يامرحبا ترحيبتن شانها شان
*يامرحبا ترحيبتن شانها شان*
*بحفاد مسلط طيبين القبالي* *راعي طلال وراعي السيف شامان* *فارس وشيخ وطيب راس وكمالي* *رحل وخلف طيب سمعه وشجعان* *متوارثين الطيب باول وتالي* *شيوخ ساس شيوخ من ماض الازمان* *كلام ماحوله سمعنا جدالي* *حي الشيوخ اللي لهم قدر ماهان* *ضيوفنا الغالين بحلال غالي* *نايف زبون الكايده طير حوران* *قرمن يحل معقدات الحبالي* *وتركي وسبع انعام من قلب ولسان* *يذكر ويشكر كان جاله مجالي* *من لابتن يوم انها سرج وعنان* *عوق العديم بمرهفات السلالي* *عتيبه الهيلا طويلين الايمان* *لطامة العايل زحول الرجالي* *ذباحة الحايل ثقيلين الاوزان* *يثنون دون البل نهار القتالي* *وببيوتهم للضيف منسف وصفطان* *وحلو النبا ومبهرات الدلالي* *قبل الامان يعم في كل الاوطان* *وقت السنين اشحاح والجيب خالي* *قلت الصحيح وزايد القول نقصان* *وهرجن بلا معنى نقاد وخمالي* *يامعزب الضيفان يانسل سمران* *ياحمد عوض سمران قرم العيالي* *قال المثل من يكرم اضيوفه امعان* *ياعل ماتفاجيك سود الليالي* *ماقل دل ومثمرة خضر الاغصان* *صلو علی المختار راع العدالي* |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
|
وستين الف نعم بالمادح والممدوح
صح لسانك الله يعطيك العافيه |
صح السانك واعتلا شانك
|
صح السانك وعتلا شان
|
صح الله لسانك ولاهنت وسلم فكرك وبنانك دمت برعاية الله وحفظة |
, , , صح لسانك وعلا شانك يابوتركي والله يعطيك العافيه على القصيدة الجزله بيض الله وجهك مع التحيه |
الساعة الآن 11:01 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir