يقول من والَف على ولف مألوف=في بدع رَصَّعْ بالجواهر لحونه
يروي روايه من روايات منكوف=مخلوق مِتْخَلِّقْ وخلقه تخونه
خِلْفَة مِخَلِّف مِنْ تَعَب غير مخلوف=خايف على خِلْفَة خَلَف يخلفونه
يعزف ولا يعزف على كل معزوف=مقرون من قرنين تَبْرى قرونه
أهيف مهفهف منحنى غِرِّ هفهوف=أخضر حمر أشقر مِشَقِّر جفونه
مبصر عمى مابين شايف ومكفوف=مِقْبِل ومِدْبِر في الهوى يعسفونه
يسْرِي ويِمْرِي بين عارف ومعروف=ويرُود وِرْدٍ لاورد يارُدُونِه
لا بان نجمه تقبل صفوف وصفوف=يحسب لموسم وسمهم ياسمونه
رَجِّه زمانه قبل لا يرُوج ملهوف=وهَدْ وتهادا واهتدى عن ردونه
ودانت نهاية مُنْتَهي غير مأسوف=وقرْ القرار وقرروا يتلفونه
وأظلم ظلامه ظالم النفس مكتوف=في سارية ساري مسبل عيونه
ولفَّوه في لفَّه من العِهن ملفوف=وسَدَّوه سَدْوٍ في مسد ينسجونه
وتبدلت أوصاف تنسج من الصوف=من شر يُشْرى في بِشَر يشترونه
هذا وأنا لاني مكلَّف ومكْلُوف=ولا أضن في عاقل وأخيِّب ضنونه
أصوغ شعري بين مخفي ومكشوف=وأبني على ساسٍ شديدة متونه
لاسيف أسعى به ولا حوله أطوف=وإليا دعاني ما أقصر الشوح دونه

المشاركة الأصلية كتبت بواسطة ورقان (المشاركة 412064) أهيف مهفهف منحنى غِرِّ هفهـوف أخضر حمر أشقر مِشَقِّـر جفونـه مبصر عمى مابين شايف ومكفوف مِقْبِل ومِدْبِر في الهـوى يعسفونـه صح لسانك يالافي ،، رائعة

المشاركة الأصلية كتبت بواسطة الحب الباقي (المشاركة 419053) صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة حسين المعمري (المشاركة 419162) وينك من زمان مالك شوفه صح لسانك بيض الله وجهك الله يعطيك العافيه

المشاركة الأصلية كتبت بواسطة نداء الغيداني (المشاركة 419567) صح لسانك وعلا شانك0 بانتظار جديدك00