يا مرحبا يالشعر مالك مهونه = محتاج لك وانته لشرواي محتاج
حقك علي البيت اعزه واصونه = والبسه من طيب المعرفه تاج
الشعر ين خاني وكحل عيونه = وان خاه لاجتني هواجيسي افواج
واقنع النقاد لاينقدونه = احط دون السور صبات وسياج
اريض المعنى واهجرس لحونه = به قسوة الصاطي وبه لين ديباج
تمسعو والشعر لاتفسرونه = الشعر تفسيره يسبب لي ازعاج
لي مقصدٍ بعض العرب يجهلونه = وللبعض الاخر واضحٍ كنه اسواج
وكان الهدف ما يقصر الرمي دونه = ابعترف بالحق وافخر بالانتاج
ورجلٍ يصون العقل عقله يصونه = يبعد عن الزله ويسلم من العاج
يهل البعير اللي تبا تا سمونه = الوسم في خد الجمل يلعج لعاج
ماهو بتاركم ولو تتركونه = يضوي ولو انه بدار العرب داج
هذا موالف والعرب يعرفونه = وسمه بخده قبل مرباع الافلاج
القيد لبليهان لاتفتلونه =باب الطمع دونه مسكر بمزلاج
والمطرق المنعاج لاتعدلونه =ليا انعدل ياخذ شويه وينعاج
لوان فيه من المرونه مرونه = مشعور راسه ومتعروج تعرواج
والوعل لوانه تطاول قرونه = لاواصل القمه ولاهد الابراج
والحق مثل اسهيل لو تاجدونه = يا اهل الهروج اللي تروج ترواج

المشاركة الأصلية كتبت بواسطة علي هليل الحربي (المشاركة 336586) الشاعر الكبير والرائع دائماً علي الحصني صح لسانك وبيض الله وجهك سحابةٍ مسيله والوادي من الجال للجال تحيتي وتقديري لك

يا مرحبا يالشعـر مالـك مهونـه= محتاج لك وانته لشرواي محتـاج

المشاركة الأصلية كتبت بواسطة بعيد الشوح (المشاركة 336641) الاخ الشاعر علي الحصني صح لسانك يابو فارس وبما انك تقول : واقـنـع النـقـاد لاينقـدونـه احط دون السور صبات وسيـاج انت تقول : اريض المعنى واهجرس لحونـه به قسوة الصاطي وبه لين ديبـاج اريض ارى انها خاطئة والسبب ان معنى كلمة اريض هو التوقف او التريث وسياق البيت يتناسب مع( اروض ) واليك معنى الكلمتين اريض : اتريث اروض : اعسف تمسعـو والشعـر لاتفسـرونـه الشعر تفسيره يسبب لي ازعـاج يعني تبي المتلقي مايفكر بمعاني البيت ؟؟؟ ( اعلم انك بالبيت الذي يلية قسمت الناس لصنفين ولكن بهذا البيت شملت الجميع حيث ان كلهم يسمعون ) والمطـرق المنعـاج لاتعدلـونـه ليا انعدل ياخـذ شويـه وينعـاج هل كلمة المطرق ترى انها خدمت المعنى لما شبهتة به 00 وابي ارجع للبيت هذا واقول000 خاف ربك ياعلي يا مرحبا يالشعـر مالـك مهونـه محتاج لك وانته لشرواي محتـاج الشعر ماهو بحاجة احد 000 واخيرا ابو فارس سبق وان وجدت شعراء انتقدوك و وجدتك ترد عليهم بغضب لا يزعلك نقدي ان لم يكن بمحلة فالقاريء سينتقدني دون غضبك وانت شاعر كبير ولا ينقصك نقدي

المشاركة الأصلية كتبت بواسطة قراح الحربي (المشاركة 336694) الشاعر علي الحصني صح السانك قصيده غايه با القوه والمعنى المدوخ على ما قال الزغيبي صح السانك يا بو فارس والله يعطيك العافيه ولن ارد على بعيد الشوح بدلا منك لكني لا ارى في نقده مبرر هناك بعض الاخطاء الاملائيه ولكنها اخطاء املائيه والشاعر او الناقد اتوقع ان من السهل عليه ان يعرف الخطاء الاملائي من سياق القصيده والدليل ان الزغيبي اكتشف انه خطاء املائي اما قول بعيد اشوح ان الشعر ليس بحاجة احد اقول انه مخطي الشعر بحاجة من يخدمه ويخدم معانيه ووزنه وطرقه والخروج به على اكمل وجه استغرب انتقاد بعيد الشوح هذا وكن مدامه باسم مستعار لا يستغرب منه هذا لا تقول يا بعيد الشوح وش دخلك انا برظه اعرف الشعر واعرف النقد وحدوده الشاعر علي الحصني اسف على التدخل ولكن وجهة نظر وطرحتها بمكانك حذفها اذا اردت صح السانك يا بو فارس مليووووووم مره

المشاركة الأصلية كتبت بواسطة نداء الغيداني (المشاركة 336616) صح لسانك00 هنا الشعر والمعنى الذي نبحث عنه من زمان الصراحه ياابو فارس انت شاعر متمكن جدا وتجيد المعاني المدفونه التي يستمتع القاري بالبحث عن تفسيرها00 دائما اقول علي يجيد الابداع نحن بانتظار جديدك00لاتطول ياعلي قل للي جهل معنى الابداع 000هذا هو الابداع ياعلي قله

المشاركة الأصلية كتبت بواسطة الصدرالشمالي (المشاركة 336854) الشاعر علي الحصني صح لسانك قصيده جزله ولافيها كلام ولاهنت على سعة صدرك وتقبلك النقد من احد اعضاء المنتدى لأن النقد احيانا يخدم الشاعر ولايضره اذا كان النقد صحيح وفي محله وارجو من شعار المنتدى تقبل اي نقد او احترام وجهات النظر الاخرى فبعد مده قصيره سوف ترون اكبر شعار الوطن العربي يتعرضون للنقد في مسابقه شعريه في احد القنوات الفضائيه وهو امر ليس مستغرب . اخيرا اقول قصيده رائعه ومبهمه ولها سبب ومعناها في قلب شاعرها علما بأني طرحت اخر قصيده لي في ملتقى القوافي وهي ترحيبيه باأحد القائمين على هذا المنتدى وهي مشابهه لقصيده الشاعر علي في الرمزيه التي لا تسئ الى شخص معين ولم تجد هذه القصيده ردود الا من شخصين اضف الي ذلك انها اغضبت الكثير والاسباب في علم الغيب هذا والله على مااقول شهيد والسلام عليكم ورحمة الله وبركاته

لو كل مسمع من كلام احسبله = والله لاعيش اوحيد ما خالط الناس
لاكن اقلد حال الاطرم والابله = مدامها ما تاصل العين والراس

كانها بصاقع الروس ولاباي باي = خلو الفلم المدبلج على دلباجته
طول عمر ما استمع من ضعيف الراي راي = ولا طمعت بديك خيبر ولادجاته
ابك انا لو اشرب البحر ما يقع ضماي = وانت مثل الضب يزحف تحت عجاته

تراء الشك وداله ريا جيل يم اشهار = تربع بليس بروسهم لين خربها