|
رقم(1230) أستلم يابو خالد/ ايو طلق حله وهو حصاة قحطان
السلام عليكم ورحمة الله وبركاته
مبروك عليكم الشهر الفضيل يالربع .
يالفريـدي جـاك لغـزٍ من الوزن الثـقــيـل = كـان تلـقـالـه مع الارض جـرّه قــصّـهـا والرجال اللي لهم بالوفـا ذكـر وحصــيـل = كل ما تـنـصــاك مـنـهــم معـزّه نـصّــهـا أنت ابن راشـد ونعمـين في حـقّـك قـلـيـل = الرسالـه جـتك واعرف هدفها ونصّـهـا لجـل ذلك قلـت أبنشـدك يالـحـر الأصـيــل = ويـش بـنـتٍ مادرت عـنك لوّ تـرصّـهـا ؟ ما تليّنهـا البنـادق ولا السـيـف الصقـيـل = لو ضربت السـيـف فيهـا أنثـلـم ماقصّها أسمهـا وحده ما يكـفـي ولا يعـطـي دلـيـل = لازم أقول اسمهـا واسـم بنت تخـصّـهـا من بنات الشيخ نايف والآخرى بنت جيل = وكـان عـندك قصـةٍ غـير هـاذي قصّهـا والختام أقبل سلامي مع الشكر الجـزيـل = من بغى يحصي هل العرف ينسى نصّها |
الله يبارك بايامك كلها وصح لسانك وهذي قصيده لكن ليه تخليها برمضان
نتركها للعرض ثم نعود لها ان شاءالله |
صح لسانك اخوي عبد العزيز على اللغز الجزل وابو خالد كفو انه يطيره
وبشارك برمعة مدري عنها لونها بعيده ( حجرة النرد ) |
اقتباس:
صح بدنك يابو خالد وهذا لغز طال عمرك . وباقي الأبيات مثل ضرف الرساله . يعني أبيات تحمل لغز . كنت ناوي أوجه لغز من قبل رمضان بالذات يوم شفت طريقة توجيه الألغاز للأعضاء . ومن ناحية التوقيت يابو خالد ماله دخل بمعنى اللغز . |
اقتباس:
شأس نجد صح بدنك وانت وابو خالد كلكم كفو وبخصوص الرمعه مالك لوا . |
صح السانك ياعبدالعزيز المخلفي........ في انتضار ابو خالد
|
الله ايبارك فيك ونسئل الله لنا ولكم القبول وان يعيننا على صيامه وقيامه
صح السانك وبيض الله وجهك اسندت على رحل كفو ويستاهل وكل من معنا يعلم الله انه كفو ويستاهل ننتظر رد ابو خالد وتراني منت اميانه عليك ونسقت القصيده يابو سعد ارجو ان تقبل ميانتي يابن العم |
اقتباس:
صح بدنك يامطلق العتيبي الله لايهينك |
اقتباس:
صح بدنك يابو مشاري ووجهك أبيض لاهنت أيه تمون وزياده وترا أبو رياض يسلّم عليك السلام الكثير |
صح لسانك يابوسعد وبيض الله وجهك وانا عندي رمعه سريعه.
وش تقول في الستره الواقيه إللي يلبسها العسكري ويرصها على صدره وتكون ضد الرصاص |
اقتباس:
صح بدنك ياوجودك ووجهك ابيض لاهنت ومالك لوا بالرمعه |
اقتباس:
فصيدتك معنى ياعبد العزيز واستلم اللي قدرني الله عليه:.
ياسحاب قام يرعد ويبرق بالمخيل = مزنة لو امطرت بالوطى يمتصها من رجال بالمدينه تيسر لي عميل = يتبع اللي تلّها برقبتها لصها بنت نايف يارجل مالها عندي مشيل=في حبالك شدّها في حبالك شصها بنت جيل كلما هبت الغربي يميل = علمها في راسها والغلط في عصها ون غفلت اهملتها ثم سرت في وصط ليل= به مقص للرقيب ان ولاها قصها فيه رجل يكتب وفيه رجال يزيل = مالقا من عين عورا ضعيفه لصها انت رجل تعرف الجزل وتعرف الهزيل= النفيسه بالبحر كان تقدرحصها ان فهمت العلم واقصاه فانته لي زميل = والبريه عن جميع الوقايع وصها |
اقتباس:
صح لسانك يابو خالد على هذه القصيدة . لكن ترا لغزي لازال على قيد الحياه |
صح لسانك ياعبدالعزيز
وعندي رمعة الارض |
اقتباس:
صح بدنك ياعبدالله ولالك لوا بالرمعه . هي على الأرض . ملاحظة : المقصود بالشيخ نايف ( وصف ) . والا هو ماهو آدمي . |
الشيخ نايف هو الجبل اذا ماخاب ظني لكن الرمعة الله يجيبها
|
صح لسانك ولسان ابو خالد ياعبدالعزيز
وماقصرتوا ماشاء الله تبارك الله . انا مريت على كم لغز وكل ماقلت بارمع هاللغز وبرقد ما ادري الا وانا داخل على اللي بعده . لكن هذي اخر رمعة قبل النوم . حصاة قحطان . وتصبحون على خير . |
اقتباس:
لا والله ماخاب ظنك ياشأس نجد لكن كمّل , باقي البنت . |
اقتباس:
تعال يابو طلق مابقي شي عن السحور مايمديك ترقد وصح لسانك عز الله انك جبتها ماشاء الله عليك . الحل (حصاة قحطان) . |
صح بدنك ياعبدالعزيز
. وصح لسانك على اللغز . |
اخواني المراقبين من حل اللغز هو (ابو طلق ) للتصحيح
|
الساعة الآن 05:33 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir