ياقلب اصبر إلى بكرة = عساه يلفي بتطمينك
ويجيب من يمهم بشرة = ورسالته سلم بيمينك

ابو عيد=
ينصى البناخي وينصى سرور=مـن بعـد صدفـه تجمعنـا
سلام من خاطـر المسـرور=فـي مبتـدأ القيـل طالعنـا
سرور و تركي=
فالحال منا سوى عالفور=وانته يابوعيد تسمعنـا
ترحيب كاللولو المنثور=لمعزب الضيف سارعنا
ابو عيد=
شور المعلم مـع الدكتـور=ماخـاب فيهـم توقعـنـا
ودي من أول معي (غندور)=واليـوم قلـب مواجعنـا
سرور و تركي=
اسمع من كلاتنـا للشـور=ماتهـون والأمـر فاجعنـا
لن كنت تشهد بصيص النور=واصـل معـه لاتراجعـنـا
ابو عيد=
اللي لنا في حياته دور=في عرش قلبه تربعنا
لكن دايم عليّ يجـور=هاتو لنا حكم يقنعنـا
سرور و تركي=
كانه معاك الهوى مقرور=حـنــا الــهــوى مايطـالـعـنـا
يجـوز جـدت هنـاك امـور=حــنــا لــهـــا مـــــا تـتـبـعـنـا
ابوعيد =
ماكان هذا الحكم منظور = زدتـو عـلينا ملاوعـنا
بالمـعرفه نهجكم دستور = هاتو مايسعد مـسامـعـنا
سرور و تركي=
متوجين الحكم فسطـور=ولافيه داعـي تنازعنـا
راع الصبر ياعلي ماجور=وبالصبر تغنم بما تعنـا

انا بعبر عن اشواقي = لك ياغضي بالغ التعبير
لليامك القلب تواقي = مايحتمل يالغضي تأخير

أكثرمن الذكر والايات = في كل لحظه من اوقاتك
احذرمن ابليس له غارات = مجند له اعوان لغواتك
لاتعود الطرف بالنظرات = ترميك في سوّ نظراتك
غظ البصر واكسب الطاعات = قدام تكتب نهاياتك

مأحتاج جراح متخصص = يجري فحوصات طبيه
دواي معروف وملخص = عطفك ومحتاج حنيه

إلى تحدثت من منطق = الكل يصغي لمنطوقك
الناس لها اذواق وتفرق = لابد يرقا لهم ذوقك

ابوعيد =
ســــلام مــوفــي مقـايـيـسـه = لـلـي لـهــم عـنـدنـا مـقــدار
من قلب تصدق احاسيسه = مــتــوســم الـخـيـرفـالأخـيـار
مـن بـال كثـرت هواجيـسـه = وتـشـعـبــت فالظـمـيـرافـكـار
لاجـيـت لـلـوضـع واقـيـسـه = ولـيـاه فـيـه الفـكـر محـتـار
حرب = (ابوعمر)
تـرحـيـب والـطـيــب تـاسـيـسـه = بحضرة جناب الصديق البـار
صــاحــب ويـكـفـيـه تـدريــســه = فـي منهـج العـرف والاشعـار
الّـــهـــم لاهـــبـــت نـسـانـيـســه =وصارت عليك الصغار اكبار
عَــلَــمـــك لايـــتــــم تـنـكــيــســه =انـتـه لـهـا كـبـار والا صـغــار

اداوي الجرح بالكسره = واطببه باعذب الابيات
اهجرس الحرف والحسره = من فوقها نسكب العبرات

وجدي على ايام عشناها = اللي لها عندنا تذكار
صدق المشاعر كسبناها = في صدورنا دافنين اسرار

الود حافظ على صافيه = لايلحقه منك نقصاني
مايحمل الصد وتجافيه = لاتفرح اليوم عدواني