|
يالابتي حرب
السلام عليكم ورحمة الله وبركاته
عوض بن عيد الحربي مسجون بسجن مسره بالطائف في قضية قتل ومحكوم بالقصاص منذ 15 سنه لقد تاثرت بهاذا الخبر وجت قريحتي بهاذه القصيده الله يبلغنا الاجر ويفك المحكوم عليه من القتل وكل مسلم سوى حربي او غير حربي يسعا في اعتاق رقبه ماله الى الاجر والعلم الغانم وعوض له حق على القبيله وعلى كل مسلم يقوم بالذي هي احسن قريت قصته في ملتقى قبيلة حرب الرسمي واخذتني الحميا
يالابتي حرب لاجا العلم بعلوم = وقت الصعايب تحلون المحالي تكفون ياحرب ياحرابة الروم = حرب الدول من قديم اول وتالي انخاكم انتم هل الفزعات وقروم = وانتم هل المجد وافين الخصالي وانخا وابنخا مطانيخ ٍ على الدوم = من حرب هم لابتي والراس عالي والله والله مايقربكم اللوم = ان كان بالجاه ولا بالريالي وانخا شيوخ ٍ تنومس كل شغموم = من طيبهم شاش راسي بالعلالي واذكر محمد سطع نجمه مع نجوم = الفرم ياطيبه ان جاله مجالي طلق اليمين الكريمه حر زيزوم = زيزوم شيخ ٍ على العليا مثالي اخوان حسنا تحب الطيب وتروم = تروم مجد ٍ على عم ٍ وخالي يوم الغزاوي وحرب القوم للقوم = ياكثر ماعطرو حدب ٍ سلالي ولا ابن حماد وافي زين العلوم = يازين صيته لا جا قول ٍ يقالي طيبه قديم ٍ ماقرب يمه الزوم = حكيم راي ٍ يداوي للخمالي وابن جزا للمراجل قرم ٍ يشوم = يفوح طيبه مثل هيل الدلالي وليا ذكرت ابن سعدا خلو اللوم = اشوش واطرب لصيته هملالي ولا الذويبي يعرفه كل غيهوم = مثل سهيل اليماني والهلالي وابن نحيت العرب تجيه وتقوم = كريم جزل العطا واف السبالي وباق الحروب السلام يعمها عموم = مثل قراح المطر حلو ٍ زلالي قوموا وهبوا مثل سيل ٍ جلا غيوم = ولايرتكي لثقال الا الرجالي لكم ولد عم ماجا جفنه النوم = في غبت السجن طال الوقت طالي يبكي ويشكي وحظه صار مشؤوم = ويوم القدر خان به والوقت مالي مهموم روحه مابين الموت والسوم = تكفون يالابت ٍ مثل الجبالي ويالله تفرج لكربة كل مهموم = يامالك الكون يارب ٍ جلالي |
|
اقتباس:
صح بدنك مليون ولايفون واشكرك على مرورك الكريم والله يجزاك خير والله يجزا خالد اللهيبي خير الجزاء من عند الله سبحانه وتعالى وهو صاحب الفضل الاول في نشر قصة ابن عمه والرجال تطلع معادنها في اوقات الشده وشكرا لمنتداكم واعضأه الكرام تحياتي لكم |
اشكرك كل الشكر وقول الله انه ايوفقك على هاالقصيده التي اخبرتنا عن حدث لانعلمه
وبئذن الله ان ربعه حرب معه بالمال والحال هذا وقت الوقفات وحرب اهلها من قديم وهالحين |
اقتباس:
|
اقتباس:
رحم الله والديك وسترك دنيا وآخرة لفته نبيلة ووقفة اصيلة حياك الله يابنت العم اقتباس:
صح لسانك وكتب الله لك الاجر ونسأل الله ان يفك اسر السجين ويرجع الى اهله سالما والقصيدة وصلت الى اهلها وان شاء الله لن تسقط بالارض ابدا اطمني اختي الكريمة |
صح لسانك والله يجزاك كل خير والله يفك اسره
وربعنا حرب اهل الحميه وهم قدها وقدود |
الاخت منيره الحربي
بيض الله وجهك يابنت الرجال |
اقتباس:
سعد رجا الحصني وانت الصادق يالسنافي ان حرب قدها وقدود اشكرك على المرور الكريم والله يبيض وجهك تحياتي لك |
اقتباس:
هلال حرب هاذا واجبنا واشكرك على مرورك يالسنافي تحياتي لك |
اقتباس:
الله لايهينك وبيض الله وجهك على شعورك وصح الله السانك والله يفرج عنه يارب |
اقتباس:
عبدالله الفريدي صح بدنك يالسنافي وطيبي من طيبكم ياولد العم والله يزجاء من وصل القصيده خير الجزاء واشكرك على مرورك الطيب الذي مثل طيبك تحياتي لك اكبار اكبار |
اقتباس:
لانت يالسنافي على مرورك تحياتي لك |
اقتباس:
الاخ خالد اللهيبي الله لايحرمك الاجر يالسنافي والفته الكريمه الاولى لك بعد الله سبحانه وتعالى والله لايخيب مساعي الرجال الكرام ويفرج لكربة عوض عيد الحربي ويعوضه عن سنين المعانه التي قضاها داخل السجن ولا احد درى عنه بعد 15 سنه الله يفرج لكربه وارجو منك او من الشرفين تثبيت الموضوع لماله من اهميه في قضية المحكوم عليه عوض عيد الحربي ليحصل اكبر عدد من القراء من ابنا القبيله واهل الخير ولك تحياتي اكبار اكبار |
