انشدك عن رجل جميل = لكان به بعض الغرور
ماله بخلق الله مثيل = في ملبسه مثل الزهور

انشد عن اللي موتته من جهوده = يبغى يفوز بعلم ونهايته موت
اقدم على فعل صعيب يكوده = وله فكرة صحت بعد فايت الفوت

انشدك عن رجال يفرق عن امه = وقبل دخول البيت تنزع ملابسه
وتسلمه بيض يبيدن ما ولن =معهن اغلام مدخل البيت حابسه
اقول هالرجال لويعكس اسمه =معناه مغرور ونفسه تنافسه
واسم لمحمول مبعد مقرب =عند العمل بنت المواجه تلامسه

وشغلام له ضلوع ومستطيل =مهتنه في ما مضى ينتج اعيال
العيال اللي لهم ظل ظليل = لكن انه من ضمن من زال زال
في عملهم جاء بنات للاصيل =وانتهى ماله بواقعنا مجال

انشدك عن رجال مركوبه لظى =طيب وبن طيب ويتنج ما يطيب
يطلع من الغبّه ويعرض بالفضا = ويقسي ليا عذّب وكل له صحيب
ينشا من بين اثنين بقدر وقضا= وليا ركب يصبح عن اخوانه غريب

انشدك عن بنت قديمه جميله =كم واحد لاجل وفاها عشقها
تطوى وتلوى حافظه للاصيله= مرسنه واللي ملكها رفقها
تأخذ وتعطي للتعامل عميله = وتعط العطا كان ان ربي رزقها

الحدث معروف والقصه ثمينه= وابغى اجيبه للرجال يفسرونه
احصلت مع طيب في نص عينه=احصلت له والجميع يطالعونه
احصلت من شان من يمدح جبينه= كلكم لو اذكراسمه تعرفونه
ماعرف عمر الرجل ولاسنينه=ولااعرف منشاه بس اشوف لونه
لو نشدتوني عن الرجال وينه= قلت للسايل عسى مالك مهونه
قصة ماجالها بالكون عينه= مرة وحده قضاها الله بكونه

اللغز عن رجل احدوده وحده = ماحد يعدلها ولااحد حكمها
فوق الذلول وعالي البعد صده =تعدته بنت العدو وحشمها
غطى الجميع ومن طلع ما يرده =وام الرضا من داخله ما ظلمها

انشدك عن مخلوق عاقل ومسئول = يمشي على اربع ثم مشى فوق ثنتين
ثم صار يمشي فوق ثلاثة ارجول = سبحان من يحمد على العسر واللين