|
ديوان الشاكر قسم الكسرات
بسم الله الرحمن الرحمن الرحيم والحمد لله رب العالمين والصلاة والسلام
على اشرف الانبياء والمرسلين . نبينا محمد وعلى آاله وصحبه اجمعين وبعد: قد اشار علي اخي الحب الباقي بعمل ديوان لكسراتي لكي يتمكن المطلع من الاطلاع عليها في موقع واحد وقد عزمت بحول الله وقوته ان اضعها في هذا الديوان الذي اسميته[ السامي من كسرات ابوسامي ] وآثرت ان تكون كل خمس في متصفح واحد واليكم:
كل عطه حق تقديره = واصحى تنقص حقوق الناس الكون لله تدبيره = وكل شئ مقدر وله مقياس |
من طبعها النفس ما تقنع = إلا هبه من غفـور امعين ومن الملذات ما تشبــــع = ما تدري إن القبر مترين |
قــالوا علام البكــا قلت آه = ابكي قضيـــة عروبتنا شعب مشرد وشعب اضناه = حرب وتفكــاك وحدتنا |
الدهر والوقت لاتشكيـه = ولا تسبـه بمـا نالـك اقرأ الحديث الذي يرويه = ابو هريـرة ويزهالـك لاتسبوا الدهر ذا تنويه = الله هو الدهر والمالـك الدهر الأقدار تجري فيه = من ربنا محصي اعمالك |
الى الدنمركى اللعين الذى حاول تشويه صورة رسول الله صلى الله عليه وسلم
تحطمـت كبريـاء عزتـك = بالاثم والذل رغـم أنفـك وهذا الذي حط من قيمتـك= شر ولآمـه علـى صنفـك كل البشر ينكـر ويمقتـك= ومن فعلك الشين ما تنفـك ومـا ضـر نبينـا فعلتـك = محمي ومصيون من عنفك |
ماني مكلف بكـل النـاس = وفي الارض ماني وكيل آدم لكن يجبرنـي الاحسـاس = اخشى على جيلنـا القـادم |
نعمة النسيان
الله لو استعرض الماضي = في ذاكرة عالم الأحـزان لاصير في غم وامراضي = لكنهـا نعمـة النسيـان |
الاصرار على الخطأ
ليس الخطأ عيب يوم أخطي = لكن الإصرار فوقه عيـب لـولاه ماناخـذ ونعـطـي = فى جوهر العلم والتصويب |
خاطرة
والله مانقبـل التجـريـح = في ملتقى ربعنا السامـي لابالمباشـر ولا تلمـيـح = وش رايكم راي أبو سامي |
شكر وتقدير
توجت في ملتقى الكسرات = مشرف وحملت بالتكليـف ولادارة الملتقـى بالـذات = شكري وتقديري التشريف |
مساهمة في الود
ساهمت في منتـدى وده = ورجعت بالبيرق المنشور وعشت مع جزره ومـده = من العشاء لاطلوع النور ومديت يـدي ابـا يـدّه = وكفها قال لـي مشكـور أثره حلـم نعنبـو جـده = خلاني ابوح بالمستـور |
علة الجوف
بعض المرض يلتقى لـه طـب = والبعض مالـه دواء معـروف والمشكله فـي عـلاج الحـب = وادهى وأمر المرض في الجوف |
سلام للملتقى
سـلام ياملتقـى عامـر = بحرب النشاما هل الطالات لفيتكـم بشـرح الخاطـر = وأعدها أسعـد الحـزات |
شريحة سوى
ابغى شريحة سوى للنت = وتفعلوها علـى شانـي ولا تقطعوها لا مني مت = كله على شان خويانـي |
شهاداتنا
يامـا درسـنـا وكافحـنـا = ونلنا شهـادات مفروضـه وان كان في الكون مااصلحنا = في يوم الاشهاد مرفوضـه |
امل من بعيد
ارقب امل من بعيد يلـوح = كلي رجاء في حياه افضل اجري بنا يا سفينة نـوح = قـدام كــل الشـجـر يـذبـل |
غصن الشفا
شجرة شفا غصنها يومـي = تلعب به الريح فوق وتحت قلبي سواته مـن همومـي = من صغر سني وانا مارتحت |
انتبه . انتبه
علي ماللزمن سلطـه = ولااحمله ناتج افعالـي الله يامكبـر الغلطـه = لاجات من ناس عقالي |
الجرة