الاخت منيره بيض الله وجهك علا هالقصيده الجزله والمحفزه لشيوخ ووجها القبيله وحثهم للعمل علا نقاذ حياة عوض انا تابعت مانشر عنه عبر الصحف عند ماتزوج ابنة زميله رحمة الله وسبق وان مع احدالظباط الحروب في ادارة
السجون افادني ان عوض رجل ملتزم وامام لمسجد السجن وهذ سبب ثقة زميله به لذا الرجو من0 من يعرف عنوان والده اشقائه اواي من اقاربه ان يزودني به برساله خاصه لعلنا نكون سبب في انقاذ حياته ويشمل الاجر الجميع انشاالله ولا يفوتني ان اشكر ادارة الملتقى علا الاهتمام ولي حساسية الموضوع الرجو عدم الاكثار في نشره ويكون التواصل عن طريق الجوال والرسايل الخاصه واعتقادي ان هناك قصر والقضا ينتظر بلوغهم ولاكن لايمنع ان نسعى والباقي علا الله 0000 الله يحفظكم من كل مكروهو يكلل مساعيكم باالنجاح وتجتمعون بحفل خروجه انشا الله0 ولكم مني اجمل تحيه وتقدير0 |
اخي معاند زمانه اول شي اشكرك كثير الشكر على مرورك على الكريم
وكلامك صحيح وفي محله اما من تاحية الاتصال بأمكانك ان تتصل في سجن مسره في الطائف ومن خلاله تقدر تكلم عوض عيد الحربي وتعرف عنوانه وتعرف عنه كل شي وجزاك الله خير على كل خطوه تخطيها في فعل الخير |
الله يفرج همه وملتقى حرب ساري في وضعه ان شاء الله صح لسانك مليون على القصيده والله يـعـطـيـك الـعـافيـــــــــــة بيض الله وجهك |
قصيدتك كفو وانتِ نوماس وعلمك غانم صح لسانك وانا اخوك على هلقصيدة الأكثر من رائعة شاعره جزله ومتمكنه .. شكرا ً لكِ من الأعماق على هذا الحضور وهذا الابداع وتقبلِ خالص تحياتي وتقديري |
شوق نجد اشكرك كثير الشكر يالنشميه
وهاذا واجب تحياتي لك |
الله يفرج همه وملتقى حرب ساري في وضعه ان شاء الله
وصح لسانك على هذه القصيده الجزله يابنت الرجال وبيض الله وجهك..... والموضوع مثبت في اخبار القبيله |
صح لسانك كثر حروفها واكثر والله
|
بخيتان البشري شكرا على مرورك يالسنافي والله يجزاك على على الدعاء للمسجون
تحياتي لك |
اقتباس:
والفخر هو انتم يارجال حرب اهل العلم الغانم |
|
الله يجزاك خير ويكتب لك الاجر
والله يفك اسره |
الله يعطيكي الف عافيه
شاعره متمكنه مبدعه بما تعنيه الكلمه مليون صح السانك |
اختي .الشاعره منيره
اول شي اقول .ابشري بالسعدبدون تنخين ويبشر الاخ عوض. الله يعجّله بالفرج كل حربي ماهو مقصّر مهما بلغت الضروف رغم اني مدري متى انكتبت القصيده وثاني شي صح لسانك والله يبيّض وجهك قصيده قليل في حقها كل كلمات الثنأ والأشاده وهذه القصيده من اجمل ماقرأت لك وانشالله الجاي اجمل دمتي ..كمأ.تُحبين |
اقتباس:
لاعدمتك ودام وجودك |
اقتباس:
تركي العماني اول شي اشكرك على هذا الاطرا الجميل منك لي وعساني اكون قده وثاني شي القصيده لها الحين سنه ولا اعلم عن الشحص المعني في القصيده هل هو على قيد الحياه ام لا سالت عنه في ديوانية حرب و لاحد جابلي خبر وارجو من اهل الخير وابنا القبيله ان يكونون عند حسن الضن واهم كذالك وان يطلق سراح عوض على ايدهم الكريمه |
صح الله لسانك ولاهنتي وسلم فكرك وبنانك دمتي برعاية الله وحفظة |
لك كل الشكر والتقدير
على المشاعر الانسانيه والنخوه الحربيه وفك الله اسر السجين وفرج هم كل مهموم وكتب الله لك الاجر على كل حرف كتبتيه لخدمة هذا الموضوع الانساني |
شاعرتنا القديره منيره الحربي سلمها الله
بشري عسى الرجال انفك سجنه لاني اشوف تاريخ القصيده قديم والقصيده قصيدة موقف بطولي منك يامنيره وكلها نخوه ونبل وانسانيه منك لاعدمناك ومليون صح السانك وعلا شانك والله يوفقك دنيا واخره يامنيره تحيتي وتقديري |
صح لسانك منيره وجزاك الله خير
|
صح السانك ودام ابداعك وبيض الله وجهك
|
الساعة الآن 01:40 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
