|
اللغز (104)مع النسا والرجال00=محلول= من عبدالله الفريدي0
انشدك عن بنت بالماضي نعاملها = مع النساء والرجال وتستر العاري تنجب اعيال ذكور الكل يحملها = اعيال لهم في جميع المجتمع طاري اليوم يمكن كثير النا س يجهلها = وعيالها واضحين وفعلهم جاري |
ابوخالد صح لسانك على اللغز المليان . ونستفتح الباب ونقول وش رايك فالنخله |
اولاً حياك الله يابو خالد والحمد لله على السلامه
طولة الغيبه عساك ماتغيب الا عن الشر واليوم الااقشر والرمعه تبي الحقيقه لاحد الان ماوجدت الرمعه اللي وارده لكن جاري التفكير وان شاء الله لي عوده |
شاعرنا الكبير 00ابو خالد الفريدي مساك الله بالخير
الحمدلله على السلامه يامرحبا بك الف حمدلله على السلامه والمعذره على تقصيرنا والله يابو خالد اكبر فرحه قومتك بالسلامه ووودك اليوم عندنا والحمدالله رب العالمين 00القسم الليله نور حتى ابو احمد والماعه كلهم 00 حياك الله مره ثانيه وصح لسانك على اللغز وحياك الله00 |
صح لسانك ياابو خالد الفريدي وعودا حميدا وحمدا لله على السلامة وما رأيك في دودة الغز وانتاج الحرير |
صح السانك يابو خالديمكن تكون الابره الي يخيطن بها الملابس
|
ابو سعود مضحي بن جمران خالد اللهيبي ابو سامي غدير الوهبي اشكركم على كلامكم الطيب يالطيبين وبالاتصال على ابوخالد يقول مالكم لواء ركزوا زين يالربع يقول تنجب ! |
ابوخالد الحمدلله ع السلامه وطالع من الشر صح لسانك وبيض الله وجهك وجاري التفكير وسوف اعود ان شاء الله |
مارايك في عمرة الفناجيل أو التغزالة والمغزل والخيوط عيالها |
اقتباس:
هلا يابو سامي وعزالله ان رميك رمي الوقاع ينقص يزيد ذراع خلك بهالاتجاه منت بعيد حول الحمى:eek: وياهلابك يابو سامي |
الاح عبدالله الفريدي
اظنها ياعزيزي الهللة والعيال القروش |
اقتباس:
هلا يابن قويتان والله يحييك والرمي سما طال عمرك |
مارأيك في المزودة أو الصفنة / الخاصة بأدوات القهوة من بن وهيل وسكر وشاهي .......الخ أو البقشة |
اقتباس:
مرحبا يابو سامي تراحيب المطر وابعدت المحاولة عن الهدف بالحيل ورمعتك الاوله كانت خطيرة |
اخوي عبدالله وش رايك فالدله. ولا الرحى |
أبو خالد الفريدي \ الله يعطيك العافية
على اللغز المليان وعندي هذه الرمعة
الرمعة اللي على الطاروق نكملها = أوقفتها بين نقاّدٍ وشعاّري الشوشة أم الشعر والروس تحملها = جمال لهل الجمال وتستر العاري |
اقتباس:
شرفني مرورك ياخي العزيز نافع الحربي والله يعطيك العافية على مشاركاتك المتميزة جدا ايها الشاعر الرائع ارجو اعادة النظر في اللغز طال عمرك وعمر من يقرأ والتركيز اكثر لأن الرمعة مثل اللي قبلها ومشكورعلى ابياتك الغارقة في الجمال نتمنى ان نقرأ لك الكثير |
يابو حالد ماهي الدله والفناجيل
|
أبو خالد أسعد الله صباحك بالخير والمسرات
وش رايك ما هي ( الدجّة ) |
اقتباس:
أبو خالد الفريدي طرى علي رمعة ثانية وصراحة هذا اللغز أعجبني كثيرا وحيرني ولكن هذه الرمعة طنطبق عليه واجد ارجو أن تكون صائبة
حيرني اللغز والرمعات جاهلها = لكن هذي رمعةٍ وصى بها الساري الظاهر إن لغزك الطاقة في أكملها = وعيالها اللي عليهم رتب الازراري |
ابوخالد الجماعه طرقو اغلب الاتجاهات ولكن
الرمعه الاولى الرصاصه الفشك والعبرود الثانيه الشجره وعودها الثالثه العباه |
الله يحيي الجميع منكم
يالربع ابوخالد يقول بالماضي نعاملها يعني هالحين ماهي موجودة ! ركزوا زين الله يطول عماركم وبالنيابة عن ابوخالد
حيرني اللغز والرمعـات جاهلهـا=لكن هذي رمعةٍ وصى بها الساري الظاهر إن لغزك الطاقة في أكملها=وعيالها اللي عليهم رتب الازراري
رمعتك يانافع الحربي على اولها=حف الضريبة سنا مقذوفك الناري خلك بها الاتجاه اكيد تاصلها=عساك ياصاحبي برعاية البارئ |
الأخ العزيز عبد الله الفريدي ترى لي رمعة قبل الرمعة التي رديت عليها
ولكن بدون شعر وان كان ماهي هذه الرمعة فيجوز اللغز صعب وفيه تمويه الرمعة ( اللفة من الغزل عند ما يغزل ويبرم وتطوى خيوطة على شكل دائرة كبيرة تسماء عند البدوا الدِجّة مفرد دِجج ) |
السلام عليكم ورحمة الله وبركاته
لعل الجميع في عافيه واعتذر عن غيابي لاسباب تقنيه وصحيه وانترنتيه الرمعات السابقه كلها غير صحيحه واللغز مافيه تمويه الله يعطيكم العافيه واشكر الجميع |
الاخ الفريدي مساء الخير اليست الشجرة وعروقها وفروعها والناس يستضلون تحتها ولي عودة
لك تحياتي |
شاعرنا المحبوب دام عزك مالك لوى ياحسين مريع العبيدي
|
طيب اخوي خلنا نتعبك شوي معنا هل هي الفضة وعيالها الريالات
تحياتي |
أبو خالد \ فكرت في الحاجات القديمة ولم يذكر علي الا هذه الرمعة خاصة في هذا الأتجاه
حيث كل أغلب الموروثات القديمة رمعتها ولم تصيب : الرمعة هي ( العميتة ) وهو بعد ماينفش الصوف وينضّف من الشوايب ويكون جاهز للغزل يلف ويطوى في مجموعات كبيرة : تسماء الواحدة منها ( عميتة ) |
الشاعر حسين مريع العبيدي
الشاعر نافع الحربي الفضه والعميته وماشابه ابعدوا عنها مع الشكر |
مساء الخير ........وش رايك بجريدة النخل وما يصنع منها في السابق
|
احوي مسء الخير هل هي الخيمة واولادها الذين يحملونها الاعمدة والاوتاد
تحياتي |
جريدة النخل والخيمه مالكم لوى
الحقيقه كنت اجيب لغيزات تحل قال واحد من الاخوان نبي الغاز صعبه الغازك هذي حلها شرب ما وجبت اصعب واثقل ماعندي لاحظوا كثير الناس يجهلها وبالماض نعاملها ويمكن بعض ناس الآن يتعامل معها وبعدين تنجب اعيال الان موجودين معروفين والانجاب يعني من صلبها مثلا الابره السلك عرفا السلك زوجها ماتنجبه هذا توضيح ذبح اللغز |
وش رايك بالمخرزه او الخرز |
الشاعر بو سعود الحربي الله يحييك ومالك لوى
|
بشارك بالهرمعه اللي هي قريبه مره
وش رايك ( بالابره ) |
الابره مالك لوى وترى الابره تستفيد منها وهي الان وجودها قليل وتنجب اعيال موجودين
الان وماهم منها |
نا كان ماهي كبينة الاتصالات القديمه ا
وعيالها الجوالات |
ولد هامامل مالك لوى لاهنت
|
اول باسأل عن شئ تستر العاري .... تشبيه مجازي والا تستر العاري ثانيا باحاول الشاه.....والجاعد / الجلد |
بنت المعلا اهلا وسهلا هي بالفعل تاخذ تلك الصفه والرمعه غيرصحيحه
|
الساعة الآن 09:10 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir