|
(( ..... همـــس القوافـــــي ..... ))
يطيب لي ان اقدم لكم هذا الديوان البسيط الذي اتمنى ان ينال اعجابكم ورضاكم |
يا كم مضى لي من الاحزان = سنيـن قلبـي معانيـهـا الصد والبعـد والحرمـان = لابــارك الله فطاريـهـا |
نظرة جفا باحت المكنون =واشعل بها نـار وقـاده قلبي جروحه غدت مليون = واخاف كل يوم فزيـاده |
لاتحسب ان الجفا ينفع = ما انساك لو العمر كله قلبي عن الود ما يقنع =سكنت قلبي ومحتلـه |
طبعه معي فالتعامل لطف =والطف منه نظرة اعيانه زود علي المآسي ضعف = والهم كله علـى شأنـه |
خطفتلي بالصدف بسمه = عمت فؤادي فرح وسرور اخف وابرد من النسمـه = لكن مرت علـي مـرور |
نبغى نترفع عن المحظور = وفالمنتدى القاف نرقى به على صفا وانشراح صدور = والكل يحسبلـه احسابـه |
سببت لي فالفؤاد اجراح =وهذا الذي مـا توقعتـه لاوخساره على اللي راح =الماضي اللي تجاهلتـه |
جند سهومه على قلبـي =وسيطر على كامل محيطه وا حيرة الفكر واغلبـي = ما فاد فكري وتخطيطـه |
اتعبت الاقدام فوصالـك = وانته على هجرك وصدك خلاص ما عـاد يبقالـك = عندي رصيد انتهى حدك |
لاوين طرفي يهل الدمـع = اللي تنثر على خـدودي قفى انيس البصر والسمع = ولا فادني بذل مجهـودي |
قلبي غدى للآسى مرسى = مايوم دق الفـرح بابـه لكن عسى فارض الخمسى = يطفي لهب نـار لهابـه |
الله على حسنه الفتـان = ريم(ن) سلب قلبي وتله اللي جذبني بلا استئذان = حتى الجسد سمه وعله |
من بعد كثر الآسى والنوح =وجروح فالقلـب وقـاده نقطة تحول بدتلي تلـوح =وعاد الامل فـي بزيـاده |
دامك محافظ على ودي = انا بود الحبيب ايقنت لو البشر كلها ضـدي = ماهمني فالحياه الا انت |
عامين مرت وانا مدري = اني مع الوقت مفتونك لا وخساره على عمري = اللي هدر راح من دونك |
لو نوركـم ابتعـد عنـي =وجلست ابكي على فرقـاه اشوف طيفـه يسامرنـي = ويمسح دموع الآسى والآه |
تكفى ترفق على روحي = يا سلوت القلب واعياني يادوبها طابت جروحـي = لاتردهـا للشقـا ثانـي |
ياآسري كثر هجرك زاد = وانا معك صافي النيـه عيشتني في اسى وعناد = وانته ولا فيـك حنيـه |
لو كان تعرف مكانك وين = ما تتعب الروح في هجرك مسكنك والله فوسط العين = ولا يوم عندي نزل قدرك |
ايش العمل ؟ ايش اسوي فيه؟ = اللي تعـدى علـى حـدودي اقدم الطيب لأجـل ارضييـه = ويمدلـي عكـس ممـدودي |
الله حسيبك معذبنـي = وتزيد سقمي بهجرانك حتى الامل ما يعالجني = الا بعطفك واحسانـك |
بعد الذي شفت في غزه = حال العرب صار يؤسفنا أطلب من الله لنا عـزه = حتى يتكامـل تكاتفنـا |
درب الحبيِّب عليه ستوب(stop ) = وبيـنـي وبـيـنـه رسـمـلـه حـــد واخـطـر قضـيـه فبـحـر الـحــب = اللـي تـجـي مــن طــرف واحــد |
ميثاقكم دركـه تدريـك = وآنا الرسالـه مسلمهـا وأخذ التهاني مع التبريك = فأجمل عبـاره مقدمهـا |
مليت يا اهل الهوى مليت = من كثر صبري على خلي ما عاد ينفع يا لو وليـت = اصبح على القلب متولي |
غايب عن العين لكنـك = فالقلب مسكنك ما ينزاح لايختلف هجسك وظنـك = بحضوركم خاطري يرتاح |
جند سهومه على قلبـي = وسيطر على كامل محيطه وا حيرة الفكر واغلبـي = ما فاد فكري وتخطيطـه |
آه الهوى سبب الآهات = زود على القلب آهاته خلى عيوني ابد ماتبات = والقلب هايم فلوعاتـه |
روحت ياليتني ما رحـت = امسيت والقلب منصابـي لكن من بعد جيت وشفـت = له حق يلعب على اعصابي |
الرفق بين الحبايب شـرط = وطيب التعامل وحسن الظن حطوا ما بيني وبينه خـط = قالـوا تعـداه لايمـكـن |
سلام وافي لكـم ياحـرب = ما اخص واحد عن الثاني والقلب امسى اسير الكرب = يا وجد روحي على الجاني |
آه الذي طحت في وده = ومن كثر هجره متعبني حاولت فالقلب بـاارده = ولياه ما هو مطاوعني |
مهما تماديت في صـدك = ومهما طغى ظلم هجرانك اعشقك واموت في ودك = فالعين والقلب مسكانـك |
اعد الايام والساعـات = واطلب من الله يسويها ياكم طرفي ذرف دمعات = من نار فالقلب مخفيها |
ياكامل الزين والاوصاف = يكفيك سلمت لك امـري طلبت حتى من الاوقاف = تسجيل قلبي لكم حصري |
للآن عايش على ذكـراك = هذي حقيقه مـا نخفيهـا تعال ننسـى انـا ويـاك = وصفحه من العمر نطويها |
همس القوافي = سلام . واثني سلامي لك = يا حر في عالي المرقاب لاجلك فالابداع اخذ صك = دائم لنا تكثر الترحـاب حرب = يامرحبا ليتني مااعدمك = ياجيد الساس والانساب وعز الله انا مازدنا عنك = ياحر للطيبـه كسّـاب همس القوافي = عسى البقا . الطيب من اصلك = ياللي لنا خيرة الاصحاب وش قلت فاللي بدوا هجرك = ومن دونهم ماقفلت الباب حرب= لله يـاصـاحـبــي درك = لك حرف حايز على الاعجاب وامـا الـذي زودوا همـك = ابحث معاهم عن الاسبـاب همس القوافي= مافاد بحثي ولاحرك = عود بخفينه النجاب رد الخبر منه ما يسرك = كافي كذا . مانبي نغتاب حرب= ياوارث الطيب من جدك = اشوف جهدك معه ماثاب لكنك اغسل منـه يـدك = اللي لمدك ماصف حساب |
يازينها جمعت الصدقان = من دون واشي ولانمام تجلي عن الخاطر الاحزان = يبقى صداها مدى الاعوام |
بيان صادر من اعماقي = عاجل ولايقبل التأخير ملكتك القلب واشواقي = حتى بها للآمان تسير |
الساعة الآن 08:58 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir