الـــرزق عند اللي خزونه مـــــلايا=مــــانى لعفنين الطبايـــــع أمــــدارى
عندي لهم ذربن يخــيط الشــــــــفايا=وهبه مـــــــن المعبود مــاخذ عوارى
هبيلــهم عنـــدى لرأســه كوايــا= وعندى عصــــا موسى لمن به حمارى
وعنــــدى لمــــن يبي النصايح هدايا =آيات وإلا مـــــن صحيـــــح البخارى
ما خطي وارد الصـــاع لــهل الخطايا=ليا استحكمت مليون مــن سم هارى
لين اللســنتهــم ينشـبن باللهـايا =ومن عــاد منهم لـــــه نسن الشبارى
ارفـــع أيدي لــرب ســــبع عــــلايا = واكفــــها عـــن عـــابدين المصـــــارى
رزقــــي يجينــى ماتحــرى العطايا= من يد كريــم كــافـل الكـــــون بــارى
مانيب من تفرض عليه الوصـــــايا = ضعيف عــقل مذهبته الطــــــــــوارى
ولا همني هيس جـــداه الـــــــزرايا= يــزرى ولا يـــــدرى علـــى ويـش زارى
أيــــديه مــن فــــعل المراجل عرايا = همــــاز لماز على الــــزور ضــــــــارى
مطــيــة لبلـــيس بـــيــن الـــبرايـــا = بأعـــراض خــــلق الله بياع شــــــارى
ليـــا نــــثـر حــبه طـحنته راحـــيا = واذراه مع صلفات هـــــــوج الذوارى
دجـت البــحور ودجـت لجة سمايــا = وخـاويت سبع الليل وســط الــبرارى
ومشيت مـع ساقى حياض المنايــا = وامــرحت بأرض الجـــن والـجن دارى
وجبت الذهب من وسط عش الحيايا = وأنكفت به من ضــــلع حـــوران سارى
نجـيب حـره مـانجيب الهــمــايــا=وبيــــن القبايل في نسبنا نمارى
بنت الشـــــيوخ اللــى تبيد السرايا =وقـــــايعن بشــــــــهود ماهى هذارى
مركــاضهم تســيل مــنه الشــــغايا = دم حمــــر مــن رؤس قــوم تثـــارى
ومــن زارهــم كــنه بعيد الضـحايا=سـلــم الـقبيلة وورثـــوه الــــذرارى
روس القبيـلة مــن ســــليم انسبايا= شـــــمال شــــرقى الجزيرة ضوارى
من نجد شالوا فوق عوص المطايا= بأمر من الفـــــــاروق ماهو اجبارى
لله غــزوٍ مخــــلــــصين الــنوايــــا= لله وانصــــــــار الشـــــريعة حوارى
حـنا حــروبن مــــانظــم الهـــفايــا = تاريخنـــا يمـــــلأ البــحر والصحـارى
وحنا قمــر ليــل الــجزيرة نقـــايا=الـــىطــلــع غــابت نجـــوم درارى
وحــنا بهــا شـمس تــنير النحـايا=وحــنا بهــا زلزال عـــند الطــــوارى
وحــنا بهــا سـيل يطـــم البـنايـا = إليـــا جــرت بالنايبات الجــــوارى
وكــل القبايل بالجــــــزيرة قســايا = هيمـــــان بالهيجا تـدوس الخطــارى
كرام اللحى راسين ستر- الصبايا = واليوم صـار الرزق منثر خبـــارى
وصارت صحـاري نجد مــدن وقـرايا=بعـــــــد العرى تجــر ثــوب حضـــارى
أبفضـل حـــكام ال سـعود الدهايا=اللــى لها العـــقبان تمشــي حبارى

حنـا حروبـن مانـظـم الهفـايـا
تاريخنا يمـلأ البحـر والصحـارى
وحنا قمـر ليـل الجزيـرة نقايـا
الىطلـع غابـت نـجـوم درارى
وحنا بهـا شمـس تنيـر النحايـا
وحنا بها زلـزال عنـد الطـوارى
وحنـا بهـا سيـل يطـم البنـايـا
إليـا جـرت بالنايبـات الجـوارى
وكـل القبايـل بالجزيـرة قسايـا
هيمان بالهيجا تـدوس الخطـارى
كرام اللحى راسين ستر- الصبايـا
واليوم صار الرزق منثـر خبـارى
وصارت صحاري نجد مدن وقرايـا
بعد العرى تجـر ثـوب حضـارى
أبفضـل حكـام ال سعـود الدهايـا
اللى لها العقبـان تمشـي حبـارى

صح السانك ياسعود

طول القصيده مايعيب القصيده=لاصار حبك القاف وافي ومضمون

تحياتي