|
اللغز (309) اسالكم عن كلمتين تشابه=محلول كلمة بلال احد احد=من سامي الفكر
لغز رائع واعجبني 0سمعته مع احد الاصدقاء وحبيت ان اطرحه هنا ارجو ان ينال اعجابكم 0
وش كلمتينٍ ياصحيبـي تشابـه=قولة شجيعٍ ماثنوا لـه عزومـه قولة شجيعٍ رغم سطوة مصابـه=قولة شجيعٍ غاض فيهن خصومه سميهن معروف ياهـل النجابـه=في يوم ياتي ماخفتنـا علومـه |
حياكم الله يارجال يامرحبابكم 0
http://www.9m.com/upfiles/dX584013.jpg http://www.9m.com/upfiles/RJq29203.bmp |
ههههههههههههههههه
ياوجه الله ياخالد وش هذا الضاهر اللي عند العزومه لبنااااااااااني نسيتني الله يستر عليك تسلم على نقل اللغز |
صح اللسانك
وشرايك بشهادتين |
حياك الله ياذيب العاقر شرفتنا
|
من طول الغيبات جايب الغنايم يامرحبابك ياعبدالله بن عتيق
الشهادتين مالك لوا ا |
مساء الخير ........ وش رايك بكلمة القائد الاسلامي طارق بن زياد لجنده[ البحر خلفكم والعدو امامكم] ويعطيك العافيه
|
الساري ابو شمس
مالك لوا والكلمتين متشابه تماااامااااا |
شكراالك على اللغز
|
يا هلا ابو خالد ..
هاللغز مظلوم ما عليه رمعات كثيرة ياليت توضح فيه اكثر .. وش رايك بقولة ( سبحان الله و بحمده سبحان الله العضيم ) ,, |
حياك الله ياخالد العوفي
|
صايب الراي مرحبابك
والرمعه مالك لوا والكلمتين هي عباره مشهوره ولكنها تكررت مرتين متشابه بالضبط |
ابواحمد حط ها الانعام يبي يضيعنا ليا جيت ابا ارمع وشفت ها الصياني
ارتجيت وضيعت الرمعه والله اني احترت |
حياك الله يابو خالد
وينك عسى ماشر |
السلام عليكم ورحمة الله وبركاته
اسعد الله اوقاتكم بالمسرات أخوكم (سامي الفكر) يمسي عليكم بالخير ويقول إيش رايك اخوي خالد بكلمة الصحابي بلال بن رباح عندما كان يعذب ( أحدٌ أحد) وهذي اول المراميع وشكرا لكم |
سامي الفكر بيض الله وجهك والله انك جبتها وذبحت اللغز كلمة (احد =احد ) هي الحل بيض الله وجهك ووجه كل من شارك فاللغز على كل حال حياك الله ياسامي الفكر في ملتقانا ووجودك يشرفنا بين اخوانك وعيال عمك ونرحب فيك |
الساعة الآن 02:51 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir