|
ديوان الشاعر//فايز المحيسن المعبدي
ياحروف الود ياعيون القصايد = أكتبيني فالغلا أصدق قصيده الوله كايد وشوف الخل كايد = عبري عما أحتواني في نشيده لاتزيدي ولا تجيبي شي زايد = ترجمي نبضات قلبي مع وريده المشاعر صادقه والود سايد = للهجوس اللي مرامسها بعيده مرحبا في مرحبا بعذب النشايد = ياعبير الورد يالحظه السعيده من قبل عيد الضحيه جيت أعايد = عاشقً مشتاق والفرحه وّإيده من سبب شوقً بصدري له وقايد = من لهيبه محِرق ثيابي الجديده ياعيوني لاتلوم القلب جايد = مكتوي من نار الاشواق الوقيده والله أنّه مابقاء غير الجرايد = أكتب أسمك وعلنه عبر الجريده أَنّك أنته مجرمً راعي مكايد = ما تداري قلبي بحروقه تزيده حتى لو قلبي لفى يمك يعايد = تحرقه من قبل لايفرح بعيده ياحروف الود ياعيون القصايد = خبري خلي على بيت القصيده أمُا قلبي يحفظه تحت القلايد = ولآ والله لاكتب أسمه فالجريده |
يالقاسي أقرب دام فالبال طاروق = الحرف شيق والمعاني جزيله من هاجسن دايم له الجزل معشوق = ما يلتفت يم البيوت الهزيله حرن ولد حرن وله ماكرن فوق = وله منزلً دايم ف راس الطويله ماهي غريبه دام من حرب مخلوق = وانت معي ياحر نفس الفصيله لاشك لك حقن وحنا لنا حقوق = فأسم الديار اللي حوته القبيله من غرب حد زبيد والشرق لآ روق = والشام حد سليم محدن يشيله ويم اليمن بتحدنا هذيل بشروق = من وقت ماضي واليلي المهيله محميةً في داخل العين والموق = دارن حموها متعبين الأصيله معبّد ترها للعدو ظربها عوق = واللي نواها بردى عز تيله ياصاحبي واليوم للعلم لآحُوق = مادام واسم ديارنا لك وسيله اليوم شفنا بعض لقايت السوق = يحكم ويامر فالديار الجميله وشلون ترضى راعي الغش والبوق = ريس على اهل الطيب واهل الفضيله ياكبرها وان كان متعمد العوق = للي معك شال الحمول الثقيله وصلات ربي عد مالاحت بروق =وعداد ماهلت مزون المخيله على نبيً عامل الناس برفوق = وادى الفروض الواجبه والنفيله |
ابعتذر للحر لـو كـان غلطـان =حتى ولو يغلط نسوق المعاذيـر لو منت غالي ماتعذرت يافـلان= في جوف صدري لك معزه وتقدير لنك بذرت الطيب واليوم بستـان=جوف المحاني ناشيتله زواهيـر ما نسا جمايلكم ولو كان ماكـان=انت الذي علمتني فـأول السيـر هذا ترى عذري وانا ماشـي الان=والله يسلمكم صـدوف المقاديـر |
ياعارف الناس ماتفهم
ياعـارف النـاس ماتفهـم=وأنته تبي تعرف التعريـف ياصاحبـي ياخشيـر الـدم=أرجوك سيب التمر فالخيف فـي نـاس لـلأن ماتعلـم=أني من أهل الكرم والسيف حرفي فعذب ألمثـل يرسـم=بالكم ياصاحبـي والكيـف ماقول انـا لحالـي معلـم=لو كنت نايف هناك منيـف وكـل دار برجالهـا تنعـم=وحرفي كفو فإول التصنيف تاجر ولانـي تـرى معـدم=أسلف اللي يبـي تسليـف واليوم كنّـي فليـل أجهـم=والعشب الإخضر تحول ريف وأن كان ودك عليها أقسـم=أقسم برب الشتاء والصيف من يوم جينـا لكـم ياعـم=ياقل من رحبوبـي ضيـف وياكثر من مـرّ ولآ سلّـم=ماكنّي الآ فوصـط جنيـف بسبابهـم صدرنـا منغـم=وأمرك علينا تـرى تكليـف تبغا على أصحابنـا نعّـزم=وللأن مـا قدمولـي كيـف ياعـارف النـاس ماتفهـم=وانته تبي تعرف التعريـف وختامهـا ياخشيـر الـدم=أرجوك سيب التمر فالخيف |
لجل خاطر ارضيك
القلب ماهينه لجل خاطر أرضيك=وماني مذل الراس والنفس حيـه لو كان من فرقاك عينين تبكيـك=أكتم على اشواقي وننهي القضيـه واطوي سجلاتك من القلب وأرميك=في خانت النسيان مني هديه لاتحسبنـّي بتبعـك فـي تغليـك=مـادام انا مخطيـت مخطا عليـه هفي و جعّلك ماتبيّن نواصيـك=وياجعّل عينـي ماتشوفـك هنيـه وماعاد تعنينـي ولاعـاد نعنيـك=حتى ولو تمشي ضحى مع عطيه الحُرّ مايشوى كما شويـة الديـك=ألأسم طائـر وتفـرق المقدريـه |
مراسله مع الشاعر الكبير عبدالله عتيق الحنيني (ابوخالد)
فايز المحيسن المعبدي= سلام منـي مثـل برقـاً نخيلـه=الياء ارتدم مزنه وحنـا رجينـاه وجتنا به ارياحه تسوق الثقيلـه=وركز على الديره وهلّ المزن ماه ومن بعدها جتنا تباشيـر سيلـه=والأرض مخضره ومن قبل مسقاه من نو قبل أسبوع جانـا مثيلـه=واليوم زاد الخير عدل الذي جـاه وهذا تحيه منـي ماهـي قليلـه=تضفي لبوخالد ونعميـن مبـداه وتكفى يابوخالد ياراعي الجزيله=قلبي غدابه ود والـود ماقسـاه كل يوم يبكي ويشتكي من عميله=لاهو قطع عرقه ولا سكـت الآه يقرب ويبعد ولا عرفنا حصيلـه=كنه سراب وقلبي الشوق أضماه نطرد ولا نلحق دروبـه طويلـه=وياما نصحت القلب وياما نهيناه لاكنه عيا يستمـع فـي خليلـه=يبغاه رغم اللي حصل منه يبغـاه نبغا الإفاده منك وهات الوسيلـه=ياكيف نصبر عنه وياكيف ننساه عبدالله عتيق الحنيني= يامرحبـا بــك فــرض مـاهـو نفيـلـه=يا شاعرن يبني علـى الجـزل معنـاه ينـضـم عـقـود المـفـردات الجلـيـلـه=جـواهــر عـقــودن تـــلا لا مــــلالاه اسنـد علـي الـقـاف بـقـرب وسيـلـه=فـي ملتقـى حــرب العـزيـزه قريـنـاه والله يجمـلـنـا مـــع اهـــل الجمـيـلـه=والعيب عيب الذخـر بـا اللـي تـوراه انعـت نعـت حـروت هــواك ودليـلـه=حـتــى نـتـوجـاه للـبـيـوت المـبـنـاه همـن يشـال ابـشـر بقـرمـن يشيـلـه=لا تشـيـل هـــم الـكـايـده والمـعـانـاه نكـفـيـك تكـلـفـت الـهـمـوم الثقـيـلـه=وزنـدن يسـرك فـي لزومـك قدحـنـاه ان كان لك قسم وهـواء بـا الجميلـه=يامعـبـدي نـبـذلـك الـجـهـد والـجــاه والــي ماتقـسـم كـايــده مستحـيـلـه=انصحك لا عاضب هوا الولف تنساه والا تـحـيـزم لـلــف لـيـلــه ولـيـلــه=وجزم على رجـم العشاشيـق ورقـاه عـلـى هــواك انـكـان مافـيـك حيـلـه=من روس قـوم ومـن رجـال مسمـاه |
ياصباح الخير // مع عارف المعبدي
محاوره مع الشاعر / عارف المعبدي الحربي
عارف الحربي= يا صباح الخير يا لوجه المنير=يا عسى كم دوم فالي وسعدي طلتك عن كامل الزينات غير=يا سليلة جود من بيت أجودي فايز ال محيسن= يامساء النور من نفح العبير=ياعسا درب الوفا لك يمهدي فقلبك الطيب ترى قلبي اسير=ياوريث العز يالنجم الجـدي عارف الحربي= الجروح اللي بقلبك مادير=احمليها من يدينك في يدي ولبسي اجمل ثيابك والحرير=وستريح من همومك ورقدي فايز ال محيسن= شوقنا مايحمله قلـب البعيـر=ميّر هذا الهجر ليلاً سرمـدي ومن سببها دمع عيني كالغدير=ارتوي ياضاميـه مانـي ردي عارف الحربي= شفت كيف الناس من حولك تسير=خوف مانورك على الدرب يِِغدي والــمشاعر في خفوقي كم تــغــــير=خوف ما امشي على الدرب اوحدي فايز ال محيسن= ماشكينا حر من نار الهجيـر=ولامسحت اللي على الخد تعدي لاتخاف الصبر في قلبي كثيـر=بس خوفي غيبتك هد جهـدي عارف الحربي= مانصك الباب يالعقل البصير=والليالي بذن ربي تمــهــدي لاتزيد الجرح بالسيف الشطير=وتتهم مقتول في جوف الحدي فايز ال محيسن= ويش حد القلب من صدره نفير = غير جرح الود حرفي يشهدي كان تنكر تقدر تقابل نكير = والعلوم مقيده بحرف ابجدي عارف الحربي= الله اكـــبر كيف تحكمها بغير=دون لا تــسئل وعنها تنشدي ما حكمة بحكم علام(ن) خبير=وعلم إن الشعر غاية مقصدي فايز ال محيسن= ياتي الهاجس من القلب الخطير=وش قولك في سحابه ترعـدي من بحرها خرجة حزة عصِيـر=والمطـر أول لجانـا ببـردي عارف الحربي= المــطر من فضــل ربي كم يثير=وفضل ربــي مــن يمن ويـجحدي لـــكن ان الــناس مـاتعـمل بــخــير=تــقــطع الماء عن مــصبات الودي فايز ال محيسن= استمع ياعارف الحرف الاخير = واخر المردود مني يابعدي لاتصب النهر فالبحر الغزير = ومن بعدها ياصديقي تقعدي عارف الحربي= اخــتم القـيفـان والساير يسير=من يــمـد الدلو لازم يــجبدي مرحبا بك كـل ماذعذع عبير=ياسنافي مالك الــيــومه لــدي |
اكبر امانيها
سلام الله على اللي كل ماهيض لي الأهوجـاس=عبر طيفه على شعري وصيطـر فـي معانيهـا على ذكره يكون الحرف بدونه يرفـظ الأكُـراس=مانعلم كيـف مانـدري حروفـي لـك مجانيهـا لذا ياصاحبي اهليـن تفظـل شوقـك الأنبـراس=على زينـك علـى ودك علـى مُـودك مغانيهـا ماغيرك سيد حروفي ماغيـرك سيـد الأنفـاس=سكنتـي فـي قصـور الـود وعلينـا مبانيهـا انا صادق معا نفسي انا مغـدر ياعـز النـاس=ياكيف اغدر على اللي كـل مايملـك عطانيهـا عطاني صادق احساسه وعطيته صادق الأحساس=عبرنا في بحـور الـود رسينـا فـي موانيهـا في قلبي تكبر اشواقك ولا نعلـم لهـا مقيـاس=لاكّـن شوفتـك ياخلـي تـرى أكبـر أمانيهـا |
البدع من //// فايز ال محيسن
سلام مني عّد ماقلت لحروف = وعداد برق الخير والرعد دنّا وعداد من لباء على البيت ويطـوف=وعـداد زائـر زارنـا فـي وطنّـا ومن بعدها لن كان تسمح لنا ضروف=غنا المعنـاء وأستمـع كيـف غنّـا عندي سؤال ودمعت العين بتشـوف=في ردكم لـن كـان جانـا وصلنّـا إمُأ تقف عن هلت الدمـع مـذروف=ولآ تزيـد دمـوع دمعـاً غشـنّـا لامن توهق قلبنا وصـار مخطـوف=ياهل ترى يرجـع كمـا كـان كنّـا او ياترى في دارهم غصب مجـروف=مـن حيـث مـاون المعنـاء يونّـا شياً جديد فصدرنـا غيـر معـروف=ونجهل طروق الـود لامـن طونّـا ياللي تجيب العلم بالحرف مكلـوف=رد الخبـر فاللـي بسهمـه طعنّـا الرد الاول من الشاعر // بخيتان البشري الحربي
يامرحبا مخصوص لأجلك ومصروف=ياذيـب مـن لآبـة ذيابـة عـونّـا عداد ماعين البشر قدمهـا تشـوف=وعداد مانسمـع مـن علـوم جنّـا ياللي فؤادك من هوى البيض محذوف=واصبحت من حذفـه أسيـر ومعنّـا راع الهوى يمشي على كل معـزوف=يلمـح بـروق اشـواق ثـم ايعنّـا اللي عشانه ولعـت نـار بالجـوف=كانـه يحبـك اخطـبـه لا تـونّـا يامعزب الخطار حنـا لـك ضيـوف=فـزواج مـن ربعـه لحفلـه دعنّـا وإن كان مايحبك فلا تصير مشغـوف=عسـاه مـايـومٍ بعـمـر يتهـنّـا بكرة بغيره يابيض الوجـه مخلـوف=تلقى هـوى صـادق ولـك يسعدنّـا الرد الثاني من الشاعر // نافع السالمي الحربي
هلاهـلا مامـال ريــحٍ بغـريـوف=اغصيـن ريحـانٍ بــورده تثـنـا وماغرّد القمري على غصون شفشوف=يقطـف ملاويـن الزهـر وايتغـنـا حقٍ علينا نشري الحـرف بحـروف=وانجاوب اللـي يطلـب العلـم منـا يابن محيسن مركب الحـب لايطـوف=ان كـان خلـك فـي غرامـك تعنـا راع الهوا في بعض الوقات مايشوف=يقـدم لـوان السيـف قدمـه يسنـا والحق واضح بين الاجـواد معـروف=وامـر الـزواج ميسّـرٍ فـي وطنـا ادفع لهلها غالـي المـال بضـروف=ان كـان تبغـا فـي حياتـك تهنـا واجمع بني سالم ومسروح مع عوف=علـى زواجـك والمبـانـي اتبـنـا |
كاسك شربته
لاوين ياللي شايل القلب ويـاك=حافظ على قلبي بعـد مانكبتـه كل مانهيته عنك وامره ينسـاك=مايستمع ليـه ومهمـا طلبتـه يفز من صدري ليا حل طريـاك=كنه بذور القمـح لا فـز نبتـه يرسل لك اشواقي تناظر وتبراك=وتسأل لموقك كم دمعاً سكبتـه ماتجاوبه موقك وياكثر ماقساك=ماترحم اللي من عروقه سلبتـه اسمع خليلي علمي اليوم ينصاك=ان كنت تقراء حرفي اللي كتبته مايوم انساكم ولا فكـر انسـاك=مادام قلبي من عروقـه نهبتـه ان كان رايح لحظه ارجوك ابغاك=بعاتبـك مايـوم قلبـك عتبتـه ياهل ترى حبيتني كثر ماهـواك=او ياترى ياقلـب قافـاً لعبتـه ان كان هذا ولا طلع مثل هـذاك=ابشرك كاسـك ترانـي شربتـه |
فالناس مسلم وكافر
البارحه مانمت ولاطابلي فراش = اورد اهجوسن لفتني معاطيش ورد الهديد اللي من القيظ عطاش = تارد عدودً ماوطتها المطاريش ولاوارده سبعً ولاراعي ادباش = عدً رهاوي صافين مابعد نيش يسقي حروف الشعر ويزيدها انعاش = ويبني بيوتً غاليات المفاريش حرفي جويد حزام متحزم كلاش = صواب رميه للهدف دوم مايطيش حرً على صيد الجزيلات معتاش = طيرً وحش مانقلوه الدراويش انضم بيوت الشعر واسوقها كاش = فسوق الجزاله مانجيب التناتيش اما قصيدً يجبر اصحاب الأفلاش = اتصور حروفي بلا (واو ) تغشيش ولاعساه يموت في داخل احواش = ويبقا مخبا في كهوف الخفافيش راس الظبي قد قيل مافاد عراش = مايسدله جوعً ولا به عراميش من بعدها يامرحبا عد ما شاش = راسً على درب الوفا دوم بيشيش في ملتقى اللي جارهم بالوفا عاش = مافيهم الكاذب وارع المغاشيش معبّد أهل الطيب حرابة الواش = فوق الأصايل ماعسّفو للأكاديش كم معتدي جاهم وعود على ماش = يسحب وراه الذل ومّنتف الريش ماني ردي الحظ ولاني ولد لاش = من سابق الأيام حنا هلل الجيش جدي سعيد اللي غزى قوم الحباش = مع السعودي حررو واديً بيش وقت الوغى واجه ولافر منحاش = وصفّو ديار المملكه من البشابيش بقيادة الفيصل حكيمً قوي جاش = رزّ البيارق فوق حمر الطرابيش كريم يمنا قلبه أبيض من الشاش = مثل الحياء اللي نوض برقه مراهيش سعيد أبن ماطر عسا قبره فراش = روضه من الجنه بها طايب العيش هذي حقيقه مابها جدال ونقاش = صوره من التاريخ ماقلتها طيش ولاعاش راسً للوطن دوم غشاش = ياخذ رشاوي تحت بند البخاشيش بايع ضميره مرتكيله على قشاش = يخشى ليا قالو لجان التفاتيش جعله هشيمً معترض درب قراش = ويقتشه اللي سارحً فالمغابيش |
قلوب عكس قلوب
سبحان منهو فارق الناس عن نـاس = وخلآ التعامل فالبشر طيبـة أسلـوب بعض البشر ما فقلبها ذرة أحسـاس = وبعض البشر بحساسها تملك قلـوب وكُلاً على ساسه من العـرق دسـاس = ومن حبه الله صار لنـاس محبـوب طيب ونباء ياحـي فالـه كانبـراس = من نور وجه كّنـه البـدر مجلـوب والياء حكى نسمه من الطيب نسنـاس = ما تقول غير الشهّد من فّيـه مسكـوب ماودك الآ تحطه عّمه علـى الـراس = غالي ثمن وغلآ الذهب مصبوب وغلآ من الجوهر ويلمع كما ألماس = فيه الوفا والطيب لنفس مرغوب والطيـب مايكسـب بدرساً وكُـراس = ولاهو بضاعه فوصط الاسواق مطلوب وهبه من الله مدبـر الكـون بقيـاس = يوهب بها ناساً ومن نـاس مسلـوب اللي أنسلب منه ترى وضعه أنحـاس = الناس ماترغب علـى مقابلـه نـوب دايم على طبع القشر مالتمس مـاس = راعي دسايس وللغـدر سالـك دروب لنه ضعيف النفس والحقد له سـاس = مايخاوي أهل الطيب والوجه مشحوب ولاله مع أهل الجود مرتع ومجلاس = ولاينذكر بالخير ماغير بعيوب عيباً عليه كان بطرق له أجراس = ويحرم عليه منه نشرب لمشروب ياجّعل مايبرى لياء صابه الباس = والآ يتعثر من شفأ عالي النوب وسبحان منهو فارق الناس عن ناس = وخلآ التعامل فالبشر طيبـة أسلـوب بعض البشر ما فقلبها ذرة أحسـاس = وبعض البشر بحساسها تملك قلـوب |
انا والذيب
