هذه مجموعة كسرات :

شعر / سعد بن جبر الجحدلي الزبيدي

صباح يوم الصباح اشرق=وأنا عيوني تخيل إصباح
غامت وثار الرعد وابرق=برّاقها و المصيّح صـاح

***********

كم لي و أنا الروح قاردها=مع ناس ما هُم سواة الناس
واللي عيونـي تناظرهـا=لفتة هدبها ذهب والمـاس

***********

غدير المحاسن

ما لوم من لا عرف قدرك=وانتي غدير المحاسن منك
لو القمر يكتشـف أمـرك=يترك فضاه و يجي يسكنك

****************

ذكرى

لا شفتني مبتسـم فرحـان=لا تحسب إن خاطري سالي
لكن مـرت كمـا الهتان=ذكراك في صحصح خالي

**********

أنا كمـا الدمـع لعيونـك=ليتك عن الحال تدري بـه
احمي من الذاري جفونـك=وأنته على الأرض ترمي به

***********

كانـت تلـم الزهـر لـيّـه=وكنت أنا عطرها اللي يفـوح
سمعـت كـلام الحسـوديـه=وراحت كما الروح يوم تروح

***********

مرّت سحابه وبـرق نـاض=وهلّـت مطـر بلـل ثيابـي
وبالماء بعد فاضت الأحواض=عجزت لأهنـاء بمشرابـي

***********

أغــلال

من عام الأول الى ها لحين=وأنا انتظر طلـة الغالـي
اللي أسرني بلحظة عيـن=ما فك يدي مـن اغلالـي

****************

يا من زرع فالحشاء جمره=وانشا سحايب شكك وضنون
لو قلت لك طابت السمـره=من يطفي النار يا مجنـون

*************

غربة جسد ثم غربة روح=ما حد سند عثرة اقدامـي
مذبوح مطعون كلي جروح=مقفي ولا شـيء قدّامـي

***********

لاصرتي الماء وش يجيزه=للضامي اللي معد يـروى
وإن صار فيه العطش ميزه=مهما ارتوي منك ما أروى

*****************

عزيز دمع تهلـه عيـن=عزيزه افـوجه صاحبها
لكن غدر الزمان الشيبن=يردهـا عـن مأربهـا

**************

يا ليتني عطر في اهدومك=والا على شفتينـك روج
أضم يومي على يومـك=مثل البحر يوم ضم الموج

***********

خيلتها مثـل نسمـة راد=فيها ابتهج قلبي الآسـي
والينها مثل صرصر عاد=اللي كتم باقـي انفاسـي

***********

لو قالت الناس مـا قالـت=ما أبيع أنا صاحبي برخيص
اللـي حمولـي إذا مالـت=يعيدها لـو بهـا تخبيـص

***********

لا تحسبني نويت انسـى=المر ما يطعمـه ساقيـه
الوقت كل يوم بي يقسى=وعصابة الجرح ما تبريه

***********

كلما أتذكر كسير الشام=اتذكر الغيث و أيامـه
كل ما أتذكر زمان العام=ابكي قهر زين و ليامه

***********

عندي وقف والمساء شاهد=ومسيّل الكحــل من عينه
احترت كيف اطفي اللا هد=اللي في قلبي براكينه

***********

إن كان جرحي غلط مني=في غفلتي والجروح اغلاط
آمنت عيني وخانتني=من ظلم الاعيان كيف احتاط

***********

بقطف عسل من مناحل فاه= مريـض واحتـاج لـي رشـفـه
ولمـا تأملـت فــي المـأسـاه= لقـيـت قـتـل الـزهـر قطـفـه

***********

بذلت له جهدي المضني = حتى كبر وأعتدل له فن
اليوم خلي تجاهلني = وان شافني قال هذا من ؟

***********

عـلى الأمـل دوم نلقاكم =وانـتم وحـنا دوام بخـير
يا للي كـريمه مـزاياكم =في طـيبكم يقـتدون الغير

ميـت ولا ذكرونـي بـك= يحيا رميم العظـم وافـز
ياللي كما السلسبيل اشربك =شربة هنا من غدير العـز

يا عيد وين العرب يا عيد = اللي لهم وزن ما يبخس
ازهم بصوت الوله وأعيد = واليا إنهم لا خبر لا حس

كلما ارسمه ما يطيع اللون = متناقضة والامل ينعس
علمته الحب كيف يكون = وعلمني الياس كيف ايأس

اشوف برق ٍبعيـد اخيـال=واحس وبل المطر عنـدي
لكن ثرى القلب لا .. مازال=ضامي ولا شي في يـدي

نسنس من اقصى الضلوع وهب = نسناس ما كنت له حاسب
واليا انه الناحي اللي غب = الشوق عوّد لي مشاغب

من لي اذا غبت عن عيني=وصار بيني وبينك سـور
ياللـي كلامـك يسلينـي =ما تدري انك لعيني نـور

قومي اعزفي لحنك الشاجي= اللي سبق مغريات العيـد
ودي اغنـيـك وانـاجـي= في فتنتك نشـوة التغريـد

بيني وبينك انا لا شـي= الا انت ما بينك وبينـي
ان مت ما اضنك انته حي =وان كانك حـي تحيينـي

اجـرح فـؤاد الـذي يهـواك=جرحك هو الصاحـب الوافـي
كلما ما قسى الجرح حان القاك =وفي احضانك البلسم الشافـي

اعرفك حد العطش واعرف=انك مطر تروي العطشان
وما زلت متأملـه لا رف=برق الحياء وانت والهتان

لا تحسبن البحر طربان =لا اتكسر الموج في الباحه
بياضه اللي تشوفه بان =ذا شاش ضمّد به اجراحه

عـلى الأمـل دوم نلقاكم =وانـتم وحـنا دوام بخـير
يا للي كـريمه مـزاياكم =في طـيبكم يقـتدون الغير