العام قصيت لـي جـرة = وعرفت وأين المطر هتان منه سكن وسقة الحـرة = ما هو كما ساكن البستان دستور ياعالِم الذره = يامخيّل البرق والامزان خبر به اكبود محترّه = سنين في عالم النسيان |
من في الهوى مرتاح
اجمل تحية وباقة ورد = للكل في الملتقى لماح سؤال وابغى الجميع يرد = منهُ الذي في الهوى مرتاح يااستاذ هذا الهوى كالعـد = كــل بـدلـوه ورد يـمـتـاح وكل من اللي زرع يحصد = عطفاً على خبـرة الفـلاّح |
كم . مر
الله يـاكـم مـامـرّت = علي من مشكلات عضال قاومتها بـس ماقـرّت = لهـا موازيـن يالعقـال |
خــــاطـــرة
عسى المخايل تهل اغزار = في ديار للغيث مفتاقـه تروي ظما ساكنين الدار = مزنه من العـام براقـه |
الى غازي السريحي
اوحشتنـا ياعقيـد القـوم = غيبتك طالت عساك بخيـر اعلان بكره في هـذا اليـوم = ويش الذي جا في خط السير
انت رجـل بالوفـا معلـوم = نبدي لك الشكـر والتقديـر ما اشوف في الملتقى منظوم = يستاهل النشـر والتحريـر |
سلام لاهل الروابي
سلام مخصوص ومعطر = ويحمل تحيات في مبداه بعدد نجوم السماء واكثر = لاهل الروابي رجال الجاه
مع شرقه الشمس ومبخر = ترحيب زايد لكم احصـاه يامرحبا والفرح يحضـر = لحظه لقاكم لنـا ملفـاه
ترحيب منقوش ومسطـر = محفوظ فالذاكره ما انسـاه صبح الربوع السحاب امطر = وهلت مزونـه بفضـل الله
يامرحبا بالذى سطر = سلام منه لمن يقراه جميل حرفه هنا نور = ترحيب وافر ولايكفاه
اعداد من هلـل وكبـر = واعداد من درجته خطاه تبقون ياهل الوفاء واكبر= تقديركم بالوفاءشفناه |
خاطرة
قلبي عن الود حديتـه = حد الظوامي عن الجمه وعن كل مااهواه رديته = حتى بنبضه عكس دمه |
رد على صقر المراقيب
بشري مع الصمت والبحار=وصقر وايضاً ابو سامـي ناس ٍ لهم بالحشا مقـدار=ربع ٍ عزيزين واحشامـي هيا اسمعوا كلمة المحتـار= وانتم بني عـم واحزامـي زادت همومي وضاق الدار= والطـب محتـار فالآمـي والعشق لهو حسب بعيـار= ياصل إلى حـد ألهيامـي كيف العمل فالهوى لاجـار= مخطور ينوي على اعدامي الشاكر= انت من اهل الفكر والشار = ويظهر لنا انـك انظامـي وناديت بالاسم من تختـار = يعطونـك الحكـم قدامـي وانا انتظر حكمة الشعـار = والكل في القيـل حكامـي ونريد نبذه عن اللي صار = ونحكم على شرع الاسلامي ونفيدك العشق كلـه نـار = ان ماروى عـده الظامـي وكل على ماشكـى بيطـار = يعرف سبب جرحه الدامي |
مرحوم
مرحوم ياجيل ربانـا = والله يرحمك يالتعليم تعليمنا في خبر كانـا = من يوم ماعمم التقييم |
محاورة الشاكر مع ناصر العوفي
هذه محاورة الشاكر مع ناصر العوفي = سـلام مخصـوص يانـاصـر = ينـصـاك بالطـيـب يالغـالـي ويضفي على جابر وشاكـر = وثامـر ويحفظـهـم الـوالـي نـــــــــــــــــــــــاصــــــــــــــــــــــــر = ترحيب يا حضـرة الشاعـر = ياللـي مقامـك معـي عـالـي وافي ولا أنته معـي قاصـر = وطاريـك دايـم علـى بـالـي الـــــــــــــــشـــــــــــــــاكـــــــــــــــر = تبقى ولـك يشـرح الخاطـر = يـاجـيــد الــعــم والـخـالــي بشـر بالاخبـار وش صايـر = خـابـرك حـمــال الاثـقـالـي نـــــــــــــــــــــــاصــــــــــــــــــــــــر = أنــا عـلـى خـبـركـم قـــادر = بفضـل قـدره مــن الـوالـي لازال فــي المسـألـه نـاظـر = محسـوب مـن قـوم عذالـي الـــــــــــــــشـــــــــــــــاكـــــــــــــــر = خلـك علـى صبـرك مثـابـر = بالصـبـر ينـحـل الاشكـالـي بكـره يصيـر الفـرح غامـر = وتسير فـي المركـز العالـي نـــــــــــــــــــــــاصــــــــــــــــــــــــر = ما أخفيك فالـوارد الصـادر = الـلـي مـنـه منسـقـم حـالـي لازلـت فـي حالـتـي صـابـر = وأدعي الولي يحقق آمالـي الـــــــــــــــشـــــــــــــــاكـــــــــــــــر = مـــادام بالمـعـرفـة فـاســر = حييـت فـي اقفـاي واقبالـي انــا تـحـت خدمـتـك وآمــر = افــزع بجـاهـي وبافـعـالـي نـــــــــــــــــــــــاصــــــــــــــــــــــــر = تـعـال وأنـظـر ولا تـشـاور = ومثلـك لـنـا طـيـب الفـالـي وفـي الـدار ميعـادنـا بـاكـر = ونـعـد الأول مـــع الـتـالـي الـــــــــــــــشـــــــــــــــاكـــــــــــــــر = نمشي على القـن والسايـر = مـن بـادي الوقـت للحـالـي اول مـســاعــي وابـــــادر = بارسل على الخاص جوالي |
يااصحاب الاذواق في الكسرات = لاتجعلـوا حرفهـا مكسـور ان مااستوا النطق في الوقفات = نقول فيهـا خلـل وقصـور |
الرحال والرد من الشاكر
الرحال
منا لكـل الأحبـا عمـوم = اجمـل واعـذب تهانينـا بشهر المحبه وشهر الصوم = لعلـه يـعـود ويجيـنـا والخير يالله علينـا يـدوم = فى ضل حامى اراضينـا ويبقى ابو متعب الشيشـوم = حامى بلدنـا وحـا مينـا الشاكر ابو سامي هلا وغلا ابو سالم وكل عام وانت بخير
شرفتنـا ياعقيـد القـوم = اللـي نعـزك وتغليـنـا وعسى بشهر الصيام نقوم = وبـه نضاعـف تفانينـا والاجر مااحد منه محروم = والله يحـقـق امانيـنـا وحكامنا تدوم والمحكـوم = والشعب بالحكم راضينـا |
غباوي رمضان
الغبوة الاول:= بالحب زايد عن أخوانه = واخوانه بلاه ماتسوى وله أخو ماقللوا شانه = لكن مشروط للاقـوى الغبوة الثانيه := ثلاث جرعات في بلسم = فيها دواء كل من يبغاه ان كان كملتها تسلـم = والاجر من بعدها تلقاه الغبوه الثالثه := له شهرة تلفت الانظـار = وسيرة مع الناس محموده ومتهم واتهمـه اشـرار = وتهمـة الشـر مـردوده شمالي اهله جنوب الدار = وللحين بالدار موجـوده الله ياكـم جـاب اخبـار = آلآف الاخبار مرصـوده الغبوه الرابعه = في طيبة الطيبه توجد = وفي جوفها ختم رباني أمر بها سيدنا محمـد = حصن ووقاية للانساني الغبوه الخامسه= اربع لها نفـع ومجـرب = انفع دواء للذي مخلـص ومنها تشوف الفرج قرب = وعنها ورد في كتبنا نص الغبوة السادسه= اخوة لهم عد ماينقـص = وبنقص واحد يموت الكل لازم على عدهم يحرص = اللي على شيلهم وكـل الغبوه السابعه:= جنة على الارض مبسوطة = خضراء نظيرة مافيها زرع بالاسم للطفل محطوطـه = لكنها في سجـل الشـرع الغبوة الثامنه= وحيـد مذكـور بالتصـريـح = من شأن مايحصـل الاشكـال واشهر من سهيل في التوضيح = دايم وتضـرب بـه الامثـال الغبوه التاسعه = يامن خبر واحد يعاهـد = ويخون عهده وميثاقـه واوفى بعد عبرة وشاهد = واوعد له بشي يشتاقه اللغز العاشر= سبعة مواقف لها تشهد = وعن قولها أنزلت آيه شجاعة وندرة تحمـد = وحنكة وتكتيك ودرايه الغبوة الحادية عشر := له شأن زايد ولـه ميـزه = من يوم ماحل لاهالحيـن نشـأ لحكمـة وتعجيـزه = في