|
ديوان الشاعر\\محمد عبدالله البدراني
للشعر ولكم مع التقدير:
ان كتبت الشعر والا .. ماكتبتـه=باقيٍ بالقلب لـه عنـدي محبـه والله اني آكله ..مـادري شربتـه=الوكاد انـه معـي مثـل المنبـه لا لقيت ال شرّده فجـأه رغبتـه=وساقني له سوق من بالذوق صبه من يصوغه متقنن فنـه رقبتـه=ارقبّـه واحفـظ مكانـه وااتنبّـه ماتناسى ولااظلم الشعـار بتـه!=كم شاعـر يامـلا ربـي وربـه حافظٍ قـدره وشعـري لانسبتـه=بانين له وسط هذا الكـون قبـه من عرفته غر ليـن انـي لعبتـه=العبه باتقان لـو غيـري لعبـه بيني وبينه محبـه وان طربتـه=اكتبه من هيض ماهو من مسبـه وان كتبته غيض طاوعني وجبته=درةٍ مـن فوقهـا غبـه وغـبـه والوكاد اني بعـد غيبـه رغبتـه=وصغت قافن ماحدٍ قبلـي رغبـه .. |
جزيل الشكر والثناء لاخي عبدالله عتيق الحنيني لفتحه ديوان لي هنا
وسوف اقوم بنقل قصائدي هنا ان شاءالله تحيتي وتقديري مع اسمى ايات الشكر والامتنان |
بسم الله الرحمن الرحيم
السلام عليكم ورحمة الله وبركاته الافاضل والفاضلات بمنتدانا الغالي هذه مصافحتي الاولى لكم وقد كانت رداً على تساؤل احد الزملاء بالصحافه عن غيابي اتمنى ان تحوز على رضاكم
انده الليل عني كان تبغـى الجـواب=مدني في نهارك واخلف الليل عنـي جيت يمي ولالي عن مجيك ذهـاب=مثل بدرٍٍ تجلاء واخر القلـب ونـي حيرتي في زماني فوق متن السحاب=وين معنى القصيد وين معنى التغني يقطع الهقوه اللي مثل لون السـراب=جعلها للذهاب وجعلهـا مـا تونـي يوم هانت اجروحٍ وسط قلبي هضاب=هلت ايام ليلي واخلفت نوف ظنـي عن دروب السعاده كاسبين العـذاب=نزهة العمر كان اقلوبنا مـا تحنـي للوفاء للعيون اللي هدبهن احـراب=للغلاء اللي رسمته لين رمسه دفني حسرتي يوم قلبي عن غلاها يغـاب=يفقد الشوق مادري يفقد الشوف مني سابقـاً ماخذلهـا فارسـاً مايهـاب=يارد الموت حب ويارد الحب عنـي ضحكةٍ من سناها ينفتح الـف بـاب=حيرتن في شفاته مارواهـا التمنـي يامفسر غيابـي بالصحافـه غيـاب=صوتها يحتويني وانت حرفك تجني |
ماني عنيـد وجايـزن لـي عنـادي=انا عنيد الـراس لامـن بـدا بـاس واليا احتمى الموقـف وزاد النكـادي=اضرب على الكايد ولااعرف اليـاس كانك علـى ماقلـت مالـك مـلادي=خذها وذقها واضرب اخماس باسداس كم قلت لـك لا لا يطـول التمـادي=تـرى تواليهـا تعـووود بالافـلاس لاتقول غادي ماحصل شـي عـادي=لو كنت تفهم ماتعرضـت الاتعـاس فرضت لك فـرضٍ علينـا وكـادي=واقول مابه بـاس يالـوول يامـاس يانـور عينـي وغايتـي يامـرادي=ماتطلبه مني على العيـن والـراس مهما حصل تفرض علينـا المبـادي=حشمتك والتقديـر والنـاس للنـاس وان قالهـا الله والليالـي اجـدادي=انك على ماكنت مانخلـف السـاس واني على ماكنـت مانـي حيـادي=ماحب اعيش انسان معدوم الاحساس واللي يعرف العلـم ماهـو بغـادي=مير البلا لامن بدى العرف ينحـاس وتخالطن البيـض هـن والسـوادي=وصارت مفاهيم العرب مالها قيـاس |
