|
ويخص فالملتقى حمدان الشاعر القدير( خيال الشمال )
أبو ناصر أسعدنا حضورك وتواجدك معنا في ملتقى حرب الذي بلاشك سيثري الملتقى 00000
سلام فيه الوفا نشطان=مايخلف الوقت ترتيبه ويخص فالملتقى حمدان=اللي عريقه تجاريبه |
ياسلام ياسلام
صح لساااااانك يابو يزيد وبانتظار أبو ناصر لك خااالص التقدير |
|
ياسلام ياسلام
بيض الله وجهك اخي قابل البشري ويستاهل الأخ حمدان خيال الشمال والله يحييه تقبل تحياتي ودمتم بخير |
اقتباس:
صح لسانك مليون ياقابل على السلام الجميل ونحن في انتظار الشاعر الكبير ابو ناصر |
صح لسانك يالجمل
وبأنتظار ابو ناصر ملحمه شعريه من طراز (أتفرج وأستمتع مع العمالقه) |
اقتباس:
صح السانك ياابويزيد وبيض الله وجهك ورفع شانك وفي انتظار ابوناصر الله يعطيه العافيه |
الاخ قابل البشري شكرا لك على رسالتك القيمه بماتعنيه هذه الكلمه
يامرحبا حزة الرحمن=شرواك ارحب واهلي به ولك فائق تحياتي وشكري الجزيلينفالملتقى لك مكان وشان= والعز تبدي مراقيبه |
اقتباس:
تبقون ياراعي الاقنان= هذاالوفا منك محري به والان نبغى لحون الدان=صوت المعاني تغني به |
نترقب و نستمع للحون الدان ابو يزيد ... ابو ناصر صحت ألسنتكم و بيض الله وجيهكم و الله تشوقني حروفكم و معانيكم متاااااااااااااااابع من بعيد متاااااااااااااااابع من بعيد |
العملاقان
قابل البشري وخيال الشمال صحة السنتكم وفي انتظار المزيد دمتما بود . |
الاخ قابل
الاخ ابو ناصر بدع ورد رائع وغير مستغرب من عمالقة الله يعطيكم العافية دمتم بود |
اخي قابل اليك الرد برفق تحياتي وفائق تقديري
الطيب لاهل الوفاعنوان=وشرواك يعرف مواجيبه مصغي لك السمع ياربان=عذب المثل باللحن جيبه |
الشاعرين العملاقين
قابل والخيال نحن معكم في هذا اللحن الرائع صح لسانيكما ودمتما بكل المحبة والود |
اقتباس:
تسلم يابو ناصر وماعليك زود وإليك ردي وتحياتي ***************
لي خل فارق عن الخلان=كل المخاليق تدريبه أحيان يعدل معي واحيان=يفرض عليّه أساليبه |
لاهنتم وصح الله السنتكم
تقبلو التقدير والاحترام وفقكم الله |
ا لاخ قابل تحيه عطره وبعداليك الرد
مادام تغليه ياشيهان= لاشك تعرف هناديبه اجزاه باللين والاحسان=يمكن يبطل ملاعيبه |
ابوناصرمع أطيب تحية اليك الرد
وافي واراهن عليه رهان=ولا ادق مثقال في طيبه لكن مع الوقت والازمان=زادت عليه مطاليبه |
.الا خ قابل البشري اليك الرد برفق تحياتي وشكري الجزيلين
زيده وفا وارفع البنيان=وارقامعه في محاريبه واغله ولا ترخص الاثمان=لابد تصفي مشاريبه |
اقتباس:
صح لسانك يابوناصر وان شاء الله تصفى مشاريبة تقبل شكري الجزيل على تجاوبك وسعة صدرك اخوك ابويزيد |
اخي ابو يزيد لاشكر على واجب ويسعدني التواصل عبر هذه النافذه الجميله
أو التوصل الباشر ودمت بود |
الشاعر الاسطوره الجمل
الشاعر الاديب ومعلم الجيل خيال الشمال تعظيم سلام لكم مدارس شعرية تعني لي الكثير أطربتم وعلمتم وأجدتم ووفقتم يعطيكم الف عافيه وصح السنتكم تقبلوا تحياتي وتقديري |
جمل وخيال
وش نتحرا منكم غير الابداااااع سلمتوا على ماسطرتوا |
اخي الشاعر قابل
اخي الشاعر حمدان ( خيال الشمال ) بدع ورد رائع واستمتعنا بهذا اللحن الجميل رائع كروعة قائليه مع تمنياتي لكم بالتوفيق
سلام فيه الوفا نشطان = مايخلف الوقت ترتيبـه ويخص فالملتقى حمدان =اللي عريقـه تجاريبـه يامرحبا حـزة الرحمـن =شرواك ارحب واهلي به فالملتقى لك مكان وشان = والعز تبـدي مراقيبـه تبقون ياراعي الاقنان =هذاالوفا منك محري به والان نبغى لحون الدان =صوت المعاني تغني به الطيب لاهل الوفاعنوان =وشرواك يعرف مواجيبه مصغي لك السمع ياربان =عذب المثل باللحن جيبه لي خل فارق عن الخلان =كل المخاليـق تدريبـه أحيان يعدل معي واحيان =يفرض عليّـه أساليبـه مادام تغليه ياشيهـان =لاشك تعرف هناديبـه اجزاه باللين والاحسان =يمكن يبطل ملاعيبـه وافي واراهن عليه رهان =ولا ادق مثقال في طيبه لكن مع الوقت والازمان =زادت عليـه مطاليبـه زيده وفا وارفع البنيان=وارقامعه في محاريبه واغله ولا ترخص الاثمان=لابد تصفي مشاريبه |
شكراً للمنسق الأستاذ والشاعر عايض اللقمانى على هذ التنسيق الجميل اضهر جمال مادار بين الشاعرين الكبيرين قابل البشرى و حمدان الحمرانى والشكر موصول للشاعرين على مااتحفونا به |
الجمل
وخيال الشمال حين تبدو هذه الأسماء تطرب النفس بانتظار اللحن قبل أن يصل فما بالنا ونحن أمام هذه الروضة من عذب الكلام فلله دركما ويعطكم العافية |
صح ألسنتكم
|
عني وعن الاستاذ حمدان اشكرالاخوة فردا فردا على مرورهم الكريم والذي زادنا
شرفا وتألقا |
اشكر كل الاخوان على المرور والاشادات التي نعتبرها أوسمة
شرف وتقدير لي ولآخي الاستاذ قابل البشري وكما لايفوتني أن اشكر الاخ لا ستاذ الشاعر عايض اللقماني على التنسيق الجميل الذي قام به لك جزيل الشكر يا أباوليد |
الساعة الآن 07:54 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