ياذيب فوق الرجم جريت بعواك = مدري لحقك الجوع او شوق خلك ياليت نعلم وشهي اسباب دعواك = وش الذي محرق فوادك وعلك ياذيب حنا اذيابه مثلك وشرواك = نفزع معك ياذيب وبالرائ ادلك ان كان ياذيبن من الجوع شكواك = ولافيه من ينشد وش اللي حصلك وعواك رجوى لي ماتخيب رجواك = والله لاجيب ام العصيب فمحلك رزقي ورزقك قاسمه رب الافلاك = مابيتك طيان وبالظين ازلك لاطاء على انياب الفاعي والاشواك = حافي القدم ماهمني لين أصلك جاك العشاء مادم نابك ماعشاك = ولو طالت الجيره ترى مانملك وان كان ياذيبن من الشوق بلواك = قرب عليه جاي واسمع بقلك ياهل ترى خلك يحبك ويبغاك = ولآ على شوقك ماياوي لغُلك هذا البلاء لن كان خلك مايدناك = وانته متيم حيل والود ذلك يضحك لكم سنه وبالسن اغواك = ولا يوم قلبه فالموده يجلك لآوالله الآ بّيبلش الطب فدواك = تبطي وجرحك فالحنايا يعلك وان كان ياذيبن يعزك ويهواك = وين الدروب اللي تودي واشلك ابشر بعزك تاصل ويسكت عواك = واخذ الوعد من شاربي شوف خلك |
محاوره مع الشاعر حسن مساعد
(1)= فايز ال محيسن= سلام ياللي له معزه وتقدير = وسهم الغلاء دايم خضر مرتفع فوق من بعدها بنشدك ياسالم الزير = وشلون قلبك للمواليف مايروق حسن مساعد المعبدي= يامرحبا ترحيب مافيه تقصير = لصاحب اللي جّعل يسلم من العوق حنا بلشنا في سداد الفواتير = والقلب من سبت هل الدين محروق فايز ال محيسن= عسا البقا ياللي ترحب على خير = مزن الهوى مردّم وبانت له بروق ولو كان تنكر ماتسد المعاذير = ياللي عشقتو فالهوى اليوم معشوق حسن مساعد المعبدي= انفس جازة لو عرض لي طوابير = وانا هوايه مرتع الصيد والنوق اسج رجلي ماحسب للمخاسير = ولا علنت سري وسط لقايت السوق فايز ال محيسن= يامسلي الخاطر بكثر المشاوير = قلبك خضر يم الغضي ساقكم سوق هذا الخبر ما يحتمل لتفاسير = ولا تقول عندي شك والعلم موثوق حسن مساعد المعبدي= حنا عليها مانزف التباشير = ولاني ماعاين فالهوى كل مطفوق يافايز العربان مثل المناشير = والرجل فينا لازم يصير صندوق (2)= فايز ال محيسن= سلام ياذيب(ن) ولا عنك مجناب = مادم نار الشوق فالصدر حيه المشكله لن كان نجهل للسباب = مدري خطايه او خطاهم عليه حسن مساعد المعبدي= يامرحبابك هيل ياعز الأصحاب = اقلط وكيفك عندنا شاذليه حنا نعين اللي من الوقت منصاب = وابشر يابوماجد بحل القضيه فايز ال محيسن= عسا البقا ياللي ترحب بالأحباب = طبيك تعدى فوق نجم الثريه قلبي غدابه ود والود غلاب = والله بلاني بحب ماشفت زيه حسن مساعد المعبدي= الرجل يبغاء للهوى قوة اعصاب = لايميل ميلات الغصون النديه وحذرى يصير الرجل للعام كتاب = ويبعد عن دروب العلوم الرديه فايز ال محيسن= ميّر البلاء ياصاح من دمعت اهداب = سالت على خده من اشواق ليه واصل المشاكل كلها فكت الباب = مابه نعاره عندنا ولا حميه حسن مساعد المعبدي= بعض الدموع تسيل من شخص كذاب = يترك في رمضآء وهو وسط فيه وإلآ الحميه عند عكفان الأشناب = دون الخوي تارد حياض المنيه |
محاوره مع الشاعر الرائع بخيتان البشري
فايز ال محيسن= سلام ياغايب عن العيـن مـده = نشتاقله في غيبتـه مانسينـاه الصاحب اللي حسب اخونا نعده = مارد للهاتـف بعـد ماطلبنـاه بخيتان البشري= يامرحبا دوم الوفا لـك نمـده = ياللي ولو غبنا ترى مافقدنـاه فقلوبنا واخوك ظرفـه يحـده = خارج وطن يوم الخليوي تركناه فايز ال محيسن= عسا البقا والعذر للباب سـده = ياللي على مد الجزيله خبرنـاه بنشد عن اللي ينقض القول رده = و ارسل لكم مكتوب حنا قريناه بخيتان البشري= مد الجزل واجب علينا نرده = للي عرفنا مثل ماحنا عرفناه ماهمنا لو هو لنا باح سـده = قريتو المضمون فيما كتبناه فايز ال محيسن= فيك الوفا ياللي ورث طيب جده = ردك وصله مثل ماحنّا بغينـاه واللي تعدى يم الاجـواد حـده = أما بـرك للحـق والآ كتفنـاه بخيتان البشري= درب الوفا ماستصعب الذيب جِده = الذيب جِده أصعب الصعب مثناه لاجاه علم الأجودي ليـن حـده = ليا حدا حـده علـى ماحدينـاه |
خاتم سليمان ( بدع ورد)
حسن مساعد المعبدي
سلام الله يابو ماجد سلام يرّجح الميزان = اباهدي لك عبير الورد والفل ورياحينه فايز ال محيسن المعبدي واباهدي لك تحيه وافيه تنصاك ياكحيلان = تحية طيب للي عندنا ترجح موازينه واباكتبلك من الأبيات مايمليبه الوجدان = وليا منك قريت البيت بانتلك مضامينه انا مرت علي سنين اكابدها أساء واحزان = اخذت من الزمان اقساه ولفتني طواحينه تكالبني الهموم اللي تهد الحيل والأبدان = بسبت واحدن يرسل سهوم الموت من عينه اسرني في هواه وكنت انا اللي مانحني لنسان = الآ يالله عسى دمه يوقف في شرايينه قوي الباس عديم احساس بشر في داخله شيطان = موردني حياض الموت يامقوى شياطينه ولآمني تضايقت وطرالي صاحبي كحيلان = يزيل الهم عن قلبي ويبرى الجرح من حينه
(( هلا ياشاعر الجيلين وهلا يافارس الميدان = لفنا من بعد غيبه طوى عقدن من سنينه زهمني قال يافايز توألّم جاتك القيفان = ترى ببدى معك ياذيب قبل لاأنزل ميادينه )) لذى حييت ياستاذي هلا ياخيرة الصدقان = يابو محمد لفيت بطيب من الورد وبساتينه هديتكم لنا جوهر وهذي عادت الفرسان = تمد الجوهر الغالي لمن يعرف مثامينه الآتدري ترى حرفك عجبني فرسمت العنوان = وتعبنا فقصرك العالي على فكت كوالينه وشفنا فالقصر لوحه حزينه وتخطف الاعيان = ونظرنا فلوحة الأشجان وعرفنا من تلاوينه لاصار الطير في يدك وحش ياما قنص غزلان = عطه فرصه وهد الطير عسا يعرف عناوينه يجيب العلم كالهدهد موُاكّد مايبي برهان = ونرسل يمه جيوشن من الجن وسلاطينه غصب عنه يجي مجبور ولو مايكشف السيقان= ويشرح كامل الأسباب ومنهو كان مغوينه على كيفك وانت اللي تجازي تسمح الغلطان = مادامك كاسب الجوله وهو بالقيد رامينه هذا لن كان انا عندي بقايا خاتم سليمان = لكن لآ خاتم فيدي ولآ ضني ملأقينه لذى ياصاحبي أصبر كما يصبر جبل حوران = يعاني من ثلوج الشام ولافجر براكينه |
قصه غريبه بين مزحن وجديّ
ما كل جرحن ينعرفله مداوي = جرحن يطيب وجرح لاطاب رديّ لآ ناحت الورقا بعذب الغناوي = القلب مسرع والهوى مايهديّ ثم هيجت قلبن في صدر الهواوي = يعبر بحور الود لو ماستعديّ مادام ذيب الشوق فالصدر عاوي = ماقوتن فوق البصيطه ترديّ ياصل قبل لا يفوت وقت الحراوي = من قبل طرف العين ترجع تلديّ يم الدروب اللي تجيب النداوي = اللي على فوج الحباري يهديّ من بعد صار الحرف والقلب هاوي = غنأ قصايد فالغزل ما تعديّ بحساس نابع من بحور المراوي = العشق فيه جنون لن كان جِديّ وردن من الطايف وسيف الغزاوي = ويحوفها بحرين وشلون اعديّ من دون انوش الجمر والبدر ضاوي = ناشر سواد اليل من فوق يديّ في ليلتن قالو قصص فالحكاوي = القلب أعلن قال محدن بقديّ يردح فليل العيد عاشق خلاوي = مغرم متيم والرسايل توديّ وكاتم على وده وشاف البلاوي = وأن زاد مآبه حطها في تحديّ وكل ماتحدى كاسبه بالعزاوي = ذخر الحمايل مايبيح لسديّ لآ كاشفن عشقه ولا كان ناوي = من خوف خله مايبادله وديّ لاكن في هذا اليوم يكشف غطاوي = عن بحر جوف صدر بالحيل مديّ ماهو ترى لعبن ولاهو لهاوي = أكبر خطر لا زاد فالود حديّ يرسل لنا شوقن مايرحم و ياوي = صلب الحنايا العوج تنهد هديّ من جرح ناش القب بالحيل كاوي = ياهل ترى من جهل ولآ تعديّ يومن جرحت القلب ولاله خطاوي = وخليت حاله من ترديّ لترديّ أن كان جاهل ويش فالقلب حاوي = ود(ن) لكم كل يوم يشتد شديّ يالين توجكم بي بشت الاحساوي = وعينتكم شيخن وأمرك مبديّ الأرض أرضك والسماء لك سماوي = يامرحبا وهلين ارقى وعديّ انت القمر من حولك النجم هاوي = لنّك في قلبي مالك اليوم نّديّ ولالك بعد فالصدر احدن يخاوي = ساكن في مزنن وبلها فوق خديّ مسموح من خاطر وقلب الاشقاوي = باب العتب عذرك ترى له يسديّ وأن كان متعديّ تراني غناوي = والله لنساكم وغصبن تشديّ لو كان ودك طاوي القلب طاوي = لاجّدكم مثل القناوي تجّديّ ولابد مالقاء لجرحكم من يداوي = يطيب ولايرجع بعدها يرديّ ياهيه انا ماني بي قد الشهاوي = حربي ولد حربي معرّب لجديّ وقت الغزاوي ماغزانا الاعطاوي = لنه يعّرف أنأ على الظد ظديّ وهذي حكاوي من مصادر وراوي = قصه غريبه بين مزحن وجديّ بنيت صدر البيت بحروف ( اوي ) = والعجز مبني (دآل) و(الياء) (بشديّ) وختامها ماني ترى عنك غاوي = لابد تعرف ويش مغزات قصديّ وان كان ماتعلم على ايش الدعاوي = لآ والله الآ ضاع حرفي وجهديّ |
كوكب العشاق
سلام الله على ذكرى ليالي كم لها نشتاق = ليا مرة على بالي تنسني جروح اليوم أعيش فعالمن ثاني رسمت داخل الاعماق = في لوحة حلمي الوردي بريشة قلبي المحروم مادم الصوره الحية ألم وفراق للعشاق = بودع عالم الواقع وبرحل وما عليه لوم الى عالم بدون جروح بدون الآم بدون فراق = يُسمأ كوكب الأعشاق بلا حاكم ولا محكوم ماغير الزهار جوريه ونهرن للعشق دفاق = وجاري عاشق ومغرم وانا عاشق بعد مغروم لخلن صادق فوده يبادلني غلآ وشواق = يسامر ليلي الشادي على نور القمر ونجوم ويبرى جرحي الدامي وينشف دمعي الحراق = ألا ياليت يتحقق ولا يصبح اسير حلوم |
يامرحبا ترحيب هيلن وبنّا = في حلت معبّد هل الفعل والشور اعداد غصنن بالثماري تثنّا = وعداد نجمن فالسماء صاطع النور تنمد لهل الطيب ثمر يتجنّا = في ملتقى شيخن من سلالة نمور شيخن ولد شيخن قصوره تبنّا = مايختلي قصر الوفا دوم معمور لنّه على ساسن جويدن مبنّا = فيه الكرم والجود مدهال مخبور مايوم عن فاقات ربعه تونّا = يفز مثل الحر بالفعل مذكور ياللي تبي اسمه ولي تسألنّا = اسمه ترى مغبش كمالنور مصطور مغبش النتاف والعلم عنّا = ينتف رقاب القوم مايولي اظهور وسموه بنتاف من ماظينّا = من قبل حكم العود لسيف دستور أيام فيها الخوف ماخلفنّا = والمعتدي من سيفنا صار مدحور للمعتدي سل السيوف المسنّا = ياكم مره شبعت سباع ونسور من جيش جانا فالديار امتحنّا = راحو طشاشن بين ميت ومكسور مايدري أنآ لاطعنا طعنّا = واليا عهدنا نوفي العهد مانبور ابوك من بايع موحد وطنّا = فبرق الرغامه والمدافع على السور ويوم بايع سليمان حنا قبلنّا = لنه حكيم الراي وفحكمته دور لو بمدحك ياشيخنا ماوصلنّا = لو كان أغني أيام وليال وشهور في وصفكم تعجز حروف المغنّا = من حيث ماجيلك نبي نكتب اسطور لو قلت ماهما قلت ماتعادلنّا = حتى ولو حايز شهادات دكتور ولو غنو الشعار أنسن وجنّا = غصبن عليهم ياقف الحرف مجبور ديوان كامل وصفكم يملينّا= والعذر منكم كان في حرفنا أقصور وختامها بيتين فيها أتمنّا = ترديد قول امين منكم ياجمهور ياالله عسا كل عام فيها يتهنّا = ونعايدك ياشيخ والقلب مسرور ويستر ملكنا ويحفظ الله وطنّا = من كل غادر راعي اللف والدور |
لفت بي الأيام فــدولابها لــفّ = كل ماصفاء جوي تغير وصوفه الياء فرجة ضيقه تجدد لنا ظرفّ = ماكن صدري غير همه ضيوفه همن على قلبي وهمن على الرّفّ = وهمن يطب الصدر ويحوس جوفه يلوف من جوف الحنايا بلآ شفّ = فالقلب والمعلوق لايف ملوفه من حر مابي اصفق الكف عالكفّ = صبري وصل حدّه وقفل بلوفه اليا متى دمعي على الخد يذرفّ = محدن يشوف اللي عيوني تشوفه طفلن يصيح صياح خّلف المكتفّ = ويمسك ثياب وتنفلت من كفوفه هذي ثياب ابوه من بعد كُتفّ = قوم الغدر والظلم شدو كتوفه مظلوم جوف القيد بالرب يحلفّ = ولاحدن فزعله غير طفله يحوفه يغيّر يم الجمع بي يفرق الصفّ = لو كان يعلم مايفرق صفوفه ماحيلة ماغير دمعه ولآ كفّ = ينهل من موق العيون الهوفه يجري ورى عسكر وبالحيل يلهفّ = كنه يدور للقلوب العطوفه في جمع ناسن مايحسون بالعطفّ = ومخافت الله من القلوب محذوفه مغضوب عليهم والخبر جوف مصحفّ = قران يقرى بالأيات معروفه ومن بعد ماأيّقن ولاحدن له انصفّ = وكُثر الرجاء فيهم ماهّيِ بمخلوفه عدى على مرقاب منه أطلق الطرفّ = يبحث على خالد وسلت سيوفه وكله رجاء تلفي له الخيل عُسفّ = وأظهورها من أهل الجهاد معسوفه ويا الله يامحيي عبادك هلل الكهف = ويامنزل القران وحافظ حروفه تنصر هذاك الطفل يارب تنسفّ = اللي تسبب فروع قلبه وخوفه |
فايز ال محيسن= سلام نابع من بحور الهواجيس = وكلن على ماقيل للجزل صياد ولّم على حبر القلم والقراطيس = يا معّرب الجدين ياذخر الجواد غالي بن ربيعان= يامرحبا ياقــــــايس العـــلم تقييس = ترحيب له مبدى ومعنى وميراد ترحيباً احلى من حليب الجواميس = هات الخبر والعلم ماعنه نشــاد فايز ال محيسن= عسا البقا واللان جوك العساعيس = ومافيه برقن غير قافيـه رعـاد جوف الحنايا العوج دق المراويس = من يوم شفنا شعيل بخطامه انقاد غالي بن ربيعان= الله ولا قرب الوجيه المـــفاليس = ماكل صـــــياد يسموه صـــياد مرافق الغلطان ومطاوع ابليس = فرقاه تحسب ثالث ايام الاعياد فايز ال محيسن= لا والله ألآ ضاع جوف الدهاليس =كنت احسبه صياد واليوم منصاد المشكله لن كان فك المحابيـس = اللي عن ديار الوفا تحكم ابعـاد غالي ربيعان= لن راح لاتندم على خوة الهيس = خله يبي يبطي من عناد فعـــناد وانا ابرسلك عليه الجواسيـس = ويجيك علمه وانت جهز له قياد فايز ال محيسن= ياذيب انا دايم بعيد المراميس = هذي ترى صوره ثلاثي البعاد ماخاوي ألآ كود شبل الأداريس = والآ الردي ماله ترى عندنا زاد غالي بن ربيعان= الحب عذب قبلـي وقبلكم قــــــــيس = سبب له الامًا وسبب له اجهاد بين الضلوع العوج يقبس مقابيس = اقفت به الدنيا قبل ياصل الماد فايز ال محيسن= الخوف من سهم العيون النواعيس =والـود مايـاوي لهيثـم وحمـاد قد قالهـا قدامـي محمـد فطيـس = كيك وعسل والخوف من عين حساد |
يالايمي لاتكثرون النعيقي = مانتم من اللي يثمنون الجزيلات من فضل ربي دام حبلي وثيقي = ما نلتفت في قول عاذل وشمات الجزل معشوقي وانا له عشيقي = ماني من اللي يعشقون الهزيلات مادم حرفي من لساني طليقي = الصوغ من جزل المعاني والابيات اقدح زناد الفكر يقبس حريقي = ونحرق محاصيله ولوكان غابات هذا الكلام الجد وهذا الحقيقي = شرفت ربعي في جميع المجالات يشهد عدوي قبل يشهد صديقي = وألا انت مالك فالجزيلات مدات صدري لك حجازي بسرعه يضيقي = مانحتمل لاجاتني منك زلات مالك قبوليه ولا لك نطيقي = ونجمك ماطابق نجمنا فالمجرات وماهمني ترضاء علي وتضيقي = تشرب بحر ولا بتشرب محيطات مانته من اللي ينقذون الغريقي = ولاانته من اللي ينجزون المهمات انته جبان ولا انت والله رفيقي = يامخلف ظنون المطاليق هيهات تاصل مواصيلي وتسلك طريقي = يصعب على مثلك وشرواك بذات وياحصان ياللي في صهيلك شهيقي = متميزً صوتك على كل الصوات ابك الله الله يالاصيل العريقي = ماتثني عزومك طوال المسافات وانته عنانك فوق سرجك طليقي = ولاعاسفك فارس و كاسب سباقات تارد على عدً رهاوي عميقي = ولا تضيع دروبك ولوكان لفات ولا باقي الآ كل ريعً تويقي = من خوف لايفوتك من السبق جولات لونك كما مزنن نشاله بريقي = والآ خيوط الصبح في ليل ظلامات مير الله الله يالاصيل العريقي = دورتلك فعمان مالك سجلات سعات يغمابك وساعه تفيقي = من بعد مافانت عليك الونيتات ياحصان ياللي في صهيلك شهيقي = اخذ تلي من درس الايام عبرات ان الزهر لاصا مابه رحيقي = ماتجلبه نحل العسل للخليات وان العسل لو طال واضحى عتيقي = يبقاء غذاء صالح ويشفي لعلات |
ماجور ياللي فالحنايا تعليت
ماجور ياللي فالحنايا تعليت = اضحى مقامك فوق ومركزك سامي انت الوحيد اللي لقلبي استحليت = من يوم عينك صوبت بالسهامي اصبتني فالقلب لاكنك احييت = حبً في قلبي من قبل فالعدامي مثل البدر نصف الشهر يوم طليت = أجليت عن عيني سواد الظلامي ويامرحبابك كل ماجيت سليت = سيفك على همومي بكلمة سلامي يفز لك قلبي ليا مني اوحيت = صوتك يضيع وش اقول فكلامي ماغير اردد قول سبحان سويت = حوريةً تلبس عبايا ولثامي في صورتك كل ماتمعنت سميت = بسم الله الرحمن بدرً تمامي ياسيدي وش عاد باقي وخليت = فيك الحلى من هامتك للبهامي الموت كل الموت كان انت فليت = جدايلك مثل اليالي العتامي عينك كعين الحر ليا منكْ لديت = تسلب فؤادي وترتجفلك عظامي ماني بخايف منك ولآ يوم ذليت = ويشهد على ماقول سلت حسامي من زينكم رجفت عظامي ولاوعيت = لك الوله والشوق وكل احترامي الصدر لك منزال والقلب لك بيت = واسمي على لسانك من احلى الأسامي وياوجد حالي كان عني تغليت = تضحى لي الدنيا ظلام وعسامي ماقدر على فرقاك لو يوم لثيت = الصدر يصبح من ولهكم حطامي ارجوك ياخلي ليا منكْ اقفيت = لآ تترك جروحك تسبب الأمي داوي جروحك كان في طبها ازريت = روحت في يدها وعلّي السلامي |
الصد كافر ياعرب ماهو الجوع
الله ولا قلبً من الصد مفجوع = جوف الحنايا له صياح وقريعي يقنب قنيب الذيب عاوي من الجوع = ولاحوله اللي مسرحين القطيعي منسل حاله غير جلدً على ضلوع = ماكنه الآ مثل شوك النقيعي هذا ترى قلبي من غيابك اسبوع = ياللي مقامك فالحنايا رفيعي لك الوله والشوق فالجوف مزروع = ماهو تصنّع لا وربي طبيعي راع الهواء عنه القلم صار مرفوع = الشوق جندل قيس اضحى صريعي الحقْ ترى خلك من الشوق مصروع = حث الخُطاء يمه وخلك سريعي باب العتب بين المودين مقروع = واللي شرع فالصد طبعه لكيعي والله لولا الصوت لناس مسموع = وخاف شرهت مانعين المنيعي اللي منعو حاكم من العرش مخلوع = اهل الوفا ماضيعوله صنيعي اني لاصيّح بعالي الصوت بدموع = من موق عيني مثل شمعً يميعي لا ياخليلي القلب لا تلاوعه لوع = فدنيا الهوى توّه صغيّر رظيعي مادام له أسمً مسجل ومطبوع = ماظنتي بهذي السهوله تبيعي ياعنك ياقلبً من الصد مفجوع = وبينك وبين الخل سدً منيعي الصد كافر ياعرب ماهو الجوع = ويشهد على ماقول حال الرظيعي |
هذي قصيدة الشاعر القدير بخيتان البشري قالها في حفل قبيلة الحلسه من معبد في لعيد الضحيه وقال فيها
بسم رب العالمين الحي ذو القـوه المتيـن =الله المعبود ما نسجـد لغيـره مـن احـد أبتدي بأسمه وأحمده حمد من له شاكريـن =شكر عبد أنعم عليه الواحد الفـرد الصمـد وأطلبه في ماقفي توفيق وإنه لـي يعيـن = وأبلغ اهدافي بفضله ما أحسب حساب الجهد غايتي كسب الجمايل مع وجيـه الطيبيـن = ومايخيب اللي على ربـه توكـل وأعتمـد ياسـلام الله عليكـم كلكـم يالسامعـيـن = عد من صلى وصام وعد مـن قـام وقعـد جاتني دعوة كريمـة وصلوهـا الغانميـن = وعادة اهل الغانمة لاجـو جوكـم فالوعـد ياهجوسـي بالمعانـي ارسلـي لاتبخليـن = واقطفي دُر الحروف اليوم مالك عـذر ابـد في حفل ربعي معبد احضري لـي السميـن =بيضي وجهي خوالي شوفهم يـوم السعـد ربعةٍ تاريخها تاريـخ مجـد وعـز ديـن = من عصورً ماضيات المجد يولد بعد مجـد ماختلف تاريخهم في وقت عسر وقت ليـن = في علو الحيد في رؤس الحجا يامن نشـد والتقدم بالشكر في حفلكـم لكـم اجمعيـن = والعذر لو كان شعري ماوفى فيكـم وسـد وأختم اقوالي بصلاة الله على الهادي الامين = احمد اللي نص أسمه فـي كتـاب الله ورد ردي على قصيدة الشاعر القدير بخيتان البشري وقلت فيها
بسم خلاّق البشر من نطفةً ماءً مهيـن = مستوي فالعرش يعلم كم عابد له سجد رحمته تسبق عذابه رحمةً بالمسلميـن = يغفر ذنوب الموحد رحمته دايـم مـدد ابتدي بأسمك وبأسمك ياألهي نستعيـن = يا أله الكون يارافع سمـاه أبلأ عمـد ويا ألـه المسلميـن التايبيـن النايبيـن = رحمتك ورضاك مطلب من قبل بيت الحد والله أنآ مذنبيـن وعارفيـن مقصريـن = فالصلاه وفالصيام والخطايا ابلا عدد ياإلهي رحمتك و الحقنا درب الصالحين = قبل لا روحي تغادر و تشهد اعضا الجسد من بعدها ياهجوسي هاتي الجزل الثمين = ضيفنا حرً وحش مقدام مشهور الهدد صايد وصيده سمين واجب انرد السمين = اجتهد ياهاجسي مادام حرفـي مستعـد شايفين و سامعين وياهلا و مرحبيـن = عد وبلً منهمر وعـداد مـادن الرعـد مرحبا في مرحبا ياعز منهم واصليـن = للنجوم العاليه من طيب خال وطيب جد جيتنا في حفلنا من شوفتك مستانسيـن = يالاصيل ابن الأصيل ويالأسد شبل الأسد يالبناخـي لاولا ولابعـد مستغربـيـن = دام من بشر السعد فانت تبشر بالسعـد الوفا في طبعكم ماروث مع مر السنيـن = ماختلف هذا الولد دام الولد عقب ولـد ساس قصرً ماختلف شيّد على الظلع المتين = يا بناخي ويا رحيم وياشهد خالط شهـد ماختلف في جودته من شمع واحد ذايبن = واشهد ان الطيّبه ربعك لها ذخر وسنـد والنعمّ ياللي على درب الوفا متعاهديـن = وللعداء نارً تلظـى كنهـا حبـلً مسـد وصلات ربي عد منهو فالمساجد راكعين = على نبيً مايخون العهد والمولى شهد |
هذي القصيده مني مرسله لشاعر القدير عبد الله محمد البدراني الحربي اقول فيها
ياهاجسـي هيـا معانـا تـولّـم=باغيك في طرقه نقضي بها شـان مـادام حرفـي فالحنايـا يتدإحّـم=وانا على عجله وبالحيـل عجـلان يهمنا كيـف الجزالـه مـع الكّـم=انقا جزال القـول لولـو ومرجـان ماهو علـى ماقيـل جيـت اتعلّـم=فارس مجرب في مياديـن فرسـان لاقلت حربي قالـت الطايلـه سّـم=في عزوتي مسروح مع سالم اخوان عمري لنا محزم على الطيب نعـزّم=ومعبـدي لاثـار فالجـو دخــان عسكر بارود اثقـال مزنـنً تـردّم=وقت الطلب نقدم على الموت بجنان هذي خصال فحرب تجري مع الـدّم=يشهد لنا حاضـر وتاريـخ جـدان اليا قطعنـا عهـد نوفـي ونلـزّم=اقلوبنا بيضـاء وننسـب فعدنـان هذا ترى موجز ومن شـان يعلّـم=اللي لفانا محترم جـوف الاعيـان يارد علـى عـدً رهـاوي كزمـزّم=ونعامله بحسان مع مـر الأزمـان واللي لفـا للقصـر نـاوي يهـدّم=يقتش من سيلً طمر فـوق حـدان ومن بعدهـا منـي تحيـه وسلّـم=من طيبها ترجح على كـل ميـزان سلام ياقصرً علـى الطيـب صُمّـم=له الكرم والجود رمـزن وعنـوان مزبـان للمظهـود ولافيـك يظلّـم=لهل العدل مدهال ياقصـر بـدران وسـلام ياجعلـك لنـا دوم تسلّـم=من كل مكروهن ومن كل عـدوان نعميـن ياحربـي ونعميـن ونعّـم=اقولها من خاطـري لـك نشطـان ماني مجامل لـك بالـرب نقسّـم=تستاهل الجزلات ياضلـع ورقـان وختامهـا صـلات ربـي وسلّـم=على نبـيً بلـغ النـاس بحسـان هذا رد الشاعر القدير عبدالله محمد البدراني وقال فيها
حي الهجـوس اللـي لفتنـا تـرازم=عداد مايهمـل مـن المـزن هتـان مـن خاطـرٍ مرتـاح والله يعـلـم=يفرح بمـن جالـه ولاهـو اْبلشـان والشعر لـه عنـدي مكانـه ومعلـم=له بالخفوق احقوق معنـى وبنيـان ان مادعاني جيـت يمـه ومـن يـم=نزعب ولانـي فـي قوافيـه بحـلان اغوص غباتـه ويـارد علـى جـم=عـدٍ رهـاوي ماهـرٍ فيـه باتقـان ولي عزوةٍ انعم بهم مـن بنـي عـم=حرب الحرايب سعد من جو له اعوان سقم الضديـد وللخـوي دوم بلسـم=حنا هل النخوات فـي كـل الاحيـان خوينـا والضيـف يكـرم ويحشـم=واللي ايتحدانا على طـول خسـران تاريخنـا ناصـع بالامجـاد تـمـم=من عهدنـا الاول الـى عهدنـا الآن نـوف الحقـوق وعندهـا مانتلعثـم=ناخذ ونعطي حق مـن دون نقصـان وحي التحيـه مـن كريـمٍ ٍ مكـرم=اللي بعثهـا لـي بمسـكٍ وريحـان مع جوهـر المعنـى بقـافٍ منظـم=يسوقها فايـز واغنـي بهـا الحـان من بينا تبقى وانـا قـول لـه تـم=باللي يبيه ان ساعف الوقت وان شان والله فلا اسفـه واحـدٍ لـي يزهـم=بالقاف والمعنى ومـن كاينـن كـان لاشك ابـو ماجـد حشيـمٍ محشـم=من العزوة اللي للفخـر دوم نيشـان اللـي فعايلهـم اتنومـس وتعـلـم=خطلان الايدي في كل حـزه وميـدان هم معدن النخـوه وللطيـب منجـم=والمـدح يزهـي للمعابيـد ويصـان اهل الوفا والطيـب واهـل المكـارم=نعمٍ ٍ بهـم وانعـم بفايـز كحيـلان واختامهـا اللهم صـلـي وسـلـم =على النبي المصطفى نسـل عدنـان |
هذي القصيد كتبتها في ملتقى حرب الرسمي ورد عليه الشاعر القدير بخيتان البشري اقول فيها
سلام يامجلس على نهج الاجداد=لاشك ماتخلـو مـن الشاذليـه هاتولي الدله وشاهـي و بـراد=وهاتو عشايه مثل عيد الضحيه اليوم ياصحابي على الملح والزاد=أشرح لكم بعض المعاني الخفيه اللي لها فالصدر بـرقً ورعـاد=والمزن مردم فوق نجد العذيـه النجمه اللي مشغله بعض الافراد=لاشك ماهي من نجـوم الثريـه مادام تفتح باب ناقـد وحسـاد=فالمجتمـع تظلـم نوايـا بريـه ياجعلها ماتعود لديـار الاجـواد=باسج عنها في شروح القضيـه يامجلسً فيك العدل جيت نشـاد=ابغا علوم اهل الوفـا والحميـه فيني هواجيسً وبحـرً وصيـاد=وفيني حروف الشعر والأبجديـه وفيني ملك مالك ومملوكه الظاد=يشوم عن نهج العلـوم الرديـه يدور الجزله مـن بـلاد لبـلاد=لو كان مايرحل يحـث المطيـه الشيخ قوقل مايقصر فالأرشـاد=كريـم يمنـا شهرتـه عالميـه حنا فوقت العولمه وكثر الاعـداد=والنـت والابتـوب والنرجسيـه هـذاك نجـارً وهـذاك حــداد=وهذا ولد دنـدون مافيـه زيـه ودنيا تقلّب كل يـومً لهـا مـاد=راعي الحساني ينجزي بالخطيه وهذا الرد من الشاعر القدير بخيتان البشري وقال فيها
يامرحبا ياللي علـى الطيـب معتـاد=حياك فـي مجلـس رجـال الوفيـه اقلـط بـدارك والمباهـيـر وقــاد=من تحتهـا جمـرٍ بـه النـار حيـه يالصاحب اللي جيد الساس لك جـاد=حسب الذي حبر القلـم جـاب طيـه ياللي بديت الحـون قافـك والانشـاد=شـرح المعانـي بيـن ذيـه وذيـه النجمة اللـي بازغـة مالهـا اسنـاد=لـولا المجامـل ماتبـان الخفـيـه العلـم لـه فُقـاد والـدرس نُـقـاد=إن كـان شافـوا مانكتـب فالشكيـه وانتـه عليـك آمـال ياذيـب عُقـاد=ومثلك كفـؤ مـن يعرفـك واهنيـه ما يتفق ضدين فـي حكـم الاضـداد=لابـد مـا نحسـب لضـد وخويـه وكان المعاني ما لهـا حـرف جـلاد=ماتنعـطـى نجـمـة ولامزهـريـه والكـل شاعـر قـاف والـورد وراد=وجـزل المعانـي راح عنهـم نحيـه وكلٍ علـى مدلـول فكـره والايـراد=اللي غرف مـن جـم واللـي ركيـه ومن لابفكره فـاد لـو جـاب مافـاد=ياخذ عـواري حـق غيـره عطيـه وترى العدد فـي وقتنـا قـام يـزداد=لكـن ابـو نيـه بهـا فـاز نـيـه ومـادام للمشـروع داعـم وسـداد=ياكثرهـم وسـط البلـد سمكـريـه شعرك يا ابو ماجد على روس الاشهاد = جـزل المعانـي لـك عـدودٍ رهيـه |
هذي القصيد مني مرسله لشاعر القدير سعد المحمدي وقلت فيها
مايشيل حمّل شعيل عشرين مفـرود =من وقتنا الحاظر وعصـرً قديمـي مال الحمول الكايده غيـر صمهـود =اللي يشيل الحمّل صبـره عظيمـي ياهاجسي انقاء المزاين مـن الـذود =خبري بذودك مثـل ذود الطهيمـي اليا عرضت جوف المزاين لها زود =فالمركـز الاول بـهـا تستقيـمـي محميـةً عـن كـل ناقـد ومنقـود =مادام حرف الجزل وسمت وسيمـي عدّ الوفا لهـل الوفـا دوم مـورود =منهم سعـد يالسعـد فالـه حشيمـي شاعـر مفـوه فالمياديـن مشهـود =له حرف عاشق للجزالـه حكيمـي نعمين ياسيفً على الحـق مجـرود =سيفً مضاريبـه بحكـم الزعيمـي وسلام يالشاعر ترى اليوم مقصـود =مثلك يعرف القصد ماهـو غشيمـي حرً ولك منزال فـي عالـي النـود =واليوم في منزلك وضعـك سليمـي باسالكم عن علّم حاظـر وموجـود =ونبغا الإفـاده يالخـوي فالصميمـي مثل( السحاب اللي معه برق ورعود) =يسقي وحيـي كـل عـودً هشيمـي كان البخت والحظ عيا بهـا يجـود =لآ شفت نوض البرق قلنـا كريمـي ولامن تبين بيـت مبنـي ومهـدود =امهندسه مخطـي وجابـه حطيمـي انعاتـب المخطـي ونرميـه فقيـود =والآ نسيبـه فـي بلدنـا مقيـمـي هذا رد الشاعر القدير سعد المحمدي وقال فيه
يامرحبـا عـداد ماهبـت النـود =والذ من تمر الحسـا والقصيمـي ببيات شاعر بين الاجواد محمـود =راجح عقل شهم وشجاع وحليمي بقسم القوافي له بصامات وجهـود =مشرف مثالي كل نهجـه قويمـي ربعه هل الردات لاثـار بـارود =ياما وياما نزحـو مـن غريمـي لهم مواثيـق وقوانيـن وعهـود =في رايهم مايشاركون الحريمـي يافايز الدعوى بها نزول وصعود =لقيت من ضمن السيوف القديمـي شوفي بعيني ياسند كل مضهـود =ياكبرها مابين ضيـف ومقيمـي من جابها عساه مايكسـب الفـود =ماسدت الرقعـه فتـوق اليديمـي عساك تفهم كل غايـه ومقصـود =مبغاك تحت السين تبحر بجيمـي خل الطريق اللي مشيناه مسـدود =عن شرهة العاقـل وذم اللئيمـي وعن ماذكرته عالج الوضع بركود =عشان ماتبلـش بواحـد سقيمـي تبلش يافايز فيه بالسـوق والقـود =غشيم في شعب المشاكل يهيمـي ماتنعدل ياصاحبي عوجة العـود =صياف قبلـي قالهـا للعصيمـي خل التعامل يالمحيسن له احـدود =قبلك تعب دكتورهـا والعميمـي |