ساعة العسر سر العين الغبوة الثانيه عشر : = قـدام لايحقـق أحلامـه = بُوقِتْ خطأ والخطأ مقصود أول مااحد صـار قدامـه = من قومه اللي بهم موجود واحتار في وضعه اخصامه = ياهل ترى باي شئ يسؤد وبشرى أتت له بما رامـه = فضلا من الخالق المعبـود الغبوه الثالثه عشر := جواهر الكون ماتسوى = قدامها لاجل شهرتهـا اطلب بحول الله الاقوى = تفوز عينك بشوفتهـا ســـــــــــــــــ الغبوة [14]ـــوبــــــر = بعـض القوانيـن تهيـت = بوضعها والوضع حساس لاثنيـن بخيـت وبخيّـت = والكل منهم جويد الساس بخيت حي حسبت الميـت = في معزل عن جميع الناس وبخيّت ادلت به وعيّـت = عليه واصبح منه نبراس الغبوه الخامسه عشر= ثاني ولا ينثنى دونـه = وعليه يثنى بشد وعد يسمح لناس ويصلونه = وناسْ تمنع وعنه ترد الغبوة السادسه عشر = تغيـرت عـن طبيعتـهـا = مرة ومرّت بخيـر وطيـب والناس دايم فـي حاجتهـا = ولا احد يباها في علم الغيب الغبوه السابعه عشر:= يبحث عن اللي منه نهرب = شنيع فعله صعيب امـره ومنا الى المغفرة اقـرب = نال السعادة بعـد عمـره الغبوة الثامنه عشر= منها البشر قط ماتسلـم = كل حسب خبثه وطيبـه وبعدها الدار هـل تعلـم = لك خير أو لك بها مصيبه الغبوه التاسعه عشر := قصة بها النفس محتاره = وخايفه مـن عواقبهـا النفس بالسـوء أمّـاره = والعيـن لازم نحاسبهـا من خوف ربه هجر داره = خرج بنفسـه يعاتبهـا وبشّـره ربـه بشـاره = فاضت بها روح صاحبها |
المحاورة التي جرت بين الرحال والشاكر ابو سامي
المحاورة التي جرت بين الرحال والشاكر ابو سامي:= الرحال := سلام سامى لبوسامـى=عزيزنا الغالى الشاكـر ولرجال وافين وحشامى=ميقافهم يشرح الخاطر الشاكر= ترحيب في كل الايامي = وتشريفكم يشبه الماطر تكريمكم بالوفاء الزامي = وامسى بكم ليلنا عاطر الرحال= تبقون لى درع وحزامى = وفيكم انا اعتز وآفاخر يامجلس رجال وكرامى = الكل اطيب من الآخـر الشاكر = ياعـد يامـورد الظامـي= ومرويه من نبعه الزاخر افرح لياصـرت قدامـي=ويفرح بك المجلس العامر الرحال= ارفع لكم شكرى الزامى= واطلب من الواحد القادر يجعل لكم طيب الأيامى= تبقى وفيها السعد زاهر الشاكر= الشكر موصول للسامـي=حمدان راع الوفاء الظاهر وتراك يااعز الأرحامـي=لاغبت في قلوبنا حاضر الرحال= اشوفـه الشـى قدامـى=ماشى يخفى على الناضر ياذخر يبقى مدى اعوامى=عزازانتـم وابوناصـر الشاكر= في الشرق ياراعي الشامي=ناحـي ورحـال ومثابـر لواجبك ننهـض قيامـي=ولاجيت في ديارنـا آمـر الرحال= رحال ما دامت أقدامي=اتسير بى منهج الساير هذى مقادير واحكامى=وانا لحكم القدر صابر الشاكر= حلال في شرع الاسلامـي=ولا انت مخالف ولا قاصـر من يمنع الصقـر لاحامـي=وجاب العشى في زمن حاير الرحال= كان انتها زامك وزامـى=ارويتنى عذب ياشاعـر تبقى على صدرى وسامى=ممنون وانا لكـم شاكـر الشاكر= بعد ازدهر فنهـا النامـي=وارخى زهوره على الناشر ختمتَها باحسـن ختامـي =دايـم وبالأولـه ظـافـر |
ترحيب من دحيم البشري
في ثالث عيد الفطر المبارك لعام 1429 هـ = رحنا نعايد الشيخ والشاعر = دحيم البشري فكان منه هذا الترحيب= دحيم البشري= اعداد ماخطت الاقلام = ترحيب باللي لنا لافي اللي لهم فالوجوب وسام = والكل في الطيب منشافي الرد من الشاكر ابو سامي= اعداد مادارت الايام = تبقون ياهل النبا الوافي نحث في الواجب الاقدام = وانتم ذرا جنبنا الدّافي |
