|
حينما نغرد حزنا
حينما يبكي سعود المبيريك.. غزلاً فإنه يجبرني على التحليق في سماء عشقه الأصيل ..لا لشيء إلا لأنني أعرف عمق الجرح ومداه إن كان له مدى ....
يبدو أنه يتعمد استثارتي كي ينتقم من السنين عبر شخصي...فلتسمح لي بمجاراتك قصيدة شاعرنا سعود :
ياعازف اللحانه على عالي الدوح =اعزف على الأغصان قصة ضياعي انت تعزف وانا على عزفك انوح=النوح من طبعك وانا lمن طباعي انا حياتي كلها جروح بجروح =مركب غرامي ضاع يوم الوداعي مع عالم المجهول في غربة الروح =ابحرت لانايم ولانيب واعي اللي بقى لي من خشب مركبي لوح=-تصارع افكاري هجوم ودفاعي شك وضنون الروح في وين ما اروح=تضيق في كل الفجوج الوساعي امشي مع العالم وانا انسان مذبوح= ياطير انا ابا ارسلك بالكون ساعي ابوح لك وانته بما ابوح له بوح = عن حسرتي عن غربتي واللتياعي قله حياتي كلها جرج مفتوح = ياطير قله لايحاول اقناعي وهنا ليسمح لي شاعري سعود المبيريك بمجاراته عبر هذه المتواضعة
ما اصدق من الدمعات بعيون مجروح = ولا اكذب من الحب الخبيث الصناعي ولو يدري الإنسان وش يخفي اللوح = ما صار بين الناس جاهل وواعي وإن قالوا الشعار نصف الشعر بوح = أنا أقول الشعر سبَة ضياعي منّه غديت كتاب للناس مفتوح = ومنّه تعلقته على غير داعي وأصبح مرافقني معي وين ما أروح = في فرحتي..في ضيقتي..والتياعي يا سعود راع الحب مبلي ومفضوح =تلقى شعوره للحبيب اندفاعي واليا سمع تغريد ورقا على الدوح = تضيق فيه فجوج نجد الوساعي ويصبح رفيق الحزن ومرافق النوح = يا عونة الله كيف تبغاه ياعي أحدٍ غرامه روح متعلقة روح = وأحدٍ غرامه كنِه النقل الجماعي اخوكم:ناصر البشري واعتذر عن طول غيابي |
الشاعر/ ناصر بن محمد البشري
صح لسانك و بيض الله وجهك و صح لسان شاعر المتواصل / سعود المبيريك و هالمرة معذور ،، و لكن لاتكررها ههههههههههههههههههه |
صح لسانك ولسان الشاعر سعود المبيريك
بيض الله وجيهكم |
صح لسان الشاعر سعود المبيريك وصح لسانك اخوي الشاعر ناصر البشري ... يعطيكم العافيه على القصائد والابيات ... تحياتي |
|
|
|
صح الله لسانك اخوي البشري
وصح الله لسان اخوي المبيريك واتمنى للجميع التوفيق |
اقتباس:
فارس عوف اشكر لك مرورك الكريم وتعليقك لاعدمت روعة حضورك تحيتي |
اقتباس:
بن فرهود صح بدنك وما عليك زود وجهك ابيض تحيتي |
الساعة الآن 05:32 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
