عصفور شبك القفص رده = عن جوه اللي عليه اعتاد
واليوم حكم الزمن حده = يقضي حياته بألم واجهاد

شريان قلبي وقف دمه = والله كتبله عمر ثاني
اسباب من بالحشا همه = ضيق على خط شرياني

عودت قلبي على فرقاه = ولا عاد يطري على بالي
والليل لو طال في مسراه = لا سايره كيف ماجالي

نور القمر خده الماسي = يعكس بخده شعاع الشمس
حرك مشاعر باحساسي = تنقض عليه جروح الامس

حاولت اشيله من افكاري = يمكن فؤادي معه يرتاح
القاه اقرب من انفاسي = وشوق الهوى نقض اجراح

من في غيابه معي موجود = باقي محله ولا ينزاح
مثل القمر لا عتلى ياكود = تنوي نجومه على المرواح

خل العدل دايماً مبداك = ولاتكون عاجل فقراراتك
وتصير نادم بعد حكماك = اللي صدرته بسجلاتك

سبحان من بالجمال اعطاه = تحفه وتصوير رباني
سلهم برمش كحل غطاه = يرمي سهام الهوى فيني

ليت القمر يرسل الاشواق = ولا النجم ينعقد لولو
لازاوره كل ما اشتاق = واقول ياقمر كيف حالو

دكتور عند حالتي وقف = يبغى يعيد النظر فالطب
معذور وان كان عقله خف = مايدري ان علتي فالقلب

يلي على الناس متكبر = لا تامن الدهر لو ساعه
لاتكون جاحد ومتجبر = ويوم الحشر تطلب شفاعه

كل ماجلينا ضباب العين = ويجد روح الامل فيها
يطري عليه هجر عامين = ويموت حلم الامل بيها

عيني غزاهاكثير الدمع = ولازال همالها ذارف
ياهل ترى همها يقنع = وتكف من دمعها الجارف

للعين وقت المآسي طبع = ومثلك باحوالها عارف
والهم لا جاك لا تجزع = اصبر وتلقى الدوا طارف

من ليلة البارحه لليوم = ساري بفكري وهوجاسي
حتى عيوني جفاها النوم = واصبحت زايد على مابي

اهجر جميع البشر واجيك = يامهجة القلب ياغالي
لو تطلب الروح اقول تفديك = انت حياتي وكل مالي

قلب التقي ماغشاه الريب = باقي على الدين والمله
راجيك ياعلماً بالغيب = تغفر له الذنب والزله

ماعاد باقي فعيني دمع = حتى يواسيني فغيابك
لاتكون قاسي معي واسمع = مين اللي يغنيني فبعادك

لاجيت مشرف على مكه = واقبلت وشفت الحرم والبيت
ارفع يدينك بذكر الله = واغسل ذنوبك على ماجيت

وقت الموادع انا ياعين = اوصيك وان مالت سنينك
داري على الدمع لاتبكين = اللي انكتب ماهو بيدينك

قلبي تعلق بريم الريف = اللي على ضفت الوادي
احرق فؤادي ولا ادري كيف = اسايره وابلغ مرادي

بين الرجا والامل والصوت = والواقع اللي معي حاظر
اوآسي الروح قبل الموت = واسلي الفكر والخاطر
دنيا وفيها الفرح بسكوت = يعبر قلوب البشر حاير
ماجمله حظه المكبوت = حتى انحنى جسمه الطاهر

اللي بقالي من الذكرى = مدفون وسط الحشا ماراق
واليوم شوقي ترا اضمى = ميت لشوفك من الاعماق

لو كان باليد لي حيله = واقدر على الصد واكابر
مااتعب الروح لو ليله = للي على وصلنا ناكر

كفيت رجلي انا عنه = حتى طريقه ماعاد امشيه
هذا الغرام الذي منه = اخذت آخر قراري فيه

خذني بقايا ألم واحزان = ورد روح الأمل ليه
شعور من داخل الوجدان = يحاكي الروح وما بيه
ان كان نور الأمل مابان = وعاد نبض الوجود فيه
بفارق الناس والاوطان = واعزي الروح وهي حيه

مشكور ياظرفي القاسي = بينت لي بالرجال اجناس
البعض طيبه جبر باسي = والبعض الآخر عديم احساس

شوف الدهر كيف سوابي = لاتصير فوق الدهر ضدي
يكفي سواد الشعر شابي = والدمع ليلي على خدي

اللي فقدله عزيز انسان = الله يجيره فمصابه
ويفرج همومه على ماكان = ويشد ازره في ماناه
الصبر من قوة الايمان = ياعبد خلك على بابه
يارب له آخر الاحزان = ولا يشوف مكروه بحبابه

يلي نويت الغرام اسمع = بحر الموده قليل انجاه
ماكل من يدخله يطلع = والي سلم صعب مرساه

يامن تلذذ بتعذيبي = راضي بظلمه وتعذيبه
مايدري انه نبض قلبي = والقلب عايش على نبضه

ماعاد فيني صبر يقوى = يارحلت الغربه والآهات
حتى حياتي ماعاد تسوى = وشوف باقي العمر لحظات

ياليت ذيك اليالي تعود = وتعود ذكرى لنا مضيت
فيها الفرح والأمل موجود = حتى الليالي مايوم قسيت
نصبح ونمسي علينا سهود = والناس من طيبها وفيت
قفت وراحت وانا ملهود = والعين من شانها بكيت

اتبع هواكم انا لاوين = يامتعب القلب بلحاقك
ارفق على حالتي يازين = ماعدت اتحمل اطباعك

مين الي يقدر يعاند قلب = غرقان في بحر اشواقه
كل المشاعر سلبها سلب = وخلاني في داخل اطواقه

سهران طرف الشقي مابات = والدمع يحرق بوجناته
من يوم قفو وهو بحالات = والقلب عايش بآهاته

ياما سقيته شهد بيدي = واهدى علي الجروح الوان
كان الوفى غايت مرادي = وخلا حياتي اسى واحزان

حزت غروبك انا ياشمس = ينتاب قلبي الم واحزان
مدري بقايا جروح الأمس = ولا طبيعه مع الانسان

مهما تمادا حبال الكذب = وتخفي حقايق ندورها
لابد ريح الحقيقه تهب = وتجيبها من مصادرها

لي قلب جور الزمن ابكاه = متوسد الهم في ليله
يصبح وهمه معه يقداه = والدمع مغرق مناديله

يامن تذكر زمان/ ن فات = ماظن شمسه علينا تعود
راح الذي فالفؤاد ومات = وهذي بقايا جروحه شهود

يلي الهوى عندكم لعبه = حرام ذاك لأمل نبنيه
دام الطريق اوله كذبه = وش لون باقي العمر نقضيه

من زود ذاك الالم فينا = كل ماضمدنا الجروح تزيد
اوجاعها من مآسينا = وآهاتها تزيدنا تنكيد

مرت سحابه ولا حطت = يارب تسقي اراضينا
شفنا مزون المطر هلت = واروت اراضي حوالينا

امضى عليهم قريب الحول = من يوم سابو منازلهم
واصبحت من بعدهم لاحول = يامن يجيب الخبر عنهم

ماظن تلقى خبر وحلول = والناس تجهل معالمهم
لابد تسعى بعرض وطول = ان كان ودك تقابلهم

اول اشوفك ومن بدري = فوق الغصن مغرهداً ياطير
واليوم منتا على خبري = الله لعل الموانع خير

اصعب جروح الهوى لاجات = في داخل الروح مجتمعه
ماتدري بلي جرحك وفات = وبلي تلازم مع الدمعه

كثير ياما تنازلنا = كله لجل نكسب رضاهم
واليوم نسيو ولاكنا = وقت القسى دوم وياهم

حسيبك الله علينا تغيب = وتعذب القلب بغيابك
ماتدري ان الليالي تطيب = ليا هزني الشوق ثم جابك

اشعل بروحي وداده ليه = وانا الذي كنت في حالي
خلا فؤادي مابين ايديه = ويقطع وصاله ولا يبالي

مسكين قلبي غدى مبلي = من سهم ذيك العيون السود
الرمش واقف لها مظلي = والكحل من ربها المعبود

شايل بقلبي اماني سنين = ولليوم ماوفيت احلامي
حتى المآسي الين الحين = متمكنه بداخل آلامي

وش حالت الي بزمانه طاع = ولاهو ذاك الزمن طاعه
يزيد بجرح الشقي اوجاع = والياه مايهتني ساعه

طاح الحطب وانطفى جمره = ولاعاد فلي مضى منقود
باب العتب اقفله مره = وخلي هذاك الوداد يعود

لي قلب يتعب ولا يسلاه = ليا غاب وذاك القدر رده
سبحان من بالهوى خلاه = يرسي على القلب واوده

كل ماتذكر وعد ما وفاه = تبكي عيوني واتألم
لانه جرحني جرح ماانساه = لليوم منه وانا اتعلم

ان عاش هذا الزمن راسي = وباقي فروحي جهد وانفاس
لاجيب حقي معه راسي = واذوقه من مرار الكاس

كان النظر حزته لحظات = ساعة عيوني لهم لدت
وامسيت من بعدهم بآهات = ونار لاشواق بي جدت

دمعة الم واحتضنها كف = يبغى يخفف مآسيها
ولما تلاشت وقلنا كف = جد الدمع في مجاريها

الشاهد الله في عيني فرق = ماقول غير البشر لكن
يخطف عيوني سوات البرق = ولاشوف غيره بها ساكن

مادام قلبه قدر يجفى = خلاص وده ماعاد ارجيه
وشلون وده معي يبقى = واعيش باقي العمر اوفيه

ياقلب ودك ترى منداس = وش عاد ترجي من عتابه
مادام قلبه عديم احساس = لا تذرف الدمع بسبابه

خلي دموع الاسى تنزل = لاتحبس العبره أنفاسـك
يمكن جروح الألم ترحل = ويتجدد النبض بأحساسك

حاظر في عينـي اذا نامـت = والبال دايم معـه مشغـول
حتى إنّ الاشواق بي فاضت = ودموع عيني غدت بي سيول

لضيف عند المعزب حق = ينصاه لقبل على داره
والباب لايخسره لادق = ويقل فالعين مقداره

تصبح وتمسي عيون الناس = وتنام في ليلها الهادي
وانا جروحي معي نوماس = تسهر عيوني عن ارقادي

ماغفت جفوني بعـد وده = اللـي ملكنـي وخلانـي
اسهر ونجم السما اعـده = وابكي من اعماق وجداني

فاضت مدامعـك ياجـده = وغرقت مباني بشوارعها
واليوم حملك كسر سـده = من ناس ماتت ضمايرها

ينشد عن الشيب وش جابه = الي ضنى خافقي وابـراه
ماجـرب الـود وانشابـه = حتى يشوف الذي شفنـاه

لما هموم الدهر جني = اقفوا عليه كثير اصحاب
البعض كف القدم عني = والبعض الآخر صك الباب

كيف البصر في جريح يصيح = في ظلمة الليل وينادي
وعيا يوصل نداه الريح = بينه وبين الأمل وادي

يا ود ساكن في نون العين = الى ملكني ولا اعوفه
احترت في ضحكت الخدين = حتي فمنامي انا اشوفه

اعامله بالوفا لاكن = يعامل القلب بالتعزير
لجله في قلبي هنا ساكن = يصعب عليه انا التقصير

ان كان باقي ضميره حي = لابد يرجع لي بروحه
اشعلت اصابع ايديني ضي = واحرقت روحي لجل روحه

احذر رحات الزمان تدور = حتى ولوضحكت أيامك
لاتشوف دنياك من منظور = الي تشكل فأوهامك

إلا الزعل لايجي طاريه = ارجوك لاتذكره كافي
داري هوانا وانا داريه = وخلينا في جونا الصافي

ما غير الوقت فيني شي = حتى بعد اقفت سنينك
ان كان تنشد بعدني حي = باقي على حطة ايدينك

يا ود جرحه معي للحين = لا تردني لسكت احزانه
درب المحبه هجرته سنين = باسباب صده وهجرانه

مديت كف الوفى مغليه = من قلب صادق مع النيه
لقيت طبع القسى ماليه = وسكين غدره رست فيه

يا ود جرحه معي للحين = لا تردني لسكت احزانه
درب المحبه هجرته سنين = باسباب صده وهجرانه