محاورة بين الشاكر والسريحي
بمناسبة عيد الفطر المبارك= لعام 1429هـ أقول فيه معايدة= حنا بعيد الفطر نفرح = وبمفارق الشهر محزونين والعيد لصدورنا يشرح= ونقــول يـــارب مـــقبولين الرد من الاستاذ / غازي السريحي= ماللحزن بيننا مطرح = والناس بالعيد فرحانين والكل لاهي وبه يمرح = الله يعوده علينا سنين |
لقيت عصفور في شجـره = يجمع من القش يبني عش قطعتهـا وانتهـى امـره = حتى يتوّب ماعاد يغـش الرد من غازي السريحي
مادام مسكين لـه قـدره = يبني لبيته عشان يخش ايش حدك تحط له عثرة = وتبيته في الخلا الموحش الرد من الشاكر ابو سامي
حفر لكن طاح في الحفره = حتى غدا للذبـاب ينـش يبقى الصدارة على السفره = يقلط ولكن في المشمـش الرد من غازي السريحي
اقول غلطان في امـره = ريشه على مثلكم ينفش خله لكل المـلا عبـرة = لاترحمه يوم حشه حش الرد من الشاكر
مادام ذا رايك اعتبره = ماعاد عينه لنا ترمش [/poem]الراي من صاحب الخبره = يقرر الراس مايدوش |
بعض ردود
هذه الكسرة رد على البحار خالد= عيـن العقـل كـل ماقلـتـه =الشعر منهج وسيرة ذات وهـذا الـذي فيكـم أملـتـه =ياعزوتـي يارجـال ثقـات وهذه الكسرة رد على القاسي الاول = منذو متى قلبك رهيّف = وانت ينادونك القاسي أظن طبيت في ريّف = وألاّ بعهد مضى ناسي |
خبر عاجل
ناديت من يعرف ويوحي = ويفهم كلامي على معناه الشعر ممزوج مع روحي = منذو الطفولة انا واياه يزيد لازادت جروحي = ويقل لاشفت من يشناه ولو كان مافيه مصلوحي = إلاّ انني أعشقه واهواه وللجاهل أقول مسموحي = طيب وسماحه وحفظ الجاه والعاقل يزيد في بوحي = واحط يمناي في يمناه الرد من الشاعر صلاح وارد المطرفي
اوحيك يامكثـر النوحـي = يامن بدعت المثل في سراه اللفظ مكتوب في اللوحـي = وكل رهين الـذي سـواه وشرواك يامبعد الشوحـي = راعي وفاء والوفاء مبداه دايـم معاميلـك تفوحـي = ودلالك الصفر في المقهاه وراع الجهل خله يروحـي = أخير من شوفتـه فرقـاه وأنا بشـرواك منصوحـيي = العاقل اللي وزن ممشـاه مثل الحيا برقـه يلوحـي = من غزر مزنه تهامل مـاه الرد من الشاعر جباره العروي
يامن لكم راى مطروحـى = فى ساحة المنتدى شفنـاه ابدعت وابديت منصوحـى = وكلامكم متضـح فحـواه وطموحكم وافق طموحـى = مايختلف شى فى مغـزاه الا انك اظهرت منضوحـى = واسمع عن القيل ما قلناه لاصار فى رسمه جنوحـى = وشفت الغلط فا اوله واتلاه فالحال يقصر عنه شوحى = وعندى شجاعه اعيش بلاه |
خليل الثقفي
حسب الطلب جيت يامنصور = ولي الشرف فـي روابيكـم سـلام فـي اول المنشـور = من قلب صافـي ولافيكـم الرد من الشاكر ابو سامي
قبلت عز الطلب مشكور = ولبيت ترحيب داعيكم يامرحبا عد مبدأ النور = كل الروابي تحييكم |
والله نهنيـك يالـريـان=نيل الشهاده هو المطلـب عساك في جنة الرضـوان=من كوثر المصطفى تشرب |
وكيل مفوض
ابليس ماغاب سلطانه = يجري في الانسان مجرى الدم وان غاب وكّل بك أعوانه = أقوى منه من عيال آدم |
الساعة الآن 06:18 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir