|
الجرح جرح الخفاء
بسم الله الرحمن الرحيم السلام عليكم ورحمة الله وبركاته .. اهدي لكم هذه الابيات المتواضعة عسى ان تنال اعجابكم
يقول من عايش أوضاع الزمان الخطير = يجاهدالنفس والمفتن ومحتالها في عون من كونه وأعطاه عقلٍ بصير = يفطن لمخراج نفسه قبل مدخالها لو عاش عيش الترف وإلا تمنا الحصير= ماعشم الجامحه في غير منزالها ثابت على منهجٍ سامي بحكمة خبير = طبعه ودينه وسلم أجدود وأفعالها طلقٍ حجاجه رفيع وللنشاما عشير = وساقة شعيل فوق الحمل يشتالها لعل منها نصيبه خير يبذل يعير= والنفس ترضى بجود الله ويرضالها ويهيد كوس الهواءاللي ضيق المستنير= مشكل بها ند مالك بين كهالها والجرح جرح الخفاءوالموت موت الضمير= والنفس تقديرها بفعول حمالها وإن صار عرض الفتى مما يعيبه ستير= جميل الألباس تزهاله ويزهالها حقيقةٍ ماجهلها كود عي وغرير =وإلا العوارف سليمينٍ من إجدالها كلمة نقاء من خبيرٍيستشير ويشير= دروس الايام خرجته مع إرجالها من أوسط الصف لا الاول ولا بالأخير= وإن ساقوا الكيف في يمناه فنجالها عد الرواء ياردة في حبل ماهو قصير= يشرب قراحٍ زلآل ويرهج إطوالها والناس مكسب إرضاها قيل مهما يصير=غاية وتصعب على الادراك بامثالها ابديت نبذه وتكفي عن كلامٍٍ كثير = والخالق إرضاه نفسي غاية آمالها والختم صلوا على طه البشير النذير= مالاح برق المزون وهل همالها سعود شديد النجدي الحربي |
ياماحاسن الصدف توي دخلت مع فال الخير بهذه العصماء. اللهم صلي وسلم على رسول الله الشاعر سعود الوسيدي النجدي نبذة بتميز شفاف ومغرد خارج السرب |
صح الله لسانك يا القرم والله يـعـطـيـك الـعـافيـــــــــــة بيض الله وجهك |
اللهم صلي وسلم على رسول الله الشاعر سعود النجدي الوسيدي كفو كفو قصيدة رايعة ابدعت في صياغتها تحياتي وتقديري لشخصك الكريم |
صح الله لسانك ولاهنت وسلم فكرك وبنانك دمت برعاية الله وحفظة |
اللهم صلي وسلم عليه
صح السانك لاهنت ولاهان منطوقك |
اقتباس:
صح بدنك شرفتني في مرورك واطرائك العطر |
اقتباس:
صح بدنك ولاعليك زود يابن العم طيب السلعه من طيب ملفاها والله يجملنا. تحياتي وتقديري |
اقتباس:
صح بدنك وطاب معدنك تحياتي لك |
اقتباس:
صح بدنك ولاهنتي على مرورك العطر وتواجدك الدائم تحياتي |
الساعة الآن 12:24 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir