|
( ياهني بن وسام ويهني ضيدان )
بدون مقدمات كما هي
ياهني بن وسام ويهني ضيدان = عقب الفقر عاشو غنات الاماره اتعابهم مخلوفه وحظهم زان = ومن عنده دهين يدهن يساره ماهم بمثلي من شقا الفقر عمسان = احضوضهم كبرت وجو بالصداره قصيدهم جزلن على كل ميزان = ودرب المراجل كاسبينه ضفاره وانا قصيدي من هل الضد بلشان =ولاحد فتح اجروح قلبي وناره مافادني قافن كتبته بسلطان = الفيصلي اللي غناتن قراره انشهد انه طيبن طير حوران = لاوهني منهو من البعد زاره قلت العطيه من سموه لها شان = رصيد مع فله وجيب وعماره لكن حضي عاثرن يا كحيلان = يابن الملوك اللي على العز داره وتفرق احلامي كما حلم ورعان = وثوب الفقر مزال يضفي ستاره وقافن كتبته بالطهيمي عليان = راع البكار اللي براسه نعاره الحربي اللي فايز بكل ميدان = ياحي فاله يوم فاز بجداره انشهد انه طيبن ذرب الايمان = لاكن حضي قصراتن اشباره قلت العطيه جيب غالن بالاثمان = لقزز مديله تو ورد مداره عطيتي من ابو فواز لاهان = شيخن وفعل الطيب عنده شطاره وراحت علومي ونتثر فوق الوجان = دمعن على الخدين لفحه حراره سبحان من بيدينه الرزق سبحان = وقسم حضوض الناس ربح وخساره |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
لا. ووشلون لو دريتي عن سالفتهم بالإمارات
كان تنبطين بجد الله يستر علينا وعليهم والأرزاق تراها مقسمة منذو مبطي وعلى قولة القايل اللي عطاهم بالكريك يعطينا بالملعقة |
ههههههه
والله انك خطيرة يا منيرة لكن خلي الامل با الله والله يرزقك على القل من عليان ابن عمك صح السانك وبيض الله وجهك |
نعم هذا اللي حاصل بالساحه الشعبيه وكل المهايط والمدح اللي صاير كله يدورون المصالح الخاصه ومكاسب ماليه (شحاذه) ما فيه احد يمدح من قلب غير واحد بالميه ...
وانتي جبتيها على الجرح بقولك ما فادني مدحي بعليان وسلطان .. انتي واقعيه عسى الله يستر عليك ويرزقك من الله ما هو من اهل الفلوس واهل المهايط تحياتي |
لاهنتي وصح السانك
تقبلي التقدير والاحترام وفقك الله |
ياجماعه ترى راعي الحاجه عمى
وابشري ياخت منيره اللي نقدر عليه ابشري به والله |
اقتباس:
كلي امل فيكم ياعيال عمي ولولا الحاجه ماجت القصيده والله اللي يعلم الغيب اشكرك على مرورك واشكر اللي رجع قصيدتي اللي عذب القوافي والمنتدى ماحط اللي لمساعدة ابنا القبيله والله يجزا كل من طوره |
منيرة الحربي معرف يفرض نفسه وبقوة
على ساحة الشعر صح السانك والله يغنينا ويغنيك بستر ويفرج همك |
ولافادني مـدح الطهمـي عليـان
راع البكار اللـي براسـه نعـاره البيت هذا يكفي عن قصيده |
صح السانك ورحم الله والدينا والديك
تحياتي وتقديري وحترامي |
اقتباس:
ابو شهد شكرا على المرور ولا فادني مدح الطهيمي عليان انا اقصد حضي المقصر وليس هو فهو رجل كريم ومعروف في الكرم اما النعاره انا اقصد نعارة ضفر وهو يستمد من كلمت مناعير اي مناعير العيال وليس كما ؟ وشكرا لك على المرور |
يامنيره عسى الامر خيره الله يرزقك من فضله ولا يحيجك لإاحد وصح لسانك ولاهنتي
|
صح لسانك
والله الرازق |
اختي الشاعره منيره
صح لسانك على ها القصيده ولاهو ماغير انتي انا خوك كثير من الناس يمرون بمثل هذه الضروف واللي اقوله لك الحين بدون مجامله ولا تملّق ابشري بالسعد كلنا معك صغير وكبيرباللي نقدر عليه تحياتي وتقديري |
الف الف شكر لك على هالاابداع الجميل ومدحك في محله واللي مدحتيهم يستحقّون المدح لاكن بلانا من بعض هالبشر اللي يحسدون الواحد حتّى على قصيده دمتي بخير وسعاده |
الاخت الشاعر الرائعه
منيره الحربي صح لسااانك على القصيده الجزله ولاهي غريبه عليك شاعره متمكنه واللي مدحتي كفووو ويستاهلون والطهيمي رجل مشهود له بالكرم والطيب ولكن أردت تنبيهك أختي الي ان المال وحده ليس كافياً لأن نكون في هناء وراحه ولايمكننا الحكم أيضاً على أن من لديه المال الوفير أنه مرتاح ويعيش في هناء وقد يكون غير ذالك وقد يكون لايستحق ذالك المال أتمنى من الله العلي القدير أن يرزقك ويحقق جميع أمنياتك في الحياه والي الامام ان شاء الله تقديري لك ،،، |
كتبتي يامنيره فابدعتي
صح لسانك |
صح السانك
رائعه يامنيره يعطيك العافيه |
[table1="width:95%;"] | [/table1]صح الله لسانك ولاهنتي وسلم فكرك وبنانك دمتي برعاية الله وحفظة |
الساعة الآن 07:40 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir