ياصـاح كـان أن القضيـه ميـانـه=من مان في ذيه على ذيـك لايمـون
والعلم قرضـة ملـح ماهـو لبانـه=ماكل من يمن علـى شـئ مامـون
مثل المقـام اللـي تزعمـت شانـه=من صيفتي يافـلان مذنـب ومديـون
أدانـتـن مـاهـي بـأيـت ادانــه=ياهل الحظوظ اللـي عليهـا تـدرون
يـوم انـه أدلا بالمنـصـه بيـانـه=هانت عليه ولا علـى مثلـي تهـون
ياعيـال عمـه يـارجـال التكـانـه=مامنكم اللى ياقبـل الهـون والـدون
وبـن فـلان اللـي شبيهـه اذنانـه=حالـه ومالـه للمشاكيـل مرهـون
لو شافهـا الرجـال والشـر بنانـه=من شيمة الطيب ترا عسرهـا يهـون
واللـي يقـول فـلان عنـده لعانـه=ادري واعرف انـه منافـق وملعـون
فـلان بالميـدان مسـرج حصـانـه=ويبـي يشاركهـم علـى مايقولـون
ولا صار ماعنـد المسولـف ذهانـه=ايـاه وايـا ماقـفٍ مثـل هـلـون
لاسـد نـوب ولاتكـفـو اخـوانـه=اخوانـه اللـي بالضيـوف يتحفـون
ان شـاف ميلـه وامتثـل للتـزانـه=ان فاقني ممنون ون فقـت ممنـون
ماقولـهـا تشـهـيـرةٍ بـلأدانــه=اقـول راس الميـل لايطـرف النـون
يقولهـا اللـي ماصفالـه زمـانـه=لو اصبحت في لون تمسي على لـون
محشوم عن درب الـرداء والاهانـه=حول المدار اللي لها سرج وحصـون
كـلٍ يقـول انـه وديــع الامـانـه=والمعطي اللى له تصـرف بهالكـون
لادار كـيـفٍ خــادرن زعفـرانـه=ثم المعاني جالهـا ظهـور وبطـون
ليّه مع اهـل العـرف قـدر ومكانـه=غصبٍ عن اللى مايشوف العرب لون
ان طـاع والا العلـم توحيـه اذانـه=وشمس النهار يشوف به من له عيون
والعقـل والتفكيـر درع الحصـانـه=ومن دورو فيـه الرجاجيـل يلقـون
ياهـن ماينقصـك غيـر الفطـانـه=والا مراميعـك مرامـيـع دنــدون

/
.


السلام عليكم


صح لسان الشاعر / غازي الزغيبي


والف شكر لك اخي ابو روان النويمي
على هذا الجهد المبارك


تحياتي لك



:
.

المشاركة الأصلية كتبت بواسطة مشعل والعقـل والتفكيـر درع الحصـانـه ومن دورو فيـه الرجاجيـل يلقـون ياهـن ماينقصـك غيـر الفطـانـه والا مراميعـك مرامـيـع دنــدون صح السانك يالشاعر وعلي شانك

المشاركة الأصلية كتبت بواسطة الصـ الجارح ـقر صح لسانك اخوي ابوروان و صح لسان شاعرنا الكبير الشاعر غازي بن مغيران الزغيبي والله يطول بعمرة انشاء الله تحياتي

المشاركة الأصلية كتبت بواسطة سلطان صح لسانك يابوروان قصيده رائعه

المشاركة الأصلية كتبت بواسطة عاشق الكسرات صح السان الشاعر العملاق غازي الزغيبي وبيض الله وجهه

المشاركة الأصلية كتبت بواسطة عاشق بريده صح لسان شاعرنا الكبير الشاعر غازي بن مغيران الزغيبي والله يطول بعمرة انشاء الله وبيض الله وجهك اخوي ابوروان تحياتي وتقديري عاشق بريده

المشاركة الأصلية كتبت بواسطة ابو عبدالله / . السلام عليكم صح لسان الشاعر / غازي الزغيبي والف شكر لك اخي ابو روان النويمي على هذا الجهد المبارك تحياتي لك : .

المشاركة الأصلية كتبت بواسطة علي الحصني مشكور يابو روان النويمي وصح لسان الشاعر غازي الزغيبي

المشاركة الأصلية كتبت بواسطة القناص صح لسانـكـ وعـلا شانـكـ ... رائعـة من روائعـكـ ... كما عودتنــا .... لا عدمنـــاكـ يالغالي تحياتي