كل الهموم الذي تحصل = عندي جلد كلها احملها
وابكي مع الطفل دمعة طفل = تهزني ماتحملها

كافي دموع الألم تعبير=لمّا الطفل يستدير النون
انك تحس القهر وتصير= مابين ردة فعل وسكون

أرنو بطرف الأسى ذالحين=أنظر سواد الغدِ المؤلم
وتسللت مع رموش العين=دمعة أسى دون لا أعلم

ياعين يكفي بكى ونواح=كثر الدمع جرح جفونك
لابد يومٍ تجيك افراح=تزيل ماضيك وحزونك
=نوارس

لاشك تذرف دموع الطفل = من شي في داخله حسه
لاشك في دمعته يجهل = ما يعرف الضر لا مسه

ماهمني كثرة جروحي=ولا بعد كثرة الآهات
لكن طفل يبكي وينوحي=يهيج في داخلي العبرات

لايادموع الألم كُفي=براءة الطفل في عينه
الله لو بسمته تضفي=على مُحيّاه يازينه

نظرت الم والدموع سفوح = مع لوعت الوجه وشحوبه
تعلن الم فالحشا وجروح = يارب تفرج له كروبه

صورة طفل ياسف لها من يشوفه=للحزن فيها والالم والقسى انواع
طفلٍ صغير ولا عرفنا ظروفه=دمعه من عيونه على الخد للقاع
والحزن في وجهه قرينا حروفه=ترمز لعنوان الماسي والاوجاع
يمكن بغزه والمخاطر تحوفه=يرى ويسمع كل مايصير وارتاع
والا يتيمٍ حاصلٍ له حفوفه=ماحد اعتنى بالطفل لو تعب وان جاع
دمعة يتيمٍ وقعت في كفوفه=لها يحن القلب وتلج الاضلاع

ياطفل ضيم الزمان أضناك = وأحرقت من شاهد الصوره
وعسى الولي ربنا يرعاك = ويجبر أسى الطفل وشعوره

دمعة طفل هزة الوجدان=تبكي الاسي في مسامعنا
فيها لقينا الحزن الوان=وهلت معها مدامعنا

من منظر الدمعه بعينك=عيني تجاوبك ياصغير
يادمعة الحزن ياشينك=لوكان لك وقعٍ يغيًر