القصيدة بدع من الشاعر / ابن مريع= يافايز محيسن ترى الطير لا هـد = عن هدتة ينبيك ريـش الحبـارى ما ينعرف لة مزح دايم على جد = وليا طلبتة ليـل جـاك النهـارى من سرعتة لا فز يبـرق ويرعـد = كنّة عن الانظـار قـام يتـوارى واليا نوى الصيدة ترحم على الضد = تصبح كبار القوم بعـدة صغـارا جتنا طروش ٍ جابها الجزر والمد = من بعد ذاك الموج جاة انكسـارا يعطيك بيتين ٍ ولا يعـرف الـرد = وليا استشرتة ما عطاك استشـارا يبغى يتسلطـن ويتمكـن وينعـد = حتى تصفق لة كفـوف العـذارى كل ما بنى بيتة على راسة انهـد = ما يدرى ان الساس اصل الجدارا وانتةرجل من حرب ومعرب الجد = الراس عالى والعرب بـك تمـارا تشهد لك الايام والوقـت يشهـد = انك جويد الساس نمـر النمـارا كسرت رجلٍ حاولت تقرب الحـد = وخليتهـا يـم المغيـب تبـارى وافهم كلامي عينهـم يمـي تلـد = وتقدح من عيون الشعر لي شرارا خليتها تمشـي وتاقـف وترتـد = وذوقتها من لاهب الشعـر نـارا الرد / من فايز المحيسن = يابن مريع مرحبابك ونسعد = في شوفتك ياحر ندفع بشارا لك منزلً عالي ولا يصله حد = فالمركز الاول وصاحب صدارا ماهي غريبه دام من حرب تنعد = شيخً ولد شيخً وساس الامارا صيتك وصل والفعل لصيت وكد = مطنوخ راسً مشتهر بالنعارا صيدك جزيل الصيد دايم تركد = اليا نويت يم الحباري بغارا لإم الشحم تدمي وتارد على عد = عدً رهاوي منعرفله قرارا الشعر له مغنى ومبنى ومقصد = ولآ على ماقيل شعره خسارا ركابت البابور بياحت السد = فالحوض ماتركب في جوف الغمارا مادام ياصاحب عن دارنا شد = مانبش المقبور جوف المغارا خله على ماقيل يبعد ونبعد = فرقاه تحسب راس مال وتجارا ان كان ولآ علمهم جدله جد = ابشر بوقفه تذهله بنبهارا مايهمكم لو كان سيله تهبد = في بحرنا سيله ماله من اثارا خذ الوعد مني وغصبً بيركد = يامركز الشيخه وساس الامارا |
البارحه جاني هاجوس انتحاري = يقدم وما يهاب المعاني الخطيره متحزم بناسف حزام انفجاري = وفجر ينابيع الحروف العسيره يا حظرة الشعار حالة طواري = استنفرو جات المزون الغزيره اللي بها برقً قشع فالغداري = واضحى نصيف اليل كنه ظهيره مستاقته صلف الهبوب الذواري = والخوف لاجات السيول الشهيره اللي طمرت جده بوقت إلظهاري = بلمح البصر راحة نفوسً كثيره سيلً عرم مسرع بسرعة فراري = وما صادفه مجرى وسدً يديره ومجرى السيول اصبح مخطط تجاري = مشروع سرقه معتمد من مديره والمشرف اللي يدرج فالحواري = اتلاء الدوام يروح مدهون سيره ماهمهم يا كود جمع المصاري = والمشكله لن كان داري وزيره تحرصو جتنا السباع الظواري = وكلً على ماقيل يشعب بعيره الوسم قرب جاكم النو ساري = وجده تحت تهديد سد البحيره نسمع ماشاريع وتطور حضاري = واخبار تنقل من قناة الجزيره وحنا ماشفنا غير هدم الكباري = والهدم مايرد السيول الحديره يبغالها مشروع صرف ومجاري = وإلا تقفل بالسدود الكبيره وما يسلّم المشروع يد البخاري = ويروح تنقيط لعفاف وسميره وما بات في بيتي ولا يبات جاري = اراقب المنشى عيوني سهيره واللي يبي درب السلامه حذاري = حذراه يُسمع وسط داره شخيره الوسم قرب جاكم النو ساري = وجده تحت تهديد سد البحيره |
للمعارض رحت ثم بعـت الونيـت = لشريـطـيـه عـلــى أرخـــس ثـمــن لا جدلـت ولا خذيـت ولا عطـيـت = لـنـي مستعـجـل وسـابــق لـزمــن دافــع الـعـربـون والـنـيـه شـريــت=مـن وكـالاة الجزيـره لــي يـوكـن مــوتــرً كــلـــه حــركـــات اتـكـيـت=وحش فخطوط السريعه والمـدن لايــقً لـيـه لـيــا مـنــي اسـتـويـت=فـــوق مـهــره كاسبه سبق الحصن كاشـخً بالجـنـز طيحـنـي لقـيـت=لــه بـلـوزه لاصـقـه عـلـى الـبـدن اتمشـى فالبحـر واسـكـن سـويـت=فيـه ابقضـي بـاقـي ايــام الـوكـن واختصر في كلمتي لامـن حكيـت=كـنـي في بـاريـز سيـتـي لــي سـكـن وانسـا كـل اخـوان بـدوه كنبلـيـت=واتبـرى حتـى مــن خــوّت حـسـن لازهمني قلت اسف عندي ديـت=ماني فاضي اقنص الوبر العفن كــان زودهـــا نـقـلـه وش بـغـيـت=سيبني عايـش فـي جنـاتً عـدن مع وليـف القلـب غيـره ماهويـت=ساكن فقلبـي وصـدري لـه وطـن واحمد الله من منامي يوم صحيت = وان ونيتي جنب بيتي مصفطن وسالت دموعي من الفرحه بكيت = يوم أنا مثل مأنا صاحب حسن " ملاحظه هذي القصيده او الابيات من باب المداعبه والا انا افتخر بخوان بدوه اللي انا منهم ولا عمري لبست الجنز واسم حسن اللي في القصيده انا اقصد الشاعر القدير حسن بن مساعد المعبدي ( عاشق المقناص ) ابومحمد |
اليالي تنطوي جوف الشهور = والمقابر ما ترد ضيوفها كم حياً منزوي جوف القبور = وكم ميت فوق الارض يلوفها السعه والضيق دايم فالصدور = وما تشابه البشر فضروفها ما يدّنق من سنامه غير ثور = والضعافه ما تكب ضعوفها ليت لي سلطه على الناس الهتور = ثم اقص لسانها و كفوفها حتى لانبلش بها غدت نحور = والعرب ترتاح من ملقوفها المعاني تنقري بين السطور = قلّ منهو يعلم اللي جوفها والفلك دوار و ايامه تدور = والعرب نحفظ لها معروفها انت ياللي تغني عن كل الحضور = طلتك ي جعّل دوم اشوفها انت مصدر لسعادة و السرور = و زلتٍ لاجات منك اطوفها |
يا الله ياللي فارض الحج و الصوم = يا مّرسل محمد نبيً بالاسلام يا هازم الأحزاب يا مفرّق القوم = يا عالمً وش داخلً جوف الارحام ارفع يديّ ودعيّك يا حيْ قيوم = أن تكفنا من فتنت شرور الايام حنا في وقت العولمه لعبة الروم = بالفيّس بوك والنت وحروب الاعلام ينعق غراب البين مع طاير البوم = وغاصت شعوب العُرّب في بحر الوهام طاح النظام وصارو احزاب وخصوم = ونار الفتن شبة وثارة باللغام الشعب لاحاكم ولاهو بمحكوم = وكم دولةً للعُرّب من دون حُكام الجدر ماله ظل لاصار مهدوم = والبيت مايحمي وهو كومة حطام والسيف مايبتر ليا صار مثلوم = والخيل ماتعسف بلا سرج ولجام و الحر دون جناح فالجو ما يحوم= و عُمر الاماني ما تحقق بالاحلام مكتوب فالقران والأمر محسوم = لاعزّةً للعُرّب من دون الاسلام انا اشهد ان الدين واضح و مفهوم = ميّر البلا من ناس بانت من العام تلبس لباس الدين والدين معصوم = من ناس تعّبد للقبوره والاصنام انشاهد الصورة ونسمع على علوم = وبانت نواياهم بعد موت صدام ضحْكو عليهم فرّس لا دين وسلوم = وباعو لهم بغداد واليوم خُدام و فارس لها اطماع وامال وحلوم = طمعو في بحرين العروبه مع الشام وهيهات ياماجوس مادام زيزوم = خادم بيوت الله حيً ومادام احلامكم ابعد عليكم من نجوم = رد المنامه والمحرق بعد حام صقر العروبه ردها وقال مرسوم = لك يوم يابشار والوعد قدام ما تخاف ربك ولابعد قلبك رحوم = قتلت شعبك صرت حاكم على ايتام مادام ضلّامً ولادام مضلوم = لو طال ضلمك يوم وشهور وعوام لابد ماتنهار ولابد لك يوم = تندم وما فاد الندم عظ البهام صقر العروبه ياعسا عمره يدوم = يبقا لنا اعوام وعوام وعوام شعب السعودي عاشقه عشق مغروم = له الولآ صدّقً ماهو كذبة افلام انا اشهد انّه قرم عاهل على قروم = حاكم عدّل فالحكم يرتاح لا نام وشعبه يبيع الروح من أول السوم = لجل الواطن والدين ومن شان ضرغام |
صاحبي ياصاحبي انكشف عنك الغطاء = واتضح فايز غشيم فاهمك فهمً خطاء يوم ينادي للهوى ياهوى زور الحبيب = الحبيب الإولي تايهً متلخبطاء كنت حادر لشعيب واحسب اني مسّنده = وانت راسم لطريق خط سير مخططاء في فوادي دولةً كم سنه تحتلها = كم خذيت وماعطيت ولانبـي رد العطاء كنت نبضات الخفوق مثل شريان الحياه = مسكنك عندي عّلي ماتنّزل فالوطاء موهمنً قلبي سنين عايش فحلم وخيال = صدّقك ماشك فيك لحضةً طول البطاء وانت توهم للجروح انك انت الطيب = وانك انت الدوىء وانت شفرت مشرطاء كيف عيني شافتك نور جلاي الظلام = وانت ليلً سرمدي شوكةً تحت اللطاء ياعساكم صيحتً في قفى ذيبً عوى = وياعساكم تذلفون مع مراويح القطاء |
عـــزي لـرجــلً ســـاس بـنـيـه تـهـايــل=شـقــا سـنـيـن الـعـمـر قـدامــه انــــزال رجـــلً كـريــمً مـــن عــيــال الـحـمـايـل=انـهـار قـصـرً كــان للـجـود مـدهـال والـــحـــظ لامـــنّـــه بــــــدى فـالـتـمــايــل=مـافـيــه حـيــلــه دام مــاهـــو بــرجـــال هــذا زمـــنً فـيــه الـعـجـب والـهـوايـل=وقـتً يخلـي العقـل فالـكـف ينـشـال فـيـه الـكـذب جـايــز وفـيــه التـحـايـل=والرجـل طيبـه كـثـر مايمـلـك امــوال وكــــــلاً يـــبـــرر غــايــتــه بـالـوســايــل=والـلـي مـعـاه ريــال يـســوى لـــه ريـــال والــيــوم ويــنــك يـاعميــل الـجـمـايــل=ياللي بطيبك صرت مضرب للامثال والله لـو تــدري وش القـلـب شـايـل=لك من معـزه تكفـي اجيـال واجيـال مـــاكــــان تــتــاخـــر بـــــــرد الــرســائـــل=ولاكـان تتركـنـي وانــا حالـتـي حــال |
من وقتي القاسي ومن حظي الشين=حــاولـــت ادورلـــــي مـــــلاذً و لاكـــــن عجـزت للقـى مسـكـن يـضـم الاثنـيـن=وعـجــزت لـلـقــى يـاجـروحــي دواكــــن كم مرتً نمشي علـى الشـوك حافيـن=بسـبـابـهـا صــــارت عـيـونــي تـبـاكــن ويادمعـت عيونـي علـي ميـن تبكـيـن=مــاعـــاد بــاقـــي فـالـقــرايــا مــســاكــن فــي مـاضـي الأيـــام كـنـتـي بسـاتـيـن=والــنــهــر دفــــــاقً بـفـيــضــه رواكــــــن والـيــوم مـــات الـــزرع بـعــد البـراكـيـن=والنـهـر جــف الـلــي بـعـذبـه سـقـاكـن ماكـنّـه الآ جـــوف صـــدري طـواحـيـن=ولاكــنّــي الآ عــايـــش فـلــيــل داكـــــن هــدي عـلـيّ ارجــوك يـاداعـج الـعـيـن=جرحـك سكـن صـدري وفالقلـب ماكـن خـلآ الجـروح اللـي فصـدري عنـاويـن=لــلــذكــريــات الــبــاقــيـــه فـــالأمـــاكـــن في صفحة الذكرى بتبقـى لـك سنيـن=اذكــــرك لا مــريــت ذيــــك الـمـسـاكــن |
دفاق من صدق الاحاسيس يرويك = يسقي عروق الحب من خوف تذبل [/quote]يامن تناجيه المشاعر بيرضيك = الياس في جوف الأماني تسلل أسهر طوال اليل والعين تبكيك = والشوق لاوعني وانا ماتحمل في غيبتكْ نسأل وفكري يناديك = يرسل مكاتيبه بالاشواق تحمّل ياللي أسرت القلب أسمع محاكيك = خبري بقلبك ماتربآ على الغل من رفعت أخلاقك وطيبة مباديك = عقدً من اليسمين وكليل من فُل شاعر وتسمو ذايقتكْ ومعانيك = في سحر الأبداع البيان الُمأصل لله در الحرف لا سال من فيّك = مثل العسل لاوالله احلى وأجمل بالمختصر مأحدً بيقدر يجاريك = فارس على بدع المعاني مُبجل في زينكم تعجز حروفي تحليك = البدر من زينك ليا طل يخجل جتكْ الموده ياعساها تكفيك = وتبغا عيوني مانردك تفضل اطلب تمنا ياخليلي ونعطيك = حتى ولو روحي تبيها مانبخل ماني ترى ناسيك والقلب مغليك = ياللي من غيابك خفوقي تبرجل احيان اقول أصبر ياخلي واوريك = قلبً من صدودك عليكم تبدل ننساك نطوي صفحتكْ مع لياليك = ميّر الصبر عيا معانا يجمّل وشلون الوم القلب والعين تبكيك = والقلب من جوف المعاليق منتل يازين ما حبك انا ميتً فيك = لازلت ساكن في خفوقي وتحتل كل المشاعر والاحاسيس تغليك = ارجوك لاتزعل علينا وترحل ارجوك لاتزعل علينا وترحل= ارجوك لاتزعل علينا وترحل= ارجوك لاتزعل علينا وترحل= ارجوك لاتزعل علينا وترحل= ارجوك لاتزعل علينا وترحل= ارجوك لاتزعل علينا وترحل= وان كان ناوي للمفارق أبهديك = هَّديةً عبر المضاريف تُرسل بهديك قلبً منجرح من تغّليك = اخذه مع اغراضك بعدها تسهل اخذه مع اغراضك بعدها تسهل= اخذه مع اغراضك بعدها تسهل= اخذه مع اغراضك بعدها تسهل= |
يخـطـي ونـدمـح ونتـعـوذ مــن بـلـيـس=مانـي علـى درب المشاكـل عجـولـي لامـشــغــلاً بـــالـــي بــــــدق الــمــراويــس=ولا مسـتـمـع فـالـلـي يــــدق الـطـبـولـي كــل مايظويـهـا عـلـي راســه الـهـيـس=يـاخــذ كـــلام الــنــاس ويــقــول قــولــي يقول انا الشاعر وعندي احاسيـس=وايـقـول انــا مـبـدع ولاحــدن بـحـولـي لاسعـد بـن جـدلان ولامحمـد فطيـس=مـــاهـــم بــحــولـــي ولابـــعــــد قــربــولـــي مـاقـول غـيـر الله يعـيـن التـضـاريـس=دامـك جبـل وشلـون عـاد السهـولـي الـيـوم يالـمـوهـوب جـتــكْ المحـابـيـس=اسـبـاع فــي جــوف الحـنـايـا تـجـولـي هـيــا تـريــح يـاهـجـوسً مـــن الـكـيــس=مــانــي مـجـمـلـكـم بــقـــول مـعـسـولــي الـشـعـر يامسـكـيـن مـاهــوب تـدلـيـس=-لاتحـسـبـه يـنـشـال جــــوف الـحـثـولـي ماهوب شاعر من تسلف هواجيس=اخــــذ الـنـصـيـحـه يـاغـشـيــمً جـهــولــي الناس تعرف ويش خلّف الكواليـس=حـنـا فــي وقــت العـولـمـه يامهـبـولـي الشيخ قوقل مـن رجـال العساعيـس=يفـضـحـك يامسـكـيـن عـنــد الـزحـولـي هـدي علـي نفسـك ومانـتـه فبـاريـس=حــنــا نـعـرفــك زيــــن لــــو تـسـمـحـولـي دوبــك شـويـعـر مـاتـعـرف المقـايـيـس=حــتــى الــغــزل مـاتـكـتـبـه بـالاصــولــي خـــلـــك قـــريّـــب لـلـنــظــر والـمـرامــيــس =أخــذ السهـالـه مامـعـك مـــن حـلـولـي ينقصـك يالموهـوب عامـيـن تـدريـس =مـــن دون اجـــازه كـلـهــا فالـفـصـولـي حــتــى تــحّــرم مـاتـجـيــك الـوســاويــس = ماتسرق احسـاس الرجـال الزحولـي |
شفت العشب فجأه تحول على قشاش = من لآهب الكنَّه تبدل حطيبي كل مالمع برق الحياء جيت طراش = أسوق رجلي فالزمان الكأيبي يالين جتني مزنةً وبلها رشاش = زاد الثعول وسال منها الشعيبي إخضرت الديره وكل الشجر عاش = واضحى لها منظر رهيب وعجيبي ثم جاني الهاجوس للحرف محتاش = كني أديب الحرف غازي القصيبي احدن لامنّه جابها جابها ماش = واحدن بيخطي للهدف ما يصيبي وإمُآ أنآ لاجبتها جبتها كاش = اغيض فيها اعدايْ وارضي حبيبي يا حب متربع على القلب و الجاش = انته وليف القلب واقرب قريبي ان غبت عني صرت محتاج لنعاش = وان جيتني انت ادويّ والطبيبي كنا سوات الطير نبني على أعشاش = ماتغيب عن عيني ولا كنت اغيبي واليوم اشوفك ياهوى البال منحاش = كنك تبي شمس الموده تغيبي ماتدري ان القلب إبيض من الشاش = مايحتمل نارً سنآهآ لهيبي يابو ثنايا نورها لمعت أفلاش = يسترك ربي من عيونً تصيبي الجرح موت الجرح لاصار مناش = من عاذلي وآشيب عيني وشيبي حتى ولو اني طريحً على فراش = لي عزتن يم العُلآ تعتليبي ماني ردي افعال ولاني بعد لاش = ولاني من اللي يغدرون الصحيبي ولاني من اللي مدور جدال ونقاش = يرضيني المكتوب وارضى بنصيبي واللي خلق هالكون ماني بغشاش = أقسم وانا صادق وربي حسيبي |
اخطيـت ماوضحتلـي كامـل الـشـرّح=واخطيـت يـوم إنـك تهمـل جـروحـي مـن طعنتـك نسيّتنـي طعمـة الـفـرّح=ياليـن تـاهـت ضحكـتـي والمـزوحـي وخليتني مسجون فـي عالـم التـرّح=حـتـى الأمــل مـالـه بــروقً تـلـوحـي صحيـح انـا أكـابـر ولا بـيّـن الـجـرّح=ميّرالجروح أتبـان فـي حـرف بوحـي كل مانويت اروض الحرف فالطـرّح=وأغّـيـر أسلـوبـي وأخـبـي وضـوحــي وأنسج من افكاري سعاده لها سرّح=أفشل لإنـي أكتـب أحسـاس روحـي |
الساعة الآن 01:02 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir