|
اللغز ( 405 )( لغز وارد) وشغلام موقعه/ العاذر حله سعد رجا
[اللغز هذواضح ماعليه مشكله
وشغلام موقعه حول الحمر= ماجلس مع سود ولايحب السمار لو تغيب عاذر الوجه الخضر = وعذروه المنتظر ماعاد زار كل حي يستفيد من المطر = ياحلو شوف الصياهد والخضار |
بيض الله وجهك يابو خالد
وصح لسانك على اللغز الجزل وعاداتك الجزالة ياراعيها اشكرك على العطاء المتواصل وياهلابك |
صح السانك وشرايك بالشفق اوصياح الصبح
|
الله لايهينك يابو زياد وحنا بخدمة الطيبين وان شاء الله يستمر العطاء من الجميع
اما رمعة العضيد ما صابت خيرها بغيرها |
وانا اقول وش رايك بالقمر
مع ان الشطر الاخير يبعده عن القمر شوي |
لا لا بعيد الرمعه حنا ماناصل القمر يا بو زياد حول با الارض
|
مرحبا شاعرنا ومراقبنا ابو خالد الفريدي وش رايك طال عمرك في هالمرماعين
الاول ((( اللسان ))) .............. الثاني ((( القلب ))) وصح لسانك يا ابو خالد |
صح السانك يا بوخالد على هاللغز الطيب .............. وش رايك ب[الكرت الاصفر] ويعطيك العافيه |
اللسان والقلب ياسامي مالك لوى الله يطول عمرك على طاعته
|
الشاكر ابو شمس
سلمك الله الكروت كلها ماهي حل |
الاخ ابوخالد صح لسانك على اللغز اللي عجز يبرمجه المخ |
الاخ مهجرس الحرف
المعذره انقفل الباب دوني هاليومين والرمعه مالك لوى |
اللغز حله وصطه
|
يا بو خالد من العايدين وشرايك بلبياض الي وسط الزهر ولا تلبيس السن ولا حق الشفايف
|
يالعضيد الله يمتعك بالصحه مالك لوى حل اللغز فيه
|
يا بوخالد وش رايك بديره ينقالها [بلحمر] |
هلا ابو خالد ,,,
و الله هاللغز يدوخ الراس ,,, و هذي اول رمعه و يمكن ما القاء غيرها ,,, وش رايك بحرف الحـــــــاء ,,, ــ ح ــ ,,, |
صبحك الله بالخير يابو خالد الضاهر انه حرف الزا لانه ماهو مكرر بالغز
|
الساري ابو شمس
صايب الراي سعد رجا الحصني مالكم لوى لاحظوا وجه خضر ولايقرب السواد |
لا هنت يابو خالد
ما بقا الا تعلمنا بالا سم الصريح يبدو من خلال توضيحك انه اسم شئ خضر يعني ماهو حرف ؟ والله انك ماقصرت |
صح لسانك يابو خالد الفريدي على اللغز الثمين
وش رايك بالوسم الخضر والا العلم السعودي |
يامضـــحي الله يجزاك بالخير والله مانت بعيد بلحيل
|
اولاَ : مبروك على تعيينك مراقب ................. وتستاهل يا بوخالد ثانياً: رمعه وضعتها واختفت واضعها للمره الثانية وهي الوجه [البلد] وهو بجانب البحر الاحمر ويعطيك العافيه |
الساري ابو شمس حياك الله اختفاء المشاركات ازمه مرت وزالت ولله الحمد
واظنها مرت على ناس واجد اما الرمعه فهي زمت |
هالغز طول شوي ودنا نقضي عليه .............. وش رايك بالوسم حول الحمر المقصود الوسم الحمر ويعطيك العافيه |
مايقصر عمرك يابو زياد وموجود في الحمر ولا يجي بالسواد وليا انقطع عنه المنتظر
يصير عاذر معذور لاانه يتغير وجهه هههههههههههه |
اقتباس:
يابو خالد وش رايك في الرعد او البرق |
يابو خالد وشرايك بنبات العاذر بالنفود
|
ماهي هي ياسعد اقطعوا النار خلاص
سعد رجا الحصني صح لسانك وبيض الله وجهك نعم ( العاذر) |
بيض اللهاوجيهكم يالربع
ولغز كايف ولازم اتعوضنا بمثله يابو خالد |
الساعة الآن 10:03 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir