|
فاالقلب شيٌتلك مسكـان = قصرا من الود تقديـرك مايسكنه غيركم انسـان = ولايدخله واحد (ن) غيرك |
بعض البشر معدنه صافي = تلقا الوفا عندهم موجود وفي بعضهم قول ياكافي = مايمشي الا على المنقود |
ولــيــف الــشــوق = البال سـارح ولادري ليـش = حتـى الفكرضيـعـه لـيـه واصبحت ضايع على مافيش = لا ذا تحـقـق ولا ذيـــه بخـيـتـان الـبـشــري = لاتتعـب البـال باتنبـيـش =هـذي حـيـاة الهـواويـه نقطة ومركـز بـلا تفتيـش = انتاجهـا صـفـر فالمـيـه ولــيــف الــشــوق = مااخذت راتـب ولابخشيـش = لا شمـس تشـرق ولافيّـه ضيع لي الهرج بالتشويـش = وانقض لي الجـرح بالكيـه بخـيـتـان الـبـشــري = بجزل يمنـاك لـك بتعيـش = مانتـه فحاجـة عطـاويـه لمبـة قلـم زرهـا فالفيـش = وتقـول مالمسـت إيـديـه ولــيــف الــشــوق = ارسل علامه في لحظة طيش = يقـول الاوضـاع عـاديـه والخوف من حضرة الشاويش = اللـي مـعـه دوم ورديــه بخـيـتـان الـبـشــري = ياصاحبـي مثلكـم نبريـش = في كل الأوضـاع مـا زيـه خابرك ضابط وقائـد جيـش =مثلـه تسـريـه دوريــه |
حارم عيونـي لذيـذ النـوم = كله علـى شـان ترعاكـم مهم حصل00من عنا لي يوم = أنسـاه حــزة ملاقـاكـم |
ولـيــف الــشــوق = سـلام رده ومشتاقـيـن = لهل الوفا جيتـي عانـي باخذ واعطي مع الغاليـن = اللي لهـم عندنـا شانـي سـالــم الـبـشــري = يامرحبـا ياهـلا واهليـن = ترحيب منطـوق بلسانـي واللي كماكم لهـم تثميـن = يبشر بعـزه بعـد جانـي ولـيــف الــشــوق = عسى البقا واستمعلي زين = بشكيلكـم حـال عنانـي من بعد وصلت معي لاوين = كيف افرض اليوم نسياني سـالــم الـبـشــري = بالي وسمعي معك هالحين = قلّي ترى الوضع مابانـي وش لخبط الحال بين وبين = خـلاك مهمـوم وتعانـي ولـيــف الــشــوق = اللي سكن فالحشا والعين = من حالته صرت حزنانـي اليوم اشوفه على ناريـن = بعد المداوي رجع جانـي سـالــم الـبـشــري = خلك معه فالقسا والليـن = لاتقـول كانـي وماكانـي الحـال مايحتمـل بعديـن = مـادام الاول كماالثـانـي ولـيــف الــشــوق = جهدي معه باذله كل حين = اللي سكن داخل اعيانـي خوفي عليه من بعدبعدين = يشكي مـن الآه وحدانـي سـالــم الـبـشــري = اسعى ورب العبـاد يعيـن = رسّه على الشط بآمانـي والمقبلـه فالهـا بيزيـن = ويعيش بعد العنـا هانـي ولـيــف الــشــوق = بادي حزن فاالعيون ايبين = لين اصبح الوضع انساني محدن سأل من ثمان سنين = ومن حاله الصعب بكانـي سالم البشري= فاد العذل وانقذ الشاكين = في وقت شري وقوماني فاز الوفا منهج الصافين = و الصدق راعيه كسباني |
لا تزيدني كثر ماضيعت = يكفي من العمر ماضاعي ثلثين عمري ونا مرتحت = راحت عليه على الفاضي |
وليف الشوق= بنت المعلاَ لهاالترحيب = في ملتقى حرب حياها الله يديم الوفا والطيب = والكل رحب بملفاهـا بنت المعلا= يامين بديت اللحن ياذيب = عبراتي الفرح يغشاها ترحيب من سادة التهذيب = طيب ووفاء دوم مكساها |
ودي قلوب البشر تصفى = من كل علـة تعانيهـا لاعاد تحقد ولا تجفـى = وغير الصفا شي مافيها |
وليف الشوق= ودي قلوب البشر تصفى = من كل علـة تعانيهـا لاعاد تحقد ولا تجفـى = وغير الصفا شي مافيها بخيتان البشري= هذا الهوى يفتري فأهلـه = والروح بالـود يكويهـا وإن كان ماصار من جهله = إصبـر وربـك يسويهـا مضحي بن جمران= هذا الغلا شغلته شغلـه = يحتار فيهـا مداويهـا من يلتوي فالهواء حبله = يصبر وينطـر لتاليهـا |
وليف الشوق= شوفوالنا طب روحانـي = يريح مشاعردخلهاالياس ويعيد كشفه لنـا ثانـي = حتى نتمكن من الاحساس خيال الشمال= إلجألخـلاق الاكـوانـي = ناجه خفامع هجوع الناس ادعه بإلحـاح وإيمانـيي = نجيك من غبة الاتعـاس بخيتان البشري= ناديتنا قلت ياخوانـي = وجينا لكم ياقوي الباس تحتاج لك طب ربانـي = في تالي الليل بالمقياس |
وليف الشوق= ويش الذي صابها الموجات = وشوش برادارهـا كامـل من بعدها تغيرت عـادات = فااللي معه مكتمل صامـل بعدالتحدث علـى شفـرات = ماعاد ينفع لهـا مجامـل في مثل هذي من الحـالات = لا بـد تبريرهـا شـامـل سالم البشري= بالهون ياحاسب الحسبـات = اشبك على الحيد متحامـل اللي مشى صافـي النيـات = تاتي معه حسـب مايامـل ماعنـدي ارقـام سريـات = ولاني مهنـدس ولاعامـل واللي سمع مصدر الأصوات = يقدر مع الوضـع يتعامـل |
وليف الشوق= ياابوفرح شايف التغيير = ولا00انـا ايتـورالـي حتى التواجد اشوفه كثير = واعزتي عنـه واحالـي ابوفرح(خوي دربي)= شايف وساكت ولابغى اثير = من حوله شكوك واقوالي مير اطلب الله عساه البير = مايذوق من ماه فنجالـي وليف الشوق= ما نقبل الوضع هذا يسير = لابد من حـل فاالحالـي لاكن امره يبى تفسيـر = اللـي تزايـد ومتوالـي ابوفرح(خوي دربي)= ان كان تبغى عليك اشير = عطنا مشاعيب وحبالي قدام عصفورنا لايطيـر = ويصيبه جنان وخبالـي وليف الشوق= شورك على الراس والتقدير = والحرص في كل الاحوالي نبغيه عبره يشوفه الغيـر = وياخذ عضه منه وامثالـي ابوفرح(خوي دربي)= واجب علينا بلا تأخير = فاالمر نفزع وفاالحالي مانقدم العذر والتبرير = لو ان عقله خلا خالي |
وليف الشوق= الصاحب اللي غيابه طال = ماعادادري عن اخبـاره عساه طيب شديد الحال = غالي وفاالقلب مقـداره ابوفرح(خوي دربي)= يامرحبا ياجويد الخال = ياحـر فقلوبنـا داره ابشر ترا زانت الاحوال = والطيب ماتنطفي ناره وليف الشوق= عسى البقا جعل عمرك طال = ياصقرعالـي لـه انـواره طمنتني واستـراح البـال = يارب تسعـد لـه اديـاره |
وليف الشوق= والله نكره جميع اعداك = باالذات للي وقف ضدك وقت اللوازم على يمناك = ونجافي اللي يبى صدك سالم البشري= الملتقى يعمر بشرواك = وانا اشهد الوافيه مدك واهل الوفا كلهم ويّاك = جميعهم يدهـم يـدك سالم البشري= مااستغربه في وليف الشوق=وافي وحمّاي فالموقف عضو يتمتع بطيب وذوق=صفحات ماتسد لو بوصف |
وليف الشوق= همس القوافي له الترحيب =غالي وله من زله عالـي وافي وراعي وفا ياالذيب = وفاالقلب مقداركم غالـي |
ولـيــف الــشــوق= سـلام لـولا الغـلا لـولاه = ماكـان نرسـل ونستقبـل صحيح عذب الكلام اغـلاه = يااللي تحل المعانـي حـل بخـيـتـان الـبـشـري = ترحيب لولا الوفـا مقـواه = ماكـان ناصـل ولا نسـأل صحيح ملح الحكـي اوفـاه = ياللي تقـل السمانـي قـل ولـيــف الــشــوق = هـذا الـذي فيـك املنـاه = دايم على الطيـب ماتختـل واللي كماكـم عزيزالجـاه = له منزلـه باالغـلا يحتـل بخـيـتـان الـبـشـري = عزيز مثلـك جويـد ابنـاه = عالـي فمثبـاه مايـنـزل غالـي نعـزه ولا نشنـاه = الطيـب لمثالكـم منـهـل ولـيــف الــشــوق = أخذ المثل واستمـع مبنـاه = وافيدنـي فالـذي يحصـل اللي حصل منّهـم شفنـاه = لابـد ذا الوضـع مايهمـل بخـيـتـان الـبـشـري = بعد المثـل اكتمـل فبنـاه = واجـب علينـا ولا نغفـل لاحنا ولا غيرنـا يرضـاه = والواجب الكـل لـه يعمـل ولـيــف الــشــوق = نبغى المساعي فمـا قلنـاه = قـدام لا وبلـهـا ينـهـل ويسيـل سيلـه ولا نقـواه = ولا عاد مخرج ولا مدخـل بخـيـتـان الـبـشـري = نسعى على الطيب في مجناه = قـدام لا غزرهـا يهـطـل فمسايس الوضع ومـداراه = كل المساعـي لهـا نبـذل ولـيــف الــشــوق = الكـل هـذا الامـر يعنـاه = والعارفـه فيـه مايجهـل والبعض هـذا تـراه منـاه = دايم وهـو للفتـن يشعـل بخـيـتـان الـبـشـري = ثلثيـن هـذا الامـر عنّـاه = وتحريك لجهودهـم نأمـل والقصر عامر محد يخفـاه = مهما العدو لحبلهـا يفتـل ولـيــف الــشــوق = هـذا الـذي كلنـا نبغـاه = يفرِ ح هل الطيب مايزعـل المجد ساسه اليـن اعـلاه = والعزلـه بـاب مـا يقفـل بخـيـتـان الـبـشـري = محمي ومن يسكنه فحمـاه = واللي يبـا يهدمـه يجهـل عصور ورجال لـه تحمـاه = بتاريخ موثـوق ومسجـل والسيـف للحـد سليـنـاه = والطيب لأهل الوفا يشمـل العلم كالشمـس وضحنـاه = ياقاصـدك عنـه لاتغـفـل |
فاالقلب شيٌتلك مسكـان = قصرا من الود تقديـرك مايسكنه غيركم انسـان = ولايدخله واحد (ن) غيرك |
حيره خذتني بها حيران = وتشتت الفكر في حيره ليلي من اسبابها سهران = يالله عساها لنا خيـره |
ماكل صاحب عليه الكيـل = وقـت الشدايـد تحزمبـه البعض ترهي عليه باالحيل = تلقاه لا جيت مـن جنبـه |
بعض البشر معدنه صافي = تلقا الوفا عندهم موجود وفي بعضهم قول ياكافي = مايمشي الا على المنقود |
ولـيــف الــشــوق= خلاص ضاعت عليه اخطاي = من بعد ماشمسهم غابـت من فرقته صرت اجر ابكاي = وكل الامانـي لنـا خابـت بخـيـتـان الـبـشـري = ياصاحبـي استمـع لـرأي = وخلك على مثلهـا ثابـت الأمس ماضي وبكره جـاي = والمقبلة مـا بعـد شابـت ولـيــف الــشــوق = عيت تحقق جميـع امنـاي = غيرالمآسـي لنـا جابـت القلب حالف علـى فرقـاي =والروح مـن هالحياطابـت بخـيـتـان الـبـشـري = كل الأمانـي لهـا رجـاي = طمـاع والنفـس ماتابـت بعض الدواء هو سبب لداي = والروح ماتعيش لنصابـت ولـيــف الــشــوق = صبري معي انتهى ويـاي = والحال زايد علـي كابـت ولافا د سعـي ولارجـواي = وجهود نـا كلهـا خابـت بخـيـتـان الـبـشـري = دامه معك فالهـوى حكـاي = وروحك للأفعـال ماهابـت لا تصير فالود رايح جـاي = فاللي معانيـه لـك عابـت ولـيــف الــشــوق = ابعت وانـا هنـا مغـزاي = رميتك للشـوح ماصابـت اللي حسبته علـى يمنـاي = مااسقى معي زرعي النابت بخـيـتـان الـبـشـري = ماني معك يالخوي غـزاي = وثلوجكـم شفتهـا ذابـت جود على بنـاك يالبنـاي = لاتتعـب النفـس وتكابـت |
سببتلي في فؤادي جرح = طول العمر فيه مايبـرا ولاعاد اعرف طعم للفرح = والحال اصبح منه يثـرا |
بـاالله لا تشقـي احوالـك = وانته ورى الورد والازهار لو كـان شفتـه بيحلالـك = احسب حسابك على الاخطار ياكم منهـو مثـل حالـك =ماحد عنهم يجيـب اخبـار شوف العمـر كـم تبقالـك = هذي نصيحة ولـك تختـار |
توه بدا الحال في رواق = من بعد كل العنـا ذاقـه اليوم تهبهب به الاشواق = للي هبوبه بدا اشراقـه |
ياكم غليتك وياماكـم = ماشفت منك الوفا دره حتى بعدعهدناماتـم = ما تغيرت حالتك مره |
وليف الشوق= سلام با اغلا عبير الورد = بشهرالفضيلـه اهنيكـم من قلب يحمل لكم باالود = واجمل تهاني انااهديكم العبيدي= ترحيب يوصلكم فالـرد = وبشهر صومه نداريكـم من داخل القلب ماله حد = يوصلك وايلين ملفآكـم خالداللهيبي= يامرحبا والسلام يـرد = بالطيب والله يحييكـم فالقلب لكم شوق ماينعد = يسعد ويفرح لطاريكم بخيتان البشري= ترحيب ما ينحصي بالعد = يامرحبـا الله يحييكـم شرفتنا ياعريـب الجـد = يامن تنومـس معانيكـم فوازالزويهري= ترحيب ماله عـدد ينعـد = والله بالعفـو يكسيـكـم يالصاحب اللي عريب الجد = الله يجمـل مساعيـكـم بيان الصمت= ترحيب وافي لكم ينعـد = وكل المشاعر تحييكـم الشوق طاغي وماله حد = والقلب نبضه يناديكـم ابوعادل= ترحيب منا لكم ينـرد = من قلب صافي ومغليكم راعي وفاءوالوفاء ممتد = ميراث حاضر لماضيكم |
فاالقلب شيٌتلك مسكـان = قصرا من الود تقديـرك مايسكنه غيركم انسـان = ولايدخله واحد (ن) غيرك |
امشي معه بالرضى وعطيه = وهوه على عكس يعطيني كل ماعطيته عشان ارضيه = القا الجفى منـه يسقينـي |
ايا منا لو لنـا زانـت = لابد من المر تسقينـا ما عمرها باالحلا دامت = الا وعناهـا يوافينـا |
فرحتك يا بوفرح اتزيد = مده لنا في حرا ويهـا احلا لنا من ليالي العيد = فقلوبنا حيـل نغليهـا |
ان جاك واحد ضعيّف نفس = احذر منه قـول ياكافـي مريض لوتنصحه مايحس = ادعي له الخالق الشافـي |
دامه تخبا ورى البيبـان = نفسه ضعيفه تـلا قيهـا ممشاه دايم كـذا تعبـان = راضي بروحـه يوطيهـا ماهو مقدر من العربـان = ولاسيرته مـن يواطيهـا ضعيف من حط له حسبان = والوافـيـه مايوافيـهـا |
من ودكم صرت انامفتون = وعطيتك القلب مسكاني ولافي احد لو الفّ الكون = في غيركم نقبلـه ثانـي |
احيان لابد مـع روحـك = تاخذ وتعطي معاها حساب لوطعتها زادت اجروحـك = وتلوم نفسك على الاسباب |
الثرثره ياجماعـة خيـر = مامنها فايـده تحصـل خلي طريق الوفا لك سير = دايم على الطيب تتوصل |
بعض العرب عاشق الزلات = كل يوم طالع لنـا بزلـه عساه مايخطي الحسبـات = ويحسّـب اسكوتنـا ذلـه |
الـيـوم ماهوكـمـااول = كثرالحسد والمشاجرفيـه واللي على الطيب ماحول = مده مع اهل الوفا يكفيه |
مشي معه بالرضى وعطيه = وهوه على عكس يعطيني كل ماعطيته عشان ارضيه = القا الجفى منـه يسقينـي |
ايا منا لو لنـا زانـت = لابد من المر تسقينـا ما عمرها باالحلا دامت = الا وعناهـا يوافينـا |
ماودعيني تشوف الانت = في غيركم ماتبي شوفه مثل البدرفالسما لا بنت = تحلاوتسعدبك الشوفـه |
الساعة الآن 10:07 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir