي اللي حصل من بعضهم شقة جيوب واشق جيب اللي على العرض ضامي يندى الجبين و كل شيً له عيوب شبابنا ما صان عرض العوامي ياللي جهلت بتالي الوقت ما دوب أعراض خلق الله تراها حشامي و الا الجزاء من رب الأرباب موجوب للي على أعراض البشر صار هامي اصبر و تلقالك مع الناس مهزوب و من عند ربك يأتي الحق طامي |
http://youtu.be/wlb8m88cKWs
اي و الله نبايع على العسر و اللين ال السعود مراجحين الثقيله بيعة وفا ينغاض منها المعادين الصف واحد كننا من قبيله في عهد سلمان السعد بالعناوين يبشر عموم المملكه ما يجيله و في عضده اللي بالمواقيف ضارين مقرن و ابن نايف زحول الجزيله تباشر المعنى و شال المضامين حتى القصائد بالفخر تنتمي له حكامنا نفخربهم بالميادين ما دام عز المملكه محتمي له من دونهم بالروح و المال وافين من حبنا الصادق نقدم دليله ياسيدي دون الوطن مستعدين و الا الحمول الكايده ترتكي له اي و الله نبايع على العسر و اللين ال السعود مراجحين الثقيله أقولها و أعيدها للمعادين الصف واحد كننا من قبيله |
https://t.co/RbCRvI1N8z
اثر مشاعرنا على كف عفريت ياللي غدرت بصاحبك يوم ناداك ما تلتفت في عزوته يوم بديت اقدمت في قتله بلا حس ما كفاك لا يا سعد ما هي كذا يوم وليت غدرت فيه و بينه فعل يمناك خنة الوطن ياخاين العيش و البيت و بيعة منهو للخزايا تولاك ما تنفعك داعش و لا من توليت السيف الأملح محترينه لعلباك عبره لغيرك يوم قلت و تحديت هذا جزاء الخاين وهذا به اجزاك ياخاين العشره على ما توليت هذا جزاء و بدت به اليوم يمناك حسبى عليك الله ليا أصبحت و أمسيت و جتك الدعاوي يا اسود الوجه تنصاك ما هزت الدولة فعول الهالفيت اللي على غدر الاصاحيب تبلاك يبقى شموخ المملكة عالي الصيت لا زعزعه داعش و لا منهو احداك حنا نتحدا ما علينا ليا جيت و اقصد به منهو على الذل غذاك حنا السعوديه ليا قلت و عنيت ميقافنا دون الوطن ايتعداك اثر مشاعرنا على كف عفريت ياللي غدرت بصاحبك يوم ناداك |
https://youtu.be/DQ2n66RYfko
العيد فرحه و التهاني مواجيب كلن يغني باللحون الجزيلات عيد الضحيه هل ياهل المكاتيب الله يعيده بالفرح و المسرات من هاجسً غرد من أفراحه طيب يزيد به فرحه على كل الأبيات من السعادة قال مع كل ترحيب باحت مشاعرها على كل الأوقات ياللي تريد جزالها بالتراتيب بيح به الفرحه على كل ما فات فيها فراحنا ما يجئ بالمناديب هجوس معناها على مايبي ثبات نهني أهل الطيبه و الاصاحيب واللي لهم بالعيد حق الزيارات ياهاجسي ورد به من المحاديب من خافقً يفرح به كل ما جات علمً صحيح و علم ما عنه تجنيب حق التهاني والقصائد مسمات و الا المشاعر فرحة العيد تقريب أتقرب اللي يبعدون المسافات من نظم شاعره عن العيد ترتيب لا قال فرحتها و غنى بالابيات العيد فرحه و التهاني مواجيب للي لهم بالعيد حق الزيارات |
https://youtu.be/z04PkAERZzk
من السعوديه لحزن الإمارات الله في راشد يجبر عزاها في فقد شيخ الطيبه والجزيلات اللي رفع بالطيبه مستواها نسل الشيوخ اللي على طيبها جات دام الجزايل كسبهم في بداها يرثاك شعراً ما يبي فعلك ثبات و يرثاك شعراً مجدك اللي بناها ياللي تحل المعضله و الصعيبات الله يرحم من دفن في ثراها عسى الولي يرحمك بالخير جنات و المغفرة من ربنا له لقاها مرحوم يا فقد الامارات بأبيات مرحوم يا راشد و فقدك بلاها أبيات شاعرها بحزن الإمارات الله في راشد يجبر عزاها من السعوديه على كل الأوقات خليجنا واحد الى الحزن جاها |
https://t.co/3joO6FvvWL
غرق طفل من سوريا هز الأركان ضميرنا غائب و لا تنقذونه الصمت موجع مايحكيه الانسان وإلا عن إنقاذه أبد ما يجونه الحرب خلتهم على مشي عميان راحوا ضحاي للغرق و المهونه الى متى والحال تبكيه الأعيان و أرواح أهلها بالغرق يرخصونه ليت العرب يدورون وش اللذي بان المشكلة يدرون باللي يبونه شهادةً للي بها مات غرقان غير اللذي بالحرب زادت طعونه ما عاد لبينا نداهم بالأوطان و إسلامنا حسب الطلب تابعونه ما نالهم غير التوجد و ما كان والذل فـ بلاد العرب ياجدونه عن نصرهم ما احدن تطوع ولا عان ما غير فالأعلام بقق عيونه ما كننا بالدين ياعالم اخوان الدين يجمعنا و لا تنصرونه لو أسف من حالنا رسم الألوان النص مفقوداً على ما تبونه سطر به التاريخ بالذل عنوان لو انها تزعل تبيح حزونه غرق طفل من سوريا هز الأركان ضميرنا غائب و لا تنقذونه |
مشاركتي في ملتقى خلصة الوهوب من قبيلة حرب الخامس فالقصيم ..
https://youtu.be/zC5aBL5XBzk يامحلا الطاري بجزل التماثيل من هاجسً يبدع على شان لابه يبدأ به الشاعر و يحط و يشيل في لابتي حرب الحرايب بدابه يفخر به المعنى و يفخربه الجيل لا قلت عزوة حرب عز و مهابه من بعدها باقول من غير تبديل يم الوهوب أهل السطر و الجهابه ينحابها الهاجس على غير تعديل لأجل الرجال اللي عزيزن جنابه حنا الخلصه ليا فتر بارد الحيل نمشي على درب الخطر ما نهابه نمشي على دربً مشوه المداهيل سيفً يخضب بالملاقا نصابه فينا الشجاعة بالمعاني دواليل لا جيت تذكرها على كل جابه أشهرهم ليا قلت صاهد بن ليل كل القبائل تعرفه بالمهابه الفعل ساطي من زحول الرياجيل ابن ثواب بطيب فعله رقابه شجعان بالميقاف و الا على الخيل يشهد لنا قاصي العرب و القرابه تاريخنا منحوت بحدب المصاقيل ما هو كلامً ينقري في كتابه بدر الحداري سطر الشعر تحليل من شان ربعه قالها و اعتزابه |
ردي على قصيدة مغيرانا والشعر لشاعره الكحيلة ..
قصيدة شاعرتنا الكحيلة ....... الشعر يوم ان المحاني تكنه= ..............يشفي غليل الروح صافي معانيه وانا كتبت الشعر لجله ولنه= ............ يشفي جروحي يوم اقوله واغنيه له لذةِ في خافقي مستجنه= ................. يقض همي في فؤادي وينهيه اصرف له المعنا من جنيه ينه= ..............وابيع في دُره على الفكر واشريه كُل ماهمومي وسط قلبي غزنه= .................ولليل العنا طالت معايه مساريه حطيت هيله في دلاله وبنه= ......... وجمرة غضى الخفاق بالفكر تصليه لين يغدي فنجال مافيه منه= ..............وسقته على روحوي بليا مشاريه وحسيت كني وسط غابة وجنه= ......................ونهرٍ تدفق من بحيرة تغذيه فيه البجع. يجر الالحن ونه= .............وبحره تحابش موجته مع شواطيه بشاطي قفر بس النوارس يجنه= ....................مبان لا الانسان جرة مواطيه مغير انا والشعر واداب فنه= ...............وخيال غالي وسط نوني يسليه ردي على قصيدة شاعرتنا ...... كلن يجر الشعر من زين فنه اللي على جزل المعاني يدليه ما يعترف لو كان فيها و منه يجهل به ما يبتغى في معانيه يـــدله الخاطر عـلـيهـا مـعـنـه كنه على الرمضا يدرج خطاويه من لايجيب الشعر في حسب سنه يضيع ما جابه عـلـى غـير طـاريه أفـكــار شـعـراً وارده غــيـر عــنـه نـبـذه بسيطه عـن مجيه ومـا فيه بـحر الشـعـر مـا واصلتً مـدنـه حتى على السباح يجهل خوافيه عــرض الـغـيـوم و بـرقها يرجهنه لاحـت بـروقه وانهمل فـي نواحيه صدق الخيال اللي مطرها يـدنـه وبـل الغمام اللـي تـحـدر مناشيه ابـلـغ مــن الـصـوره حروفاً تعنـه وابلغ من الهاجس لياجاب خافيه رداً بـسيـط يـجـيبـها وصـف انـه المـعـذره يــالشاعــره كـان يـعنيـه |
https://t.co/hOxqTnWgat
لا عاده صدمه بعد فقدت سعود ما ادري نعزي بعضنا في وفاته يـردد المـعـنـى عـلـى كـل مـردود للـممـلكـه أفـنـى بـقـاي حـيـاته مصيبةً للشعب والـقـلـب مـلـهـود مـن المصاب اللـي يـهـيض بكاته راح العديم اللي على الطيب معهود راح الحكيم اللي عـلا في سماته أبيات شعـراً بيحت كـل مـقـصود مـن الـحـزن بيـح بـدايـد عــزاتـه يالله تغفر لـه عــدد هــبت الــنـود و بـرحمتك يـالله طــيـب مــبـاتـه و بـجـنتك يـالله تـكتب لـه الــزود وتغفر لـه السيئات قـبـل حسناته رجل السياسه ما هو اليوم موجود اللي عـلـى الحكمه يضفي عـباته و لا هزني بالحزن والدمعه تجود الفيصلي سـعـود تـعـلـن وفـاتـه |
أبيات تهنئه بالعيد جتني و رديت عليها و لا اعرف صاحبها ..
سلام ياأهل المرجله والمروه كسابة الناموس من عهد الاجداد اعداد ماهل المطر من علوه واعداد براق"ن" من الغرب ينقاد من منطلق باب الوفاء والاخوه وحق الخوي عند النشاما والاجواد ارسلتها للي على الطيب ضوه يجذب سناها كل طرقي ونشاد وعيدكم مبارك عد ماهل نوه وجعله عليكم بالمسرات ينعاد . ردي علي الأبيات .... رد السلام و بدأها بالحموه كلن يبديها على كل ما جاد والحرف يجذبها ليا شب ضوه حرفن بداله بالفرح عز و إسعاد أعداد ما هلت من الغيم نوه يرد به جزل التهاني ليا زاد راع الوفا و الطيب راع المروه نثني له التبريك في هل الأعياد رسالةً جتني عن العيد فـحوه التهاني فحواه من نسل الاجواد مقيولة و الرد مني عنوه أعجبني المعنى و ردي لها جاد من شاعراً ابدع و غنى بـ لوه و الرد منى يا عسى فيه ما فاد قال الحداري و ابتدأ في علوه عسى يعود العيد بوجود الاجواد |
الساعة الآن 09:14 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir