رقم(1233) استلموا اللغز المجنون/ ابو طلق حله وهو التيربو
 

السلام عليكم ورحمة الله
اللغز هذا اول لغز اضعه واتمنى ان يكون مرضي للجميع واقبل النقد قبل الحل وبعد الحل واستلموا يالربع ولم اوجه اللغز هذا لاحد لاني عارف انه ابيذبح من اول رمعه (اتحدى الجميع )

[read]سلام يارجال كلن يظهر افـنونه وكلن يجيب اللي ابفكره ايهياله ياويش ورع يجي في وسط مزيونه الياصحى تقول فال الله ولا فاله وتصير امه في عين الناس مجنونه والورع نادر وحتى فعـــله لحــــاله [/read]

صح لسانك ياشأس نجد على هذا اللغز الجزل


أنا ترا حسابي في حل الالغاز بهذا المنتدى (صفر) . لكن المهم المشاركه :


ماهو ( الونّان ) سواء حق الشرطة أو غيره ؟ .

صح لسانك وش رايك في نون العين والله اعلم

صح بدنك والرمعة مالك لواا

صح السانك ياشاص نجد
وش رايك في سفتي النجده

شاص ( سياره نوع جيب )شأس (جرأة قوة شجاعة) معناها باللغة العربية

صح بدنك والرمعة مالك لوااا

مالك لواا يابو هليل

ابو هليل مالك لوااا وخطيرة

صح لسانك يا شأس نجد على هاللغز
.
ومانبي نبعد عن الربع
.
باقول
.
الحسّـاس اللي بالسيارة

صح بدنك يابو طلق والرمعة مالك لوااااا

صح لسانك ياشأس نجد وبيض الله وجهك وانا اخوك

وش تقول في الإرباق الموجود في طبلون السياره ويطلع إذا تعرضت السياره لصدمه

انا ماني طالع من السيارة يا شأس نجد
.
وهالمرة جايب ثلاث رمعات
.
الاولى\
الهيدروليك.
الثانية\
جرس حزام الامان.
الثالثة\
عداد الحرارة.

.

مالك لوااااااايابو طلق

شكرا اخي على اللغز الرائع وتزيد روعته بعد الحل والله يعطيك العافيه

ارمع من عرض من رمع ماهو صبي العين او زر اشارة المرور الحمراء احيان يتضايق منها البعض من العجله اللي فيه

صح لسانك ياشأس نجد على اللغز الرايع

ويالربع احد قال البارود اللي يجي في القنبلة اليدوية

الظاهر انك مامريت على هالرمعة يابوسلطان عزالله انها راكبة 100% والعلم عند الله ثم عندك

عز الله ماني عارفه السيارات الجديده متطوره وتكنولوجيا حديثه عسى الله يرزقنا ونشتري وحده متطوره لاكن البحث جاري نبي ننشد الجيران