اقوى من البوح بوح النفـس راعيهـا=صوت المشاعر بوسط الروح له ضجـه بين المسافـات مـع رجـل ومماشيهـا=تبحث عن الدرب تتعـب ويـن تتوجـه لاكثـرت اهـداف نفـسٍ زاد شانيهـا=لا الوقت يرحـم والا الابـواب منهجـه في لحظة الصمت بوح النفـس خافيهـا=يضيع وجه المطـر مـن قـوة العجـه وتبقى القصايـد مـع روعـة قوافيهـا=والعشـق الاول قصيـده تكـره اللجـه لا مافقـدت الامـل لا ماقـدر الغيـهـا=اركض ولا اركض اخطوط الوقت معوجه لو الامانـي فخـار وصعـب اداريهـا=الشوق وان طـول المشـوار والهجـه باقـي وباقـي مـع الغيمـه سواقيهـا=تمطـر بهجـران والا للوصـل حجـه ياكيـف نفـسٍ تلـوابـك وتشقيـهـا؟=يامايـس القـد غرقـان الهـواء نجـه كـم مـرةٍ رد نفسـه عـن حراويهـا=يمـك ولا بـه طريـقٍ ماسلـك فجـه كل الجهـات انـت والا فانـت نافيهـا=وين الطريق اللـذي ينسيـك ويسجـه ضاعت ادروب الامـل ضيـع معانيهـا=دربٍ مشيتـه وذقتـه عـارفٍ زجــه في غبـة الهـم كـم اقلـوب يرميهـا=والا فانـا موقفـي ثابـت ولا اوجــه عـن يمتـك ماذخـرت دروب ناويـهـا=ياأول الحب واغـلاء العمـر والسجـه قصيـدةٍ مـانـت باولـهـا وتاليـهـا=تصرخ من الغيض باعلى الصوت محتجه .. . . |
أستنطق المعنـى اباطـن معانيـك=واسمع ضجيج افواه بوح المعانـي ...ياللي عنيت بمـا عنالـك ويعنيـك=للروح بـوحٍ كـم تبـدّى وبانـي بوح الجروح او ما خفى من تداعيك=انبا بطرس او شاح فيـه البنانـي بين الرجاء والياس ماحد ٍ ايصافيك=ياقلب عن من كان ضنك اسناني ! تكيـد بـه خصـمٍ عنيـد ويغنيـك=عن صحبة السالين ولا الـهدانـي خلـك لعلـك ! ماحصلـك ايكفيـك=وان عدتها ياقلب لا اقطـع لسانـي وافصل بها معنى ونبحـر بطاريـك=وعلى محيط الود ننسـى الموانـي ياللي دعيت النـو راعـه وينبيـك=ان النوى عكسه مـن النـو ثانـي ومنه استشف من الندا ود وامليـك=هجسٍ احروفـه نفحـة القحويانـي ياللي تغيب وكل ماغبـت بارجيـك=ما للوجـود بـلا وجـودك معانـي ونبت الامل يبقـى وداده ويدعيـك=وان مادعاك الـود يمـك دعانـي رف بي ورف بالحال ربي ايخليـك=مجروح روح وكـل حـيٍ نسانـي ومشاعري ماهي رخيصه وتغريـك=تزيد هجراني وانا اصبـر واعانـي وانا اللذي مازلت احنك واراعيـك=ارعى مشاعـرك الرقيقـه بامانـي اضمها باحساس شاعـر واناجيـك=وان مافهمت القصـد والا ترانـي اصدع بعال الصوت باسمك مناديك=وين انت يامن كنت تملـك كيانـي |
هجسٍ بقلبي له كبـار المصاريـع=هجن وبيبان الضماير له اوسـاع من عام الاول يدهل القلب ويريـع=لين ايقن انـه ماتمنـع ولاطـاع واركى عليه اعتى واشد الشواليع=هوج الهجوس العاتيه لادعى الداع داعٍ من الذكرى وسودٍ بهـا ليـع=قلبٍ من الوجلى غدا لـه تمـزاع ماهوب وجلن لاجل نجلٍ مواجيـع=ولاهوب عنهن ساليٍ لو به اوجاع نجل العيون الفارهـات المفاريـع=اللي لهن كم ابلج صـار مطـواع وان جا مجال اوصاف غيدٍ متاليع=يجوض من نار الوله كل مـولاع صبٍ براه الود .. والسد ماذيع=ياما صدفهن وانثنن عنـه رجّـاع متسربلاتٍ من طغى الحسن اناويع=مستذيرات ولدن الطرف وانصـاع على ضياء بـدرٍ وغـر مناصيـع=ليلٍ توشح للدجـى منـه باقنـاع وكشحٍ اليا داعب اسدوله ذعاذيـع=براق نوٍٍ ٍ في دجـى الليـل لمـاع معهن مضى لي قبل لامضي بتوقيع=هوجٍ تشالع مضغةٍ بين الاصباع هوج الهجوس اللي بقلبي مناشيع=لا شلعن به واعتلن سبّـع القـاع في غيهبٍ يذهب به الفكر ويضيع=متاملن بالوقـت والوقـت خـداع وافنـان جنـاتٍ سقاهـا ينابيـع=طيفٍ عبر وابحر بلا شط واشراع واليا تيقن مـن معانيـه توديـع= لرياض روضٍ له بافاييـه ينٌـاع اضحى بعدهن بين جردن بلاقيـع=في موحشٍ دوٍ خلا مابـه افـزاع تهاوى افجوجه وال هبوبه هجاريع=صوتٍ به الناظر يمل من الاسماع وهمٍ يمزع مهجة القلـب تمزيـع=وروحٍ لها من جاير الوقت نـزاع وهجوسي اللي كل ابوهن شواليـع=واهداهن اللـي للمعاليـق شـلاّع .. . وهذه تحيتي مع اسمى ايات الشكر والامتنان اطيب المنى رعاكم الله |
صح لسانك
يامحمد البدراني هنا وقفه مع الشعر والابداع لله درك0 لله درك0لله درك للامام يابن العم حجز المركز الاول لي من احد جمهورك |
طاب الكرى للي على قلبـه احجـاب=عن جايرات اظـروف وقتـه وغيبـه ينـام خـال البـال مافـز منصـاب=ماكـدره بالـوقـت هــمٍ وريـبـه اصفى من الصافي زمانـه ولا شـاب=جوه من اللـي قدمـن لـه مشيبـه شيبٍ شوابيبـن باشابيـب الانشـاب=شبـن واشابـن بالشبايـب شبيبـه الا .. خلي البـال مالفـن ولا نـاب=قلبه مـن اسبـاب الزمـان المنيبـه يرفل بهنـدام التـرف كـل ماهـاب=دربٍ بدالـه عنـه دربٍ رضـي بـه واختار مـن مالـذ وقتـه وماطـاب=وانعم برغد العيـش نـاس ٍ ربيبـه اللي مثل ماقيـل يسفـه اليـا شـاب=رجّالهـم والمـال ماينصخـي بــه عبّاد للدرهـم وصـارو لـه اربـاب=واستانسـو بديـار نجـد العريـبـه واكبر خطـا صرنـا انقلـد للاذنـاب=نتبـع عوايدهـم وندفـع ضريـبـه ليـن الفتـى منـا ترفـه ولا عـاب=الا .. رفـاه الغنـج نقـص ومعيبـه اللي له الترفيه مـن عـاج الارقـاب=يمـه وكـن البـدر وسـط التريبـه لاشع وسط الكون ليل الدجـى غـاب=واجلـى غياهيـب الحيـاه الرتيبـه المترفـات بكـل زاهــن وجــذّاب=غيدٍ غواهن مـن غـداه ايغـدي بـه الفارهـات الحـور خـوخٍ ٍ وعنّـاب=بخدودهـن واشفيهـن شفنـي بــه غرو ٍ يغارن منه واغراهـن اعجـاب=يمتاز فيمـا حـاز عمـا ادعـي بـه اصل وفصل والقـد نبنـوب سيّـاب=زمـرد وياقـوت مـاسٍ قضـي بـه وسودٍ مكاسيل ٍ بهن شلـف واحـراب=صفين جند وهنـد واخـرى رقيبـه ! تلمع محاجرهن تحت خـدر الاهـداب=لاسلهمـت عكـشٍ تشابـك عجيبـه او لج لجن باطرافهن سحـر الالبـاب=برقٍ ٍ تكاشـف حـدر مـزن مغيبـه من فوق وجناتٍ بهـا الـدم ينسـاب=خـدٍ جمـع ليـلٍ وصبـح ٍ وهيبـه والخاتم الياقوت يلمـع بـه ارضـاب=سكر نبات ولـول فاهـن افهـي بـه يلهي ويشقـي خافـقٍ مابعـد تـاب=او تـاب واسهـى واستلبـن لبيبـه للعين سهـم ٍ واتلـع الجيـد نهـاب=والموت بسهوم العذارى امصـي بـه مراتـعٍ ٍ فيهـا الفنـا دون طــلاب=مـن مـات فيهـا مايعـزى قريبـه واخـلاف ذا يفتـر بالـصـدر دولاب=روابـع ٍ تنـدار ممـا الـعـي بــه لاعٍ ٍ يفج الجـوف لاادلـى ابمخـلاب=حـرٍ مـزع خفـاق جـاش الطليبـه واسهي وكني زاهـدٍ وسـط محـراب=يرجي عظيم الشان ربـي يثـي بـه من ما لجى بيـن المعاليـق مرتـاب=هو ذنب! والا ..حظ! والا ادعي به؟! علـى يامـن للغوالـيـب غــلاب=رحمـاك مابالقلـب خفـف لهيـبـه همن غـدى لـمعقـد الوقـت كـرّاب=صاب الصميم وكل عرقٍ اكـوي بـه مع ما دهاه افـراق غاليـن واحبـاب=الغيض خلّى اضلوع صـدري حطيبـه وانتابني ضيقٍ بلا قيـس واحسـاب=وامع الهجوس الهوج قلبي اسري بـه بين اسودينن ماعلى غاسـق الـداب=شربـن وهـن ازود مخالـب ونيبـه وافن جفـاه وهـم ليـل ٍ لـه ايّـاب=نابيـن سـود وصايبتهـن غبيـبـه من بينهن يضرس امن الناب للنـاب=قلـب العنـا مخفـاه خطـر ٍ يذيبـه لو كان مابه في صميـم الصفـا ذاب=لا شـك مابالقلـب ماحـدٍ دري بـه لين امتنـى لـو ماالمقابيـل غيّـاب=او ماحضـر منهـن ايعجـل ابغيبـه اللي وفاهـن مالهـن عنـه مجنـاب=وش عـاد لا قفّـن او الـفـاً ينيبـه الا.. الهموم وليـل الاحـزان بـواب=واللي مفاتيحه معـي ذا سـري بـه خلت الرجا باب ٍ وجا للشقـاء بـاب=والياس كم حطم اغصونن رطـي بـه وانسقت مع بابٍ فتـح بعـده ابـواب=ابغـى النجـاه وزاد جرحـي طبيبـه اشفق على شم النفس والهـوا هـاّب=وكم رحلـةٍ منهـا السلامـه كسيبـه الا.. ولاارضى غير ثوبـي بالاثـواب=والطيب سلـمٍ للجـدود اقتـدي بـه ولاارافق الا مـن عريبيـن الانسـاب=رفقة شرف ماهـي مصالـح وغيبـه غرسٍ بقا.. عله من الوبـل سكّـاب=والمـا ايعـوّد للمـصـب وقليـبـه فإن ماصفا ماها كما الماص صبـاب=والا انثنى بالغش عـودٍ اغـذي بـه واكبر مرض من بين الاصحاب صحّاب=شك وشوير ومن تغيـب اوشـي بـه والعيب كل العيب ليا صـرت هيّـاب=للطيـب ماتـارد ونفسـك مريـبـه والطيب ماكر كل طيـب اليـا طـاب=ماهـي غريبـه منـه هـذا نصيبـه كسـاب للعليـا وللـمـدح كـسّـاب=يستاهـل البيضـا بجـوده وطيـبـه والا الردي لو طاب طيبه لـه اتعـاب=نفسـه دنيـه والمـراجـل تعيـبـه واليـا تهيـت للردييّـن االاسـبـاب=تسبق اعجاف الجنف خطـو النجيبـه ياهيـه مانـي للمخالـيـق نـبّـاب=يفهم معان القـاف مـن يعتنـي بـه احب راع الطيب لو هو مـن اجنـاب=واللي ايراوده الـردا وش نبـي بـه ولاني وانا محمد بشمّـات الاصحـاب=يلعنـك يارجـلٍ ايعـذرب صحيـبـه انا خوي اللـي علـى الطيـب درّاب=نـاسٍ اعـدد طيبهـم وانتخـي بـه |
عـطـشــان حــــب ومــنــك غــايــة ضـمـايــه
جــفـــت عــروقـــي مـــــن تـجـافـيــك جــفـــت مــــاكـــــان بــالــهـــجـــران هــــــــــذا جـــــزايـــــه بـــعـــد الـسـنــيــن الـــلـــي بــقــربــك تـــدفـــت احـــلــــى لـــيــــال الــعـــمـــر واول صــبـــايـــه وفـــــــزات قــلــبـــي يـــــــوم تــــــــوك تــلـــفـــت تـلــعــب بــشـــلالٍ شــجـــاء الــريـــح نـــايـــه واتـقــول مـــن غـيــري لـــه الـعـيـن رفــــت؟ والا.. مـــن الـلــي شـفــت يـشـبــه حــلايــه بــيــن الـبـنــي قــلــي: وانــــا اقـــــول وفـــــت كــــــل الــوصــايــف وانــــــت لــلــزيــن أيــــــه يــاكــامــلٍ بــالــوصــف مـــنـــك اسـتــشــفــت روحــــي مــعـــان الــحـــب واكــبـــر خـطــايــه يــــــــوم الــمــشــاعـــر لـلـمـعــالــيــق زفـــــــــت حـــــــبٍ عــــلــــى اول طــلــعــتــه بــالــبــدايــه حــــبٍ عــلــى تـــــوه بـــــه الـــــروح صــفـــت ..................................... .................................. لـــــــو جـــيــــت يـــمــــي يـــامــــزود عــنــايـــه لـــــو جـيـتـلــي لــحــظــات بـالـعــمــر كـــفـــت يـكــفــي مـــــن الــلــوعــات لــحــظــة لــقــايــه تـسـعـد بـهــا نــفــسٍ عــــن الـغـيــر عــفــت وعــــيــــنٍ تــــرقًـــــب شـــوفـــتـــك يــامــنــايـــه مــــن يــــوم مـاعـرفـتـك مــــا يـــــوم غــفـــت ذا مـنـتـهــى الــحــرمــان ســـاعـــة رجـــايـــه قـصـيــت شــريــان الـمـحـبـه وقــفـــت ..!! وهذه تحياتي مع اسمى ايات الشكر والامتنان فائق التقدير واطيب المنى رعاكم الله |
من القديم
ولكم قبلها التحيه والتقدير:
السالفه ياحبيب الروح وش تعني ؟!=لا صار ماني على بال الزمن طاري مرت مخاييل وقتي وانت تتبعني =لا ني بساري ولا اظنك معي ساري ضيعت وادري غلاك اللي مضيعني =غصب الحقيقه تبين وتاصل اخباري يااول طريق(ن) مشيته لا تودعني =مية هلابك ولامليت مشواري تستاهل العمر كله يامولعني =ياغلا من الروح لا تبخل على الشاري صوتك حياتي وغيره لا تسمعني =حديثك اعذب من التنهات والطاري لا تطري البعد عني لا تلوعني =دامي عن الهم والاحزان متواري خل المراكب تسير ولاترجعني =ارجوك لا .. لا تزيد النار مع ناري شف كل شيٍ رفض عيا يطاوعني =حتى القصايد تغيب وتلفي اعذاري قلت الحقيقه وانا ادري مايبايعني = الا عيونك عليها مركب اسفاري .... .. .. . . |
من الجديد ولكم قبلها التحيه:
ياهل الرمك عج الرمك بالله وش هو ثوّره = اشوف انا بعض الرمك اليوم ثار اغبارها ...ومن طاح ماسمى ترى مايقال له وش عوّره = ياللي تبا المخلاص به ناسٍ تلد انظارها والناس ماتدري عن الخافي ولا من حوّره = السالفه تحويرها يخلف ترى مسارها اعنيك ياللي لك عيونن حول مادري مغوّره = تبقى الحقيقه غامضه حتى نفك استارها واهل العلوم الزايفه موضوعها لا تطوّره = ثم نلحق اللي باقيٍ منها ونشعم نارها الشعر يبقى شعر والمعنى وكاد انصوّره = تصوير حي ونقل للحضار من شعارها حديقة الينـّاع ياهل العرف دوم اْمسوّره = عن كل متطفل وسارق لو ينط اجدارها تبقى البيوت الواهنه متهالكه ومكوّره = كل يقول ان غاب عنها القط يلعب فارها؟!! ياسارق المعنى من الشعار ليه تزوّره = الناس لو تسكت حيا .. خلك لبيب ودارها والا ترى اللي مايسمي كل شي يعوّره = من طاح ماسمى ايتعور وانت ابو مختارها ان ماقصرت السالفه ترجع عليك مدوّره = عليك دارن الدواير لو نعن امهارها .. . |
قولي لهم في صوت مع هزة الكف = الصمت مايعني رضى كل الاوضاع قولي وخلي يسمعك اّخر الصف = الصمت ماينفع اذا حلمنا ضاع لا للسكوت ولا لنا بالحياء شف = ان كان يغري صمتنا كل طماع انتي وانا والليل والورد والدف = وايام نرسمها مواويل واشراع نكتب بدمع العين كان القلم جف = اغلى رسايل باقيه بين الاضلاع روحين تتغّذى على الحلم والعف = مثل الطيور مهاجره تنقل اشعاع لا لا يضيع العمر كان الأمل خف = على المطر يابنت يتصّدع القاع قولي وخلي يسمعك اّخر الصف = الصمت ماينفع اذا حلمنا ضـاع |
ياهيه ياللي تحسبن مابه الا انت = انت اللذي غيرت مجرى حياتك لا تحسبني هايمن فيك وايقنت = اني ماعيش الا بداخل عباتك انا على ماكنت ماكنت ماكنت = ولاني متغيّر لأجل ضحكة شفاتك شفي بعيد ولو بقلبي تمكنت = والله ماطيع الواحدٍ في صفاتك ياللي تحاسبني ليا من تيامنت = وبأي اتجاه ان رحت يكثر شماتك ياكثر ماتزعل ويا قل ماحسنت = معي التصرف لو تقل امنياتك تاخذني بحكمك واليا من تبينت = صدق الحقيقه .. قلت حبي لذاتك واصل الحقيقه ماتحب انت الا انت = لكن تغانم فرصتك في نجاتك واعلم لو انك في ودادي تفننت = لا بد مالايام تكشف سواتك |
الا ياقرة عيوني علامك = تعاتبني وتقسى في كلامك وانا احبك ولاحبيت غيرك = ولا والله يجهلني مقامك رفعتك فوق كل اللي اعرفه = وصابتني على المهجه سهامك خطاي اني معك وافي وصادق = ويسعدني ليا شفت ابتسامك سعيت الـ فرحتك وازعلت غيرك = ونسيت الناس واشغلني هيامك وبعد ماشفت مني الحب كله = تحسب اني باشارة من بهامك ابا اغير مساري في حياتي = وابصبح قيد امرك في لجامك تبي تلجم ال فكري والكلامي = وتبي امشى بطوعك وبمرامك تبيني ظمن تفكيرك وامرك = وانا مااطيع لو يكثر ملامك حبيبي لاتعاتبني كفايه = كفاني ماجرالي من غرامك الا ياروح روحي ياحياتي = يكفيني مع الشك اتهامك ونار الغيره اللي بك توهج = تراها تقتل الحب بكلامك فلا تحسبني ان جاملت غيرك = احبه او حظى بربع اهتمامك |
قصيدة موجهه لي من الشاعر الكبير سعد المحمدي
http://www.m-harb.net/vb/showthread.php?t=111766 اقتباس:
وهذي ردي : اقتباس:
http://www.m-harb.net/vb/showthread.php?t=112824 |
اقتباس:
....... ... وهذه تحيتي وتقديري |
الساعة الآن 07:02 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir